2026香港「美髮」推薦好用排行榜Top20

YYeman好用推薦：我本身頭皮偏油，朝早洗完頭，去到下晝三四點個瀏海就已經塌晒、癡住額頭。轉用 Head & Shoulders 呢支「水油平衡蓬鬆豐盈」之後，最明顯係頭皮冇咁快出油，以前一日一洗，而家可以捱到第二日朝早先洗。 泡泡算綿密，過水唔算難，洗完個頭有種「爽」嘅感覺，但唔會話好乾噉。吹頭嗰陣髮根真係有啲蓬鬆，唔使特登用風筒 reverse 吹都好過之前。香味方面，我覺幾清新，唔會太甜，男仔用都 OK。 不過要彈嘅位都有：如果嗰排天氣乾，或者我隔日先洗，頭皮會有少少痕；另外去屑力我覺得一般，如果頭屑好勁可能唔夠。同埋用耐咗，蓬鬆感好似冇第一星期咁驚喜，可能要同其他洗頭水輪住用。 總結： 油頭、扁塌髮質會幾鍾意；乾頭或者嚴重頭屑就未必啱。我會回購，但唔會長期日日用。

Ming好用推薦：#火熱新品# 呢期新品， Head and Shoulders水油平衡洗頭水，粉紅色玫瑰味。夏天一出汗就出好多頭油，頭髮味道又重，頭髮又好貼頭皮。用咗呢支之後，頭髮蓬鬆可以維持一整日，頭油味道減輕咗好多，推介大家喺夏天嘅時候使用。

Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺

Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好

Umbrellarainn好用推薦：感謝cosme揀中左我去試用呢款沙宣深層滋潤洗髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款洗頭水冇好大期望，但係點知用左14日後，佢都俾到驚喜我喎！ 講吓佢質地先，佢唧出嚟呢都幾cream，但係cream得嚟都幾水潤，好容易起泡，沖水之後呢，你會feel到頭髮乾淨嘅感覺。係一定要配合埋護髮素一齊用如果唔係呢啲頭髮就會有啲鞋颯颯嘅感覺。 係保濕方面，表現不錯。佢主打深層滋潤，洗完頭之後，啲頭髮會變得好滑，好貼服，啲毛燥冇晒，有一種水潤感。 而柔軟度方面，都幾好！明顯頭髮好滑，變得好好梳，唔打kick，頭髮變到滑捋捋咁。本身我啲頭髮係比較粗硬，但係用完之後而家我啲頭髮感覺變得好細軟。 至於強韌度，係我本身嘅頭髮就唔算有好多分叉，所以呢方面感受唔算好強。不過我感覺啲頭髮係健康左。因為乾燥同埋毛燥嘅問題都減少咗好多。 光澤度就正正常常。洗完吹乾會有自然光澤。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度

ynqq123好用推薦：感謝@cosme 送出今次的試用。我本身頭髮底子好差，又乾又粗糙，成日望落都好暗啞，最慘係洗完頭或者朝早起身梳頭嗰陣，啲頭髮受損開叉到成日一扯就斷，真係睇到都心痛。 不過最近轉用咗呢套深層滋潤洗護系列，修護效果真係明顯過以前用開嘅牌子好多。支洗髮乳有胜肽同玻尿酸，洗完個頭完全唔乾澀，每條髮絲都好水潤、好貼服，連啲衰毛躁都撫平晒。之後搽埋支潤髮乳，佢雖然好滋潤但質地好輕盈、一啲都唔黏，入面嘅角蛋白成分真係好似幫條頭髮做咗沙龍級護理咁。依家梳頭直情絲滑到一梳到尾、唔再打結，頭髮強韌咗、冇咁易斷，仲自然散發住好靚嘅光澤，成把頭髮望落健康好多，真心推介！ Before: After:

TL好用推薦：用咗Vidal Sassoon水感舒活洗髮露約三星期，洗頭後吹乾，頭髮保持柔順筆直，只有少量毛燥。用手觸摸髮絲依然順滑，完全冇乾旱感覺，保濕效果相當不錯。 洗髮露的樽身採用菱形設計，手握時非常順手，半透明紅色搭配漸變色調，外觀相當特別。 質地呈水狀，唔會過於濃稠，味道亦十分清香。產品含有精萃角鯊烷和 AHA 果酸活性分子，能令頭髮保持水潤亮澤。 用咗佢，真係可以隔耐啲先去 Salon 做護理。

Jan好用推薦：由於經常染燙做造型，我的頭髮和頭皮都比較敏感，尤其是頭皮屏障受損後代償性出油也會變多，越乾越油，塌頂速度直線上升。 沙宣 Scalp Care擁有沙龍同源3重頭皮屏障科技應對不同的頭皮問題都出了專款洗。

