開架洗頭水 推薦好用產品

Luna好用推薦：Hair Recipe 米糠洗髮露（生薑檸檬） 嘅真實用後感 質地＆氣味 · 係透明啫喱狀，流動性高，好易起泡。 · 薑味唔攻鼻，檸檬味偏清新，沖完涼頭髮有陣淡淡果香。 洗嘅感覺 · 去油力幾強，沖水時會覺得頭髮有少少「澀」同乾，唔滑捋捋（因為冇矽靈）。 · 建議一定一定用護髮素，如果唔係乾性髮質會打結打到喊。 用咗一個月左右嘅效果 · 甩頭髮方面：有人話甩少咗（尤其洗頭時排水口嘅頭髮量減少），但唔係個個得，視乎體質。 · 頭髮狀態：頭皮清爽咗，冇咁易出油，髮根有啲企身，唔會咁扁塌。 · 缺點：如果本身頭皮偏乾或有濕疹，呢支可能會太乾刺激，要隔日先用。 總結建議 · ✅ 適合：油頭、幼髮、想防脫髮嘅朋友（夏天用特別爽）。 · ❌ 唔適合：乾旱受損、漂染後、敏感頭皮。 · 💡 小貼士：只洗頭皮，頭髮絲輕輕帶過就夠，重點護髮素揸髮尾。

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。

Paris merci 好用推薦：Moist Diane香水貴油夜間修復洗髮露，睇落比較特別嘅一款。依一款係有果香味道，味道清新。 洗髮露有啲稀，但一至兩泵都已經好足夠全頭使用。起泡力及清潔力正常，如果當天出汗太多就會清潔力不足。本身頭皮出油量不算太多，春夏用後第二朝頭髮比較快笠，而且當天頭髮好易塌。洗完頭之後頭髮順滑易梳，春夏太滋潤，可能秋冬天用會岩啲💕

Sccan好用推薦：洗髮水一向無特定但通常都用開架式， 因為唔太重視洗頭體驗，洗得乾淨唔會太笠有蓬鬆感就得。 Diane依個牌子之前用過不錯， 依款新嘅貴油系列主要係見到個樽靚所以買。 效果：蓬鬆感十足，頭髮保濕 質地： 透明比較杰液體狀，起泡同用量都正常 香味：超濃花香香水味，留香超強！洗完頭都飄住依陣味，如果鐘意香香嘅好岩用依款 缺點：滑溜感不明顯，但都有撫直髮絲

Amyloid Li好用推薦：味道好香，並且比較控油，啲頭髮洗完唔會乾燥，會keep住買呢個牌子用

Kelvin好用推薦：冬天嘅時候用過石榴嗰支，感覺唔錯。今次買咗新出嘅試埋新出嘅生薑清茶洗髮露。 呢支出嚟有少少淡黃色，質地較稠身嘅洗髮露，並唔似石榴嗰支嘅啫喱狀，起泡係比較綿密厚身嗰種，都容易清洗。洗頭時會有一浸薑味，幾好聞。 呢支主打強靭豐盈，我既頭髮偏油性，出街半日就有點笠，而家夏天容易出油，不會回購。 #火熱新品

hatty好用推薦：💛法之羽有機防脫髮洗髮露💛 蘊含有機認證迷迭香葉萃取，可以促進頭皮血液循環🩸強韌髮根，天然抑菌抗炎溫和不刺激😛洗髮露以低刺激嘅植物性洗淨劑為主要成分，透過綿密嘅泡沫將污垢洗淨，能使髮絲洗完後柔順不糾結且受損髮絲適用😏

