2026香港「遮瑕」推薦好用排行榜Top20

Nicole好用推薦：DECORTÉ 光透融膚遮瑕盤 02色號 質地：非常滋潤，輕輕打圈兩下已經激活，絲滑同薄身。 效果：真係做到融膚效果！輕輕掃上黑眼圈已經遮咗八成，多次疊加都唔會顯乾紋！易用！ 功效：4格各有用處（冇廢色）。基本上唔同色號嘅遮瑕盤左上嗰格都係帶閃的，主打做高光，例如眼頭/鼻頭等。右上三文魚色就遮黑眼圈，左下用嚟遮淚溝提亮，而右下就遮荳荳印或者少瑕疵。 +加分位+ 隨盒跟兩枝掃，一枝細掃另一頭係海綿（方便！），另一枝就大掃。基本上可以分開唔同用途用唔驚啲顏色mix埋一齊，重點係啲掃毛好柔軟～疊加多次都唔見有掃痕。用後用紙巾抹一抹就ok。 因為全色號有五款，建議買之前記得㨂啱自己膚色，咁就事半功倍啦😉 其中一款主力調色（綠/紫/粉紅/白），當中白色遮毛孔試上手感覺唔錯，考慮緊會唔會買埋😅 #火熱新品 #DECORTÉ

Shan好用推薦：非常順滑易推，而且好滋潤！ 我買00號色，用橙色同提亮色可零技巧遮好眼圈淚溝。深色果格遮暗瘡印同斑都好啱用，用絨毛樸印少少碎粉可以keep到成日唔甩遮瑕！對於熟齡肌非常友好！ 唯一高光果格比較少用，不過有時懶都會印啲上顴骨同眉骨盒，但效果就一般。 不過都會為另外果三格繼續回購！

Rin好用推薦：皮膚狀況如下： 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 色號：黃一白 Lancôme用PO 01 先前香港日本都搶購一空，終於等到有貨 期待心情下用發現與我想像中有落差 質地：貼膚，不會浮起，易推開/印開 顏色：上臉會變白 但問題來了，就是完妝後並沒有看到提亮效果 我嘗試了4-5次（基本上都是用lancome/JSM氣墊） 妝前用：會溶了底妝 妝後用：沒看到提亮效果 我會繼續多用其他產品試試看，可能是因為底妝太白故效果不明顯

YiN好用推薦：無論睇中文定日文嘅美妝sns，最hit一定係呢枝藍色遮瑕，可以話係日本旅遊必買。我今次去日本旅行，特登去啲唔係遊客區嘅藥妝店，終於俾我買到枝黎試！包裝係正正常常遮瑕液嘅包裝，冇乜好挑剔。搽出嚟係好淡嘅藍色，有銀底嘅反光，冇閃粉。質地比一般遮瑕膏偏水偏透薄，但又未水到話可以將佢推得好遠，對於局部提亮黎講係個啱啱好嘅質地。拍開之後提亮效果係非常明顯，尤其是我膚色唔係非常白，佢嘅藍色除咗提高色階亦有中和黃氣嘅效果，上面明顯見到增加咗透明感。 試咗一排，我主要用佢黎提亮眼下三角位同鼻樑，令塊面顯得脹卜卜啲。個人覺得粉底後用個效果出啲，暫時冇話會同底妝打交嘅情況。不過我本身膚色問題，太有透明感就會顯得面色差，所以我都會用胭脂做返個血色感平衡。 整體我覺得係好用係值得入手嘅，但冇必要為咗買佢而好貴搵代購，或者為咗買佢而破壞旅行嘅行程，隨緣見到就買就好。 #火熱新品

