2026香港「卸妝霜」推薦好用排行榜Top20

Luna好用推薦：韓國大熱嘅 banila co 零感肌瞬卸卸妝膏測評 一句總結： 卸妝力強、乳化快、洗完唔繃緊，係好多香港女仔回購再回購嘅卸妝入門首選。 優點👍 · 卸妝力超強：膏體一抹上臉就會融化變成油狀，防曬、粉底、眼線、唇膏全部可以好輕鬆乳化溶走，連一般防水化妝品都搞得掂。 · 乳化速度極快：沾水嘅瞬間就立刻乳化變白，好快就沖洗乾淨，唔會有殘留感。 · 洗完唔乾澀：洗完塊面係滑捋捋嘅感覺，唔會繃緊或者好油膩，保濕度做得唔錯。 · 經典嘅陣陣香味：佢個陣嘅清新香味好多人鍾意，卸妝過程令人覺得放鬆。 · 用法簡單：乾手乾臉攪掂，唔使化妝棉，方便快捷。 缺點👎 · 需要乳化過程：如果冇完全乳化就沖水，好容易生暗粒或者暗瘡，用法要留意。 · 可能會導致生油脂粒：有部分油性皮膚或者容易生暗瘡嘅朋友反映，如果過水唔夠徹底，有機會會生油脂粒。 · 不太適合眼唇：雖然卸到妝，但入眼會好「乸」眼，建議眼唇用返專用卸妝產品。 · 膠鏟設計：佢跟嘅膠鏟仔好容易唔見或者斷，收納要小心。 適合邊個用？ · 平日有化開妝 (就算係淡妝) 嘅女仔 · 鍾意快捷方便卸妝程序嘅人 · 乾性、中性皮膚 邊個要諗清楚

TsuenMa好用推薦：Clean it #zero All-in-one hydrating cleansing balm 🤍韓國品牌，溫和潔面卸妝膏，基本上底妝、眼妝，都可以一take過卸走晒。同時間因為唔需要用卸妝棉，減少同皮膚之間嘅磨擦、拉扯，都可以話係保護到肌膚嘅一種卸妝方法。 🤍卸妝膏係呈乳白色，放上塊面度之後，推開會乳化，會變成油狀；充分捽勻成塊面之後，再用水清洗乾淨，基本上就徹底卸妝完成啦！ 🤍用後感：成塊面會好清爽，但係又冇一種完全扯走晒油份嘅班緊感覺，係一種好refreshing嘅舒暢感。 🤍性價比高：雖然我呢個係細size，啱晒旅行用，又唔需要另外再帶卸妝棉；如果平時喺屋企日常使用，可以直接買佢大盒裝。價錢親民，日日用都唔會心痛。 🤍小缺點：因為佢係需要直接用手去拎卸妝膏，所以要留意衛生問題，以免大咗啲細菌或者污糟嘢落去個product度。 

Also melon好用推薦：同為貴婦級卸妝乳霜，比Shu uemura 琥珀卸妝油更加貴，好似洗面膏咁嘅size。 BA卸妝乳霜好方便，直接上臉按摩就可以，而且唔需要喺手心溶化卸妝霜。乳化按摩都好舒服，可以揉出面部好多死皮粒粒出嚟，之後乾手按摩洗淨，建議最後用返BA洗面膏。 如果唔係化太濃妝嘅話，卸妝力足夠，眼唇都一次過落乾淨，用完之後皮膚係會有保濕度，有剩餘嘅油潤感。雖然我混合性皮膚用完都冇起粒粒，如果係乾性皮膚就應該好鍾意。

橘子貓好用推薦：B.A Cleansing Cream N 跟同品牌Wash N 同一系列的卸妝霜，以獨有的修護乳化技術，改善膚色暗沉，洗後保持肌膚柔潤不緊繃，打造水潤幼滑肌膚。綿密的乳霜接觸肌膚後，即轉化成滋潤、高效油性清潔產品，讓面上彩妝稍稍打圈就可以乳化，讓肌膚更具光澤感。卸妝霜跟潔面乳不同，是以滋潤為主，也不適合直接用來卸眼部彩妝，會糊眼跟澀眼，如不配合同系列的清潔力稍強的潔面乳，偏油肌膚單用卸妝霜會覺得有點太過滋潤。適合乾性的肌膚。