TL好用推薦：用咗呢款潤髮乳大約三星期，每次洗髮後均勻塗抹於髮尾並輕輕按摩，停留一兩分鐘後沖洗，潤髪乳質地呈現乳霜狀，非常容易沖洗，完全冇黏笠感。 瓶身係類似潤手霜的軟管設計，而帶有”令”身面的設計，亮眼又好拎。 用咗之後最明顯的改變是頭髮的觸感，部分毛燥變得絲滑，吹乾後頭髮仍保持自然及有光澤。到咗第二日，頭髮仲保持到水潤柔順、不扁塌，添加玻尿酸精華分子，更加提升咗保濕度。

Nicole好用推薦：LUCIDO-L系列，幾乎全部都用過。當中以淺粉紅嘅精華油最清爽最易買到。五款官方都有建議適合使用人士，而呢款就係適合細軟髪質。因本人頭髮比較粗厚乾燥，所以一開始係試藍色修護型同埋橙色滋潤型，係因為冇貨所以先轉淺粉紅清爽型，但意想唔到雖然係好薄身嘅油（唧5-6次喺手心有時唔為意就已經流咗去手指縫)，但滋潤度完全足夠並唔黏笠，唔會令頭髮變成一束束。比其他款更易吸收同埋個花香係有驚喜。#不斷回購同埋囤貨。 另外提一提，唔好買錯深粉紅嘅抗燥型，因為抗燥型係gel狀精華油，喺掌心推開先搽都唔係咁容易完全吸收，吹頭嗰時感覺唔夠潤髪尾會打結，唔能夠由頭頂梳到髪尾，係系列當中唯一一款因為效果同用後感而唔能夠空瓶嘅精華。 最後，附上全系列五款精華油嘅官方圖俾大家參考。

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

貓餅好用推薦：個人認為非常好用的髮膜粒粒（我當護髮素咁用），通常會帶去旅行用，因為細細粒真在太方便喇。 首先，呢粒髮膜好香，佢有3色，黃色，粉色同藍色，大家不同功效，個人最like黃色，因為最香。 第二，帶去旅行當護髮素係超好用，細細粒，獨立包裝，方便攜帶。好多時酒店的護髮素都不太好用，甚至沒有提供，呢個髮膜粒就幫到手了。 第三，佢髮膜入面個量好多，幾乎係佈滿成粒，所以一粒可以2-3次，而且每次唔需要用太多嘅量就可以搽哂耳仔對下嘅頭髮，其實幾抵！ 第四，髮膜入面有勝肽精華，係高濃度嘅保濕髮膜，用完髮膜，過水嘅時候，感覺到頭髮變得超級順滑，唔會打結，好易梳順，髮膜營養去哂頭髮到，充分被修護，讚。 第五，一盒唔貴，一盒好似有8-10粒，價錢60蚊左右，有時$99會買一送一，但係佢一粒係可以洗幾次頭，所以好抵，性價比好高。 總結，建議大家都入手試試看！

Emma W好用推薦：PRO-V 爆水珠珠髮膜（密集修護）好行容！膠囊設計一樣方便，方便去旅行時、游完水時使用。 其質地濃郁，吸收快不黏膩。香味持久。用左個髮膜1次後，頭髮瞬間補水爆潤，乾枯毛躁全消，受損髮尾撫平左，唔會冬天穿完衣服後，就好似超級撒亞人咁，頭髮飛起，表現毛燥，分岔減少，柔軟有彈性！ 特別適合染燙重度受損、極乾髮質，隔天還超順滑。比強韌防斷款更注重保濕修護，係我必買囤貨貨品之一。 適合肌膚：任何，特別為染燙重度受損、極乾髮質 成效度：5/5 質地：cream 光澤度：5/5 持香度：5/5 值得推薦度：5/5

ying好用推薦：🌿 YVES ROCHER ANTI-CHUTE 防脫髮洗頭水 白羽扇豆強韌洗髮露 無硫酸鹽・94%天然成分 ✅ 甩少咗頭髮 配合安瓶一齊用， 甩頭髮嘅情況明顯減少。 洗頭嗰陣唔會再一堆一堆咁甩， 吹頭、梳頭都少咗好多。 ✅ 白羽扇豆成分 同安瓶一樣嘅核心成分， 可以激活毛囊、強韌髮絲。 由洗頭開始就護理頭皮。 ✅ 無硫酸鹽，溫和 Sulphate-free配方， 唔會過度清潔， 唔會刺激頭皮。 敏感頭皮都用得。 ✅ 94%天然成分 用落安心， 唔怕化學嘢傷頭皮。 ✅ 洗完唔乾唔笠 好多防脫髮洗頭水用完會好乾， 呢支唔會。 洗完頭髮仲係順嘅， 唔會打結， 又唔會笠。 #YVESROCHER #ANTICHUTE #防脫髮洗頭水 #白羽扇豆 #無硫酸鹽 #天然成分 #甩少咗頭髮

