Hair Recipe

生薑清茶洗髮露

謝謝Cosme邀請我試用 Hair Recipe 嘅生薑清茶洗髮露，上次使用過 Hair Recipe之後一直有回購，因為真係覺得頭皮健康咗，頭髮都蓬鬆咗，但又唔會毛躁，所以今次有得再試用佢哋嘅產品好開心！ 今次呢個生薑清茶洗髮露，即係話脆弱頭皮同埋細軟髮用家而設，我啲頭髮都係好細軟，成日都好塌，所以好期待今次嘅效果！今次洗髮露嘅質感同以往有少少唔同，佢係呈比較結身嘅質感，有少少豐厚感，好似平時搽喺面上面嘅精華咁。但係揉開起泡之後，佢啲泡泡好細膩，又唔會過分起泡，令頭皮好舒服，甚至連髮尾都好柔順，唔會好似其他牌子嘅洗頭水洗到好乾好毛躁❤️用完之後feel到好明顯頭皮係好清爽，但唔會乾，感覺頭皮都係好健康，髮尾都好柔滑，唔會打結；而豐盈感讀都做到，至少唔會係扁塌塌。 以下呢張係用完7日後嘅圖，平時比較少甩頭髮所以比較唔到，但明顯地蓬鬆感，即刻係細軟頭髮都會自動有豐盈感，值得一讚係feel到髮根健康強壯咗，仲要好有光澤感。誠意推介呢支產品比細軟髮嘅女仔，因為佢真係做到有個蓬鬆感，唯一令我覺得扣少少分係個味道，如果可以多啲清新生薑味就perfect!

本人頭皮中性偏油，髮質細軟易塌。 這次的生薑x清茶洗髮露10分適合本人使用。 一支出來的洗發露會有點像是溶化掉的軟糖🤣很容易產生泡沫，真正洗發時的泡沫比圖上的更綿密。味道方面，個人感覺很像chew軟糖的波子汽水味，個人很喜歡，很好聞。 洗完頭後感覺良好，不會覺得頭皮繃緊，但是洗得很乾淨，梳頭是幾乎沒有什麼脫髮。 最令人驚喜的是吹頭時掉髮減少了很多，非常開心。 下圖是剛吹好的頭髮。本人是超級毛燥軟塔的髮質，以前天天頂着扁塌又爆炸的頭上班。 下圖是使用幾天後一早起床的頭髮現況。 真的改善了，非常驚喜意外。 總結一下這次的洗髮露真的很適合脆弱，頭皮及細軟頭髮的用家。 成份天然，使用後感覺頭髮強韌了不少，味道好聞，很享受在洗髮時的過程，使得很乾淨而不覺得繃緊，不會覺得很油，非常清爽，梳頭是及吹頭時掉髮減少了。第二天起床後也不會覺得頭皮很油。 使用幾天後，感覺頭髮柔順了一點，頭頂也蓬鬆了一點點，非常希望日後繼續使用可以改善更多。 之前曾使用同品牌其他的洗髮露，是次這款最適合我，已想不到這麼有效，一定會回購，CP值極高。

多謝@cosme 俾今次機會我，試用Hair receipt 嘅新產品 【生薑清茶洗髮露】 試用日期： 20 Feb - 28 Feb 之前都有買過枝細嘅生薑防斷營養洗髮露（蘋果生薑嗰隻）嚟試用，當時都覺得Hair receipt嘅產品幾好用，所以當知道今次有得試用呢隻生薑清茶洗髮露真係好開心 先講講自己嘅髮質，頭髮唔算軟，但又唔係好硬嗰種，唔係油性頭髮，所以就唔會好出油。 不過之前唔知係咪用唔啱洗頭水，所以有時洗完頭都會出頭皮。而且生完小朋友之後，髮量係明顯比之前少咗好多，暫時都未搵到一隻真係可以幫到生多啲頭髮嘅洗頭水🥲 講返隻洗頭水先，呢隻洗頭水，唧出嚟嘅質地唔算係水狀，但加咗水之後好快就可以起泡，搽咗上頭之後可以起到好多泡，基本上洗完第一次啲頭髮已經好滑冇打撠。因為我習慣洗頭係洗兩次洗頭水，咁洗完第二次過水之後，即使冇落護髮素頭髮都好順滑，吹完頭之後亦冇毛燥，第朝起身個頭髮都keep到，而且連續用咗幾日，都冇乾到出頭皮。不過因為只係用咗一個星期左右，所以暫時未感覺到頭髮數量有增加，但係洗頭嘅時候甩頭髮情況明顯係少咗。 氣味方面，味道淡淡嘅薑味，係天然唔係化學嗰種，但氣味

