Hair Recipe

綠茶x柚子清爽保濕洗髮露

『清爽綠茶香氣洗頭水～🥰 』 謝謝 @cosme 送出綠茶x柚子淨油保濕水感洗髮露 + 頭皮頭髮精華髮膜 作試用 自己本身屬於乾性頭皮 有時唔夠水份就會出油 一有油就好似搞到頭好笠咁 所以要搵啲去油又保濕嘅洗頭水 我自己用咗以上兩款產品一星期 分享下感受先 精華髮膜可參考我嘅另一篇文章 洗頭水一泵已經夠成個長髮用 一唧出嚟已經聞到好有酒店高級香氣嘅感覺 我自己就好鍾意呢種香味 因為男仔女仔都會鍾意呢種味道 唔會太Girly 而呢隻洗髮露嘅泡沫綿密 好容易就起到泡啦 洗完後頭皮仲有清涼感覺～ 如果加埋精華發膜用嘅話就事半功倍啦！

多謝@cosme 今次抽中我試用Hair Recipe嘅洗頭水&髮膜。 今次依支綠茶+柚子精華洗頭水適合油性頭皮 乾枯髮適用睇睇我一整日嘅出油情況～ 因為頭皮易出油，加上天氣太熱，出左街一日個頭已經好油。 依支洗頭水入面加咗薄荷，洗完頭之後覺得涼浸浸好舒服！味道都好香，洗嗰陣聞到抹茶味，洗完聞到有水果味😂 喺手心加水捽開佢，其實就已經起到好多泡。加強清潔嘅效果。 睇下我洗完頭嘅頭頂～～ 頭髮超蓬鬆，超乾淨～ 仲要feel到涼浸浸 所以成個夏天用佢，應該都會好舒服😌 下年夏天我會再回購！

多謝 @cosme 邀請試用Hair Recipe綠茶x柚子保濕水感洗髮露 我嘅髮質屬於乾性，頭皮易出油會痕😣 附上before圖↓第一次用Hair Recipe嘅產品 洗頭時已經聞到好香嘅綠茶味！感覺清爽！同埋有少少涼感！ 洗完頭吹完頭都仲keep到綠茶味🍵 亦都好明顯見到有保濕功效，髮尾順滑咗好多！有番光澤～ 頭皮出油情況都減少咗☺️ 附上after圖↓值得推薦俾鐘意綠茶味產品嘅朋友仔試下👍🏻 配合同系列嘅精華髮膜效果更佳！（係另一篇心得度可以睇睇☺️）

多謝@cosme 同Hair Recipe 抽中試用😊 之前一路都想試下Hair Recipe既洗頭水，感覺會好香~ 今次試用既係<綠茶X柚子淨油保濕水感洗髮露＞，好開心，因為自己好鍾意柚子味，而且呢個洗頭水有保濕成分，應該好啱頭頂油，髮尾乾既我用😍 一開始用，洗頭水冇想像中咁大陣柚子味，反而有蘆薈同青瓜嘅氣味😂淡淡地、好清爽既味道。另外值得一讚係佢起泡效果好好，長髮泵一下已起到成頭泡，而且泡沫綿密，感覺會洗得好乾淨👍🏻另外，一路洗會有一種冰冰涼涼既感覺，好舒服😜唔會好啱夏天使用👍🏻 洗完之後頭頂好清爽，髮尾順滑有光澤👏🏻而且頭皮冇敏感，唔會痕癢起頭皮！讚！👍🏻值得回購👍🏻

綠茶x柚子清爽保濕洗髮露質地清爽唔厚重, 洗頭嘅時候會有微微清涼嘅感覺, 再配合埋淡淡嘅綠茶香味令人會有心情舒暢嘅感覺, 重點係綠茶洗髮露洗頭時唔會令頭髮打kick梳唔開, 因為我頭髮偏長又有燙染受損, 如果用一般清潔力太強嘅洗頭水,髮尾好容易打曬kick同好難梳開髮尾。 但呢支洗頭水完全冇呢個問題，用完佢洗頭，頭皮就算係近期呢啲咁潮濕嘅天氣之下都可以keep到全日乾爽唔笠, 連續用左7日之後, 頭皮明顯減少出油, 髮尾毛躁開叉都有明顯改善。

很高興得到 @cosme 邀請，能嘗試用呢支HAIR RECIPE的綠茶x柚子清爽保濕洗髮露機會。 先說說味道，其實香味有點兒男人既古龍水，同時帶有輕微檸檬香，可能會更特別適合男士使用。 我係夏天好熱既時候用，洗完好似仲有浸薄荷喺頭皮度，涼浸浸，好舒服，而且有洗完頭，個頭好乾淨既感覺👍🏻 整體黎講，其實呢隻味道更適合男性，而且涼浸浸既感覺，夏天用，真係一流👍🏻👍🏻 *本人是中性偏油的頭皮，平時兩日洗

