2026香港「睫毛膏」推薦好用排行榜Top20

Fng好用推薦：ettuis 激長濃密捲竅睫毛液 呢支個刷頭好特別，係雙面梳齒設計。一面係密齒，另一面係疏啲嘅Z字型鋸齒。 我一開始用唔慣，蘸得太多，結果刷完變咗「曱甴腳」——又結塊又厚重。後尾學精咗，喺樽口颳走多餘膏體先上，效果即刻唔同晒。 正確用法：先用密齒嗰面由根部向上梳，將睫毛拉長；再用鋸齒嗰面左右Z字向上刷，營造一束束嘅「Idol級」束感。出嚟嘅效果係自然纖長＋濃密，捲翹度好高。 捲翹持久度：潮濕天都頂得住 香港呢啲又濕又焗嘅天氣，最怕睫毛液「塌樓」。呢支有雙重持久睫毛精油配方，防水防汗防皮脂。我試過全日冇補妝，冇下垂冇溶化成熊貓眼，捲度依然喺度。 易卸程度：呢樣真係加分 好多防水睫毛液要「捽餐死」先落得到，眼周皮膚好傷。ettusais 呢支用眼唇卸妝液濕敷一陣，輕輕抹兩三次就乾淨晒，唔使狂捽。 總結：好用，但要掌握技巧 一支睫毛液搞掂纖長、濃密、捲翹，仲要持久防暈＋易卸，開架價錢嚟講CP值好高。唯一缺點係刷頭設計要花時間適應，新手容易失手。 如果妳係追求自然纖長、唔想睫毛太重下垂嘅人，呢支好值得試。但如果你想要「假眼睫毛級」嘅濃密效果，可能要疊多層或者揀其他款。 同場加

Fng好用推薦：Canmake呢支金屬刷頭睫毛膏，$63開架價，真係平靚正！佢個金屬刷頭係靈魂所在，防暈染防水防油力強，喺香港潮濕天氣用都頂得住。妝效偏向自然細緻嘅束感，唔係誇張濃密型，好適合返工日常，或者追求偽素顏嘅朋友。但如果本身睫毛偏短、追求濃密纖長效果，呢支就可能唔太啱你喇。 🖌️ 用後感 · 刷頭是靈魂：極細不銹鋼梳齒唔會一次過沾取太多膏體，就算係化妝新手，都唔怕刷到好似曱甴腳咁一舊舊，可以完美控制妝感。 · 妝效出色：一層係自然細緻嘅束感睫毛，兩層就可以營造日本好興嘅「束感娃娃睫毛」，睫毛根根分明又企理。 · 持久力出色：喺香港潮濕天氣下，防暈染、防水、抗皮脂嘅能力真係冇得輸。搭車返工、行街一整天都冇溶妝。 · 小缺點：對睫毛特別短嘅人嚟講，存在感提升有限。捲翹度一般，建議先用睫毛夾夾翹，或者配搭睫毛打底膏，效果會更持久。 📊 同類產品簡單比較 · CANMAKE 金屬刷頭睫毛膏 (約HK$63)：【優】防暈染防水防油力強，金屬刷頭精準自然，新手友好。【缺】捲翹力一般，無纖長功能。 · KISSME 激長原生感防水睫毛液 (約HK$82)：【優】超強纖長效果，捲翹持久。【缺】膏體偏乾

Sanna Cher好用推薦：產品真的是誠心推薦的好物，絕對有回購力。 以上是塗抹在水上的效果，見有透亮感，但沒有膠水一樣黏稠。產品使用前後對比，是真的做到捲翹的效果，而過程因睫毛底膏是透明，所以感覺很乾淨。完妝的效果

mandy好用推薦：UZU by Flowfushi Mote Mascara 魅力睫毛膏 #Khaki UZU by Flowfushi Mote Mascara 魅力睫毛膏共推出10多款不同款式/顏色的睫毛膏，光是選色也花多眼亂，不知怎樣揀才是。 這次Tokyo Lifestyle限定福袋內抽到的UZU by Flowfushi Mote Mascara 魅力睫毛膏是卡奇色唷。成分方面，以保濕成分為主，而且成分簡單溫和，不含酒精或香料，敏感肌也可使用。 先分享一下我的畫睫毛步驟: 1. 用珍藏的Majolica Majorca睫毛夾夾眼睫毛(還是很原始，仲未用電睫毛夾~) 2. 用睫毛膏打底(通常是來自Canmake或ettusais)-->這一步很重要，可以已為夾好及翹起的睫毛先固定好，之後用睫毛膏就事半功倍 3. 用睫毛膏由下而上掃在睫毛上，重複數次直至理想的濃密纖長度 魅力睫毛膏的特點是完妝效果的濃密度及纖長度雖然都有增長如盛開的太陽花，但是比較傾向自然的妝效。有些開架品牌的睫毛膏的濃密度及纖長度真的頗誇張，但實情就是不太適合您上班時使用，這時候Uzu的睫毛膏就會幫到您。由於魅力睫

