PRADA Beauty

PRADASCOPE 濃密纖長睫毛液

【質感】 打開包裝，先講佢外型真係靚到令人心心眼：瓶身以Re-Nylon再生尼龍訂製登場，冰涼嘅金屬瓶蓋對比啞緻嘅磨砂材質極具質感，飾以經典PRADA logo，奢華度滿分。講到重點嘅刷頭，呢支睫毛液用上全新 180° Lift and Grip 尼龍纖維睫毛刷，同以前見過嘅刷頭好唔同。佢由極纖細嘅尼龍刷毛組成，摸上手軟硬適中，齒距密實，可以精準咁抓住每一根睫毛，特別係眼頭、眼尾同下睫毛呢啲死角位都照顧到。最欣賞佢個刷頭自帶弧形曲線，可以自然迎合眼形，做到真正由睫毛根部到尖端全方位「抓握」，完美延展。膏體方面，用咗FLEXIBLE MICRO FILM™配方仲有透明質酸複合物，刷出來嘅時候非常順滑，唔會太濕又唔會太乾，一啲都唔會結塊。顯色度非常高，係純粹嘅濃黑色。 【使用感】 實際用上手會發覺佢輕鬆打造出時裝伸展台上嗰種根根分明嘅簇狀睫毛。我會先用睫毛夾夾翹睫毛，再用刷頭由睫毛根部呈Z字形輕輕向上掃。相比起傳統刷頭，呢支尼龍刷嘅180°旋翹盈密設計可以將每根睫毛由根部徹底托起，即使有啲天生向下生嘅睫毛，掃兩層之後都依然維持到翹度。佢嘅濃黑配方一層已經明顯見到「有感存在」，如果追求超濃密