Kura好用推薦：呢款洗頭水係無香味，用完之後真係幫助到頭髮生返d bb毛毛，洗頭水嘅質地係比較厚身嘅gel，加水容易起泡，容易過水清洗，產地係日本

Kelvin好用推薦：Hair recipe 主打天然成份，已經試過石榴、生薑款式。呢款係綠茶x柚子，適合油性頭皮使用。 佢係透明嘅流質，起到好多泡泡，起泡之後會有涼浸浸嘅薄荷味，有一浸男士洗頭水味。 我早晚洗一次頭，非常清爽。雖然佢話有保濕效果就唔太覺，但我好啱用。乾爽得來冇起頭皮。對比我平時用開去頭皮洗頭水，清爽程度差唔多，但我相信hair recipe嘅護髮成份更好，但呢支就夏天用較啱。 男士皮膚👦🏻我面部唔易生暗瘡，但尤其而家長期高溫，夏天真係好易出頭瘡🥵。如果用超強油性洗頭水會有頭皮碎，食之髮譜可以幫到我喺夏日穩定頭皮膚狀態，乾爽得來無好頭皮。 Mannings $99一枝，少貴，但效果對得起價錢。前日買2送1已經買左奇異果味🥝試完再寫評價

YolandaAuYeung好用推薦：📝用後感 試用兩週後，頭油油膩扁塌及頭皮暗粒問題大大改善，頭髮變得豐盈清爽，髮質也漸漸變得水潤亮澤，潤澤感UP!! 原來先淨化頭皮，後補充養分就係養育健康頭皮和頭髮嘅關鍵！

chewyfruit好用推薦：Dove 光澤修護洗髮乳測評 一句話總結： 係幫頭髮做咗個「平民版焗油」！性價比高，針對毛躁同暗啞效果出奇地好！ 主要好處： · 順滑之光： 用完最明顯係啲頭髮即刻聽話咗！毛躁乖乖收斂，光澤感自然咁走出嚟，唔係「油立立」嗰種，係健康光澤。 · 保濕度足： 質地creamy，沖水時已經feel到頭髮又滑又軟，梳頭時特別順手，打結情況少咗好多。 · 香味舒服： 係陣陣優雅嘅花香味，唔會太濃烈，留香耐，成日覺得自己個頭好香。 要留意嘅地方： · 滋潤度好，所以油性頭皮嘅朋友，可能覺得夏天用有啲「重」，或者要洗多兩遍。 · 追求極致蓬鬆感嘅朋友就可能覺得佢太貼服，未必係你杯茶。 適合邊個用？ · 髮尾乾燥、飛散毛躁嘅中至乾性髮質。 · 經常吹頭、電髮，想簡單快捷幫頭髮恢復光澤同順滑嘅人。 · 想揾支平、靚、正日常洗頭水嘅用家。 簡單嚟講， 佢係一支好穩陣、唔會點出錯嘅「入門級修護」洗頭水，唔使一百蚊就有一支，絕對對得住個價錢有突！

A&R好用推薦：味道好香，洗完頭髮好清爽，頭髮好蓬鬆，唔會好乾，頭髮光澤同以前一樣，見唔到有咩特別。價錢實惠，特價時候買。

A&R好用推薦：Dove強韌防斷洗髮乳，乳白色洗髮乳，起泡力適中，泡沫柔滑易沖洗。清新花果香，洗完頭後有淡淡香氣，唔會太濃烈。洗頭髮洗得好乾淨。 洗完頭髮感覺乾淨但唔乾澀，髮絲柔順易梳。針對容易斷裂、脆弱嘅髮絲，提供滋養同強韌保護。價錢親民，性價比高。

Emma W好用推薦：Dove 髮源強韌防斷髮專注於修復和強化頭髮。用後感覺頭髮不再乾燥毛躁。對髮質感覺強韌左，但唔用護髮素後，有少少潤，又有點棘。 產品質地輕盈，香香的，少少水就有好多泡，容易沖洗。 適合肌膚：任何 成效度：3.5/5 持香度：4/5 易起泡程度：5/5 值得推薦度：4/5