以前已經用過依個牌子嘅其他配方都幾鍾意，今次可以有幸抽中試用Hair Recipe嘅綠茶柚子淨油保濕水感洗髮露，本人嘅頭髮容易出油，特別係髮根位，通常到晚上個頭就會好易Lum, 加上平時有染髮，髮尾都比較乾旱，形成好大對比。試左大約一星期，洗髮露有淡淡嘅綠茶柚子味，都幾清新，又易起泡泡。依星期我每天都使用，發現控油都有小小作用，髮根位置無咁易出油，用完又唔會太乾，用埋佢嘅髮膜頭髮仲柔順左，都會繼續使用佢～

很感謝Cosme抽中我使用Hair recipe 的洗護產品（綠茶柚子淨油保濕水感洗髮露&頭皮頭髮精華發膜）我本身就是偏混合油性頭皮，容易出油，加上漂染問題，現在頭髮上油下乾，今次用左10日左右，感覺很好，洗髮水有綠茶嘅清香，泡沫綿密，頭皮有種清涼嘅感覺好舒服，洗完頭頭皮清爽去油同時保濕，再配用精華髮膜，令我毛燥既頭髮順滑無比，好開心😁自從漂咗頭髮就冇咁順滑過，我會繼續使用這款產品並購買此款產品， 因為真心好用！👍👍👍👍

多謝收到抽中試用，今次試用Hair Receipe 綠茶柚子精華洗頭水及髮膜，試用左一個星期，洗頭水每日用一次，而髮膜就一星期用兩次 圖二：用新產品前的髮質 （乾旱，毛燥，梳頭會打kick) 圖三：用左新洗頭水及髮膜（明顯地水潤，少左毛燥，望落有光澤） 我持續用真係發現頭髮質素好左好多，而且佢既香味係柚子精華，令人好舒服，好放鬆，洗頭水配合髮膜用的效果最好，有d似係Salon做完treatment, 但價錢平好多，性價比好高

被頭髮乾燥問題困擾咗好耐 試咗好多隻洗頭水但係個頭髮都係又乾又毛燥好似雜草咁 試過好多市面上聲稱自己「極潤」洗頭水都係咁…我個頭對洗頭水真係極度挑剔 本身係包著死馬當活馬醫的心態去試試呢隻洗頭水.. 點！知！洗完個頭出黎又滑又順 配埋套裝入邊嘅髮真係無得頂 搞到我真係忍唔住比滿分好評！性價比極高！

我的髮質較硬，頭皮間中有痕癢的狀況，夜晚已有些頭皮出油。用了綠茶x柚子淨油保濕水感洗髮露，的確解決了痕癢問題，頭皮冇咁多出油。 我最鐘意係使用時聞到既柚子清新氣味，頭皮有些涼涼感覺。佢好易出泡，用後感覺好潔淨。

多謝 Hair Recipe 呢個試用機會！我好開心可以試用呢個產品 心得分享：呢款洗頭水幾驚喜，首先，佢嘅綠茶味幾香，會好想洗洗下頭即刻飲返杯。用嘅時候好舒服同開心，洗頭水嘅質地好柔滑，唔會令頭髮感到乾澀或者油膩。用完之後，我嘅頭髮感覺好清爽同柔順，頭皮都感覺好舒服。仲有，我發現洗頭水有助於減少頭髮毛躁同打結嘅情況，梳頭更加順暢。我特別欣賞呢款洗頭水嘅深層修護效果，佢好似俾咗我嘅頭髮額外嘅滋潤同護理，令佢更加健康同亮麗。

感謝 @cosme 再次抽中有機會試用 Hair Recipe 綠茶x柚子洗髮露 我本身髮質： - 髮絲比較毛燥 🫣 - 頭皮容易出油😵‍💫 使用感受： - 正常泡沫 - 容易滲透度☺️ - 非常清新的香氣🥳 - 頭皮有少少涼涼 ☺️ 使用後： - 頭髮感覺水潤、柔順 checkmark ✅ -不容易打結 🙋🏻‍♀️ -視覺上，質感上都沒有之前毛燥🚿

多謝@cosme 抽中我試用這款shampoo. 經過幾天的試用，尤其在夏天，它很清爽，大家都知道，香港的天氣又焗又熱，很容易頭油，頭髮塔扁的感覺。但是，我用它之後，即使一天都在室外，我都沒有覺得頭髮很油膩的感覺😍 而且，我頭皮容易敏感，生頭瘡。這我轉用它沒有出現這個問題，所以有頭皮敏感的人士可以試用。 最後，它的香氣很清新，不會覺得俗氣的感覺😉

氣味清香 清潔力強 容易起泡 過水即爽 容易購買 價錢合理 適合偏油嘅頭髮使用