Curél

水凝保濕乳液

雖然佢嘅面霜好好用，不過冬天真係唔係好夠保濕

所以呢喺啲特別乾嘅日子，搽面霜之前我會加埋呢個乳液，用完之後，我就覺得啱啱好，同埋佢吸收得好快，好快塊面就回復光澤，同埋感覺有修補嘅作用，第二日會少咗泛紅。

次序係 化妝水/精華> 乳液 >面霜

一開始我都唔知乳液係乜嘢，我以為係比較液體版嘅乳霜，但係後尾上網睇咗之後發現原來佢唔係俾我單獨用嘅。後尾上網睇咗因為化妝水同精華嘅成份都係水比較多，所以用完之後要搽乳液去防止水份喺比皮膚吸收晒之前蒸發走。
因為乳液含有小量油分， 所以就可以幫我哋做好呢個鎖實嘅功能。



因為我嘅皮膚比較乾，所以唔能夠單獨使用用乳液，但係一啲皮膚冇咁乾嘅人，可以選擇夏天用乳液，冬天用乳霜。