Curél

水凝保濕乳液

Curel（珂潤）水凝保濕乳液係一款專為乾燥敏感肌設計的基礎保濕產品，主要賣點係無酒精、香料、色素，弱酸性，低刺激。 先講質地：似「溶化嘅啫喱」 唧出嚟係白色半透明、少少流動嘅凝膠狀。一推開即刻「化水」，好似冰粒喺熱水上面溶咁，幾秒就吸晒。 最正係完全唔痴——你試過摸完面，再摸手機個mon冇手指模就知。夏天用直頭爽過敷冰。 用完之後皮膚嘅感覺： · 即時：塊面好似飲咗水，飽滿咗，但唔會假滑。輕輕摸會feel到係「柔軟」，唔係油膩嗰種淋。 · 隔一陣（約15分鐘）：依然清爽，但手背貼落面頰會feel到一層好薄嘅水膜鎖住咗。唔會繃緊，連鼻翼兩邊平時易乾到起皮嘅位都平滑。 · 第二朝起身：混合肌嘅T字位只有少少油光（比起用其他乳液少一半以上）。面頰依然軟軟地，冇爆乾紋。 · 長期用（一星期後）：皮膚明顯穩定咗。以前成日紅一撻、痕一撻嗰啲小敏感，幾乎冇再出現。上粉底貼到好似第二層皮膚，因為角質唔再乾到起屑。 特別一提 – 敏感/泛紅時候嘅表現 試過轉季塊面熱熱地、有粒粒，照用佢。搽嗰下冇「拿」，過一陣啲熱感退咗。第日泛紅淡咗一半，而且冇惡化。呢個「降溫穩定」效果真心加分。 唯一要彈嘅情

Curel 潤浸保濕乳液 - 敏感乾肌嘅「簡簡單單」救星？ 最近轉季，塊面又開始痕痕乾乾，搞到我心煩。聽講日本嘅 Curel 系列專為敏感肌而設，於是就試咗佢支皇牌「潤浸保濕乳液」（佢有分I, II, III號，我試嘅係最清爽嘅I號）。用咗兩個星期，同大家分享下真實用後感！ ✨ 質地同使用感： 一泵出嚟，係好似牛奶咁嘅稀身乳液，流動性幾高。搽上面嗰陣好水，推開嘅過程已經feel到好潤澤，但絕對唔係黐立立嗰種。吸收速度中等，輕輕按摩多幾下就入晒皮膚，之後摸落去係好軟滑，有層好薄嘅保濕膜喺面頭，但唔會焗身。對於我哋呢啲怕油膩嘅廣東天氣來講，呢個質地真係好加分！ 💧 保濕力到底夠唔夠？ 我嘅皮膚係兩頰偏乾，T字位少少油。用佢之後，最明顯係洗完面後嘅繃緊感即刻消失。佢嘅保濕效果屬於「細水長流」型，唔會一搽就勁潤，但會幫你長時間保持肌膚水潤。朝早用完，到下晝皮膚都依然保持住柔軟狀態，冇因為喺冷氣房而抽乾水。如果係極乾嘅朋友，可能會覺得要加返隻潤啲嘅面霜先夠力。 🌿 成分同溫和度： 呢一點係Curel嘅賣點！冇香料、冇色素，用落真係零刺激，我皮膚有少少敏感嗰陣用，都完全冇刺痛或者泛紅。佢加入

Curel這款lotion milk嘅質地係牛奶流質質地，完全係一種水狀，一啲都唔黏立。而且好容易推開，唔會有任何負擔或者油膩感覺💧 使用完之後皮膚會變得好柔滑幼嫩，而且乳液上面之後吸收得好快，即時感覺到皮膚充滿水份，就算之後再搽防曬都唔會有任何影響。佢冇任何香料味道，任何皮膚都啱用，可以話係非常溫和嘅乳液。如果春夏夏天單用啱用，但係而家轉季就要加埋cream先至夠潤。所以冬天嚟講作為一支打底嘅乳液係岩啲。 依支乳液嘅感覺比我係非常穩陣，完全唔會出錯，同時可以作任何配搭，一年四季都啱用。我係喺前排萬寧八八折嘅時候買，計落100多元咋。

