D.U.O 好用推薦產品

Wongwong好用推薦：卸妝效果一流，我買呢款係溫感既增量裝，卸妝按臉既時候會感覺到熱熱地，用少量已經卸到全臉乾乾淨淨，已回購。

Emily Leung好用推薦：講到 D.U.O 深層美白卸妝膏，喺香港都算幾多擁躉，尤其係鍾意日本製護膚品嘅朋友。我用咗大約兩盒，可以同你分享下最真實嘅用後感，分優點同要留意嘅位： ✅ 優點（值得讚） · 卸妝力極強：淡妝、防曬係基本，就算眼線液、Kiss Me睫毛膏呢類頑固妝容，乾手乾面捽幾圈就融，過水後乾淨晒，唔使再用眼唇卸妝液。 · 「熱感」去角質：推開會微微發熱，毛孔好似打開晒，沖完水鼻頭嘅粉刺會浮出嚟，輕輕一推就甩，黑頭白頭明顯減少。 · 洗完唔繃緊：雖然清潔力強，但含有機酸同維他命C誘導體，過水後塊面係滑嫩嘅，唔會「啜手」，仲有少少透亮感。 · 乳化快：過水即乳化，唔會好似某啲卸妝膏咁油淋淋，過水後清爽。 ⚠️ 要留意嘅位（未必個個鍾意） · 辣眼警報：千祈唔好捽眼！佢嘅發熱成分入眼會好「乸」好刺眼，一定要避開眼周，或者先用紙巾抹走再過水。 · 乾肌冬天要小心：雖然洗完舒服，但如果屬於乾性皮膚，冬天用完建議快啲上護膚品，否則隔一陣會有少少繃。 · 美白效果唔明顯：主打嘅「美白」只係即時透亮，淡斑去印就唔好太大期望，當佢係清潔型卸妝膏會更開心。 💡 小貼士 官方建議份量係一粒車厘子大，但我覺得要兩

JOYCE好用推薦：喺日本網見到話已經賣出超過4000萬個，感覺好似好勁，平時用開幾十蚊卸妝嘅我，襯有消費券就膽粗粗買個咁貴嘅卸妝膏🙈 DUO卸妝膏有5款，最後揀咗有tone up功效嘅White，White有黏土成分，可以去到角質、清潔毛孔，令皮膚增加透明感🤔🤔 今日寫感想呢個妝濃過平日，所以用量多少少， 大約相入面份量已經夠我落全妝，平日淡妝可以少20%，喺乾嘅手度推開再捽上面度就OK今日個妝最難卸有眼線液、睫毛膏、雙眼皮膠水 全部都卸得好乾淨🤩我用卸妝油都有時會卸唔乾淨平時用開平嘢，用卸妝gel又好，卸妝水又好，卸妝油又好，都會feel到手/棉同皮膚磨擦嘅感覺 而DUO卸妝膏真係好滑！就算按摩都唔會覺得有磨擦感！！開始有D驚以前用平嘢令皮膚幾大負擔😰後生就話唔怕啫⋯ 卸完妝仲要感覺到塊面好滋潤！ 之後睇返資料話有31種對抗老化成分同24種植物精華🤔 唔知keep住用係咪真係會tone up，但個滑嘅感覺已經令我呢一刻好鍾意❤️ 自己好奇再做實驗🙈畢竟隻卸妝膏咁貴，都想知有幾厲害，再補上一個加咗定妝噴霧嘅卸妝效果圖

Sarah好用推薦：之前從日本買左兩罐 非常好用 卸得好乾淨 而且唔會糊眼 唔會刺激皮膚 因為我本身用卸妝油容易生痘痘 但呢個完全唔會 一大碗可以用好耐 平日卸妝時乾手乾面 塗到面上 然後再加少少水乳化 再用水洗乾淨就可以 對黑頭也有效！！ 清潔力滿分 我覺得最大缺點 就係我鍾意用手挖 有d唔衛生😂

Neigorisalison好用推薦：性價比高，能夠徹底卸走粉底胭脂，洗完也會慢慢有乾和有點皮膚收緊的感覺所以也是需要盡快保濕～ 毛孔方面暫時不覺得有太多加成的幫助，但起碼清潔乾淨已經足夠！

ying好用推薦：✨ D.U.O 全效抗老保濕卸妝膏 卸妝・抗老・保濕 一瓶搞定 質地細緻・溫和唔摩擦 ✅ 徹底卸妝 彩妝、防曬、老廢角質， 一瓶搞掂。 用完毛孔乾淨， 唔會有殘留感。 ✅ 抗老＋保濕雙效 唔止卸妝， 仲有抗老保濕成分。 用完皮膚唔會乾， 反而有滋潤感。 ✅ 質地細緻溫和 獨創技術， 質地好細緻， 上臉好舒服。 可以用嚟按摩面部， 減低摩擦， 唔會拉扯皮膚。 ✅ 減少肌膚紋產生 高效保濕， 卸妝同時預防乾紋。 用完皮膚水潤， 唔會繃緊。 🌟 我嘅總結 D.U.O 全效抗老保濕卸妝膏 卸妝 + 抗老 + 保濕 一瓶搞定。 質地細緻溫和， 可以用嚟按摩面部， 減低摩擦， 唔會拉扯皮膚。 卸得乾淨， 用完唔乾， 仲有滋潤感。 高效保濕， 有助減少細紋產生。 如果你係： ✔️ 想卸妝同時護膚 ✔️ 怕卸妝後太乾 ✔️ 想溫和低摩擦 呢款值得一試。 回購意願：★★★★☆ #DUO #全效抗老保濕卸妝膏 #卸妝膏 #卸妝抗老保濕一瓶搞定 #質地細緻 #溫和低摩擦 #用完唔乾 #skincare #hkbeauty

