滋潤 推薦好用產品

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Lydia好用推薦：CeraVe Moisturising Cream 長效滋潤修復霜 — 乾肌救星，但油痘肌要留心✨ 質地： 呢款面霜嘅質地偏厚身，好似雪糕咁， 雖然望落好濃稠，但推開之後其實比想像中順滑。 擦完之後皮膚會有一層薄薄嘅保護膜感， 保濕力好持久，對於容易乾燥、甩皮嘅位置， 即時滋潤效果好顯著。 效果： 如果係天氣凍或者轉季，皮膚乾到發紅、甚至有啲痕嘅時候，用佢嚟厚敷或者當晚霜真係幾舒服， 可以好快令皮膚穩定返，唔再覺得繃繃緊。 而且佢無乜香味，成分感覺幾簡單直接， 用喺身體乾裂嘅地方（例如腳踭、手肘）效果都好理想。 缺點： 不過對我呢類間中會生暗瘡嘅皮膚嚟講， 呢款 Cream 嘅密封感可能強咗少少。 如果喺濕熱天氣或者爆瘡期間用， 會覺得透氣度一般，有時甚至覺得稍微塞毛孔， 令暗瘡好似謝得慢咗。 所以我覺得佢比較適合純粹乾性、或者受損緊嘅皮膚，油痘肌建議局部用喺乾位就好。 總結：乾燥天必備嘅穩定型面霜，性價比高 CeraVe 呢款修復霜係平價大碗之選， 針對乾癢同補水真係好稱職， 只要避開爆瘡位置或者揀啱天氣用， 算係屋企常備嘅一支「安心霜」✨

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Emily Leung好用推薦：這款植村秀琥珀山茶花卸妝油，是品牌的貴婦級人氣產品。 👍 優點： · 頂級養膚膚感：質地豐潤但流動性高，遇水乳化極快、無油膜感。洗後肌膚柔軟嫩滑，像做了保養，完全不會緊繃乾澀。 · 全臉可用：無論是濃厚眼妝還是底妝，都能迅速溶解，且不糊眼睛。 · 療癒香氣：帶有高級沉穩的山茶花精油香，能舒緩壓力。 👎 缺點： · 價格偏高：單價不便宜。 · 膚質限制：極度油性肌膚在夏天使用可能會覺得過於滋潤。 🎯 適合對象： 適合乾性、中性、混合偏乾肌，或是追求奢華卸妝保養體驗的人。 一句總結： 除了貴，幾乎零負評的頂級卸妝油。膚感和保濕度一流，能讓洗臉變成一種享受。

Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

Hellobeauty 好用推薦：KATE 怪獸級持色唇膏係我回購咗好幾次嘅唇膏產品,而我情有獨鍾03號暖陽奶茶色 我絕對認同呢個產品係好保濕,好顯色；我平時鍾意查一層營造有色潤唇膏嘅效果,喺無化妝嘅時候,只塗一層已經可以提升氣息,同時又唔會誇張唇色成為焦點,低調地令自己開心啲 而且我感受到佢嘅保濕技術,令到我本身偏乾嘅唇,突顯脫皮嘅情況,只會出現持久水光感的感覺 溫馨提示:因為佢係極水潤嘅唇膏,呢個絕對係佢嘅賣點,所以我從來唔會用其他唇部產品疊查上去,否則我覺得太浪費佢功用啦😂

Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺

YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。

Lindabb好用推薦：真愛碎粉，Laura Mercier 經典碎粉 最初係上網見到勁多好評，就去買咗個細罐裝。當時已經覺得好好用，之後陸陸續續用過唔少碎粉，Givenchy、Nars、Make Up For Ever 等等，兜兜轉轉又用返佢，依然覺得佢係我秋冬嘅本命碎粉。 我本身冬天混乾，夏天混油，通常會喺秋冬天氣用佢。佢本身係唔跟粉撲嘅，我自己喺淘寶買咗個放落去，啱啱好。佢真係超級保濕，完全唔使擔心會抽乾水份嗰種，上面同粉底液融合得好好，有隱藏毛孔嘅效果，會顯得皮膚本身就好乾淨咁。我本身抗痘多年，塊面有唔少凹凸不平嘅痘坑，對個妝嘅要求就係要啞緻乾淨，佢完全可以滿足到我嘅需要。 之前一路覺得佢控油力爭少少，唔會喺大熱天時用佢。今年手頭嗰盒碎粉啱好用晒，未趕得切買新嘅，攞起佢用咗幾日，意外發現控油力都唔錯，夏尾夏初都頂得住。勁爆汗嘅大熱天我仲未試過，通常會轉用控油效果再好啲嘅款。其他季節對我嚟講都係超完美～

Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Emily Leung好用推薦： 用一次愛一次的面霜！！！ 全網誇它是“乾皮親媽”，但刷到好多吐槽悶痘、刺痛的筆記，糾結了很久不敢下手！直到某天試了朋友的小樣，發現對我來說還是很有用的！ 質地驚喜！冰淇淋乳霜感，抹開瞬間化水！吸收超快，不黏頭髮不沾枕頭。 冬天乾燥的時候，早晚薄塗，一整天臉都軟乎乎的！鼻翼不起皮，保濕力封神！ 急救大招：爆皮嚴重，厚敷當睡眠面膜，第二天面部狀態直接回春。 對油皮來說，剛塗完略反光，但5分鐘後變啞光，混油姐妹秋冬可試，夏天還是謹慎使用！ 優點：保濕天花板，妝前神器，乾皮秋冬救命草！ 缺點：成分含水楊酸，可能會不耐受！

Kelvin好用推薦：Olay 水光小白瓶成日賣廣告，呢排萬寧有set裝+88折，值得入手試一試。 精華液係滴管狀，較為衛生。乳白色透明質地，容易推開都幾快吸收，偏向乳液質地，屬於較為清爽嘅精華液。精華液有少少香味，不過Olay嘅精華全部都有香料味。 推開之後皮膚好快吸收晒，夏天嚟講有保濕夠既。我感覺佢嘅功效係滋潤咗你嘅皮膚，而令到皮膚有水份嘅光澤感，感覺用完喺顴骨位有啲明顯嘅斑點好似減弱咗。 如果係好似我夜瞓嘅人，又比較鍾意用簡單查一支嘢就夠，可以買嚟用，保濕得來可以有美白效果☺️

Emily Leung好用推薦：白到發光的Olay光感小白瓶 本人膚質夏天混油，冬天混乾，換季臉頰容易敏感 💜外觀：帶珠光的玻璃瓶，滴管頭是按壓的，顏值高 💜質地：輕薄的精華質地，不透明泛白帶微微光澤，相當水潤，一點不黏膩，上臉很快吸收，有保濕感 💜香味：有淡淡的花香，使用感不錯 💜效果：堅持用一段時間後，感覺整體膚色有提亮，而且臉摸起來軟軟。皮膚質感有變好，變得光澤有通透感，素顏都顯得精神了不少。

Fng好用推薦：OLAY 第五代超紅瓶面霜｜ 混合偏乾肌的冬日勝肽抗老之選✨ OLAY呢罐第五代超紅瓶，絕對係近期開架抗老面霜嘅CP值頂流！尤其係新升級嘅勝肽配方，喺乾燥嘅香港冬天，為混合偏乾肌帶嚟驚喜💫 🧬 成分亮點解析 新一代超紅瓶最大突破係加入「蛋白網重構科技」，搭配7重王牌勝肽組合，包括類肉毒肽（乙酰六肽-8）阻擋動態紋、信號肽刺激膠原增生。仲有5%高純度煙酰胺（維他命B3），抗氧提亮同時鞏固肌底膠原。最驚喜係加入南法白鑽松露，將修護力拉滿，成分直逼貴婦級配置。 🍦 質地與膚感 呢罐面霜有分滋潤版同輕潤版，混合偏乾肌喺冬天用滋潤版就啱啱好！質地似軟滑乳酪，推開瞬間化成水膜，吸收快得嚟零黏膩。潤而不油，上臉後有種緊緻感，後續上粉底唔搓泥，連鼻翼兩邊都唔會卡粉。 ❄️ 冬日實測紀錄 ▸ 保濕力：有混乾皮用家實測，喺冷氣房或乾燥環境下，保濕效果可以撐足8小時，面珠墩無繃緊，T位亦唔會泛油光 ▸ 緊緻效果：用咗兩個星期，法令紋變淺、蘋果肌嘭起，下顎線都明顯清晰咗，素顏出街都被問係咪做咗醫美 ▸ 妝前急救：厚敷3分鐘再上妝，粉底貼服到好似第二層肌膚，全日唔卡粉 ⚠️ 使用注意 雖然滋潤版對混合偏