Emily Leung好用推薦：#火熱新品 Farmacy 卸妝膏測評！ 終於忍唔住入手咗佢個皇牌Green Clean，等我做個測評啦！ 第一印象：見到已經贏一半！ 一打開個盒，嘩，已經加分！佢跟埋個金屬匙羹，好衛生又唔怕整污糟手指甲。個包裝簡約得嚟又靚仔，擺喺浴室成個裝飾咁。 最正係佢陣味，一打開蓋，淡淡嘅檸檬同柑橘味飄出嚟，清新到暈，完全唔係嗰種好俗氣嘅香料味，卸個妝都好似做緊 aromatherapy 咁，舒服！ 好啦，講多無謂，直接試俾大家睇！ 1. 質地： 好似雪芭咁，軟軟滑滑，好易就"筆"到出嚟。喺手指度轉兩轉，已經開始溶化成油狀。 2. 溶妝力： · 日常淡妝（防曬、base、碎粉）： 掂呀！打圈按摩幾下，粉底即刻溶晒，完全無難度。 · 眼妝（睫毛液、眼線）： 佢主打可以卸全臉，連眼妝都話得。等我試試先！我用佢輕輕按摩眼周，再乳化，咦？又真係乾淨過人喎！唔會話"澀"住晒，連防水的睫毛液都溶到八九成，仲要唔"拿"眼，呢點好重要！敏感眼嘅朋友可以放心。 3. 乳化速度： 呢個位我要俾滿分！沾少少水，佢即刻變咗奶白色，乳化得超快，完全唔會有層油焗住塊面嘅感覺。 4. 洗完Feel：

Ceccinmydin好用推薦：Duo卸妝膏咁紅，原來真係幾好用💖 佢質地比較硬身，用半匙已經夠卸全臉，推開嗰陣，有淡淡清香～按摩時好舒服💆 清潔力強，連防水妝都溶得乾乾淨淨！沖水後塊面零繃緊仲keep住水潤感，摸落唔會假滑，乾臉打圈按摩，等佢化油後加少少水乳化，輕輕力按摩就夠💦 之後有機會再試用埋佢嘅炭黑款✨

Giselle 好用推薦：D.U.O 皇牌卸妝按摩膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係高清潔力嘅都卸妝膏*ˊᵕˋ)੭佢嘅卸妝效果幾優秀，就算係用咗防水嘅化妝品都可以卸得好乾淨(✿︎´ ꒳ ` )♡︎卸完妝後皮膚又唔會因為太強嘅清潔力而變得又乾又緊⸜( ´ ꒳ ` )⸝♡︎另外佢每盒都有附送一個匙羹仔去挖啲膏體嚟用，非常貼心(◍︎•ᴗ•◍︎)唯一缺點就係都幾貴，有足夠經濟能力嘅小夥伴不妨入手試試₍˄·͈༝·͈˄₎◞︎ ̑̑ෆ⃛

Nicola 好用推薦：膏狀質地 上面好快就溶 落妝同時可以按摩下塊面 乳化速度都好快 好輕易就可以卸全妝 唔會刺眼 但入左眼會變矇一陣 沖多幾次水就ok 細細盒方便帶去旅行

maylam好用推薦：喺日本藥妝買嘅 成日都聽喺日本好出名 今日第一次用 乳化得算幾快 用嘅過程唔會拉扯到皮膚 洗完皮膚都幾舒服清爽 會回購

Chee Fu好用推薦：第一次買這個牌子卸妝膏 有得現場試上手 畫左d化妝品係手 再用這牌子卸妝膏 再過水 好快已卸到 閃粉眼影 都係卸一次 已經無哂閃粉 卸完皮膚好清爽 唔會掹掹緊 值得買

pillowjai好用推薦：去日本旅行見到呢款D.U.O卸妝膏好出名，就買咗細妝試用下，佢嘅好用程度驚艷咗我！！呢個卸妝膏係我用過嘅卸妝膏入面卸得最乾淨，眼線筆睫毛膏全部都卸得一乾二淨✨佢用完之後唔洗再洗臉，試過卸完用棉片抹係真係一啲殘餘化妝品都無 大癲🙀佢嘅滋潤度都唔錯，洗完臉刺邊臉頰位都冇覺得乾/ 緊繃，keep住用佢卸妝感覺皮膚都有變好，推薦大家都要試用！ 清潔度：⭐️⭐️⭐️⭐️⭐️ 保濕度：⭐️⭐️⭐️