轉季必買的輕盈乳液👻 這一款乳液質地非常輕盈，清爽和不黏立，很適合偏柔和混合性肌膚的女生再轉季的時候使用。🥰 最近的天氣忽冷忽熱，濕度也忽高忽低，我的皮膚也起了不少紅點和粒粒，而這款乳液就有舒緩和靖靖功效，能夠為肌膚提供適當的保濕之餘，但又不會令肌膚造成負擔，肌膚會變得穩定和不易敏感。😎

🍂乾敏皮救星｜秋冬都可以水嘟嘟～ 一到秋冬唔單止塊面乾到繃 連身都乾到痕癢甩皮 尤其係我哋呢啲乾敏皮 真係又乾又痕又甩皮屑😫 好彩比我搵到Curel潤浸保濕乳液 成個秋冬就靠佢救咗我～✨ 佢質地超流動 一推就化水 搽上身清爽唔黏立立 吸收得快 抹完一陣就可以著睡衣 完全唔驚黐立立👚 最令我心動係 佢同其他身體乳好唔同！ 之前用開嗰啲得即刻保濕 一陣間又打回原形 完全冇效 唔知姊妹們有冇同感？！ 但Curel完全冇呢個問題💪 因為佢持久保濕真係太勁 我特登查咗佢成分🔍 首先有Curel必加嘅「神經酰胺功能成分」 從根源解決皮膚乾燥問題 可以修復保濕屏障 提升皮膚防護力 再加埋藍桉葉提取物 促進皮膚自己製造神經酰胺 令皮膚長時間保持水潤～💦 而且佢溫和弱酸性 零香料零色素零酒精 真係喊出嚟！Curel真係好為敏肌諗啊😭 唔衝真係對唔住自己！尤其係敏感肌姊妹～

curel呢支乳液我叫佢「白滑小幫手」，真係搽完成塊面好柔滑！啫喱＋乳液質地中間嗰種，水感重又唔會黏，乾肌用都夠力，油肌應該都ok。吸收得快，唔會同你張枕頭一齊share，朝早妝前搽又唔會打架。冇香料冇酒精，好啱敏感肌朋友用。Overall，係一支「無雷穩陣」型乳液。

雖然佢嘅面霜好好用，不過冬天真係唔係好夠保濕 所以呢喺啲特別乾嘅日子，搽面霜之前我會加埋呢個乳液，用完之後，我就覺得啱啱好，同埋佢吸收得好快，好快塊面就回復光澤，同埋感覺有修補嘅作用，第二日會少咗泛紅。 次序係化妝水/精華> 乳液 >面霜 一開始我都唔知乳液係乜嘢，我以為係比較液體版嘅乳霜，但係後尾上網睇咗之後發現原來佢唔係俾我單獨用嘅。後尾上網睇咗因為化妝水同精華嘅成份都係水比較多，所以用完之後要搽乳液去防止水份喺比皮膚吸收晒之前蒸發走。 因為乳液含有小量油分，所以就可以幫我哋做好呢個鎖實嘅功能。 因為我嘅皮膚比較乾，所以唔能夠單獨使用用乳液，但係一啲皮膚冇咁乾嘅人，可以選擇夏天用乳液，冬天用乳霜。

Curel品牌適合敏感肌，沒有添加劑，令肌膚感到舒適。 依款乳液質地輕薄又清爽，流質感似牛奶柔滑，沒有油膩感。塗抹時滑順易推，吸收都非常迅速。雖然質地流質，但用完之後皮膚好舒適，皮膚出現泛紅、刺痛或脫皮的情況都可以感受到修復。 每次用嘅都需要大概3至4泵，不過冬天嘅情況要下用埋佢嘅Curel cream，咁就先至會有足夠嘅滋潤度。兩款一齊混合用，修復效果最好。

