日本眉筆 推薦好用產品

Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀

Bendict好用推薦： 植村秀呢支眉筆係我用過咁多眉筆之中最好用 呢啲眉筆材質比較硬 可以畫到根根分明 特別眉尾 眉筆夠硬畫出眉尾好靚 持久度亦都十分高 非常推薦 因為開架嘅眉筆都成一百蚊一支 相比之下植村秀呢一支眉筆 唔算貴 如果用掘咗支眉筆 可以去任何植村秀專門店 叫ba姐姐刨返 淨係呢個服務已經抵曬 不過由於支尾筆係油溶性 素顏係用唔到😹

mandy好用推薦：Sana New Born 3 in 1 Eyebrow New Born 3 in 1 自然柔和眉筆 #B7 (Marron Brown 栗子啡色) $66.90 (已打85折） from Don Don Donki 3 in 1 =眉筆+眉粉+眉刷 Sana 的 3合1眉筆在開架品牌中非常具人氣， 定番的色號亦有8款，除了B2偏向黑色系之外， 其餘7色都是不同調的啡色系， 很能配合不同的髮色。 而當中最熱賣第一位是B6，第二位則是B2。 使用方法： Step 1 : 用眉筆一根根勾畫出理想眉毛形狀 Step 2 : 再用眉粉順著眉毛形狀均勻塗在眉毛上 Step 3 : 用眉刷梳理好眉毛 橢圓形的眉筆頭很好描繪眉毛， 令畫眉更順暢及容易。 顯色方面是自然啡色系，而且深淺度剛剛好，不會太深色或偏向啡金色系。 眉粉可以均勻調整眉毛由眉頭到眉尾的顏色， 並且令整條眉增添柔和自然顯色的感覺。 最後用眉掃整理整體眉形，眉掃很方便易用，只需輕輕一掃便可完成眉妝。 SANA New Born 3 in 1 自然柔和眉筆 的持久度很好，不是那種一卒就消失的眉筆， 基本上一整天不用補妝。

agnessstang好用推薦：朋友推薦嘅眉筆👧🏻 已經用緊第3/4支 眉筆眉粉眉刷3 in 1嘅設計好方便 不過得一邊有蓋 好搞笑🤣(唔影響使用) 我用緊嘅色號係B10 Dark Brown同B14 Smoky Brown B14好似係限定色 係日本買嘅🇯🇵 B14帶少少灰 B10就係普通深啡色 性價比高 易畫 好容易勾勒到自然嘅眉型 持久度ok 顯色度方面帶妝係冇問題 如果係素顏(完全冇搽任何粉底/素顏霜)嘅話要大力啲畫/畫多幾下先顯色 顏色自然 有>10隻色 可以配合翻自己嘅髮色選擇～

Bendict好用推薦：開架眉筆之中 呢支係稍貴（我係香港藥妝店買） 我用嘅係04號色（Deep Brown） 支眉筆賣點係筆尖極細 確實硬度高 無斷芯 顯色度中高 持妝力中等 呢支眉筆我之前用黎 劃野生眉 買咗品牌眉筆後都極小用... 所以睇份量覺得價錢其實稍貴😹 我係松本清買 差唔多等於3份1支至2份1 品牌眉筆嘅價錢 所以呢度扣分🐱 但產品整體唔錯👌 推薦用深棕色 唔好用黑色 如果有漂髮/染頭髮嘅話更加要用淺少少棕色

lllcccyyy好用推薦：呢支真係平靚正嘅眉筆！佢嘅筆頭超級細，可以描畫到好幼細嘅眉型。我平時係會用佢來描畫眉型，再用眉粉填滿返。

Noelle S好用推薦：已多次回購的平價好物，家𥚃公司各放一支，但最啱心水既深啡色有時會缺貨。軟硬適中，細細支非常易畫，偏乾肌一整天都唔需要補色。

Jasmine Yuen好用推薦：開架品牌都有好物！ 細細支放入手袋好方便，轉出黎唔易斷，軟硬適中，好顯色，唔使好大力畫畫已有顏色。 我買既係啡色，好自然。比眉粉好用，因為可以一筆筆畫眉頭，比較仿真

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

natanatalie好用推薦：本身我最擔心係眉妝會因為出油而好快脫落。但用咗呢支 3合1眉筆之後，我發現佢嘅持久度真係幾穩定。即使我夏天出汗、皮膚出油快，眉型都可以維持到成日，唔會好快暈染或者變得模糊。呢種穩定感，令我覺得安心。🤤 佢有三個功能：眉筆、眉粉、眉刷。我通常先用眉筆勾勒眉型，再用眉粉填補空隙，最後用眉刷掃勻，令眉毛睇落更自然。呢個設計好方便，唔需要再帶多幾支工具，一支就搞掂。👏🏻 顏色方面，眉筆色澤自然，唔會太深或者太淺，配合眉粉之後，眉毛有層次感。即使我本身係油性肌，眉色都唔會因為出油而「浮」起，反而慢慢融合，效果更貼服。🙆🏻‍♀️ 卸妝方面，佢雖然持久，但用普通卸妝水就可以卸乾淨，唔需要大力摩擦。對我嚟講，減少咗刺激，卸妝過程舒服好多。👍🏻 呢支眉筆對我呢種油性肌算係可靠：防水防汗、持色力佳，三合一設計方便又省時，顏色自然易融合。用嘅時候只要記得分步操作，眉妝就會乾淨自然，成日都唔怕走樣。💯