多謝@cosme 邀請試用Hair Recipe 既生薑清茶洗露 平時都有用開其他防脫髪洗頭水，但大部分都係好乾，保濕功能欠佳！ 但係呢枝明顯好唔同，一揼出嚟就見到佢質地非常之creamy, 塗抹上頭髪後都好易起泡，最重要既係一啲都唔覺得乾！沖完水之後都保持到滋潤而不膩，吹完頭感覺清爽。 第一日用嘅時候甩頭髮嘅量就同平時差唔多，連續用咗5日後都明顯有減少到甩嘅髮量，希望持續使用會更加幫助到我減少甩頭髮！

多謝 @cosmo 邀請試用 一直都好想試呢個牌子嘅洗頭水，咁啱舊嘅洗頭水已經用完就收到hair recipe嘅試用 髮質：細軟髮，易甩頭髮，瀏海較容易油 呢一款係生薑清茶 首先佢嘅味道係非常偏清茶味大於生薑味，所以唔鍾意生薑嘅朋友都可以入手，我本人就覺得呢個味道係幾舒服 質地就係正常洗頭水，唔會太難起泡，亦都唔會太易起泡 第一次用 我就覺得佢係比較乾少少，但係感覺到佢係洗得好乾淨，洗完之後個頭皮都會有一種大清潔嘅感覺。 即使最近好乾，我有陣時都會因為搽咗防曬而令到個瀏海比較油，同埋去到夜晚11點嘅時候成個頭都會比較塌，用咗呢隻洗頭水之後我維持乾爽嘅時間係耐咗同埋蓬鬆咗，最近濕返少少都冇太大影響 希望喺之後百分百濕度嘅時候都依然咁好表現 雖然洗嘅時候覺得佢好乾，但係實際上洗完之後佢唔會有個種好諧霎霎嘅感覺，當然最好都係髮尾加番啲護髮素會好啲 佢主打係強韌同埋頭皮健康，咁頭皮健康有感受到 但係用嘅時間其實一星期不足以令我個頭皮健康返晒又生番啲頭髮出黎，所以呢頭頂我就唔特別攞出嚟講 其次係我真係覺得自己甩少咗頭髮 呢一點對於我嚟講係非常重要，第一日嘅時候我已經換咗一把梳去

試用程度： 連續試用五日每晚洗髮，第六日用回本身使用開的洗頭水，再連續試用兩日共七日，期間護髮素/吹頭方法與平日無異。 本身頭皮尚算健康，中性偏油，髮質幼細，洗頭後大概一日半後會現油光及開始塌。 容器：●●●●●○○ 遮光的深色膠瓶，泵頭有點難壓。一泵份量很多如下圖，髮長到肩大概用半泵都夠。氣味：●●●●●○○ 唧出時有頗濃草本味，起泡後帶淡薑味，洗頭後沒有殘留味道在頭髮。 質地：●●●●○○○ 淡黃色乳霜狀，非常濃稠，起泡力足夠，建議先於手上起泡後再搽上頭。 因泡泡夠厚，洗感不錯。成分：●●○○○○○ 瓶身宣傳有寫「0% Paraben, 適合脆弱頭皮」，但事實上呢支洗頭水有MIT同CMIT兩種著名防腐劑。 另外雖然有加入薑根及茶葉萃取，也有Niacinamide, B5等有益成分，但全部的量都排在香料以後，有點感覺誠意不足。效果：●●○○○○○ 使用第一日後發現生頭瘡，然後連續使用幾日下來陸續都有生新頭瘡，所以中間有一日用番自己本身的洗頭水後，果然沒有再生新的頭瘡...及後再試用兩日又有新的頭瘡，這太令人困擾及不能接受。 清潔能力無問題，洗頭後沒有特別乾/油感覺，表現均衡。 洗完