Shirlin Ho好用推薦：呢支Dove嘅洗頭水係第一次買，諗住都係普普通通，唔會對佢有太大期望，點知用咗之後就有驚喜。 1.佢起泡力對我嚟講係滿意嘅，用少少就起到好多泡。🫧🫧 2.佢香味係持久，吹完頭到瞓覺個陣都仲有香味。 3.吹頭個陣好順，唔會撠住，攪到會甩好多頭髮😣😣 最重要係佢CP價真係好高，價錢一啲都唔貴，用多啲都唔肉痛呀👍🏻👍🏻

Kpl6be6好用推薦：呢支新配方有驚喜呀～真係幫手改善到我嘅"頭皮油+髮尾乾"狀況～使用後有感油頭情況減緩咗～但又唔會強力清潔到令頭髮變乾～反而更柔順易打理～另外香味都幾得人鍾意且留香到一整晚～

Zelooo好用推薦：這個系列的金色和紅色都十分好用，味道是淡淡花香，不會過份濃郁，尤其適合秋冬比較乾燥的天氣，清潔力也足夠，洗完頭髮會順滑，再配上同牌子護髮素更加好用。

sammiimelda好用推薦：呢個牌子嘅洗髮同埋護髮已經回購咗無限次～ 我自己覺得CP值 10分高 無論係紅色定係金色，我都覺得頭髮係有保濕同埋修護嘅感覺 價錢又係適中 會繼續使用👍🏼

Kelvin好用推薦：平時用最意用Hair recipe無花果，見到呢款個樽幾靚。Diane香水洗頭水👉🏻貴油夜間修復洗髮露，應該係賣得最好嘅款式🧖 如果有gel頭就用2泵，冇gel頭就1泵。洗頭水質地好稀，一泵都已經聞到好大浸香味，洗完頭開門全屋都聞到。 近排換季適宜用一啲水潤咁重啲洗頭水，頭髮就冇咁易出頭皮。頭髮用完冇咁乾燥，亦都冇咁嚡。頭皮都冇乜特別痕，而令睇落頭髮好健康有光澤，幾唔錯。不過佢就容量只係得450ml少過hair recipe，但味道就好香，交替使用都唔錯👦🏻

pouchofdouglas好用推薦：樽身設計第一眼睇好靚，但用落就會發現唔user friendly！個泵頭係對稱嘅，淨係得頂部有幾條直線指示邊邊係出洗頭水個邊，但沖涼除眼鏡就咩都睇唔到，次次都要盲人摸象咁摸翻邊邊出洗頭水，好幾次接唔到洗頭水 香味/起泡力來講係無問題，暫時用左幾個星期無特別留意到有減少到脫髮

GinGin好用推薦：用完頭髮容易梳理，不會容易掉髮，而且洗頭水好香，泡沫豐富，因為係長頭髮，份量用好少就夠，但冇特價時價錢偏貴

Beautygirl好用推薦：頭髮乾旱，未用護髮素，就咁用呢款洗頭水，用完頭髮已經好柔順，又唔會覺得油笠笠

Ice好用推薦：唔建議購買。  試過買呢支同埋同同品牌嘅其他洗頭水用，都係起mannings 或者屈臣氏買，用咗半支都冇就開始頭痕，同埋好多頭皮屑甩落嚟。 可能唔啱我用啊，我用清爽呢一支，佢的確洗完之後嗰下好蓬鬆，好有空氣感好靚，係我想要嘅效果，但係都的確好快就出油。講緊我平時夜晚黑洗完頭去到第二日可能8、9點個頭先開始油，我用完佢之後可能三四點已經好油。 而且一開始用嘅時候仲以為係咁啱身體唔好又或者其他原因，過咗一段時間再買多支嚟用，都係咁嘅情況。同朋友出街朋友甚至問我點解你個頭皮咁紅好似生咗一粒粒嘢咁。真係好痕。 而家仲有半支洗頭水，都唔知可以點算好？