Paris merci 好用推薦：OLAY推出新嘅滋潤版紅金面霜，質地比之前soft cream更為滋潤，主打「塗抹式類肉毒肽」。 面霜質地輕盈而柔滑，搽完之後有一種好舒緩嘅覆蓋感，不會覺得厚重。面霜容易推開，用完之後面部皮膚即刻有種柔軟同飽滿嘅質感。 呢款滋潤版更適合乾性皮膚或者老化皮膚。如果皮膚有甩皮用呢款可以修復得更加快。混合性皮膚用返Soft cream會比較好。 用呢款面霜最好夜晚用，而且可以以份量取多按摩，有助拉jawline，下巴線條變得明顯。整體肌膚更加有光澤，特別是嘴角位置，看起來緊緻平滑，冇咁顯老。 以Olay 萬寧開架牌子嚟講，做到呢個效果整體都算好優秀，可以說是推薦購買的面霜💕 #火熱新品

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Emily Leung好用推薦：💧無限回購的溫和卸妝神器！💧 今天我要給大家安利一款我無限回購的卸妝水🌟 這款卸妝水真的是我的心頭好，已經不知道用空多少瓶了！它超級溫和，完全不刺激皮膚，連眼睛都不會感到刺痛，簡直是敏感肌的福音！👀 日常淡妝，一張可卸全臉輕輕鬆松。是我用第二張卸妝棉的情況，已經沒啥可卸了。是我卸完直接用清水洗完臉的，沒用潔面泡沫，也很乾淨清爽。 唯一的小缺點就是卸不掉防水睫毛膏，但我幾乎不塗防水睫毛膏，所以完全不影響我對它的喜愛！而且它沒有難聞的氣味，使用起來非常舒服。🌸 總之，這款卸妝水真的是我心中的卸妝神器，強烈推薦給大家！💖

Kitty 好用推薦：Bioderma深層卸妝潔膚水——敏感肌救星？懶人實測真心話！ 呢隻Bioderma粉紅色樽嘅深層卸妝潔膚水大家應該不陌生，話係法國藥妝界嘅明星產品，連敏感肌都用得。身為一個又懶又怕麻煩嘅打工仔，平時返工化淡妝、放假貪靚畫到鬼火咁濃，真係好需要支卸妝神器。其實呢隻我已經連續回購幾年，同大家分享吓真實感受啦！ ✨ 第一印象：簡約到極嘅設計 支水嘅包裝真係”法國style”——簡簡單單粉紅樽，冇乜花巧嘢。樽口設計好貼心，倒出嚟唔會瀨到成手都係（試過其他開架牌子倒到成個枱濕晒，激氣！）。質地同普通清水差唔多，冇黏笠感，陣味好淡，幾乎聞唔到，啱晒我呢啲聞到香料就打乞嚏嘅人。 🧖使用感：真係唔使過水？ 第一次用嗰陣半信半疑，跟足指示用化妝棉濕敷10秒再輕輕抹。嘩！平時用開嘅防曬＋碎粉＋眉粉真係一抹就冇咗八成，連眼底啲積線位都抹得乾淨（感動到喊）。最驚喜係用完塊面完全冇拮拮哋或者繃緊，摸落仲有啲潤潤哋，似拍咗層保濕水咁。不過如果化咗超防水眼線同睫毛液，就要敷耐少少再輕力多抹兩次，但都算輕鬆搞掂！ 💧 溫和度大考驗：敏感肌掂唔掂？ 我塊面係出名轉季玻璃肌，一用錯嘢即刻泛紅兼生粒粒。