❤️感謝@cosme比我試用Hair Recipe 生薑清茶洗髮露，試用了七天 😛本人髮質長度：頭髮偏粗硬，有染髮，易打結毛燥， 髮根偏油髮尾較乾， 易扁塌， 長度及胸，頭皮易敏感 😳洗髮露質地 和氣味： 偏杰身乳霜狀，要較用力泵，每次泵出來的份量尚可，泵2次可以洗到長頭髮，先手上起泡，起泡易，聞落去有薑味草本味，尚算清新怡人 😳產品特質： 專為脆弱頭皮細軟髮用家而設，用天然食材薑根精粹養護頭皮強韌髮根，減少脫髮，豐盈秀髮 試用七日期間，用護髮素/髮膜/髮尾油，吹頭方法與平日相同 本身頭皮易敏感，中性偏油，洗頭後大概半天後會現油光及開始扁塌 😔洗完頭之後，梳頭時比之前甩多了頭髮，但頭皮乾淨清爽，但梳頭時較易打結，但吹頭後尚算順滑和有豐盈效果，但出街半日後頭髮開始扁塌，頭皮開始出油。 使用多天後，發現頭髮明顯柔軟左，全日都能保持頭髮順滑蓬鬆感，只足頭頂有少少扁塌，但會有頭痕！至於頭髮的髮量，只用了7天，暫時未覺得髮量有明顯的增加。 😐😧失色部份 瓶身宣傳須然有寫《0%Paraben,適合脆弱頭皮》，但事 實上這支洗頭水有MIT同CMIT兩種著名防腐劑, METHYLISO

十分感謝@cosme邀請我試用Hair Recipe生薑X清茶洗髮露，我的使用時間為連續七天每日使用。 - **泡沫與質地**：黃色凝露質地，加水搓揉後迅速起泡，泡沫綿密輕盈，無殘留感。洗時帶有淡淡生薑暖香與綠茶清新，沖洗後頭皮如「敷過清涼面膜」，觸感清爽。- **洗後觸感**：髮絲柔順不打結，但未搭配護髮素時髮尾略顯乾澀，建議後續使用輕質護髮乳加強保濕。 **持續七天使用效果**： 頭皮出油減少，潔淨感維持至隔日下午，沒有出現乾癢或敏感反應。梳頭時掉髮量明顯減少，頭髮蓬鬆度感覺更豐盈，尤其頭頂扁塌問題改善最明顯。 **Before****After**

感謝@cosme 比我試用生薑X清茶洗髮露，我的頭髮係偏粗硬。 洗髮露質地偏杰身，較難泵出來，要用力泵，每次泵出來的份量唔係好多，泵2次可以洗到長頭髮，都好易起泡，聞落去有少少薑味，都幾好聞。 BeforeAfter使用3日後，已發現頭髮變得很順滑，頭髮都好易疏，不會好易打結，再使用多幾天後，明顯感覺柔軟左，全日都能保持頭髮順滑。 感覺這款洗髮露偏向滋潤，在冬天用時，可保持頭髮柔順，但過了一天後都不會變得油，其間亦試了隔日洗頭，頭皮都不會好易出油，至於夏天就要再試了。 至於頭髮的髮量，只用了7天，暫時未覺得髮量有明顯的增加。

感謝 @cosme 抽中試用～ 第一次用呢個牌子洗頭水，感覺較杰身，要大力d先禁到1泵出黎，我覺得有少少香口膠ge味道🤔起泡後帶有淡淡薑味。我長髮及胸，平時用1泵洗頭水，但可能呢款比較易起泡，我用大半泵就夠。 我髮質細軟易扁塌，平時如果過度清潔好易太乾而有頭皮，但隔日洗頭又會太油。暫時試用左呢款洗頭水一星期，覺得洗完頭後乾淨得黎無繃緊ge感覺。中間有日比較凍無點出汗，就試左次隔日先洗頭，都無之前用其他洗頭水咁出油ge問題。 髮量同脫髮方面暫時未有感覺，但滿意頭皮油脂ge平衡感，會繼續使用。 Before： After：

感謝cosme俾我試用Hair Recipe呢款生薑清茶洗髮露🧡 本身用開五十惠，但上年突然頭皮敏感，一用頭皮濕疹就發，轉過好多洗頭水，最後睇醫生，用埋藥性洗頭水先好番。自此之後我揀洗頭水好小心，好想搵到一支對我頭皮唔刺激得嚟，洗岀嚟頭髮又靚嘅洗頭水。 用咗七日呢支生薑洗頭水，我會俾六粒星嘅原因係: 1. 佢無令我頭皮敏感，最重要嘅一點！🙏 2. 用咗一星期，頭髮真係有變豐盈。我偏細軟髮，易塌，用完第一日無乜分別，但用到第五六日會突然發現真係蓬鬆咗😃 Before:After 6 days: 3. 髮質柔順有光澤。P.S有搭配我自己嘅護髮素使用 4. 香味清新 唯一扣一粒星嘅原因係，我覺得唔算好易起泡。同埋都要再用耐啲睇下keep唔keep到個效果。 總括嚟講，推介指數6粒星🤣絕對可以一試👍