mandy好用推薦：IPSA Cleansing Cream EX 輕柔卸妝乳 $290/ 150ml 輕柔卸妝乳的質地是柔滑乳霜狀，清潔力僅次於卸妝油，有效卸除彩妝髒污，滋潤度又比卸妝水及洗面奶好，延展性極佳，非常易於全面均勻推開，使用感較滋潤不乾燥，很適合在秋冬季使用。使用後肌膚更潔淨水潤柔軟。此外，用輕柔卸妝乳卸除彩妝時需要在面上按摩，可以順便促進肌膚血液循環。 輕柔卸妝乳添加了美肌成分，其中保濕成分佔大多數，保濕力不錯，而且成分簡單溫和，不含酒精、色素及fragrance香料，敏感肌也可使用。 官方建議使用方法： 1. 乾手乾面 2. 用輕柔卸妝乳在面上畫圈按摩，讓彩妝跟卸妝乳融合 3. 用清水再洗乾淨便可 輕柔卸妝乳是洗面霜cleansing cream，質地一定比洗面奶濃稠滋潤，如果大家喜歡較輕盈的質地，可以選擇在秋冬季改用洗面奶卸妝，也是可以令肌膚滋潤的好選擇，就看大家想要怎樣的潔面使用感去選擇適合的卸妝產品。 含保濕成分：礦物油, 丁二醇, 矽靈, 聚乙二醇 400 及 醋酸鹽維他命E 抗氧化成分：醋酸鹽維他命E, 德國洋甘菊花萃取 及 維他命E 抗衰老成分：醋

rachelnoni好用推薦：平時用開cleansing oil or balm, 試下用cleansing cream，清潔力ok，但過水好多次後仍然覺得好似有層膜喺面上，點洗都唔夠乾淨咁。用完應該唔會回購，反而之前用過ipsa的cleasing oil，感覺好用d

YiN好用推薦：係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。

Milo101好用推薦：🌟霜狀卸妝膏，非常柔滑 🌟塗上後，利用手指按摩推開的動作，可以帶動卸妝，所以要持續打圈按摩 🌟卸妝效果乾淨，不會油膩

Neigorisalison好用推薦：性價比高，能夠徹底卸走粉底胭脂，洗完也會慢慢有乾和有點皮膚收緊的感覺所以也是需要盡快保濕～ 毛孔方面暫時不覺得有太多加成的幫助，但起碼清潔乾淨已經足夠！

Ceccinmydin好用推薦：身為The Body Shop嘅fans🥹，呢個洋甘菊卸妝膏我都試咗啦！😉 佢質地係好軟滑嘅雪葩膏狀，一上臉按摩就好舒服，感覺好溫和。但係卸妝力有啲不足🥹 濃少少嘅例如眼妝或者唇膏，要卸多一兩次先夠乾淨，卸妝力不過不失啦🤷‍♀️。佢勝在性質溫和，適合所有膚質用 同埋佢個氣味都唔太討好，話係洋甘菊卸妝膏，但係冇洋甘菊/花香味，反而有啲化學品味… 如果你想搵一款日日用都唔傷皮膚嘅卸妝膏，佢係一個安全嘅選擇，但就唔好期望有咩額外驚喜喇。😌💖

hellolulu好用推薦：聖誕月曆迷你裝產品～ 平日甚少化妝，第一次接觸卸妝霜類型產品。乾身的卸妝霜在面上輕輕按摩後，慢慢溶化成油狀再加水乳化成白色，體驗頗為新鮮😂 暫時只用了幾次都是用來卸掉面上薄薄粉底，一次過便輕鬆完成卸妝和潔面。感覺溫和，乾敏肌使用沒有負擔，過水後肌膚不乾燥，整體有好感～ 特別喜歡它小罐裝設計輕巧，方便外遊攜帶，不怕容易瀉漏👍