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

chewyfruit好用推薦：Bifesta 高效眼唇卸妝液 測評 一句總結： 性價比極高，卸妝力強但溫和，係開架眼唇卸妝液嘅「性價比之王」。 1. 卸妝力：超強，好快乾淨 佢係雙層配方，用前記得搖勻。 · 防水妝實測：對付Kiss Me級別嘅超強防水睫毛膏同眼線液，只需將化妝棉濕敷喺眼上 10-15秒，輕抹已可抹走9成。殘餘嘅喺內眼線位，輕按一吓都抹得乾淨，唔使大力捽，減少眼部拉扯。 · 染唇液實測：對付標榜持色嘅染唇液，濕敷 20秒 左右都融得到，比用普通卸妝水快好多。 2. 溫和度：滋潤唔澀眼 好多開架卸妝水會澀眼，Bifesta 呢款就做得好好。 · 唔澀眼：入眼都唔會即時刺痛或起霧，對眼乾或戴con人士特別友好。 · 保濕感強：含有保濕成分，卸完妝後眼周皮膚唔會繃緊，睫毛都唔會變硬，感覺仲有少少滋潤。 3. 質地與使用感 · 質地：屬於水油結合，但油感唔重，唔會搞到成手黐立立。 · 無香味：冇添加香料，幾乎聞唔到味道，適合唔鍾意香味嘅朋友。 4. 性價比：極高 作為開架品牌，價錢親民，萬寧、屈臣氏成日做特價。卸得乾淨又溫和，咁嘅價錢絕對交足功課。 總結：值唔值得買？ 非常值得。

Sanna Cher好用推薦：產品是透明水性，本人習慣將水份輕輕滴在化妝棉再輕拍在臉上，是屬於補充水份的產品。由於使用份量不用太多，因此一支貨量的使用時間挺久。大概是這個份量，然後輕拍在臉上，令膚質變得飽滿和充滿水份。

Wkk好用推薦：敏感皮膚不適合用這個護膚水，適合油皮喝不是敏感肌膚的人，保濕效果一般

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

Emma W好用推薦：這款精華不僅在保濕方面表現出色，還能舒緩肌膚，讓我在使用後感受到明顯的改善。 這款精華的質地非常輕盈，透明的液體在肌膚上輕輕推開後，能迅速被吸收。使用後不會感到黏膩，反而會留下柔滑的觸感，非常適合各種肌膚類型，特別是油性和混合性肌膚的人士。 每次使用時，我只需幾滴，就可以輕鬆達到良好的保濕效果。 主要成分是透明質酸，這是一種極佳的保濕劑，能有效鎖住水分，保持肌膚的水潤感。此外，產品中還添加了多種植物提取物，這些成分有助於舒緩肌膚，減少紅腫和敏感的問題。長期使用下來，我的肌膚變得更加平滑，紅潤感也明顯減少。 我通常在清潔肌膚後，使用這款精華作為護膚程序的第一步。搭配其他護膚產品，能夠使後續的保養效果更佳。特別是在季節變換或肌膚狀況不穩定時，這款精華成為了我的救星。它幫助我穩定肌膚狀況，減少了乾燥和脫皮的問題。

Poyobb好用推薦：冬季護膚❄️ 雖然我混合性皮膚面部，唔需要過分滋潤保養，但眼部因為多年化妝，眼底都有乾紋，所以眼部我偏向會用一啲可以去問或者更滋潤嘅眼霜。Clarins Double Serum Eye眼部雙萃同double serum一樣水油雙管共存，搽油上眼好似好油，用後意外地清爽同適合！ 兩邊精華分別係為保濕清爽水性精華，另一邊則是修護輕盈油性精華。混合之後質地似水感乳液，容易吸收不會感到粘膩，用咗一段時間都起麥粒腫👍🏻 佢可以令到眼部嘅皮膚夠滋潤，全晚都好足夠。其實佢嘅Double Serum都好好用，我已經買咗好多次，但Double serum eye係第一次用，用完覺得眼睛嘅皮膚係夠保濕，而且啱啱好。長期用係可以去乾紋，要用足夠份量，但其他去黑眼圈效果就一般。 對我成日化妝嘅人嚟講，係可以keep到眼部冇咁容易出乾紋。冬天用嘅滋潤度幾好，我未試過夏天用唔知會唔會過油。