多謝cosme比機會我試用呢隻洗頭水❤️ 係生薑x清茶~ 但生薑味好勁，我超鐘意！我覺得好香～ 本身我個頭都算容易出油，呢支佢其中一個特點係可以深入清潔毛囊，從而減少脫髮，令頭髮睇落更豐盈～ 因為如果毛囊太多油，就令髮絲會越黎越幼，越黎越易斷，而令到頭髮越黎越稀薄。 試用左呢支洗頭水接近一個禮拜後，佢既潔淨力唔會令頭皮過份乾，而且仲有陣清爽感，用完明顯感覺到吹頭梳頭都少左甩頭髮，洗完頭隔日都仲乾爽唔笠！ 確實係CP值不錯既洗頭水，之後都會回購！

好榮幸有機會試用 Hair Recipe 嘅 生薑x清茶洗髮露，希望呢篇試用報告對大家有用。 洗髮露唧出嚟結身，淡黃色，有淡淡薑同茶嘅香氣，唔覺得係化學香精嘅味道，幾好。 洗髮露遇水輕搓有濃密泡沫，比較容易掌握用量同清潔程度。 洗完頭覺得頭皮清爽乾淨，喺冇用護髮素嘅情況下，頭髮都唔會出現打晒kick嘅情況，效果幾滿意，因為我本身髮質細軟，再用護髮素個頭好容易會扁晒。 連續使用約一星期，頭髮蓬鬆程度同萬年髮界有改善，不過條界唔係分得100%準，同埋頭頂嘅斷髮都需要時間睇吓留唔留得長，所以要用耐啲先知產品嘅真正效果。另外，暫時冇皮膚或頭痛問題，所以應該冇造成敏感。 總括嚟講，係幾好用嘅洗髮露，我會期待後續效果。最後，產品原產地係中國。

最近嘅天氣又熱又凍，冬天用開嘅洗頭水可能太滋潤，搞到啲頭皮都好唔舒服，一時又好乾燥，一時又出油好痕🥲🥲🥲🥲仲甩好多頭髮 上星期收到Hair recipe 元氣頭皮系列全新「生薑清茶洗髮露」，聽講轉為脆弱頭皮細軟髮用家而設，加上用天然食材養護頭皮強韌髮根，締造豐盈秀髮效果咁吸引，一於實測7日睇吓有啲乜嘢變化先🫶🏽🫶🏽😊 我自己都好鍾意生薑🫚，所以淡淡清茶香加天然薑氣味反而令我覺得好舒服，洗頭水質地唔算太厚身，一揼已經可以好容易起到軟滑泡泡🤍洗完頭之後覺得頭皮唔會乾爭爭，好舒服，好乾淨，頭髮都冇話打晒撠，再令我覺得開心嘅係第二日頭皮完全冇出過油😍😍😍洗一次已經冇頭痕嘅感覺，好爽呀，好耐冇試過啲頭皮咁乾淨嘅感覺😍😍😍🥰淨化毛囊同平衡油脂呢方面真係非常出色 最surprise嘅係用咗一個星期之後，我發現自己啲頭髮多咗，頭頂啲斷髮毛毛少左一半🫶🏽🫶🏽🫶🏽 本身額頭同髮線分界嘅位置見到少少頭皮，一個星期之後竟然濃密咗, OMG 😱 真係有圖有真相 今次終於都搵到支夏天啱用嘅洗頭水，一次過滋養髮根、修護頭皮、7 天防斷豐盈髮🖤🖤🖤

多謝 @cosme 邀請試用 Hair Recipe 生薑清茶洗髮露，講起生薑就諗起之前坐月都接觸過生薑洗髮露🤣不過唔係呢個牌子😆質地比較杰身，有淡淡既生薑味，而且好容易起泡👍吱一泵已經夠～洗完後好舒適，同埋柔順左好多，最緊要係隔幾個鍾都唔會油笠笠又或者會頭痕🤣連續用左七日，感覺上甩頭髮都好似少左～因為每日都會洗頭髮，所以揀岩自己合適既洗髮露好重要💛