Miranda好用推薦： 質感：乳霜質地，升級後更水潤 講到質感，IPSA呢盒嘅膏體屬於乳霜狀，摸落幾紮實，唔會太軟或太油。升級版嘅質地比起舊版更加服貼透薄，柔滑水潤，粉體同皮膚好易融合。用嘅時候用專用遮瑕刷沾取，再用指腹嘅溫度輕輕按壓，就會同皮膚好貼服，唔會卡喺眼紋或者毛孔位。而且成分入面仲有薑黃精華，遮瑕同時可以抑制痘痘惡化，呢點好加分！如果本身皮膚偏乾，上妝前做好保濕打底，效果會更加理想～ 使用感：自由調色，一盒走天涯 使用感方面，呢盒遮瑕最大嘅賣點就係 「自由調色」 ！一盒入面有三種顏色（淺米、自然、深黃），仲有個空白調色格，可以根據自己嘅膚色同瑕疵類型混合出最啱用嘅遮瑕色。我自己嘅用法係： · 黑眼圈：用中間色（蜜桃色）先打底一層，遮到大概七成左右，然後再溝深色同淺色調出貼合自己膚色嘅第二層 · 暗瘡印同泛紅：直接用最深色或者溝中間色點壓，再用手指輕印邊緣令邊界自然融合 · 提亮淚溝同鼻樑：用最淺色點喺淚溝、眉心同鼻樑，即刻有彭潤透亮嘅效果 雖然新手可能要練習幾次先掌握到調色比例，但熟習咗之後，一盒就可以搞掂全臉遮瑕，無論喺屋企定出街補妝都好方便！盒仔仲自帶鏡同一粗一幼兩支掃，出街補妝超就手

Fng好用推薦：IPSA 零瑕修飾遮瑕霜 EX SPF25｜ 🎨 產品定位：三色自調遮瑕盤 防護規格：SPF25 PA++ ✨ 核心優勢： · 色彩學調色：深中淺三色 + 空白調色格，可精準調出貼合膚色的遮瑕色 · 智能貼膚質地：乳霜觸體溫融化，實測遮黑眼圈不卡紋，遮痘印不厚重 · 養膚成分：添加薑黃精華，遮瑕同時抑制痘痘惡化 ⚠️ 使用注意： · 調色難度：新手需練習3-5次掌握比例 · 防曬局限：SPF25僅適合室內防護，戶外需疊加防曬 · 取粉衛生：建議用專用刷具，避免手指直接取用 💡 專業調色公式： ▫️ 黑眼圈：中間色 + 少量淺色（偏青用橘調） ▫️ 新生痘印：深色 + 中間色（比膚色深半號） ▫️ 提亮淚溝：淺色 + 微量中間色 🖌️ 上妝技巧： 1. 遮瑕刷溫熱後取粉，點壓手法上妝 2. 黑眼圈採用「倒三角塗法」避免邊界感 3. 等待30秒再用蜜粉定妝 🌞 香港氣候表現： ✅ 潮濕夏季：搭配定妝噴霧持妝8小時 ✅ 乾燥冬季：混合半滴角鯊烷油防卡粉 ✅ 口罩摩擦：薄塗一層後噴定型噴霧 總結：彩妝師級的「自定義遮瑕盤」！適合追求精準遮瑕的混合肌玩家，但趕時間的通勤族建議選

Sakura醬好用推薦：講起NARS呢支「光亮柔滑遮瑕膏」（Radiant Creamy Concealer），可以話係口碑產品嚟。等我從質地、遮蓋力同持久度幾個方面，同你講下用後感。 首先講質地，佢個名改得幾貼切，「柔滑」係真嘅。搽出嚟係奶油感，推開嗰陣好順，用手指或者化妝掃都容易拍勻。雖然唔係嗰種水汪汪嘅液態，但都算滋潤，唔會一上臉就抽乾皮膚嘅水分，一般皮膚用都幾舒服。不過如果係極乾或者有好多細紋嘅位置，做好保濕打底會更穩陣。 跟住到遮蓋力，呢支嘢嘅遮瑕效果確實幾出色。普通嘅黑眼圈、暗瘡印同泛紅，薄薄一層已經遮到七七八八，可以話係「中度至高」嘅遮蓋力。如果你想遮啲好深色或者好突出嘅瑕疵，可以局部疊加多一層，都唔會話好厚好「面具感」。用來修正眼底三角位提亮，效果都幾自然。 至於持妝力，我覺得係佢嘅強項。我試過帶妝成日，佢都冇話溶到一撻撻或者明顯跌妝。就算係夏天出少少汗，只要定妝做得好，個妝都算keep得住。不過要留意，如果你眼部皮膚特別乾，帶妝耐咗可能喺眼底細紋位有少少積線，呢個都算係遮瑕膏嘅通病。另外，佢個色號選擇非常之多，由淺到深、冷暖調都有，好容易揀到同自己膚色match嘅一款。 優點： 1.

