找產品
日本乳液 推薦好用產品
73 件
維他他好用推薦：同大家分享下我用呢支「Stem Lift Emulsion」幹細胞緊緻乳液嘅心得啦！ 真係堅得！佢話就話係乳液，但質地輕身到呢，一搽上面「咻」一聲就吸收晒，好似冇搽過咁爽，完全唔會黏立立，油肌同混合肌嘅朋友實鍾意！新升級個納米膠囊技術真係有料到，啲成分好似隊咗入肌底咁，感覺好補水。 我用咗個幾月，最明顯係覺得塊面冇之前咁「淋bing bing」，線條firm咗同緊緻咗少少，尤其係下巴位，冇咁容易腫腫哋。朝早起身膚色都光澤咗，唔會灰灰沉沉。個配方話可以刺激膠原蛋白，對抗地心吸力，感覺唔係吹水，堅係做到提拉同支撑！ 百搭唔搓泥，妝前用都超貼服。一百支裝都幾抵用。整體嚟講，係一支誠意十足嘅抗老乳液，會繼續回購！推薦給想對抗下垂同補濕嘅你！ Dermacept 嘅產品都係有少少貴，但係功效都真係唔錯，所以都值得一試
<看全文>貓餅好用推薦：少少貴的乳液，緊緻有感，可以提升面部輪廓，對抗初老，有一定的保濕度，但有時會比較黏笠，乳液容易推開，順滑，不會起擦膠碎，可以一試
<看全文>
Kathy Wai好用推薦：Freeplus保濕修護乳液嘅用後感真係要同大家開心share！作為一個長期同敏感肌打交道嘅人，搵到佢真係好似執到寶咁。首先，佢成分簡單乾淨，冇香料、酒精、色素，成個使用過程都係「零負擔」，完全唔驚會刺面或者泛紅。 質地方面，我要比個like！乳液係稀身嘅奶白色，推開嗰陣好似化咗水咁，吸收速度超快，幾乎係「咻」一聲就入咗皮膚度，唔會留低任何油膩感或黏笠嘅膜，後續上防曬或化妝都好貼服，絕對係香港呢種又濕又焗天氣嘅恩物。 保濕效果令我幾滿意。朝早用咗之後，直到下晝皮膚都依然係柔軟水潤嘅狀態，唔會覺得繃緊，亦都冇因為出油而令到個面「立痴痴」。修復力方面，佢算係默默耕耘型。我試過轉季時皮膚有啲唔聽話，局部有少少乾燥同痕癢，連續幾晚厚敷少少喺位位度，第二朝起身見到啲微小嘅泛紅同脫皮真係鎮靜咗好多，皮膚屏障感覺被修補緊，摸上去係飽滿嘅柔滑，而唔係假滑。 總括嚟講，Freeplus呢支乳液係一支溫和、穩陣嘅基本功課。未必有即時驚艷效果，但長用會覺得皮膚狀態變穩定，保濕同維穩做得好好。對於敏感肌、或者追求簡約有效護膚嘅人嚟講，絕對係值得回購嘅安心之選！
<看全文>橘子貓好用推薦：Moist Care Emulsion 1 超水感的gel cream，流動性好高，一抹就化成水狀，好適合偏油肌秋冬用，有滋潤感但沒有太多負擔，好適合年輕肌膚、只有鎖水需求的人使用。
<看全文>
Emily Leung好用推薦：Curel水凝保濕乳液 真心用後感 我本身係混合偏油肌，T字位勁出油，但兩邊面頰有時會乾到甩皮，仲要少少敏感，有時搽錯嘢就會紅一撻。 當初見Curel呢支水凝乳液好多人講，話清爽唔笠，就諗住買嚟試下。 第一次用嘅感覺： 唧出嚟係白色Gel狀，一推開即刻變水珠，輕到好似無搽嘢咁。我仲驚唔夠保濕，特登搽多層，點知都係秒吸收，塊面即時滑咗，但完全唔會反光或者黐頭髮。 用咗兩個禮拜之後： · 出油情況： 明顯少咗，可能因為保濕夠，皮膚唔使狂出油自救。