2026香港「眼線筆」推薦好用排行榜Top20

Sakura醬好用推薦：Canmake 柔滑眼線筆 03 Dark Brown – 窮人恩物！唔暈唔化仲要夠深啡！ 各位sis，今日輪到介紹我袋入面長期擺住嗰支「看門口」嘅眼線筆——Canmake 柔滑眼線筆 03 深啡！真心想頒個「性價比之王」畀佢。 包裝質感： 先講外表，Canmake不嬲都係行緊少女風，呢支筆就係經典嘅黑金配色，夠輕身，帶出街完全冇負擔。最正係佢筆尾連住個迷你刨筆器！呢個設計真係要畀個Like，唔使另外搵筆刨，隨時隨地都刨到尖，好適合我呢啲成日唔見嘢嘅人（笑）。 質地畫感： 講返最重要嘅質地——真係滑到冇朋友！ 佢叫得做「柔滑」真係冇改錯名，畫上去嗰種順滑感好似朱古力醬融化咁，完全唔會「刮肉」，唔使用力都已經上到色。對於我呢啲內雙眼皮，成日驚畫到一半會「疾下疾下」斷斷續續嘅人嚟講，呢支真係大救星。 顏色分析（重點！）： 至於呢支 #03 Dark Brown，我極力推薦俾所有想搵「自然大眼效果」嘅人！ 市面上好多啡色眼線筆一係太淺變咗「紅啡」好怪，一係深到似黑色完全冇驚喜。但呢支#03係帶微微啞光嘅濃朱古力色，唔會太搶眼，但又夠深色勾勒到條眼線出嚟。畫完對眼即刻有神咗，但又保持到嗰

Yty好用推薦：Canmake 眼線膠筆 #06 Plum Brown 如果你畫黑色眼線覺得太兇、棕色又覺得太普通，這支 Canmake 06號色 絕對是開架眼線筆的神仙色，用過直接無限回購！ 實用優點： 溫柔感爆棚的莓果紅棕（06色）： 這款 06 是帶有一點紫調的紅棕色。畫上眼線或拿來開眼角、畫下眼至，眼神會瞬間變得溫柔又帶點無辜感，比死黑或純棕色更顯得有精緻心機。 奶油般滑順，新手不扯眼皮： 筆芯超級軟、滑順度簡直像生巧克力！輕輕一劃就極度顯色，完全不會拉扯到脆弱的眼周肌膚，拿來填補內眼線也完全不費力。 防水抗汗的焊死持妝力： 雖然它質地軟，但一經定型之後，抗油防水的能力非常驚人。大熱天出門大汗淋漓、或者眨眼，整天下來幾乎完全不暈染、不變熊貓眼。 💬小提醒： 因為它的筆芯是「轉出來就轉不回去」的設計，每次用真的只需要轉出 1mm 就可以了，不然很容易斷。想要打造日系溫柔感眼神，這支閉眼入就對了！ #「日系彩妝」

AnnaChan好用推薦：今次要介紹呢隻日本開架品牌 Ettusais眼線膠筆 -滑順到零拉扯感！ 筆芯質地好軟滑，輕輕一畫就已經好顯色，完全唔會拮眼皮、扯住皮膚。就算係眼皮好敏感、或者化妝新手，都可以畫到一條順滑嘅線條。佢雖然顯色，但唔會一下子就冇得用棉花棒抺走。岩哂我呢啲新手。 -極細筆芯，畫內眼線、填補睫毛空隙超good 筆芯設計得極之幼細，可以好精準咁「攝」入睫毛根部，填滿空隙。畫出嚟嘅眼線自然到好似天生濃密睫毛咁，完全唔會有生硬嘅「死黑線」感，偽素顏妝容靠晒佢！而家興啲柔和自然既眼線，呢支顯色得黎又自然👍🏻👍🏻 -勁多百搭易襯色 除咗基本嘅黑同深啡，佢出咗好多勁靚嘅日系色號（例如焦糖啡、橄欖綠等）。唔單止日常百搭，仲可以完美融入唔同嘅眼影盤，望落去溫柔又精緻。我揀既係11號玫瑰木色，偏cool tone既啡，唔係偏黃或者偏紅既啡，營造到長眼睫毛造成嘅陰影嘅感覺，天生自然，亦都好襯平時偏粉棕色嘅眼影😝 -防水防油、抗暈染能力好 一整日唔會變熊貓眼！乾透之後直情好似紋咗上去咁，夏天就算大汗淋漓或者眼皮勁出油都完全唔甩妝 適合嘅人：化妝新手、手殘黨、容易暈妝嘅油眼皮、鍾意日系偽素顏同溫柔大眼妝 注

zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）

wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post

3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！

Karman28好用推薦：呢支筆其實都好多人讚過，但真係好好用，而且好抵。 特別係油眼既人士，有d眼線筆係比較難上色，但呢支筆一畫就上色，仲十分順暢。 而佢持久度亦好高，如果唔捽眼係last 到全日，去到放工都仲係度。

Kura好用推薦：呢款眼線筆真係平價眼線筆嘅戰鬥機，顏色選擇多，對新手非常友好，容易畫，容易上手，顯色度高，好容易就畫到一條好靚嘅眼線，夏天用都完全冇問題，價錢非常親民，係絕對值得一試嘅眼線筆 #眼線 #夏天 @cosme

Miranda好用推薦：【質感】 首先要大讚嘅係佢支筆！佢嘅筆尖做到 0.1mm 極細柔軟刷毛，仲要軟硬適中，畫出嚟線條流暢又精準，一筆過已經可以勾到sharp醒嘅眼尾。以前用過啲筆頭好似雞毛掃咁，一畫就出晒界，呢支就完全冇呢個煩惱！佢仲有 5種美容保濕精華，畫眼線時同時滋潤睫毛同眼周，真係做到化妝同時護膚。 【使用感】 畫起上嚟有幾順手呢？Silky個名真係冇改錯，筆頭彈性啱啱好，唔會刺肉，畫出嚟線條唔會「飛釘」或者斷斷續續。無論你想畫幾可挑戰嘅粗眼線，定係內眼線，用佢都可以輕鬆駕馭。而且佢顯色度啱啱好，乾得超快，畫完眨吓眼已經乾透，唔怕黐到成個眼皮都係墨。我試過用佢畫完眼線之後疊加眼影，都冇話會化開或者變淡，超貼服。 【持久度】 持久度同防水防油力，絕對係佢嘅王牌。官方話佢有 24小時持久 同特強防脫妝配方，有效防水防汗防淚水防油。我用咗一排，試過喺又濕又熱嘅天氣出街玩足全日，期間捽眼、出汗都冇事，眼尾位置依然keep到利落，完全冇暈染變成熊貓眼。好多開架眼線液畫完幾個鐘就自動「消失」，但呢支真係可以持久一整天，油眼人必備，唔怕晏晝要搵鏡嚟補妝。 【性價比】 性價比方面，呢支集齊咗「易畫、快乾

Sanna Cher好用推薦：產品是其中一項松本清福袋內容。 色號是BR-5，屬於深色調的玫瑰粉紅，是裸色妝容的常備色。觸感方面，擁有眼線膠筆的優點，幼細而準確，不能描繪粗線條，筆芯亦不易斷。使用前後的效果，見眼線有妝容感，沒有邊界感和明顯的線條感，像是打了一層陰影，方便跟眼影色調混和。完妝的照片。