Luna好用推薦：Nars光亮柔滑遮瑕膏（Nars Radiant Creamy Concealer）真實測評： 🧴 產品全名： Nars Radiant Creamy Concealer 💰 價錢： 中高價位（專櫃級） 🎨 色號選擇： 非常多，偏黃、偏粉、中性色都有，容易揀到貼近自己膚色嘅色號。 👍 優點： 1. 遮瑕度強： 一層已經可以遮到七成黑眼圈、痘印，疊加多層都唔會厚重。 2. 質地貼服： 雖然叫「Creamy」，但唔會油膩，推開後好快貼住皮膚，唔易卡紋（乾皮建議做好保濕先）。 3. 持久度好： 帶妝8個鐘都唔會明顯溶妝，尤其適合混合性至油性皮膚。 4. 光澤感自然： 有微微嘅亮澤效果，唔會死實，睇落皮膚好似自帶光澤。 5. 方便衛生： 牙膏管裝設計，容易控制用量，而且衛生。 👎 缺點： 1. 價錢偏貴： 如果成日用，一支好快用完，性價比唔算高。 2. 乾皮要注意： 如果皮膚本身好乾，或者眼周紋多，有機會少少卡紋，建議用之前加強保濕。 3. 氧化問題： 部分色號會輕微氧化（變深少少），揀色時可以去專櫃試清楚。 💡 使用心得： · 上妝方法： 最好用指腹或者細嘅化妝掃點開，再

Karman28好用推薦：之前出去上化妝班時，化妝師推薦呢隻corrector。我買既色號係pink pomelo，我覺得一般黑眼圈唔洗買到mango 咁深，呢隻已經夠。我配合呢種掃頭既化妝掃上眼底，首先我會係手背或者調色板上印開佢，然後先再上眼，就可以上到非常薄。係調色板上其實都睇到佢印開之後薄得黎又可以印得好平均，唔會一撻撻。眼底遮暇其實都幾複雜，要揀顏色揀質地，盡量上到最薄又遮到本身黑眼圈既顏色，texture 要揀番岩自己膚質。而我本身係有眼紋，所以愈潤既遮暇/調色霜係會愈容易攝眼紋，因為潤既反而可能抓唔住皮膚。用左咁多款既遮暇後，我覺得液係比膏容易上得薄d，又唔容易移位。huda beauty 呢款調色霜都幾顯色，所以比較容易上得薄，用係眼底係十分適合。

Vera Violet好用推薦：終於開左前陣子俾 Threads 燒到體無完膚嘅 Huda Beauty Corrector 黎用😂 BA 幫我選咗 Cherry Blossom ，比起大路嘅 Peach/Mango 佢會 pinky 啲，顏色好包和，一下就蓋到黑眼圈色素~ 質地幾水潤，對乾眼友善，唔會乾到卡粉，注意要慢慢疊加，少量多次，否則都會有少少厚. 不過有一點扣分位，就係佢用係我度好似會氧化🥲 朝早化完，下晝唔知點解眼底好似變返深色左，黑眼圈重現，又或者可能係我手法有問題，要慢慢再同佢磨合下~