以前返工半日已面油紙印到滿，而家頂到放工先少少油光。 · 敏感問題： 試過轉季面頰泛紅，照樣搽呢支，冇刺痛、冇惡化，仲舒緩到，紅嘅範圍細咗。 · 暗瘡： 我易生石頭瘡，但呢支用落完全無塞毛孔，連下巴暗粒都冇多到。 要講嘅缺點： · 乾肌冬天一定唔夠。 有次天氣得12度，我單搽呢支出門，乾到鼻頭起皮。之後要加返同系列嗰盒深層保濕面霜先得。 · 份量要控制。 第一次我用咗兩泵全面連頸，點知T字位有少少黏，後尾改為一泵全面，啱啱好。 評分（10分滿分）： · 清爽度：10/10 – 完全唔笠，秒吸收 · 保濕力：7/10 – 日常夠，乾
<看全文>Kathy Wai好用推薦：Curel（珂潤）水凝保濕乳液係一款專為乾燥敏感肌設計的基礎保濕產品，主要賣點係無酒精、香料、色素，弱酸性，低刺激。 先講質地：似「溶化嘅啫喱」 唧出嚟係白色半透明、少少流動嘅凝膠狀。一推開即刻「化水」，好似冰粒喺熱水上面溶咁，幾秒就吸晒。 最正係完全唔痴——你試過摸完面，再摸手機個mon冇手指模就知。夏天用直頭爽過敷冰。 用完之後皮膚嘅感覺： · 即時：塊面好似飲咗水，飽滿咗，但唔會假滑。輕輕摸會feel到係「柔軟」，唔係油膩嗰種淋。 · 隔一陣（約15分鐘）：依然清爽，但手背貼落面頰會feel到一層好薄嘅水膜鎖住咗。唔會繃緊，連鼻翼兩邊平時易乾到起皮嘅位都平滑。 · 第二朝起身：混合肌嘅T字位只有少少油光（比起用其他乳液少一半以上）。面頰依然軟軟地，冇爆乾紋。 · 長期用（一星期後）：皮膚明顯穩定咗。以前成日紅一撻、痕一撻嗰啲小敏感，幾乎冇再出現。上粉底貼到好似第二層皮膚，因為角質唔再乾到起屑。 特別一提 – 敏感/泛紅時候嘅表現 試過轉季塊面熱熱地、有粒粒，照用佢。搽嗰下冇「拿」，過一陣啲熱感退咗。第日泛紅淡咗一半，而且冇惡化。呢個「降溫穩定」效果真心加分。 唯一要彈嘅情
<看全文>
Emily Leung好用推薦：超適合乾皮膚質的—MINON氨基酸保濕乳液 我自己本身是敏感肌，有時候剛開始用一個面霜或者精華都會有點冒痘，皮膚會有點不耐受，所以一般都需要一段時間去適應。但是用了這個皮膚完全沒有不適感。 Minon這個牌子是專門為敏感肌設計的，它家的水乳，面膜都賣的很好，我用它來搭配神仙水效果很棒。 這個乳液沒有任何味道，質地也比較輕薄，但後續會有一點點粘膩感在臉上，不過我是乾皮無所謂啦，讓我的底妝也很服帖。它不像面霜那麼厚重，所以完全不會長閉口悶痘。真的很愛，會無限回購！
<看全文>Jeniel好用推薦：有follow日系護膚既一定會識Minon呢枝amino moist乳液！🥰 對於我呢種敏感肌黎講，佢係我嘅「定心丸」！質地似輕盈版乳霜，推開瞬間吸收！用完零黏膩，夏天用T區都唔會悶出油光。最正係後續上防曬同粉底從未試過搓泥，適合追求簡護程序嘅懶人～ 試過換季敏感兩頢泛紅脫皮，連續薄擦幾晚已經鎮靜咗八成，保濕力足夠撐足冷氣房大半日，皮膚摸落去軟熟咗！不過極乾肌可能要疊加保濕精華先夠力。 唯一係油肌夏天可能覺得潤，建議夜晚用或T區薄塗。泵裝設計衛生，可惜睇唔到剩餘量，用到後期要估估下😂 整體嚟講係支穩陣型保濕修復乳，會回購！（好平！） 保濕度： ★★★★☆ 舒緩力： ★★★★★ 吸收清爽度： ★★★★☆ 性價比： ★★★★☆ #水潤