依款防敏感乳液，清爽保濕，連我係混合性皮膚都啱用，夏天都唔錯，不過有機會冬天唔太夠保濕，但性價比高，大大支

Curel 水凝保濕乳液對於依家秋冬天氣嚟講，絕對係一件唔錯嘅乳液選擇。 乳液質地輕盈，容易吸收，一搽上去感覺到有水分飽滿嘅感覺。加上佢主打敏感肌，可以舒緩乾裂嘅皮膚，可以秋冬天時使用。 #秋冬護膚神隊友

Curel 三件優惠套其中一件～ 一如其名Face moisture milk，質地非常流質像牛奶😂 貫徹Curel品牌無香味配方，令敏感肌安心使用😊 辦公室冷氣長開，肌膚容易乾燥痕癢，會放在枱頭隨時備用，每次按一至兩泵，感覺配合保濕噴霧使用會吸收得更好👍

Curél主打敏感肌的0️⃣香料0️⃣色素，本身就是敏感肌加上臉非常容易出油，所以就買它來試試，果然有驚喜！ 乳液是流動性高乳白色質地，上臉很容易推開，也非常好吸收，就算夏天使用臉上也沒有油膩感👍🏻 通常用於換季時皮膚泛紅、刺痛、脫皮，每次用完後效果都立即見效，皮膚馬上得到修復和維持滋潤🫶🏻即刻推薦

質地非常之水嘅乳液，好容易吸收，油性敏感皮膚皮膚呢就覺得春夏夏天用保濕度好足夠

夏天基本上都會用佢嚟做保濕面霜，質感好似牛奶咁樣，搽上面都好容易吸收，同埋感覺都好清爽，而且保濕效果嚟講，夏天都好夠用 如果嗰晚開冷氣的話，都唔會搞到第二日塊面好乾或者個鼻甩皮，我會專登喺啲比較乾嘅位置再查多一層滋潤，同埋佢同其他精華液或者有功能嘅產品都相處得好好，基本上冇出現過有擦子膠粒呢個問題

日本銷量No.1敏感肌膚品牌Curél 蘊含「潤浸保濕Ceramide功能成分」及「桉樹精華」 我本身皮膚比較敏感及乾燥，此產品質地不黏稠但水潤度高，舒緩敏感帶來刺激，對我來講春夏使用很合適，秋冬使用會配合更高補濕精華，對於混合性皮膚者四季都合適日霜

性價比高，敏感乾燥肌適用 質地水潤不黏笠，而且容易被皮膚吸收，有效改善皮膚乾燥的問題，令肌膚保持濕潤 有助提高肌膚自我防禦能力，減少因外來刺激而導致的皮膚問題 一年四季肌膚都適用

呢款保濕乳液質地係乳狀嘅液體，但搽上面之後卻出奇地滋潤，因為日本銷量No.1敏感肌膚品牌Curél蘊含「潤浸保濕Ceramide功能成分」及「桉樹精華」，所以連我呢啲敏感性肌膚嘅人用都好適合！

牌子本身主打三無，敏感皮膚都岩用 以前淨係用唇膏，因為我唇部易敏感 今年夏天就買左乳液試試 冇特別香味，搽試面後feel到保濕 又唔笠 岩晒日頭出街用，唔會過分出油 但秋冬天用 就會唔夠滋潤

Curel 品牌穩打穩札，主打低敏及保濕，這枝乳液也做到這兩個基本的要求。乳液呈白色，流動性中至高，塗到面上有滋潤感覺，並很快變清爽❗沒有酒精，沒有香料👌 坦白而言，對乾肌朋友，潤澤感真的不足，沒有持續保濕效果。最後用它當成 body lotion，好快些用完。

清爽唔黏立,夏天用啱啱好好，皮膚唔會好黏，秋冬用保濕力略嫌不足。