Giselle 好用推薦：Essential Purify 鎖水淨化系列 - 速乾空氣感洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻係佢呢幾年推出嘅一個新嘅系列，主打係增加頭髮嘅空氣感，令到平時洗完頭吹頭髮嘅時間可以減少( ˶ˆ꒳ˆ˵ ) 我自己覺得洗完頭之後頭髮係有變得蓬鬆咗( ˘͈ ᵕ ˘͈ )但係吹頭嘅時間都好似同以前差唔多，唔會話特別少咗好多時間₍ᐢ ›̥̥̥ ༝ ‹̥̥̥ ᐢ₎可能係因為我頭髮比較長嘅關係，所以對於佢標榜嘅速乾效果冇乜感覺(´._.｀)

Miaomiao好用推薦：頭髮屬於易出油，細軟易塌。次次洗頭吹頭都甩好多頭髮，中間既分間線明顯。 50惠既養潤豐盈洗髮露加埋都過10枝左右，用完之後沖涼去水位明顯見到掉髮少左，屋企吸塵都見到少左掉髮。缺點係用完既髮質會偏笠，特別係夏天，出全日街既下晝d頭髮會笠到撻埋一束束咁，髮根位置會有油味。 試過轉用各種防掉髮洗頭水，雖然控油好d但係防脫效果冇50惠咁好。亦有轉用過50惠藍色話清爽d個款，洗既時候多左薄荷感覺但係一樣咁笠。

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。

YolandaAuYeung好用推薦：一向用開紅色瓶身的，發現新産品，所以貪生忘舊了😅。香味隨和治癒，但效果並不及前者般絲滑易梳。

brenda好用推薦：洗完頭後很乾，很難梳，一點都唔柔順

Emily Leung好用推薦：Hair Recipe 奇異果 + 無花果 去油蓬鬆洗髮露～🥝 夏天返工返學，一出街個頭就『油淋淋塌晒』？ 試過無數控油洗頭水，一係乾到似雜草，一係洗完第二朝又出油？ 今次試呢支 Hair Recipe 奇異果＋無花果， 望落成支奇異果汁咁，好吸引～ 究竟係『控油神器』定係『中伏顏值擔當』？ 實測一星期，同你逐樣數！ 【包裝第一印象】 「成支 綠色磨砂玻璃 feel（其實係膠樽）， 望落好 fresh 好 summer，企喺沖涼間已經覺得涼浸浸～ 泵頭好順，一唧就出，唔使同佢搏鬥。」 【質地 + 起泡度】 「洗髮露係 淡綠色透明啫喱，好薄身，唔係嗰啲漿糊質地。 落水好快起泡，泡泡算 豐富細密，但唔會多到淹死你～ 沖水順暢，唔會覺得『點解仲有啲嘢喺頭髮上面』。」 【洗嘅過程感覺】 「洗嗰陣有陣 清新奇異果＋青蘋果 味，唔會假甜， 似你切開新鮮生果嗰種自然香氣。 涼涼地好舒服，夏天用特別爽。 洗緊嘅時候頭髮有少少乾爽感， 但唔會『澀』到你手指戳唔入。」 【吹頭後效果】 「吹完頭—— 真係蓬鬆咗！ 冇咗平時嗰種『貼頭皮』嘅尷尬， 頭髮係企起身嘅，但唔會乾旱到似草。 控油

YY好用推薦：之前收到@cosme 試用hair receipt生薑個款洗頭水🧴感覺良好，今次買髮之食譜另一系列，味道係奇異果x無花果🥝 依款洗頭水都係無矽，天然食材護髮概念，專for油性頭皮、扁塌髮適用。 起泡力強，感覺清潔度不錯。味道好似糖果🍬，我幾鐘意日系洗頭水既香味。 我嘅髮質偏幼，多頭髮但易甩，易出油易塌。幾年前飄過既頭髮仲有幾吋。我需求洗完頭唔好甩太多頭髮、太乾燥、不要太快笠。 用完幾乾爽，但要落護髮素先順滑，吹完頭有點乾、頭髮毛燥。第二日會少少頭皮，可能而家太乾燥，夏天用比較啱啲！