SwSw 好用推薦：入手咗MAC Studio Fix 24小時長效柔滑調色液之後發現遮瑕嘅效果勁好，所以就忍唔住入手埋M.A.C. Studio fix 36小時長效柔滑遮瑕液🙈 M.A.C. Studio fix 36小時長效柔滑遮瑕液有多達44種專為亞洲膚色調配嘅色調，總會一款可以完美match到膚色，我嘅就係NW15，自然柔霧嘅妝感，而且防水防脫妝，持久又唔容易脫妝，玩足一日都keep得好好，層層疊加遮瑕都唔會有厚重感，仲標明不致粉刺❤️ #火熱新品 #火熱新品 #火熱新品

iliya 好用推薦： #火熱新品 MAC Studio Fix 36小時長效柔滑遮瑕液主打 36 小時不暈染、不結塊、不卡紋、不易脫妝，超長效持妝而高效遮瑕，但質地又意外地輕盈唔黏笠，而且無厚重嘅感覺，可自由重複疊加增加遮瑕力，帶來自然柔霧妝感，而且配方加入保養成分，保濕力強，緊密貼合底妝！ #火熱新品

Vera Violet好用推薦：NARS 罐仔遮瑕膏 Vanilla 淺色偏粉，遮瑕度中上，奶霜質地，服貼度高，會比遮瑕液厚，主要用黎遮斑斑，全日不掉妝～

Karman28好用推薦：係nars專門店揀左兩款顏色，化妝師幫我試黎遮黑眼圈好得，係好完美咁遮左。如果買，真係要試色上面，咁先可以揀到最岩自己既顏色。 不過自己係屋企用時，無化妝師咁好手勢，出黎效果係差少少。同埋用膏上面，感覺無咁易有乾紋，裂紋。

Beanbean好用推薦：其實呢隻遮瑕膏要少少技巧用，一開始係柔滑膏狀，透過溫度搓開佢，會迅速融化變成乳霜，推開時極致輕薄、延展力好好。😺😺 我揀咗3號色，感覺好深，但化妝姐姐教過深先遮到， 遮黑眼圈/色斑用：Neutral 遮雀斑，點塗完只blend開個邊緣。淚溝用：Warm 遮淚溝條凹陷陰影線度，利用視覺製做膨脹感。🤎🤎想要精緻感， 遮瑕要買貴少少，係值。#火熱新品

Karman28好用推薦：呢支concealer對比我既膚色其實係偏白，但因為我用黎遮黑眼圈，ba 揀左隻比較深色既corrector 比我，所以加上呢支concealer 一齊用，又好岩我眼底顏色。我會先corrector 幫黑眼圈調色，然後再用呢支。佢係高遮暇度，而又有遮暇液既優點夠薄身，比起遮暇膏唔易攝眼紋。

Fish Tse好用推薦：之前試過HD SKIN氣墊粉底效果唔錯，同系列既遮瑕膏都果然冇令人失望 遮瑕膏有18款色調可以滿足到唔同膚色既sis，我買左既係1.1(N)我主要係用黎提亮，延展性不錯同埋比較滋潤性高 當中含有透明質酸同荷荷巴油滋潤肌膚由其係乾性皮膚sis唔怕驚佢乾會浮粉等問題出現 我多數會少量多次慢慢咁上，慢慢上出黎既效果唔會厚重，好自然既感覺同埋遮瑕既效果都有中度，即使帶妝全日都唔會有浮粉、卡粉既情況出現

Clovercc好用推薦：一見到日本出已經好想買，香港比日本大概遲一星期已有貨了，我是在尖沙咀美麗華商場的cosmetic kitchen 買的。 一直都好喜歡to/one日系簡約設計，這品牌所有產品都是有機、天然，所以好放心使用，對皮膚沒有負擔。 以前用遮暇液比較多，今次是遮暇膏，好驚喜原來好好用，用手指直接上都絕不顯指膜，反而做到好貼服，4隻調色都好適合亞洲皮膚，三文魚色（最深色）少量都已經可遮蓋黑眼圈，其他色遮暗沉位都好出色！唯獨入面有一個是珠光提亮，我反而比較少用到。整體來說做到遮暇功效，又好夠滋潤，不會顯紋、不會卡粉。好滿意🥰