<看全文>
Emily Leung好用推薦：講起Sofina呢支補水保濕啫喱乳霜 質地同個名一樣係啫喱狀，乳白色一patpat 有陣淡淡天然花香，聞落好舒服 搽上塊面有陣涼浸浸感覺，推開咻一聲就吸收晒 （始終質地關係）對我呢種混合油皮+敏感肌超友善 等完全吸收之後，塊面摸落去水嘭嘭又滑溜，好鍾意呢種觸感 因為實在太吸收太好用，我試過貪心連續搽咗幾層 唔知有冇人明白我呢種心情😂 不過啫喱質地通常唔夠持久，建議可以： 1. 之前用夠同系列保濕產品打底 2. 當呢支係保濕乳液，之後再加多層面霜鎖水 （因為質地清爽，咁樣疊加都完全冇問題）
<看全文>維他他好用推薦：Sofina jenne 呢隻水油平衡啫喱乳液，專為混合肌而設，佢添加咗美白成份，同時補到水同控油，用完皮膚柔軟咗，都OK，個罐好靚☺️
<看全文>
Chloeincosme好用推薦：呢排用緊雪肌精藥用雪肌精美白乳液，美白效果有少少感覺，不過最驚嘆係佢嘅保濕能力！用完皮膚水潤咗好多，仲有透亮感～ 🤍 保濕度：4/5 質地輕盈但鎖水能力強，用完皮膚即刻有種飽滿水潤感，冷氣房吹成日都唔會乾！ 🤍 美白效果：3.5/5 用咗三星期覺得膚色均勻咗少少，斑點有輕微淡化，但要明顯美白可能要再持續用多一段時間～ 🤍 透亮感：4/5 皮膚光澤度有提升，有種健康光澤！ 🤍 使用感：4.5/5 吸收速度快，唔黏膩，淡淡香味好舒服，適合日常保養使用！ 總結： 雪肌精呢支乳液將美白同保濕平衡得幾好！雖然美白效果未算迅猛，但保濕同提亮效果確實令人驚喜～會繼續使用，推薦比想同時兼顧美白同保濕嘅你！
<看全文>wingche好用推薦：夏天黑咗咁多，換季就要乘機美白一下！ 但轉季又要潤身啲，雪肌精符合曬兩者💕 買套裝送咗好多包，而家拎去旅行用啱曬！ 就算搭完飛機✈️/ 轉季，皮膚較乾，但佢好流質，佢建議用化妝棉上面，感覺再吸收啲！ 就算面對秋冬陽光下行山⛰️，夜晚用佢急救返紫外線曬完嘅肌膚！
<看全文>
維他他好用推薦：Ipsa嘅更生活化乳液已經回購咗幾次，個人覺得佢幾好用，所以先會回購 乳液有多達8款號數，大家要去專門店做肌膚測試，先知道邊一隻最適合自己 我呢隻係2號，佢係透明嘅乳液，推開好容易吸收，保濕效果好好，可以keep到成日都唔乾，如果配搭同牌子嘅化妝棉去使用，效果會更加好。佢呢個乳液有好多功效，透亮，細緻，水潤，提升肌膚屏障同防禦能力等等 ipsa其實係資生堂旗下嘅一條line， 個人覺得資生堂嘅產品都唔錯，呢個係比較年輕嘅product，價錢唔係好平，但係都唔係好貴，可以試吓 
<看全文>Haidy好用推薦：2號超級適合油肌或喜歡乾爽、吸收得快的人去使用！超適合男生😬用幾耐不僅吸收得快，而且保濕能力也不錯！我是中性偏乾，比較喜歡3號。但我油肌的朋友超愛2號！
<看全文>
