日本眼影 推薦好用產品

alicec好用推薦：這款眼影色調很自然，非常適合日常妝容，無論是單色還是疊加都很容易上手。上班還是約會，這款眼影都能讓我的眼妝看起來深邃又迷人。 質地絲滑，不會卡粉、飛粉。持妝力也不錯，整天都能保持色彩鮮明。小小一個，帶去旅行也是非常方便。強烈推薦！👍🏻

PorscheB好用推薦： 呢隻日本牌子比起其他韓國牌子嘅眼影更加顯色 唔會飛粉 持色ok! 價錢唔貴但係顏色好百搭，好易用 Earth tone 係 SR01 色 基本上應該係所有人都用得到😉 係日本藥妝店買好有驚喜😀

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

Suki好用推薦：這盤眼影畫眼妝其實還不錯，但 03 色對黃皮真的有點不太友好，某些顏色上眼後會顯得膚色有點暗沉，不太襯膚色。不過它的亮片色真的很美！超級閃，用來畫臥蠶或者點亮眼頭效果超棒，整個妝容都會變得更有神～✨ 裡面的高光色很實用，我超喜歡拿來畫臥蠶，閃得剛剛好，既不會太浮誇，也能讓眼睛看起來更大更亮。粉質雖然不是最細膩，但對日常妝來說完全夠用，尤其是亮片真的太可愛了，還帶一點仙氣感！ 推介俾cool tone嘅你哋～

Soda1119好用推薦：一盒就有曬5隻色，D色好易carry！我用既係03號，新手都好岩用唔驚中伏。顯色度ok，而且價錢平，性價比好高💕

Kristywong好用推薦：完美幻變眼影 #05 由舊版用到新版，呢盒canmake眼影一直都有留係我嘅化妝袋～ 05色相對比較穩陣嘅大地色，5隻色霧面色都可以輕鬆配搭。睇返盒後面嘅小教學，呢一盒5色眼影其實係包括埋眉粉同眼線，懶人/新手超級friendly 👌🏻👌🏻👌🏻 新版入面嘅眼影棒亦都有改良，一邊係海綿頭而另一邊就改良變咗斜角掃，帶出街補妝真係超級方便！Canmake眼影嘅粉質方面一向都好幼細，唔太會飛粉，好易就可易blend開，係比自然嘅日系妝感。顏色上第一格會比較唔顯色，建議可以搭配返自己鍾意嘅打亮product ✨✨ #秋冬愛用美妝 #秋冬愛用美妝

Enchante好用推薦：Canmake嘅眼影係開架出名好用～ 呢隻silky souffle eyes除左粉質細膩好似梳乎厘之外，質地仲更加柔滑，有輕微滋潤感，感覺用起上黎效果更加持久，顏色方面亦都更加顯色 👍 盒內附送嘅雙頭眼影棒亦有驚喜✨比傳統嘅眼影棒更柔滑，亦更易推開眼影粉，好好用～ 今次購入07號色，有d偏橙嘅粉tone溫柔微光澤顏色，加埋佢微滋潤感，好適合秋冬天使用～ #我的秋冬愛用彩妝

Fng好用推薦：買咗 M07# 偏冷粉色調🩷，質感細緻，淡淡的裸粉色，有清透感，我超鍾意它能輕鬆塑造日本自然氛圍感嘅眼妝。 左上角閃嗰格好靚，閃得細緻，粉質又貼膚。我用佢畫臥蠶，於 下眼簾 中間部分 點上少許 左上角閃粉 即刻 臥蠶肉肉pump起來，持久度八個鐘以上。 一盒搞掂曬💝眼線 💗臥蠶💖眼影，非常實用，性價比超高， 而且帶去旅行夠慳位💯 推介。