Vi.ck好用推薦：呢款 DUO 卸妝膏用完皮膚真係一啲都唔乾，保濕度都幾好，洗完面覺得好舒服。雖然佢主打抗老，但暫時就唔太feel到有咩特別效果，可能要長期用先知。不過，每次用完都覺得皮膚即時提亮咗，有變白嘅感覺，整體嚟講都幾推薦！

Chee Fu好用推薦：第一次買這個牌子卸妝膏 有得現場試上手 畫左d化妝品係手 再用這牌子卸妝膏 再過水 好快已卸到 閃粉眼影 都係卸一次 已經無哂閃粉 卸完皮膚好清爽 唔會掹掹緊 值得買

pillowjai好用推薦：去日本旅行見到呢款D.U.O卸妝膏好出名，就買咗細妝試用下，佢嘅好用程度驚艷咗我！！呢個卸妝膏係我用過嘅卸妝膏入面卸得最乾淨，眼線筆睫毛膏全部都卸得一乾二淨✨佢用完之後唔洗再洗臉，試過卸完用棉片抹係真係一啲殘餘化妝品都無 大癲🙀佢嘅滋潤度都唔錯，洗完臉刺邊臉頰位都冇覺得乾/ 緊繃，keep住用佢卸妝感覺皮膚都有變好，推薦大家都要試用！ 清潔度：⭐️⭐️⭐️⭐️⭐️ 保濕度：⭐️⭐️⭐️

Ceccinmydin好用推薦：Duo卸妝膏咁紅，原來真係幾好用💖 佢質地比較硬身，用半匙已經夠卸全臉，推開嗰陣，有淡淡清香～按摩時好舒服💆 清潔力強，連防水妝都溶得乾乾淨淨！沖水後塊面零繃緊仲keep住水潤感，摸落唔會假滑，乾臉打圈按摩，等佢化油後加少少水乳化，輕輕力按摩就夠💦 之後有機會再試用埋佢嘅炭黑款✨

Giselle 好用推薦：D.U.O 皇牌卸妝按摩膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係高清潔力嘅都卸妝膏*ˊᵕˋ)੭佢嘅卸妝效果幾優秀，就算係用咗防水嘅化妝品都可以卸得好乾淨(✿︎´ ꒳ ` )♡︎卸完妝後皮膚又唔會因為太強嘅清潔力而變得又乾又緊⸜( ´ ꒳ ` )⸝♡︎另外佢每盒都有附送一個匙羹仔去挖啲膏體嚟用，非常貼心(◍︎•ᴗ•◍︎)唯一缺點就係都幾貴，有足夠經濟能力嘅小夥伴不妨入手試試₍˄·͈༝·͈˄₎◞︎ ̑̑ෆ⃛

wingbks好用推薦：中規中矩嘅碎粉，呢個牌子都係潔面方面出色啲！ 碎粉適合混合偏油肌，如果太乾皮膚就唔好揀佢比較好。

JuneL好用推薦：修護精華採用滴管式設計, 會看到瓶內的水油成份是分層的, 所以使用時先搖勻, 搖勻後, 質地呈水狀, 但帶少許油潤感, 容易滲透入肌膚, 清爽不黏膩! 我會全面塗抹, 更會於毛孔粗大的位置上, 多塗一次, 質感溫和, 又不刺激肌膚, 用後肌膚即時感保濕及亮澤感, 平衡美肌! 

Sanna Cher好用推薦：使用前的妝容將一小匙卸妝膏擺在手心打圈，再打圈按摩臉頰和重點卸妝的位置，還未乳化的卸妝膏，擺在臉上會呈現炭黑色。洗擦過後，見全臉已很潔淨，眼妝還差一點，在沒有使用眼唇卸妝液的情況下，大部份被卸掉。完成卸妝的效果，是潔淨的狀態，需要儘快塗抹乳霜或爽膚水，但有使用泥膜的感覺，由於對清除黑頭特別著緊，因此對產品感覺良好。

SandyTip好用推薦：使用D.U.O.黑碳極淨黑修復卸妝膏的這段期間，發現它的乳化速度極快，能非常輕易地將日常彩妝徹底卸除乾淨，洗後清爽不緊繃。不過，因為膏體本身呈現黑色，使用時若不小心滴落，很容易弄髒白色的洗面盆，每次清洗時都需要特別留意善後。整體而言，雖然它的清潔力與使用感表現不錯，但基於清潔洗面盆的考量，下次會想改買它們家其他系列的卸妝膏來試試看。

natanatalie好用推薦：中規中矩的精華🙆🏻‍♀️ 以呢個價錢嚟講，可以有更好的選擇！首先佢價錢唔算特別平，質地好流質，但搽上面會有一種笠笠地嘅感覺，唔易吸收。🥹 有保濕同滋潤效果，但油肌夏天用有少少笠。😅