Fng好用推薦：混合偏乾嘅熟齡肌對眼部護理真係又愛又恨🤨——怕油膩出粒粒，但又唔夠保濕會出乾紋！Clarins呢支Double Serum Eye（網上俗稱「眼部雙萃」）主打水油雙管齊下，用後感竟然出奇地清爽又夠力😍！ ✨質地與設計： 雙管設計好貼心～一管係清爽水性精華（保濕），一管係輕盈油性精華（修護），按出嚟後自己混合。質地輕薄如水感乳液，推開瞬間吸收，唔會黏眼皮或令眼周負擔沉重。夏天用完全冇油膩感，亦唔會引致油脂粒🤩！ ✨效果評價： 保濕度絕對夠用！就算喺冷氣房瞓足8小時，第二朝眼周都冇繃緊感，乾紋有即時柔化效果✔️。用咗兩星期後，覺得眼周皮膚更飽滿，上遮瑕膏都冇再卡粉～至於去黑眼圈同緊緻效果❓️網上評價就好兩極：有人話熬夜後眼冇咁殘，但對深色色素型黑眼圈就唔算明顯；緊緻效果要長期用先見到分別。 ✨適合邊類人？ 尤其怕厚重眼霜嘅人，呢支水油平衡做得幾好✅️。極乾眼周可能冬天要疊加其他產品。 缺點： 價錢偏貴💲💲💲（但用量省，一泵夠雙眼），同埋如果追求強效去紋可能要靠醫美🤫🤫🤫🤭。 總括：一支滿足保濕+輕抗老需求！ 清爽得嚟又夠潤，夏天眼霜首選！

Poyobb好用推薦：冬季護膚❄️ 每年冬天好乾燥嘅日子我都會用double serum，本身混合性乾性皮膚好少用油嘅精華，因為double serum唔會起暗粒，多年都有用。暫時淨係用過經典款，light版本未用過。 Clarins今年新出嘅第9代賦活雙精華，效果同之前嘅版本大致一樣。質地偏油性，啡色帶有淡淡嘅香味，兩管精華混合之後吱一泵落面霜，可以增加滋潤感，但唔會感覺油膩。 呢啲乾燥天氣用完之後皮膚有明顯改善，變得更加亮麗有光澤，彈性都好左，冇咗嗰種乾燥感可以令皮膚睇落淡紋，有少少飽滿皮膚。毛孔就冇太大改善，因為精華算係滋潤，反而用過多會閉塞毛孔，一泵就夠。 最主要嘅功效都提升皮膚光澤、恢復彈性、抗皺滋潤，而且又係可以一支可以加落粉底液嘅精華，冬天真係必備。 #火熱新品

Kmggigi好用推薦：Clarins 賦活雙精華 Double Serum — 水油雙效，急救疲憊暗沉肌✨ 質地: 呢款雙精華採用水油雙管設計， 混合後質地滋潤得嚟又好推開， 上臉之後吸收速度好快，唔會黏笠厚重， 皮膚即刻有種被滋養嘅感覺。 效果: 用咗一段時間之後，會feel到肌膚變得更緊緻， 有少少提升感，輪廓睇落更立體。 同時光澤感明顯增強，皮膚唔再灰暗。 細紋有淡化感覺，膚色變得更均勻， 毛孔睇落都細緻咗，整體膚質提升得幾全面。 如果成日熬夜、長時間對住電腦， 或者換季乾燥導致皮膚暗沉疲憊， 用呢支真係好有感，幫助穩定健康膚況， 令皮膚回復精神感。 總結：全面抗老型精華，想一次過改善多種問題可以考慮 Clarins 賦活雙精華屬於多功能型修護精華， 滋潤又唔笠，對暗沉、細紋、鬆弛都有幫助， 想要全面提升膚況嘅值得一試✨

Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！

lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～