🌸好用推薦：多謝@cosme 邀請我試用ADDICTION晴藝星閃眼影THE EYESHADOW SPARKLE，佢嘅包裝好符合日本人嘅簡潔美學，攜帶方便。好多日本潮流彩妝雜誌都有推介或者介紹過呢隻牌子嘅眼影， 因為佢由質地以致顏色都有好多唔同嘅選擇，可以配搭唔同需要嘅妝容。 我今次試用嘅顏色係019 SP Red Jujube，係帶有細閃粉嘅單色眼影。 試上手嘅顏色係咁樣嘅：Red Jujube照直翻譯應該係紅棗嘅顏色，平時如果聽都係棗紅色嘅眼影，我多數都唔會主動去買，因為感覺上好似好容易會化到眼腫腫咁。 但係呢一隻顏色完全唔同，佢嘅顯色度好高，輕輕薄搽一陣層，睇落反而似蜜桃色，帶着粼粼嘅閃光，係睇落好溫柔嘅顏色，適合一般嘅日常妝容： 疊加搽多幾層，出嚟嘅顏色就係棕紅色，有啲似枯玫瑰色，配合閃粉嘅光芒，顯得高貴，適合化晚妝或者隆重嘅場合。搽落眼完全唔會顯得眼腫： 呢隻眼影嘅粉質細膩，完全冇飛粉。用化妝掃或者手指上妝都可以。眼影粉緊貼肌膚，而且妝效持久易甩色，即使出咗汗或者有面油都唔會甩妝。 細細一盒嘅單色眼影就做到兩種唔同嘅效果，輕易打造有層次感嘅眼

kammy好用推薦：以前化妝 會用好多唔同嘅色放係隻眼到 🙈 到近年 一係唔化 一化就用單式眼影 好多時 要搵到 一隻岩自己用嘅眼影好難 單式 無其他色可做修飾 可以令到隻眼好腫 可以令隻眼化左 好似無化💁🏻‍♀️💁🏻‍♀️ 而今次我用嘅ADDICTION TOKYO THE EYESHADOW SPARKLE 010SP睛藝星閃眼影 包裝簡潔嘅設計 而眼影摸落滑身 顯色度唔錯 之餘 無論用手/掃上到眼都有唔錯嘅效果 佢嘅閃粉唔算好大粒 所以上到眼 會覺得好自然同埋會令人覺得Bing Bing 嘅感覺🙆🏻‍♀️ 佢嘅價錢唔算好貴💰140 我成日用手指不斷來回抹來抹去 🙈 又用左好多次🙈🙈🙈 但都覺得好似新開嘅時候甘多 💁🏻‍♀️ #karlee90s #addition #眼影 # 化妝品 #makeup #cosmestore #eyeshadow #單色眼影 #hkig #ighk #bloggerstyle #beauty #beautybloggers

Milo101好用推薦：19號色銅啡，大地色系非常易用，粉質正常，顯色度與持久度都高，配備小鏡和眼影掃。唯一是覺得中間打亮的閃粉比較易散落，但性價比仍然是很滿意的。 **見到官方這產品有新包裝和新配方：改良左中間果格，增加油分令到更貼膚，感覺可以一試

Tobimak好用推薦：性價比高，顏色每一格都能用，沒有廢色，顏色很漂亮，就是附送的掃子比較一般。

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

JessicaB好用推薦：🌈一盒四色（共6種顏色）即可塑造漸層質感，質地顯色亮澤，仲有保濕成份💦，眼妝貼服不乾燥，化妝新手都可輕鬆使用🙌🏻！系列所有顏色都換上新色及質感，隨住你嘅ootd任意配搭。 👧🏻Caca今次用咗「CX02 窩夫粉紅色」同「Cx05 暖橙啡色」帶出健康甜美嘅感覺。 🪄隨💗配搭最新6色： 💓Cx01 亞麻奶茶棕色 一 型格超脫米色及奶茶啡 💓CX02 窩夫粉紅色-甜美華麗粉紅帶啡色系 💓CX03 復吉淡紫色-精緻淡紫色調 💓Cx04 都會卡其綠色-柔和綠色調 💓Cx05 暖橙啡色-暖橙色調，展現健康妝容 💓CX06 波爾多葡萄色-明亮嘅波爾多色調

