CeraVe

長效保濕修復乳

之前因為試咗呢個牌子嘅長效滋潤修復霜， 而屋企人嘅濕疹好咗，因為我自己都係乾性皮膚，所以都想試吓佢其他產品。

所以今次就試咗呢個長效保濕修復乳。
佢嘅質地比較水狀，我張上手圖係打側咗隻手，而我影嘅時候佢已經開始有向下流。所以呢搽上面嘅時候係好容易推開 ，而且吸收都吸收得好快！

聞落冇咩味， 唔刺激皮膚
我係超級乾性皮膚，用咗一個禮拜之後都冇出現甩皮或者乾到塊面痛嘅感覺。以前曾經用過Kiehl’s或者其他牌子，冬天嘅時候有時都會乾到塊面有少少痛，所以我覺得佢嘅保濕效果都幾強。同埋佢吸收得好快，搽完之後化妝 都唔會擦膠碎。