Hair Recipe

生薑清茶洗髮露

首先多謝今次被選中成為試用專員，有幸試用呢隻咁好用嘅洗頭水- Hair Recipe!

第一次試用呢隻洗頭水，已經有驚喜既感覺！估唔到只要用咗一次，感覺已經非常良好！

首先從質地方面去睇！由個樽度泵出嚟，第一下已經覺得佢好濃郁，質地好厚實，並唔似一般洗頭水咁稀！

搽喺頭上面，唔算係好容易推開，但係質地真係好滑，而且泡沫都好濃密，有滋潤髮根嘅感覺！洗頭水冇任何薑味，但係就傳出淡淡清香，唔似得其他洗頭水嘅香水味，佢嘅香味比較自然清淡，聞落好舒服！

洗頭期間，洗髮水停留喺頭髮上邊，唔單止冇令頭髮打擊，仲令頭髮立即有順滑嘅感覺。我平時洗頭一定要用護髮素，如果唔係，過完水之後頭髮就會好似鐵線打晒撠咁！

神奇嘅地方係，我用呢隻洗頭水，竟然唔需要用護髮素，洗完頭之後頭髮已經好柔順，而且過水期間已經感覺到頭髮順滑得來清爽柔軟，感覺好神奇！

第一次用完之後，頭髮已經立刻有豐盈感覺，洗完頭之後頭髮清爽，但係好柔順，奇怪嘅係，頭髮竟然立即豐厚咗！

平時吹頭嘅時候，無論用幾香嘅洗頭水，結果都會有一陣頭髮的氣味。今次用咗呢隻洗頭水，我第一次喺吹頭嘅時候竟然有清香嘅味道，真係好舒服！

我用咗一次，頭髮已經有好好嘅效果，所以跟住我都有繼續使用，用咗一星期，頭髮已經明顯變得順滑好多，而且唔使再用護髮素。老實講我又覺得頭髮冇咁快生出嚟，但係佢又可以令到頭髮已經豐盈咗好多，我會繼續用，如果產品價錢合理，我一定會回購！

提議頭髮稀薄、柔弱嘅你，一定要試吓用呢一隻洗頭水！可能效果因人而異，但係值得一試！