Sanna Cher好用推薦：選用色號Burgundy，是使用多次後仍然保持刷頭乾淨，不帶多餘睫毛膏的產品。使用過後，睫毛效果不但富volume，而且有種俐落的感覺，是個人認為Chanel睫毛膏的平替版本，性價比很高。使用產品前的妝容，眼妝效果不太明顯。擦上睫毛底膏再使用產品，然後來回擦塗5-6次，所得的睫毛效果，見睫毛顯豐盈和修長，但整體效果並不誇張。

Tszki好用推薦：捲翹持久力驚人，能維持整天不塌，抗汗抗油，甚至可以代替睫毛膏單獨使用。其刷頭能打造根根分明的清純妝感。質地稍微濃稠，容易結塊（蒼蠅腳），使用時建議先在瓶口刮掉多餘膏體。由於防水防油效果太好，一般卸妝水可能卸不乾淨，建議使用專用的睫毛卸妝液或多花時間卸妝。使用時如果量太多，容易導致睫毛黏在一起，少量多次是保持「根根分明」的關鍵。  超級喜歡這個啡色的睫毛液 它具有纖長 眼睫毛令眼睛變得更大更精靈！

Conw好用推薦：簡直係開架隱藏好物，hold住捷毛成日，唔會甩到變熊貓，淡妝就咁上，想濃啲上完其他當top coat又得 唯一缺點 有時斷貨

Kitty 好用推薦：KissMe睫毛打底霜！唔使100蚊，由朝撐到晚嘅睫毛鐵柱係咁煉成嘅！ 喂！各位姊妹，想同大家分享吓我一路用左n支都肯回購嘅開架眼妝神物 —— KissMe持久捲曲睫毛打底霜！講真，我對睫毛膏要求好簡單：夠翹、夠持久、唔暈妝、唔蟑螂腳！呢支嘢？真係冇得輸！ 之前用開某大牌睫毛膏，下晝已經變落湯雞，暈到變熊貓！見到好多日本妹同台灣YouTuber都狂推KissMe呢支打底，話係油眼救星、塌睫毛恩物，所以買來試下，一試真係不得了！ 支膏體係半透明灰黑色，入面有啲好細好細嘅黑色纖維。刷頭係彎彎哋嘅，好貼眼型，連眼頭眼尾啲短毛毛都輕易掃到！質地唔會太濕笠，亦唔會一嚿嚿，乾得幾快吓。 我嘅使用步驟好簡單： 1. 夾睫毛（夾到最翹！） 2. 即刻！記住係即刻！掃上呢支打底膏，由根部 Z 字形向上掃，重點加強根部。 3. 等10-15秒左右，等佢乾透、定型（呢步好重要！）有需要的話可以再夾一次睫毛。 4. 再疊加上你鍾意嘅睫毛膏（我通常會再上一層黑色睫毛膏加強效果）。 💥 效果點？驚艷位喺邊？ 1. 捲翹度爆燈！💥 真係冇誇張！佢個定型能力超強！我啲天生向下生嘅直毛，夾完再上佢，真

Miranda好用推薦：【質感】 首先講刷頭，佢係微彎嘅梳子型刷頭，齒距密，可以輕易抓住每一根睫毛，由根部掃到尖端都好順手。膏體係墨藍色，上面之後唔會灰灰白白，單用已經好自然。質地唔會太濕，亦唔會太乾，上面之後好快就乾，唔怕眨眼嗰陣黐住眼皮。佢嘅配方有纖維，但纖維幼細，唔會掉落或者刺眼。刷頭嘅大小適中，眼頭眼尾同上睫毛下睫毛都用到，唔會沾到周圍都係。 【使用感】 使用感方面，呢支底霜真係為「油眼人」而設。我本身睫毛偏直偏硬，夾完之後唔用底霜的話，半日就會塌返落嚟。但用咗呢支之後，朝早夾完睫毛掃上一層，睫毛全日保持翹起，完全唔會塌。佢嘅定型力好強，但唔會令睫毛變硬變脆，摸落仲係有少少彈性。最驚喜嘅係佢嘅防暈染效果，我係超級油眼，用其他睫毛膏半日已經變熊貓，但用呢支打底再疊加其他睫毛膏，全日都冇暈染。官方話佢可以單用，我自己試過單用兩層，效果係自然纖長，睫毛翹翹地，好適合裸妝或者返工淡妝。唯一要留意係，因為佢嘅膏體乾得快，掃嘅時候要快手啲，否則會有少少結塊，建議分層薄薄咁掃。 【持久度】 持久度係呢支底霜嘅最大強項。朝早八點化好妝，到夜晚十點，睫毛依然翹起，下眼瞼完全冇黑色暈染。我試過喺潮濕嘅夏天出街全日

Sanna Cher好用推薦：產品屬於輕薄擦頭的睫毛膏，來回擦塗已完成早染。除以外，有做到根根分明的效果，如配搭眼影，妝容會很特別。使用前後效果，在深色的眼影下，有看見睫毛膏的顏色。完妝的效果