Tszki好用推薦：YVES ROCHER [皇牌] 防脫髮洗髮露 300ml 皇牌銷量No.1防脫髮洗髮露，蘊含水解天然白羽扇豆種籽精華、有機龍舌蘭精萃及維他命E，配方不含硫酸鹽，溫和清潔頭髮，同時鞏固髮根。使用後即時推動頭皮微循環，增加頭髮細胞養分供給、有效減少及防止頭髮脫落，頭髮及頭皮狀態慢慢回復至健康水平，頭髮更健康更亮澤。頭髮稀薄或脫髮問題髮質適用 我的頭皮比較容易出油，使用了防脫髮洗髮露，頭油分泌量減少了，質地啫哩狀加水起泡，有清新香葉味道，洗2次頭髮洗完頭髮後很清爽很舒服，改善了脫髮的情況。

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦：youth Revitalizing shampoo 逆時光至臻修護浴髮乳250ml 我試過一支之後就冇用其他品牌洗頭水嘅產品, 原因如下： 居家treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單

莓莓好用推薦：我用咗呢支護髮膜超過一年，漂過兩次髮尾都靠佢救返，以下係平民真實用後感（冇濾鏡）： 味道（第一印象）：一唧出嚟就係好強烈嘅花果甜香，鐘意嘅人會覺得好放鬆，但如果你係偏好「無香味」嘅人，呢個氣味會偏濃，留香都幾耐。 質地 vs 油頭：質地係好厚身嗰種忌廉狀，唔會滴到周圍都係。不過，如果你係油性頭皮，千祈唔好搽上頭皮，只可以搽「耳仔以下」嘅髮尾，否則第二日個頭會塌到好似冇洗頭咁。 最驚喜嘅「瞬間」效果：真係沖水嗰刻就知龍與鳳！平時用平價護髮素，沖水時頭髮會「啜」住，但呢隻你一沖水，手指可以直通到底，完全唔使梳。吹頭嗰陣明顯見到髮尾冇咁散開，啲毛躁收晒皮，就算唔用風罩就咁吹，都滑過之前好多。 最大缺點（誠實話你知）：佢係「即時急救」好勁，但持久力一般。如果下星期偷懶唔用，髮質會打回原形。另外，因為夠滋潤，乾旱受損髮用完會好順，但健康冇漂染過嘅幼細軟髮用，可能會覺得「太過腍」，冇晒彈性。 總結用法貼士： · 慳家秘訣：唔使成日敷到3分鐘，我平時沖涼搽完即沖（約1分鐘）已經夠順，真係爛頭髮先敷足3分鐘。 · CP值：80港幣有200ml，以效果嚟講，對得住「開架奇蹟」呢個名，會無限回購

Fng好用推薦：潘婷3分鐘奇蹟輕盈修護護髮精華素係專為細軟髮質、油性頭皮同追求輕盈感嘅人而設。最大賣點係高效修護得嚟唔會令頭髮扁塌，好適合夏天用。 ✨ 產品核心重點 · 專為油頭/幼髮設計：清爽修護不黏膩，告別傳統護髮素嘅厚重感。 · 3倍PRO-V B5精華：深層修護髮絲損傷，即時柔順亮澤。 · 創新液態微分子技術：一抹即吸收，輕盈修護，清爽0油笠。 · 持久留香：清柚蒼蘭香氣或白桃烏龍香，可維持48小時。 💬 評價 · 有效改善毛躁乾旱，效果持久，非假潤。 · 質地清爽：膏體輕盈，極易沖洗唔會假滑。用完頭髮輕盈有空氣感，髮根唔會塌。 · 味道吸引：香味清淡舒服，隔天仲聞到。 · 適用提醒：輕度受損（日常吹整/輕度電染）效果理想。若嚴重漂染受損，修護力不及「多效損傷修護」版。 📝 使用小貼士 · 用法簡單：洗頭後將護髮素由耳下開始塗抹至髮尾，避開頭皮及髮根，停留3分鐘後沖洗乾淨。 · 分量參考：肩以上用約3-4個硬幣大小；肩以下用約5-6個硬幣。 · 進階用法：塗抹後用熱毛巾包住，修護效果會更好。 📌 總結 如果你正在尋找一款清爽、唔會令頭髮扁塌，又要有一定修護力嘅護髮素，呢款會係你嘅