Rachel Hui好用推薦：Lunasol 4色眼影EX03使用感非常好，顯色度高，一抹上色，粉質細膩柔滑，貼服度佳，不易卡紋。閃粉特別明顯，在燈光下尤其亮眼，適合打造華麗妝效，十分推薦！

nicolesit好用推薦：最近購入了我的第一盒Lunasol眼影-春季限定色EX38～當初係見到雜誌介紹，見到model上眼好靚、又俾想像中多畫法，所以購入。見到真身更加愛🫶🏻櫻花粉色非常適合春夏季妝容，隻綠色上眼係帶金，有提亮、顯氣色效果💚唯一缺點係唔持妝

Chami好用推薦：多謝@cosme 抽中我試用canmake一系列新產品🥰 今次寫既係最新限定City Lights Eyes 閃爍亮彩眼影✨ 收到既試用品係01 Russet Brown啡紅色 同市面上大多數單色眼影一樣，都係兩隻手指咁上下細盒，一打開係閃令令珠光，非常bling bling✨✨未搽上眼前先喺手捥試色，質地非常順滑，超級顯色，同實物顏色冇色差，珠光好幼細，靚到嘩一聲☺️ 用喺眼上效果都一樣冇得頂，順滑貼服，好容易推開，亦都非常顯色，加埋閃閃而幼細既珍珠粉末，十分我真係要俾十分！重點係，用法方便，用手指直接沾上眼皮，搽兩下已經完成。如果趕住出門口或者平常返工，單用呢盒眼影已經足夠❤️ 重點係，$50一盒有呢個質素，性價比超高！大愛❤️❤️❤️ 試完呢盒01，已經決定包色💸💸 官方網站資訊： 01 啡紅色 02淺啡金色 03 蘭花淡紫色 04 絨面粉紅色 #火熱新品

candybbyeah好用推薦： 單色眼影 超細的一盒 大概只有兩個手指公加埋嘅size 包裝簡單可愛 呢個顏色係帶有啡色的感覺嘅香檳金 係一個超級容易配搭的顏色 平時我淨係會單查呢一隻顏色係個眼皮上面 咁就已經完成咗個好靚嘅眼妝我會攞個無名指係個眼影上面掃幾下 就已經攞咗好多顏色上嚟 然後輕輕咁樣查上去個雙眼皮度 成隻眼就會變得好sharp好好睇同呢隻閃好特別 喺啲燈照落嚟嘅時候感覺好似識得發光 如果大家想化一啲同平時好唔同嘅感覺就可以試吓

KDing好用推薦：岩岩一開始上妝個妝效好靚 閃令令 但係過多幾個鐘之後 d閃粉就好快甩曬

Blueblueblue好用推薦：好多地方都有設開架櫃，十分容易買到。 閃粉幾大粒，跌到眼肚到都有。

Emma W好用推薦：雙色眼影極易上妝。其質地柔滑，輕輕一抹，容易暈染，讓新手也能輕鬆上手。雖然只得2款顏色，但簡簡單單就是美。其實日常妝容可以唔需要用到16色盤，都可以做到唔同效果，只要你識得化眼妝。所以其實雙色眼影適合新手老手用。 另外，眼影持妝時間長，不容易脫妝，不容易暈染。最重要的是，Ettusais 的雙色眼影價格較為親民，性價比高，係一個唔錯的選擇。 適合肌膚：任何 成效度：4/5 持妝度：4/5