TsuenMa好用推薦：CANMAKE TOKYO 睫毛液 Quick Lash Curler 本身對睫毛液又愛又恨，因為好容易一眨眼就沾左啲色係眼袋個個位，如果一卒又唔容易抹得甩，變度一撻撻勁核突🤢 所以我買睫毛液產品嘅時候，都會着重佢係咪好快乾得到，減低出事嘅機會。 但係快乾嘅睫毛液都有需要留意嘅地方，要避免吾好長時間將產品暴露喺空氣之中，之後會凝固左用吾到，所以用完之後記得要即刻執返佢入樽入邊，以防乾咗之後就會打撠好難用🤧 💟色號選擇：多色，由classic black 、 brown、grey 到red都有。讓你係吾同場合、妝容上面都可以有合適嘅配搭。 💟刷型擦頭：可以做到睫毛根根分明，吾會有曱甴腳/撠住一嚿嚿嘅情況。 💟持久度不錯：基本上都可以hold到全日，甚少會有甩色嘅情況。 ☪️用後感：呢款產品可以令到眼睫毛變得細長，成個眼睛精靈咗、放大咗。唔同嘅顏色選擇，可以配搭頭髮顏色嘅變化，可塑性好高。防染暈嘅程度都好唔錯，唔會搞到眼底黑鼆鼆。所以總括而言，係好值得入手嘅一件product。

Miranda好用推薦：【質感】 先講刷頭，佢係傳統嘅塑膠梳齒刷頭，齒距算密，刷毛唔算太長。刷頭大小中等，眼頭眼尾都勉強用到，但下睫毛就有啲難控制。膏體偏濕，上面嗰下感覺好重，一掂到睫毛已經令到夾好嘅睫毛塌咗落嚟。膏體入面有纖維，但纖維偏粗，上面之後會有少少刺眼，而且容易掉落，化完妝一陣就見到面頰有黑色細點。佢嘅顯色度係黑色，但因為膏體太濕，第一層已經令睫毛變成一束束，但唔係靚嗰種束感，而係好似黐埋一舊咁。 【使用感】 使用感方面，呢支睫毛膏真係令我好失望。官方聲稱可以「push up」睫毛，即係令睫毛翹起。但實際上，我夾完睫毛之後掃上一層，睫毛即刻塌咗，完全冇翹起嘅效果。我試過唔同手法：先用紙巾印走多餘膏體、掃多層、由根部Z形向上掃，都係冇用。佢嘅膏體太重，壓到睫毛下垂。另外，佢好容易結塊，掃完之後睫毛變成一粒粒，要用睫毛梳梳開先見得人。而且佢嘅刷頭設計令到好難掃到下睫毛，一唔小心就會掂到眼皮，搞到眼妝變髒。如果你係睫毛本身偏直偏硬嘅人，呢支睫毛膏絕對唔啱你。 【持久度】 持久度係呢支睫毛膏嘅致命傷。我係混合偏油眼，朝早化完妝，大概兩個鐘之後，下眼瞼已經開始出現黑色暈染，變成熊貓眼。到咗晏晝，暈染更

sylsylsyl好用推薦：刷頭偏粗大，其實掃出黎果一刻效果唔錯 相當濃密 但可惜唔適合我嘅油眼，過大概一 兩個鐘開始變熊貓眼 試咗幾次都係咁 只可以講佢唔適合我了

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～

jhope0725好用推薦：喺嘗試呢一款睫毛膏之前，我已經嘗試過好多不同品牌嘅睫毛液，不過都冇一款可以做到有呢款嘅持久度，暫時係我嘅最愛！ 呢一款唔係日常見嘅睫毛液，而係一種睫毛液打底，本身顏色唔算濃黑，入面唔會有好多纖維，又唔係好濃好杰，比較不容易出現曱甴腳嘅情況，又唔需要化妝嘅時候將睫毛液預先喺紙巾上面掃走部份顏色，導致浪費產品。 個人覺得呢款產品特別適合一啲本身睫毛長度或者濃密度已經足夠，但係好似我一樣，因為睫毛向下垂，導致眼睛唔精神嘅朋友。 不過留意如果追求睫毛要濃密，或者延長功效，呢一款產品就未必係主打呢個功能了 用完睫毛夾再使用佢，就可以將睫毛液跟一跟維持喺最佳捲度！眼睛會變得有神好多 產品嘅刷頭，好似一把小梳咁，可以將睫毛液好緊密咁貼住睫毛，而且可以做到根根分明呢款產品我最欣賞佢嘅持久度，化妝大約10小時都維持到睫毛嘅捲度，唔會明顯下垂，坊間好多正式睫毛膏都做唔到呢個效果呢！

Emily Leung好用推薦：艾杜紗！你是掌管睫毛的神！！！！ 誰懂我一個細軟塌睫毛的痛…以前塗完睫毛膏沒一會就不翹了…跟沒塗一樣… 但是！！！艾杜紗睫毛打底真的有驚艷到我！只需要用睫毛夾一夾，再塗上它，真的卷翹的不行！最重要的是一整天不會塌！ 而且他的小齒刷頭設計能夠刷出根根分明的睫毛，成份溫和不刺眼，還防水防汗！ 和我一樣喜歡卷翹睫毛的一定不要錯過艾杜紗睫毛打底了！