味道清香，有薑味，但不會太濃烈，也不像其他牌子很濃的藥材味，味道都維持到幾小時，另外清茶的味道感覺有少少類似薄荷提神的作用。 我自己本身的頭髮髮質很幼細很薄，比較少，也很容易斷，所以我經常會嘗試不同牌子的強韌配方。 今次試用的這個洗頭水質地上很容易就可以起泡，搽上頭髮時很柔順，感覺不像洗頭水，像護髮素，使用時感覺有啲擔心，因為以前用過幾個牌子嘅強韌防掉髮配方嘅洗頭水都會令到個頭髮好硬好粗，未試過好似呢隻咁咁柔順，所以都有啲擔心用完之後頭髮會好扁塌，但使用了七天後，感覺和平時分別不大，不會很扁塌，但感覺沒有變粗和強韌，但掉髮減少了，而我沒有使用護髮素的情況下，毛躁也減少了。 總括來說，這個洗頭水沒有令到頭髮很扁塌，就算不用護髮素頭髮也算很柔順，這個配方也很容易起泡，沖洗完後感覺頭髮很滑，雖然感覺用了七天不像有增加到，但起碼減少了掉髮，所以都會長遠使用看看有沒有增加頭髮，整體來說也推薦其他人使用。 另外附上前後相片對比，碎毛多了小小

首先多謝今次被選中成為試用專員，有幸試用呢隻咁好用嘅洗頭水- Hair Recipe! 第一次試用呢隻洗頭水，已經有驚喜既感覺！估唔到只要用咗一次，感覺已經非常良好！ 首先從質地方面去睇！由個樽度泵出嚟，第一下已經覺得佢好濃郁，質地好厚實，並唔似一般洗頭水咁稀！ 搽喺頭上面，唔算係好容易推開，但係質地真係好滑，而且泡沫都好濃密，有滋潤髮根嘅感覺！洗頭水冇任何薑味，但係就傳出淡淡清香，唔似得其他洗頭水嘅香水味，佢嘅香味比較自然清淡，聞落好舒服！ 洗頭期間，洗髮水停留喺頭髮上邊，唔單止冇令頭髮打擊，仲令頭髮立即有順滑嘅感覺。我平時洗頭一定要用護髮素，如果唔係，過完水之後頭髮就會好似鐵線打晒撠咁！ 神奇嘅地方係，我用呢隻洗頭水，竟然唔需要用護髮素，洗完頭之後頭髮已經好柔順，而且過水期間已經感覺到頭髮順滑得來清爽柔軟，感覺好神奇！ 第一次用完之後，頭髮已經立刻有豐盈感覺，洗完頭之後頭髮清爽，但係好柔順，奇怪嘅係，頭髮竟然立即豐厚咗！ 平時吹頭嘅時候，無論用幾香嘅洗頭水，結果都會有一陣頭髮的氣味。今次用咗呢隻洗頭水，我第一次喺吹頭嘅時候竟然有清香嘅味道，真係好舒服！ 我用咗一次

感謝 @cosme 今次抽中我成為 Hair Recipe 生薑清茶洗髮露的試用戶，本身都諗住轉洗頭水，巧合地今次可以試吓這款新產品❤️ 之前都有用開Hair Recipe的蘋果x生薑系列洗頭水，本身已經覺得呢個牌子性價比好唔錯，價錢實惠，又容易買到，而且用落清爽、氣味宜人👍🏻 就住今次試用了一星期後的效果，有少少心得分享😄 本身自己的頭髮屬於幼細、易斷、偏油（第2日已經好油），加上有漂染，近呢一年開始很容易打結及乾旱。 今次呢款生薑清茶洗髮露，泡沫質地豐盈（如圖），很輕易就能起出很濃密的泡泡，因為泡泡分子細，才能深入我們的頭皮做好清潔，而且又淡淡的薑味，不會很濃，反而有種清茶加薑的味道，很貼切產品名字🤣😂 我自己用這款產品，覺得很適合孕婦/坐月子的媽媽使用，因為薑成份是很合適的，向醫生查詢有關成份，就知適唔適合自己🫶🏻 洗髮後，感覺很清爽，是很乾淨的感覺，因為坊間有好些洗頭水，洗完都會覺得好笠😅，而呢個品牌的洗髮水就沒有呢個問題👍🏻 非常讚呢🥰 持續用咗一個禮拜，頭髮蓬鬆度都有明顯改善，吹完頭，頭頂的弧度是豐盈的，不會吹完仲係扁扁的🤣 最重要係，脫髮及斷髮情況改善了，

味道好香，並且比較控油，啲頭髮洗完唔會乾燥，會keep住買呢個牌子用

冬天嘅時候用過石榴嗰支，感覺唔錯。今次買咗新出嘅試埋新出嘅生薑清茶洗髮露。 呢支出嚟有少少淡黃色，質地較稠身嘅洗髮露，並唔似石榴嗰支嘅啫喱狀，起泡係比較綿密厚身嗰種，都容易清洗。洗頭時會有一浸薑味，幾好聞。 呢支主打強靭豐盈，我既頭髮偏油性，出街半日就有點笠，而家夏天容易出油，不會回購。 #火熱新品