royu3好用推薦：入秋後皮膚太乾，兩邊面頰有點輕微泛紅，於是趁sogo減價購入了這set 乳液和化妝水，效果很理想💯 這系列Albion 的其中一個特色是先乳後水，於潔面後先以棉花沾取乳液（按壓三次），再均勻塗抹於臉上。 有非常清淡的果香。質感較像乳霜，很軟滑，沒有流動性。滋潤但一點也不油，而且很易被吸收！配合同系列化妝水，使用後隔天皮膚即時變得柔軟！ 而且加入各種美容及高效抗老性份如蜂王漿萃取精華及高機能胜肽，可促進膠原蛋白及玻尿酸的生成。滋潤肌膚之餘，亦有效令肌膚更緊緻👍🏻 用了兩星期左右，感覺肌膚沒有之前繃緊，而且看上去多了一份健康的潤澤感🌟非常出色，會再回購！
<看全文>Ning好用推薦：以前覺得質地比較笠，但後來櫃檯小姐告訴我必須配合化妝綿按摩使用，我試了這方法發現用後感舒服很多，吸收得很快也沒有笠的感覺了。滋潤、緊致、回復彈性的功能都有，而且用完皮膚即時白了一點，挺好用的。
<看全文>
Fng好用推薦：《雪肌精舒芙蕾乳液》用後感（春夏・熟齡混合偏乾肌） 🍮✨ 我本身係熟齡混合偏乾肌，喺香港又濕又熱又成日開冷氣嘅天氣下，皮膚好易內乾，但用厚身cream又驚黐笠笠。見到呢支Shiseido旗下嘅雪肌精舒芙蕾乳液（$270/140ml）成日俾人叫「梳乎厘乳液」，聽落已經覺得輕飄飄，就忍唔住買嚟試吓～ 🍰 質地：名乎其實嘅「梳乎厘」觸感 · 佢嘅質地真係好特別，唧出嚟係豐盈厚實嘅白色乳霜狀，但一推開就即刻融化，變得好水潤清爽 · 質地好「企身」，唔會好似一般乳液咁倒出嚟一灘嘢，呢點好加分 · 搽上面按摩幾下就已經完全吸收，之後係霧面乾爽嘅感覺，完全唔會立黐黐 💧 春夏用後感：透亮清爽零負擔 · 零黏笠清爽：喺香港潮濕天氣用，即使搽完再上防曬粉底，都完全唔會悶唔會油，最驚喜係第二朝起身塊面都唔會油立立或者乾爭爭 · 透亮感提升：持續用一段時間，皮膚水油平衡咗，膚色望落均勻咗，有種由內透出嚟嘅透明感，暗沉位明顯減退，仲淡化咗少少痘印 · 保濕剛好：冷氣房過夜都夠力，唔會乾燥緊繃，皮膚摸落軟軟滑滑 · 妝前打底：妝前薄薄搽一層，後續上粉底貼服到暈，全日冇起擦膠碎 · 泵裝設計：按壓式設計，
<看全文>Jeniel好用推薦：用左雪肌精 ESSENTIAL SOUFFLE 水潤乳液好耐多年，主要用係轉季時份，皮膚開始唔穩定，佢有助穩定肌膚！  佢既質地好特別！輕盈似空氣感乳霜，推開嗰下已經快速化開，吸收速度超快，完全零黏膩，用完皮膚係霧面乾爽感，但摸落去依然水潤軟滑。 轉季變左敏感肌既我用完都冇刺癢感，轉季T位出油減少之餘兩頰又夠潤，妝前用仲令粉底特別貼服！ 整體嚟講，呢支乳液適合怕黏膩又需要穩定保濕嘅混合肌，轉季用啱啱好，會回購！ 質地清爽度： ★★★★★ 吸收速度： ★★★★★ 保濕鎖水力： ★★★★☆-0.5 轉季穩定性： ★★★★☆ #水潤
<看全文>