Kathy Wai好用推薦：Kate 眼線筆（極細持色眼線液筆）01 色，喺香港化妝界絕對係「新手恩物」兼「油眼救星」。我用過至少 5 支，以下係最啱香港天氣嘅真實用後感： · 筆頭極細（0.03mm）：畫內眼線同填睫毛縫隙超精準，新手都唔會畫出鋸齒邊。但要注意，筆尖極軟，唔好「篤」落去，要斜斜哋「拖」過去。 · 顯色度「快乾黑」：01 色係霧面極黑，一畫上眼就乾，唔會反光變「廉價濃妝」。不過乾得太快，唔適合畫完再慢慢修改，要一氣呵成。 · 防水防油（香港實測）：行街 8 個鐘、食熱湯麵，眼線都冇化開或變熊貓。但大雷點：佢唔防捽！如果捽眼，會成條「皮屑狀」剝落，補妝會卡粉。 · 持久但倒汗水問題：夏天出入冷氣地方，筆蓋內側容易有倒汗水，若筆尖沾到水，出墨會變淡。記得每次用前，喺紙巾上「點兩下」撇走多餘水分。 · 卸妝極方便：用眼唇卸妝液濕敷 10 秒，一抹就甩晒，唔使捽，慳返好多時間。 💡 私心貼士：如果用夠 3 個月開始出墨唔順，唔好搖筆，試吓用指尖「捽熱」筆桿中間，等入面墨水融化，包保即刻順返。 一句結論：如果你想要「畫到幼、唔暈、易卸」嘅黑眼線，呢支 $80 蚊左右絕對對得住個價。唯一缺點係唔防

Sanna Cher好用推薦：產品為我初學cat eye眼線的好物，是100%準成，左邊是實色，右邊是用上海綿頭的柔霧效果。使用前後效果對比，眼線用上實色，還可以加粗，kohl 的柔滑質地令眼線只需一兩筆就完成，眼尾用海綿頭拉長，經柔化的線條是統一的幼度，不能再調整。完妝的照片，是眼線筆中有特色的產品。

TsuenMa好用推薦：#火熱新品 玩味十足嘅美妝product，高飽和度色彩，可以做到吾單止係眼線，仲有眼影功能。 有多達16隻眼色可以選擇，因為我都係行開平實路線，所以揀左3號嘅啡色，最岩用黎畫眼線。 03 - COOL EBONY - MATTE DARK BROWN (其實都想買佢隻lively pink，好似做眼線都幾特別！有幾分日韓嘅氛圍妝感） 另外佢仲有珠光米白色、藍色、啡紅色等等可塑性更高嘅選擇，可以做highlight、或臥蠶等等。 除咗顏色多樣化選擇之外，另一個highlight嘅賣點係佢防水抗汗，好適合春夏天、去戶外活動、玩水嘅時候用。 ⭐️實測過，佢的而且確係抗水抗汗嘅能力好高，就算用佢上裝之後做運動，基本上都冇乜問題。 使用上其實都好方便+新手友好，顏色顯色得黎又好柔和，筆頭的粗幼度同眼線好吻合。 ❤️‍🩹美中不足：要另外購入sharpener。 本身無留意到需要用到sharpener🥲 (無用開呢類產品，所以要另外再購入）

Prettymiao好用推薦：每次去日本嘅藥妝店，必買呢隻牌子嘅眼線筆，順滑易畫唔溶，新手化妝都易控制， 可媲美大牌子，效果令人滿意。

Yuki Chow好用推薦：眼線新手值得推入手～～ 去日本旅行藥妝店買嘅，效果令人驚艷，唔係太識畫眼線嘅可以考慮吓入手，一筆過好上色唔易甩色，唯一要注意就一定要用卸妝油或水先可以卸乾淨，有多種顏色選擇，我自己買啡色同紫色

Sarah好用推薦：質地同顯色度： 佢個筆頭軟硬適中，唔會太硬刮得眼皮痛，又唔會太軟一落筆就化開。 顯色度夠曬實，輕輕一畫就出到清晰嘅線條，唔使來回重復畫，新手都唔怕手殘 持妝： 我夏天眼睛會容易出油 需要畫眼線後再補散粉定妝 不然很容易暈 細節同手感： 筆身細細支，握喺手度好順手，畫眼尾同內眼線都夠曬精准

Kura好用推薦：世一眼線筆非呢款眼線筆莫屬，超順滑超易上手，我係畫眼線新手，但用咗呢款眼線筆都可以好自然咁畫到一條好靚嘅眼線，重點係顏色好靚，我用嘅係黑色，真係完全可以carry曬任何妝容，同埋防水防汗防又，畫眼線真係好驚溶，但用咗呢款眼線筆之後就完美解決咗呢個問題，雖然價錢會偏貴小小，但都超級推薦俾驚溶眼線嘅大家 @cosme