綺羅香好用推薦：一直都對ettusais雙色眼影好有興趣，細細盒易帶出街，2隻色配搭好唔駛煩，顏色選擇多，依家已經出咗19款，而且唔同款嘅眼影質地會有唔一樣，起初有啲覺得價錢唔平，所以等有coupon時先買咗兩盒，一盒08號乾燥玫瑰，亦都有人叫薰衣草色，另一盒11號玫瑰木，兩盒都係我睇中咗好耐，最想入手嘅顏色 雖然眼影得2隻色，不過容量都唔細，都有3.8克，雙面入面應該算係一個緞面帶細閃，一個霧面色（因為都見有啲閃粉，唔知係咪隔離隻色飛咗閃粉過去），08號係紫色搭橙棕，11號係灰粉搭灰啡，上手試色質感順滑，唔飛粉，伸展性好，易化開，唔會結塊，用掃或者手指都可以輕鬆做暈染，顯色度略低，要疊上兩三層先比較顯色，新手用的話無咁易失手 最後使用感：好想買多幾隻色🤣

LorraineTsung好用推薦：羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

Hamiii好用推薦：呢盤眼影做得相對唔錯 顯色唔飛粉 基本上由頂開始做打底 一個style 閃粉暈染 眼line 搞掂晒 新手日常番工好方便 但想多少少變化 就… ..買多盤啦

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Cherrie好用推薦：集打底、眼影、眼線一身 唔使三分鐘就化到一個眼妝 非常方便易用 已經用咗好多年

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

Kpl6be6好用推薦：🩷戀愛感妝容GET!! 完成粉嫩平滑底妝之後～想要畫龍點睛加强夢幻妝感～只需加上呢支3D幻彩閃爍眼影液就搞得掂！粉色色系惹人憐愛😘仲有幻彩碎閃低調地吸引眼球(笑)～雙眸即時烔烔有神👀而且防水功能非常超卓！即使易出汗嘅妹子想打造粉嫩輕透妝容都話咁易👌🏻👌🏻 #火熱新品

940727.0好用推薦：好多之前@comse送俾我試依枝眼影液，非常閃。 如果想特顯眼妝的話，可以用佢。

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

綺羅香好用推薦：感謝@cosme送 addiction 眼影盤😍，好早之前已經收到，因為顏色偏秋冬，所以一直未有機會用，依家拎出嚟用正好 呢盤眼影嚴格嚟講唔係屬於晴藝眼影組合，而係癮炫訂製入面嘅006號First Romance，外盒係會反光漆黑鋼琴面，幾易留指紋，要經常抹，四格眼影排位同其他有少少分別，啡色霧面色放咗係右上角，左上角就係好靚金橙閃片，下面分別係帶紫調嘅磚紅緞光同帶暗閃嘅紫啡色，眼影質地好順滑，顯色度好高，正好適合配合化一個聖誕party妝，既浪漫，又嫵媚

Tobimak好用推薦：好多謝@cosme送嘅呢份會員禮。原本我對呢個牌子係唔認識嘅，所以今次係第一次用呢個牌子嘅product。 平時我都冇用開眼影mousse，因為總係會覺得好容易搽多咗，令到眼皮有摺痕。不過今次用咗呢個product之後發現完全冇呢個狀況，而且仲持久不脫色。下圖為已上妝超過8小時的樣子，現實睇依然Bing Bing、冇甩過。 而且使用方法超級簡單，直接用手指掃上便可，份量亦很容易控制，好方便。黎緊去拜年我都會用呢盒眼影😜因為我覺得新年最緊要俾人感覺望落去舒服同乾淨，呢盒眼影顯色得黎又唔誇張，而且就算一日走幾場都唔使補妝☺️

takemyokane好用推薦：一直對眼影膏有點抗拒，因為以往用過其他品牌的效果都不太好，要不是不太顯色就是持妝一段時間會形成摺紋。 毫無期望下超出期望，Decorte 的這款 Fluffy Bear 眼影膏，先用手指上薄薄一層，想要更顯色就再疊加，無閃粉的啡粉混色十分溫柔百搭，無論上班或約會都適用。它持妝 12 小時完全不是問題，不會形成摺痕也沒有掉色。雖然作為單色眼影它的價錢可能有點貴，但專櫃品質加上這個效果沒有什麼可以挑剔。想再購入其他顔色！ #火熱新品