YYeman好用推薦：透明啫喱狀，比一般洗頭水杰少少，擠出嚟有陣青蘋果加玫瑰味，幾清新唔乞人憎，但沖完涼過陣味就散晒，唔好指望留到第二朝。 起泡力正常水平，唔算爆炸多泡但夠用，記住要洗兩次——第一次啲泡會縮晒水，因為頭皮太污糟，第二次先真正起到嗰浸綿密泡，呢個係常識嚟。 沖水嗰下係滑嘅，冇嗰種洗到𠺘𠺘聲嘅乾澀感，但又唔係假滑到洗完好似搽咗油咁，感覺幾正常。吹頭嗰陣明顯少咗斷髮，以前吹完地下好似落雪咁，而家叫做見得人。 不過講真，單用洗頭水嘅話髮尾依然有啲乾，冇可能話單靠佢就變到瀑布咁滑，想徹底潤澤一定要配返同系列護髮素，如果唔係都係爭啲。頭皮方面就幾滿意，無矽靈用完爽身唔痕，第二日起身頭髮仲係輕身嘅，唔會笠到成塊麵餅咁。 整體嚟講，呢支嘢平衡做得唔錯，乾淨得嚟唔乾柴，香味又幾治癒，但如果你把頭髮已經漂到受晒嚴重損嗰種，呢支未必夠力，要再加油輔助。適合正常至偏乾髮質嘅人，極度受損就唔好期望太高。回購的話，會當日常用，但會輪流轉其他深層修護款交替使。😌

chewyfruit好用推薦：太愛太愛啦！！！！爆汁🫐超級超級超級好聞！！ 一個字：香香香香香 簡直係我命中注定啊！！！！😭 洗完頭連撥下頭髮都係香嘅！ 而且我發現佢嘅香味， 竟然比我嗰幾千蚊嘅淡香水更持久！ 用同事嘅話嚟講就係：行過嘅地方都留低香味…… 聞落係爆汁黑加侖子果香， 帶出一絲絲茉莉嘅清幽， 混合苔蘚木質🪵嘅沉穩， 成個大自然嘅綠意香氣🍃舒服又好聞！ 更厲害嘅係呢個蛋白修護護髮素！ 竟然有陣淡淡嘅🥛奶香味！奶香奶慾咁撩死人！ （好聞到身邊嘅好朋友都俾我推介晒……） 🌲植物成分純淨又溫和，一啲都唔黏膩！ 難怪咁好用～ 洗頭水泡泡好豐富，用上頭超溫和， 護髮素就好似Tony幫我用嘅蛋白護理霜咁！ 對頭髮嘅包裹感超級好， 濕髮用手指梳都可以一梳到尾， 洗完頭又順又潤又亮！救命啊！ 睇落好似絲綢瀑布咁！出街行成日都咁靚， 隨時俾人一種感覺：你髮質真係好啊～

Chloeincosme好用推薦：因為頭髮經常燙染變得乾旱似草😑😑見到做特價忍唔住入手 Pantene爆水精華洗髮露！用咗真係驚艷～沖水時已經感受到頭髮好滑！吹乾後依然保持水潤光澤，仲有陣陣清新花果香！ 用前，頭髮睇落好乾 用後：順滑左🥺 🤍 水潤順滑：5/5 真係做到「爆水」感覺！沖水時手指可以輕鬆梳開發絲，吹乾後零打結，毛躁秒速消失～ 🤍 保濕度：4.5/5 頭髮充滿水分感，又唔會令頭皮黏膩，第二日醒來依然保持柔軟順滑～ 🤍 溫和潔淨：4/5 洗得乾淨又唔會過度清潔，頭皮零緊繃感，持續使用都冇出現頭痕或脫髮問題～ 🤍 性價比：5/5 萬寧特價買二送一超級抵用！一支可以用好耐，已經推薦畀成班同事～ 總結： Pantene呢支爆水洗髮露絕對係乾燥髮救星😍用完頭髮重拾健康光澤～會繼續囤貨，推薦俾所有受毛躁打結困擾嘅你！

