IPSA

更生活化美白乳液 (配方2)

講到 IPSA 隻更生活化美白乳液，我自已都用過一排，真心覺得佢係「慢慢令你塊面冇咁黃」嗰種，唔係嗰啲一搽就白兩度嘅假嘢 質地方面，佢幾水感，推開好快吸收，夏天搽都唔會話好立，但乾肌朋友冬天可能要搽多層或者轉滋潤啲嘅版本先夠。 美白效果呢，我覺得最明顯係均勻膚色，朝早起身塊面冇咁暗啞，但淡斑就真係因人而異，唔好期望太高。保濕度就中性至混合肌啱啱好，油肌夏天都接受到，乾肌就可能覺得爭啲。 用法方面，官方話用化妝棉按三泵，喺爽膚水之後搽。我自己試過用手同用棉，覺得用棉係均勻啲，冇咁快出油。 不過缺點都有嘅，價錢唔平，有啲版本酒精味都幾明顯，敏感肌真係要試清楚先好買。

Ipsa嘅更生活化乳液已經回購咗幾次，個人覺得佢幾好用，所以先會回購 乳液有多達8款號數，大家要去專門店做肌膚測試，先知道邊一隻最適合自己 我呢隻係2號，佢係透明嘅乳液，推開好容易吸收，保濕效果好好，可以keep到成日都唔乾，如果配搭同牌子嘅化妝棉去使用，效果會更加好。佢呢個乳液有好多功效，透亮，細緻，水潤，提升肌膚屏障同防禦能力等等 ipsa其實係資生堂旗下嘅一條line， 個人覺得資生堂嘅產品都唔錯，呢個係比較年輕嘅product，價錢唔係好平，但係都唔係好貴，可以試吓 

2號超級適合油肌或喜歡乾爽、吸收得快的人去使用！超適合男生😬用幾耐不僅吸收得快，而且保濕能力也不錯！我是中性偏乾，比較喜歡3號。但我油肌的朋友超愛2號！

ME乳液有好多個號碼，跟據皮膚油脂與含氧量細分為8種，通常要到門市做皮膚測試先知道邊款ME乳液適合皮膚，而呢支是2號（油性缺水高氧）。 質地是透明乳液狀，都有流動性，保濕度高，只是用的時候要配合化妝棉，塗抹按壓，會比起直接塗感覺吸收得好啲。 效用方面，ME乳液的原理是提氧滋潤，三種主要功效之中（保濕、美白、緊緻透亮），保濕功效最明顯，都有少少提亮，但緊緻方面就沒有太大感覺。

呢支我大學用到而家，都已經用左9年 用佢會令到皮膚狀態比較穩定 唔會有粒粒暗瘡個d 同埋記得一定要配合埋化妝棉！ 照咁用手搽效果會差少少 仲有提一提大家 佢係可以買refill 如果用完一支覺得適合 可以去專櫃買refill版轉返個按頭就可以🫶 P.S. 香港呢一，兩年天氣變化太大 如果皮膚有轉變記得去專櫃做測試洗唔洗轉清爽啲/滋潤啲 (我用過3號 最後都係揀返2號最適合我皮膚) #我的崇光感謝祭必買乳液

本身就是混合偏乾肌, 用了一段時間後感覺非常不錯,不僅質地溫和清爽不油膩, 是我喜歡的膚感, 而且很容易吸收, 美白效果顯著，佢喺均勻膚色上，十分顯著， 嘴角暗沉 有改善，淡斑就一般，響我臉上色斑仍然 keep住喺度。以後還會繼續回購的， 適合夏天使用。 #美白

IPSA更生活化乳液係IPSA皇牌貨，我用緊嘅係8號更新活化乳液，每次都跟BA教導泵三下落化妝棉，然後塗抹於臉上，用後感覺皮膚滋潤又有光澤。 而且趁著每次崇光感謝祭都會大手入貨，今次亦不例外，更加抵嘅係買指定套裝或滿指定金額會送貨裝乳液，真係抵上加抵！ #我的崇光感謝祭必買乳液

因為聽講呢枝乳液好用，所以入手試試佢！順順利利地空瓶後嘅感覺係：未必可以錦上添花，但可以雪中送炭。喺肌膚狀態唔好時用佢，應該會feel到皮膚健康左，但如果本身肌膚OK, 應該會無咩 feel…?

它質地呈白色乳液狀，質感柔滑易推，每次用只需泵3下係化妝棉上就可塗抹全面及頸，用完肌膚會感保濕滋潤，唔會好lup, 但美白效果唔算明顯，不過一支有排用。

🌱轉季加上日日長時間戴住口罩，唔止焗到人都抖唔到氣，就連肌膚都搞到皮膚缺水、冒油出痘，全靠 IPSA 呢支 #ME小奶瓶 🍼, 幫我掃去暗沉乾燥。 會一直keep 住用#ME乳液 ，幫我做到💧保濕、美白、緊緻，重整肌膚細胞代謝，將肌膚問題統統KO，回復肌膚水潤細緻。

用完有輕微美白，給予肌膚滋潤，而且質感好溫和，配合同品牌化妝棉用，效果更好

一枝份量都幾大 用左三分一都有感佢一d暗啞地方會消得快 同埋柔潤效果唔錯

滋潤度唔錯 質地都好高流動性 係面上好易推開同吸收 用完一排 素顏係少左暗啞地方

第一次用嘅時候冇用化妝棉，所以覺得超級唔好用，之後用化妝棉抹上面就好好多，估唔到用化妝棉會令皮膚更容易吸收👍🏻

使用過後肌膚變得透亮白嫩 還可以加強在暗沉處或痘疤 肌膚乾燥我會加強在臉頰處

失望，佢入面油脂比較多，吸收得慢，用完帶口罩出街好容易生暗瘡粉刺，但系見到有提亮去暗沉效果嘅

一直以為自己係油性皮膚，成日起身塊臉都油淰淰，點知係ipsa 做左skin test 之後先知自己原來乾到離曬大譜，皮脂分泌能力50分入面，我得4分😂😂😂， 完全唔知自己乾到甘。 ba 姐姐介紹用4號，用左一排真係覺得皮膚柔軟左，美白效果唔明顯，但起身塊面唔會油淰淰，皮膚穩定左，會繼續再用

只可以用棉花搽，效果不過不失，有長期用成set ipsa，皮膚係潤咗，但暗瘡同暗粒都多咗⋯⋯

要配合化妝棉搽，如果唔係會有少少油，美白效果冇乜，有酒精酒糟肌慎用。

跟佢方法用化妝綿上，對乾性皮膚嚟講唔夠滋潤度