Sccan好用推薦：日本眼影盤大多係珠光同閃粉，內雙眼皮嘅我就真係唔太岩用，Visée 新推出嘅4色柔霧眼影，5個色號都偏冷帶灰感的色調，我揀左PK-4，粉得黎又偏冷酷，有齊打底色米色、灰啡色，主打色紫啡、棗紅色，可以用廣告推介嘅「Z」咁mix黎搽，整體顏色非常配合秋冬，可甜可咸又有深邃感的個性眼妝 色號：PK-4 Dusty Pink 柔和煙燻粉 效果：透明感十足，色彩柔和不浮誇，日常通勤都合適，持久度正常 質地：粉質細滑，易推，不卡粉不飛粉 缺點：色調偏冷帶灰感，不適合黃皮；保持透明感所以顯色度不高，想深色啲要重手啲 #平價彩妝

Conw好用推薦：色號是gy5 日系少有的全霧4色眼影盤，帶啡的灰色，肉眼睇落好深色，搽上皮膚有透明感，泡泡眼恩物，用作調整眼部輪廓一流。 粉質幼細，含角鯊烷帶有滋潤感，唔會上完乾到起紋 左下角淺灰更可以用作鼻影，一物多用👍  #火熱新品 

YY好用推薦：之前入Cosme行一轉，見到好多新出嘅日本彩妝，入手咗一盒fujiko眼影😛 我選購嘅係01色號，呢盒眼影嘅顏色可用度相當高。由左至右 🍣三文魚色，打底色，上兩層就會成為淡橙色，包眼眼影都唔會浮腫，呢隻色顯年輕🫢 🥫紅磚色，我會係其他嘅顏色打底再喺尾部疊加紅磚色，加深眼窩位輪廓 🥧土黃色，有時化偏秋天土色系嘅妝，用呢隻色就好適合 🍪大地啡色，百搭顏色，有時懶就淨係用手指搽少少大地啡就出街 真心冇一隻色會浪費！ 而且粉質好細緻，好滑冇cake粉。 試過其他開架牌子淡色系眼影，疊加多層都無乜色，一係淨得閃粉粒，但依盒fujiko眼影係真心好上色，新手用手指上眼影都唔會出錯，簡直係開架牌嘅戰鬥機🏅 就算屋企有多盒專櫃眼影，但依盒fujiko我日日都會用🩷

Kuma醬好用推薦：買嘅係01同03色號， 一開始先是買03色，覺得佢個閃粉好靚， 之後發現原來佢個設計係疊配嚟用， 01色係底色，03色係配喺上面嘅閃粉色， 四個顏色可以隨意配搭， 配搭顏色可以有好多種， 完全可以發揮創意， 如果唔用03閃粉色， 可以只用01嘅底色， 亦都實而不華，非常適合型格造型。

Viff好用推薦：好靚的眼影，好顯色，但係又有透明感。 雲石嘅highlight亦可以用喺胭脂上面，實用性很高。

Fng好用推薦：買了HOLIDAY COLLECTION 2024，#01號冬響，眼影四格係金啡色調，smoky tone， 全部都係閃粉或者珍珠感， 粉質細膩 ，觸感柔滑，上眼妝感溫柔清透，持久，但對於 愛全matte 妝容sis，就未必啱喇。 高光嗰格係少許啡tone石紋，好適合黃皮使用， 我就係被這格highlight 吸引😍，質感滿滿，望住有自我療癒感覺，所以入手哩盒palette 返嚟。上妝搽一層，自然不浮誇，貼服，不顯毛孔，我仲買埋另外一盒#102 (warm tone) 作聖誕節禮物俾friend🎁🎀。