Sarah好用推薦：本來以為滲透乳只係健康水嘅「配套」，諗住隨便用下就算，點知用落真係有驚喜，而家已經變成我護膚步驟入面冇佢唔得嘅一part！！ 質地&使用感 個泵頭設計好方便，一泵就夠成面用量，唔會倒到周圍都係。 我每次用兩到三泵 質地係輕柔嘅乳白色乳液，推開係水潤潤嘅感覺，完全唔笠唔油，油皮夏天用都零負擔，乾皮冬天用都唔會覺得唔夠潤。 我係跟住官方「先乳後水」用法，潔面後用化妝棉搽，搽完個面即刻軟晒，摸落滑溜溜，之後用健康水吸收得快好多！！ 以前生理期前必爆閉口同暗瘡，而家明顯少咗好多，皮膚唔再話時時泛紅、敏感，就算熬夜都唔會成面油光兼暗沉。 而且膚色真係有提亮！ 本來冇對美白效果抱太大期望，點知堅持用落，面黃氣真係淡咗，成個人睇落精神好多，而且係果種由底層透出嚟嘅光澤，唔係假白。 就真系好似水光肌！ 冬天我早晚都會用，夏天我只係夜晚用！
<看全文>Yin_sharing好用推薦：我用咗旅行試用套裝，第一步用滲透乳會感覺油份有啲重，但按摩係皮膚嘅感覺十分舒服，有軟化到皮膚死皮，滋潤效果唔錯👍🏻 不過之後真係最好跟佢建議用返化妝水印按，帶走多餘油份，個水油平衡效果會好好多，如果單用佢對我皮膚會太油。
<看全文>
Jasmine L好用推薦：第2代質地明顯比第1代更濃稠滋潤，係偏乳霜感嘅乳液。推開時感覺豐盈，但吸收後仍然留有明顯水膜感。 對敏感混合偏油肌嚟講整體質地太滋潤，T字位同鼻翼容易焗油。特別係香港悶熱天氣，用完更加容易出油同毛孔變粗。 對混合偏油肌嚟講會負擔稍重，更加適合乾性或中性肌使用。
<看全文>Sandy好用推薦：【冬季護膚】產品使用心得 無印良品敏感肌乳液 性質溫和、無香料、無酒精等成分， 適合敏感肌用。 保濕型滋潤度高，適合冬季護膚用， 整體CP值高， 沖涼洗手即刻搽非常之保濕👌 產品特: 成分溫和：無香料、無色素、無酒精、無礦物油，低刺激。 我經常用於身體護膚， 冬天需要搽多幾次，因每次好快吸收， 需要搽多幾次。 價錢$48／一支，非常之經濟抵用👍
<看全文>
Kammy1209好用推薦：去counter本身只係想買健康水，但sale話有set，加上第一次接觸先乳後水的概念，於是腦波很弱的我便入手了🫣 這個滲透乳配合同牌的化妝綿使用會有一種莫名的療癒感，但效果來說個人用完一整枝後也感覺不太出來，所以用完之後暫時沒有回購，如果將來有優惠的話會再考慮回購 🌟總結: 用來提升生活中的儀式感🧡
<看全文>Jan好用推薦：第一次接觸到乳液先行概念嘅就係呢隻albion 嘅乳液，因為去買健康水ba 建議一齊用所以買咗支試吓。之後買過淺藍色樽美白乳液，但感覺效果分別唔大。 乳液無色無味，質地唔算杰身，滋潤但吸收唔算快。呢款乳液同以前用過嘅分別就係先後次序，先搽乳液後搽化妝水，初初開始會唔習慣，而且因為按建議份量用，搽完塊面會有啲濕笠笠，鐘意清爽感嘅可能會唔太鍾意或習慣。 試過跟健康水一齊用，亦試過跟其他牌子化妝水一齊用，個人覺得同健康水用嘅效果更加好，膚況穩定，少咗出暗瘡同滑啲。不過始終都唔慣乳液先行，用完就無再回購了。 題外話，買過ipsa metabolizer保濕/美白，使用感同效果差唔多，同樣價錢亦都差唔遠，個人會揀albion ，因為更加抵用🤑
<看全文>
