SOFINA Jenne 好用推薦產品

kat好用推薦：上月去日本旅行， 很多時間停留在室外，但覺得冬季陽光不怎樣猛烈，所以防曬就只塗臉。 結果有塗防曬的臉幸保不失 ; 沒塗防曬的手變 得又乾又黑 , 手背和手掌是2截色 。 這款50度 防曬救了我臉的小命。 最重要的是它不黏稠，對皮膚沒負擔。

Fng好用推薦：防曬糸數夠高，容易推匀，不會泛白， 同埋質感就清爽，之後上底妝唔會同粉底打交， 控油能力亦好好。

Emily Leung好用推薦：講起Sofina呢支補水保濕啫喱乳霜 質地同個名一樣係啫喱狀，乳白色一patpat 有陣淡淡天然花香，聞落好舒服 搽上塊面有陣涼浸浸感覺，推開咻一聲就吸收晒 （始終質地關係）對我呢種混合油皮+敏感肌超友善 等完全吸收之後，塊面摸落去水嘭嘭又滑溜，好鍾意呢種觸感 因為實在太吸收太好用，我試過貪心連續搽咗幾層 唔知有冇人明白我呢種心情😂 不過啫喱質地通常唔夠持久，建議可以： 1. 之前用夠同系列保濕產品打底 2. 當呢支係保濕乳液，之後再加多層面霜鎖水 （因為質地清爽，咁樣疊加都完全冇問題）

維他他好用推薦：Sofina jenne 呢隻水油平衡啫喱乳液，專為混合肌而設，佢添加咗美白成份，同時補到水同控油，用完皮膚柔軟咗，都OK，個罐好靚☺️

Fng好用推薦：Sofina Jenne 水油平衡美白防曬乳液▶️質地似輕爽乳液，推開後瞬間啞緻，仲有微微潤色效果，黃調肌用無泛白，後續直接撲碎粉就可以出門，懶人恩物✨ 控油力對混合偏乾肌來講剛剛好——T位keep到3-4小時乾爽，面珠墩又唔會抽乾繃緊。防曬系數SPF50+ PA+++足夠日常通勤，試過30℃戶外活動2小時無曬黑，但流汗後需要補搽（輕微有白痕）。 持久度中上，冷氣房內可維持半日，出油後無斑駁但光澤感會增加。百幾蚊有提亮+防曬+控油三合一，性價比超高！ 推薦給：✔️ 混合偏乾肌找平價多功能防曬 ✔️ 黃肌怕泛白 ✔️ 短時間戶活動需求！

dor.r好用推薦：Sofina防曬係我嘅必備妝品之一，一定要有一兩支存貨先安心😂用咗好多年空瓶過無數次，不過近來買咗好多新嘢所以有時都會離棄下佢😜呢支係化學性防曬，質地係液體狀，好容易推，我自己用大概5毫子的份量就夠搽全面，好薄好清爽，唔會泛白，又唔會焗住毛孔出粉刺，油性同混合性皮膚多數都會鍾意呢種冇負擔感覺，不過壞處係佢有陣化學味，呢度扣少少分🤏至於防曬功效都唔錯，試過搽咗佢去行山都冇曬黑，整體而言都做到預期嘅功效👍🏻不過美白功效就唔係好見到😝

劉肥貓好用推薦：無論係濕敷或拍上面效果 保濕滋潤度還可以 混合性偏油皮膚或喜歡清爽嘅朋友適合用

Karman28好用推薦：唔知點解sofina 咁多條line，但呢條line 我都幾鐘意，呢支爽膚水幾清爽。

Noel好用推薦：Sofina Jenne 系列我很推介，價格比較親民，而產品質素也得有保證❗這罐美白保濕霜是淺藍色蓋款，乳白色，啫喱霜質感，塗到皮膚比較 light 易吸收，沒有美白產品的焗促感覺👍 另外，也很適合用作化妝前的保濕霜，令皮膚滋潤，底妝更持久。不過美白效果一般，更推薦白盒那款，因為質感相近，價格更便宜😆

brentbb好用推薦：呢款保濕乳液質地呈gel cream 狀，水潤易吸收，好啱香港夏天用，早上作妝前保濕唔會同防曬/粉底打交起擦紙膠粒，滋潤程度啱啱好唔會加快出油溶妝。 炎熱既夜晚亦都用得，吸收之後等幾十秒已經唔黏笠，唔怕黐枕頭。 總括嚟講性價比高，用完唔會生粒粒，份量唔駛用好多，呢樽由12月尾用到而家大概3個月～

維他他好用推薦：不屬於乾爽的toner 搽完有啲保濕液喺面到，要等佢慢慢吸收，有少少黏黏地，所以佢高保濕係真嘅，但係就唔夠乾爽 夏天可能會笠咗啲，冬天同秋天用會比較好  美白方面暫時見唔到成效

natanatalie好用推薦：非常清爽，有基本護理效果，適合膚質比較好/年紀輕的妹妹，主要係調整油脂，基本保濕，不會致敏。

Noel好用推薦：個人超推介的 jenne 卸妝液，除了價格稍貴之外，個人挺推薦的❗初次接觸，於@cosme 店舖試用過很多彩妝，就找來了 jenne 卸妝液試試，結果很喜歡👍 這個卸妝液是透明無色的，流動性頗高，帶淡淡的香味，質感就像卸妝油，不過感覺絕不油膩👍 比較用棉花卸妝，我更喜歡直接用雙手去塗抹，並輕輕按摩。粉底，唇膏及眼影都能輕易帶走，而 mascara 就約能卸掉60%，需要眼唇卸妝液補助👌 本人皮膚超乾，這枝令我感覺驚喜，用了就枝卸妝液，卸妝後都不會覺得乾燥，又沒有崩緊❣雖然單價比較貴，但個人秋冬季會轉用這枝~