Maggieyt好用推薦：之前用過保濕髮膜覺得都幾滋潤同順滑 見到洗頭水買一送一，就買黎試下，呢支洗頭水都真係好襟用，用左差唔多半年多先用左差唔多一支 個人用左差唔多一支，感覺唔到有做到強韌防斷功效，係做到綿密泡沫，洗完頭之後感覺係有水潤，但淨澈頭皮我覺得還可以，秋天冬天用會比較適合

Kelvin好用推薦：八八折嘅時候就會買定，再加最抵買是是$99買一，這一款係近來用得最多嘅洗頭水。Pantene護髮產品品感覺越做越好。 Pantene 黃色係膠原蛋白，用完頭髮好順滑，但係唔會扁塌，味道怡人，甜甜地嘅香味 順滑唔會過分啲。第二日都冇話過起身好油，全日頭髮都好順滑柔軟，摸上手舒適。

GinGin好用推薦：勁好用，無論夏天定冬天都用佢，保濕之餘又容易起泡，洗完頭完全唔會打結，唔會因乾燥而脫髮，已經用緊第5支

poonpoon好用推薦：Dove日本極致輕氧保濕洗髮乳🇯🇵Made in Japan 最常回購既洗髮水，佢有黃色同藍色。 藍色更清爽🧚🏻 容易超泡，清新既味道👍🏻 用完感覺清潔力足夠，即使未用護髮掃都唔會鞋。 本身頭髮幼細，感覺清爽。用完順滑但唔會好塌，第二天毛燥感都唔會太多。 適合大眾人士使用🤗平價用後感又唔差 簡岩時間買試過最平既時候manning買1送1（$40）⭐️

Desse好用推薦：再嚟一款剛剛用完嘅洗頭水🤣 Dove Oxygen Moisture 💡洗頭水質地輕盈，容易起泡溫和潔淨 唔會扯髮或令頭皮乾，適合細軟塌塌髮質👌 💡用完頭髮感覺輕盈有彈性 容易洗淨，香味亦好自然 留意位🔔 🥸保濕效果一般 唔夠濃厚修護，唔太啱超乾或我喱啲毛躁髮 🧏🏻‍♀️🧏🏻‍♀️總結嚟講 性價比之選💓 非毛燥頭，細軟想有空氣感嘅髮系可以試吓

mavis好用推薦：我本身屬於細軟髮 頭髮比較貼同埋易出油 2022年7月到發現自己開始甩多左好多頭髮 係去到會有小小阻去水既程度 重要係日日都係咁既情況 見50惠多好評所以買黎用 希望可以改善情況 就番我既髮質我買左藍色既洗頭水同護髮素 其實我連育髮精華都有買 但個人太懶 用左兩次就無用了 所以比唔到comment 洗頭水第一次用個感覺好特別 係涼涼地的 唔係洗到好乾 除左涼之外 同其他無咩分別 而護髮素 佢係搽埋頭皮的 感覺都一樣係涼涼地 但出奇地 過左水後係唔會覺得好’立’ Lei個組合用完頭髮係乾爽舒服既 重點係 我用左5個月 (2 SET) 甩頭髮既情況係少左7成!!! 頭皮整體係健康左 大家見到萬寧/WATSON 做買一件第二件半價既時間可入貨(笑)

劉肥貓好用推薦：有小小香味 泡末豐富 濃宿度高 每次用少量便可以產生豐富泡沫 無矽 用後無敏感 頭皮同頭髮乾爽舒服