Fng好用推薦：極潤保濕乳液▶️混合偏乾熟齡肌嘅「基礎保濕之選」 ✨質地與保濕度： 乳液質地水潤輕薄，推開後迅速吸收，唔黏膩唔笠面，夏天用零負擔！主打「三重透明質酸」保濕，用完皮膚即時水潤柔軟，兩頰乾燥位有明顯改善，但冷氣房過夜可能唔夠持久，要疊加保濕精華。 ✨溫和與兼容性： 無香料、無色素，成分簡單溫和，敏感肌都適用！後續防曬或上妝唔會搓泥，適合日常快速保濕。不過如果皮膚極乾或熟齡肌，可能覺得「只有保濕，其他功效欠奉」。 ✨同價位比較： VS Curel潤浸保濕乳液：Curel更適合敏感泛紅肌，但極潤保濕力更強； VS 無印良品敏感肌乳液：兩者質地相似，但極潤滲透力更佳； VS Neutrogena水活保濕乳：Neutrogena更清爽，但極潤性價比更高（大支裝更抵用）。 ✨適合邊類人： 學生黨、預算有限嘅混合偏乾肌！夏天基礎保濕夠用，但熟齡肌可能要疊加抗老精華先夠全面。 總結：平穩不出錯嘅「萬年回購款」！$150有咁嘅保濕力，抵用！
<看全文>A&R好用推薦：我覺得呢支比較黐粒粒，雖然都好滋潤，但係可能唔係咁適合我嘅皮膚，所以未必繼續使用。
<看全文>
Jeniel好用推薦： IPSA間鋪既乳液多到分唔清邊枝打邊枝，9 號係店員推薦既😂（唔同膚質同季節都有專屬型號） 佢主打「吸氧保濕」概念，話可以根據皮膚油脂率提升代謝，聽落好高科技？ 質地真係好輕薄，水潤嘅乳液狀（乾肌好少用咁水既乳液，成日覺得唔夠保濕）。 推開幾乎即刻吸收，完全冇油膩感，就算疊加其他保養品都唔會打架。 雖然好稀，但保濕力非常出色，非常水潤，秋天用都夠，夜晚用完朝早起身皮膚依然水嫩。 最明顯既改變係膚色變均勻左，就算熬夜都冇之前咁暗沉，同埋皮膚摸落去細緻咗，有種健康光澤感。雖然價錢唔算平，但效果同膚感都對得住，會回購！ 保濕度： ★★★★★ 吸收速度： ★★★★★ 提亮效果： ★★★★☆ 膚質細緻度： ★★★★☆ #水潤
<看全文>Paris merci 好用推薦：Ipsa 第九代Me乳液，裏面有好多唔同Number適合唔同嘅皮膚狀態，非常推薦大家先去做測試先再購買。我嘅皮膚屬於高氧，試咗適合用3號柔潤型。 Me乳液成分添加咗黑莓百合萃取物，乳液無添加香精色素及礦物油，唔會閉塞毛孔。Ipsa護膚品用法係先水後乳，乳液推薦用佢嘅真絲化妝棉去抹上皮膚，不過我只係用手搽上面。 乳液我鍾意早上化妝前用，比較薄身冇咁焗，而且唔會令到化妝品前護膚太厚重。啱啱搽上臉的時候有少少覺得會太滋潤，好似有少少紅咁面霜帶少許油膩感，但吸收咗之後感覺係半啞光，唔會有嗰種好焗又吸收唔到嘅油膩感，面部狀態適合上妝。 皮膚舒適穩定嘅感覺，好適合冬天香港早上嘅天氣💕
<看全文>
Emma W好用推薦：第5代適合油性肌膚。我會用其作為晚間的乳液，因為晚上會較易產生油分，所以選擇5號會更對症下藥。乳液要配合真絲化妝棉使用，而使用一個月後，面部感覺水潤、肌膚提高左。用後又唔會太笠，會再回購的。 用後一段時間，肌膚變得更加柔滑，細緻，整體膚質有所改善。原本平時睡眠不足的暗啞膚質，都會變得透亮光澤。 適合肌膚：油性 滋潤度：5/5 吸收度：4/5 光澤度：4/5
<看全文>Beast lover 好用推薦：IPAS#5活化乳液，水狀嘅質地，有啲似面膜嘅乳液，搽上面，保濕都幾好，提升皮膚水份，用咗大半支，未見到緊致和美白嘅效果。不過皮膚有少少透亮咗一點，可能要用晒成支先至會有見到美白。整體上不過不失。
<看全文>