Angie好用推薦：扁頭嘅眉筆特別好用，描繪出嚟嘅眉型非常自然，新手都唔會容易出錯，性價比高值得購買

HE1DY好用推薦：眉筆上色有點難，明亮棕的效果還不錯。眉粉尚可補充到疏眉的空隙。中意柔和明亮的化妝效果。稍嫌筆頭較硬，未能軟柔地塗抹於眉。

Angie好用推薦： 本身有用眉粉嘅習慣，貪得意買枝眉筆用下，估唔到又幾好用🌸 畫落唔會好實色，慢慢疊加咁畫就會畫到好自然嘅眉妝，平時上完防曬直接畫都無問題，顯色度唔錯👍🏻 冬天用完全唔會溶妝，夏天就有待測試😆

Tiffany好用推薦：細細枝眉筆放化妝袋，出街補畫好方便。筆芯夠幼，柔滑觸感，又防水嘅眉筆，好用！

Sanna Cher好用推薦：使用色號03，是觸感很硬，剛落筆接近沒有色調，需要來回擦塗十次所得的深度。順著眉毛方向填補，見眉毛有被霧化，色調上亦有不其然的加深，總括而言，是非常新手友好，幾乎不會出錯，一定能夠使用的產品。完妝的照片

Wuxx好用推薦：首先好開心成為Cosme第10屆美狀元！！！ 估唔到寫下寫下原來就寫咗咁多篇， 嚟緊我會繼續寫多啲好評/差評俾大家參考🤪 我收到嘅獎品其中之一係依枝眉筆， 但因為本身我就用緊呢支產品， 所以上黎打返篇使用心得。 用呢支眉筆之前我係用呢個牌子嘅眉粉畫眉， 不過有時太懶得去洗眉掃，上眉粉就好易一舊舊， 同埋眉粉用耐左會有層油漬住，要久唔久痴下佢。 雖然眉粉新手易用，但打理真係有啲煩， 所以我就轉咗用眉筆。 呢支眉筆係我喺日本藥妝店度買， 佢筆芯係扁狀嘅，同傳統圓狀嘅分別係佢點用都係刀型， 方便勾畫細緻型嘅眉型。 之前好興嘅野生眉或者尖眉尾都好易畫到， 唔洗成日搵刀刨尖佢。 不過美中不足嘅係佢冇蓋🫩 嗰陣我搵咗好耐，仲以為自己唔見咗， 更加一度以為而家美妝變態到連個蓋都要分開買😬 如果唔介意冇蓋嘅朋友，呢支眉筆我都幾推薦！**扁扁嘅筆芯，唔洗成日刨尖，good！！

JOYCE好用推薦：Kate其實大部分彩妝品我都覺得好好用，唯獨呢枝眉筆真係無辦法推薦🌚 完全無色❗️畫到手都紅埋都係無顏色‼️ 我已經試過素顏用、防曬後用、粉底後用、上埋碎粉後用，甚至用刀刨走面層，都係無顏色明明喺屈X氏用sample畫係正常，但買返屋企係完全畫唔到 睇過其他評論，大部份都正常，有少部份人係畫唔出色🫤

Lumi Kwan好用推薦：我完全上唔到色，畫極都出唔到個顏色，而且仲畫到自己眉骨都紅腫晒，所以用咗兩次已經冇再用。

TY好用推薦：筆頭好幼細，用嚟尾頭同尾尾都好適合。 03號色幾自然。 持妝效果一般，唔小心捽到會淡咗，我通常搭埋尾粉用。

Verna好用推薦：我的眉妝很簡單，通常都只是用眉粉填補空隙就算，但有時出席一些特別的場合，我也想妝容細緻精緻一點，所以我就試用這款液體眉筆，用來勾畫眉毛線條 它只有兩個顏色，就是Ash Pink和Ash Brown，而我選了Ash Pink，它是帶粉調的啡色 它的筆尖很幼細，只有0.01mm，而且它十分持久和不暈染，不錯👍 #火熱新品

Hellobeauty 好用推薦：我近期喺@cosme 旗艦店購入咗呢支Fasio防水染色眉粉液(02色） 呢支產品最吸引我嘅地方係，佢沾眉粉液嘅海綿頭設計非常獨特，呈尖長形態，加上佢海綿彈性強，所以畫上眉粉液時，非常容易顯色，非常容易上手及控制； 由於非常容易顯色，佢令我找到用眉粉嘅樂趣，因為我平時使用其他眉粉筆產品，其海綿頭短细，沾眉粉後，上色效果不顯著； 由於佢呈尖長形態嘅海綿設計，我首先會斜平角度，掃上眉粉，為我嘅眉毛補色，再用垂直尖頭位，當眉筆使用，填補眉形嘅細緻位，非常方便； 溫馨提示：當海綿頭沾上眉粉液後，留意是否佔上明顯粉粒，避免上色時，粉粒跌在面上

綺羅香好用推薦：感謝@cosme 送贈嘅Kate眉筆，初初以為係眼線筆，後嚟望清楚原來係眉筆，之前用過同牌嘅眉粉，真心覺得好好用，眉筆應該唔會差得去邊，係手背試色時，發現有啲難上色，來回畫幾次，顏色都係好淺，唔緊要，手背試色唔等於畫眉嘅效果，果然畫眉時顏色出好多，可以畫毛流感，不過筆身有啲硬，整體覺得還好