2025香港「水凝霜」推薦好用排行榜Top20

Emily Leung好用推薦：Freeplus 保濕面霜測評：乾肌同敏感肌嘅恩物！ 之前同大家分享過 Freeplus 卸妝油，今次輪到講佢哋隻皇牌保濕面霜！ 質地同手感： 佢係嗰種乳霜狀，望落有啲厚度，但推開嗰陣好快就化水，唔會「立」癡癡。我本身好怕啲面霜搽完成塊面反光，好似未吸収咁，但呢隻唔會，按摩兩下就已經食得晒，皮膚係啜咗啲水份咁，摸落去軟熟咗。 保濕力： 呢方面我俾高分！我朝早同夜晚都用，尤其開冷氣瞓覺，第二朝塊面都仲係潤嘅，冇繃緊感覺。如果你係大乾肌，我覺得你會好鍾意；混合肌嘅朋友就可以冬天用，或者淨係搽面頰乾燥位。 溫和度： 一如 Freeplus 嘅風格，冇香料冇酒精，我用咗咁耐完全冇敏感或者出粒粒。有時皮膚有少少紅或者唔穩定，搽佢都唔會刺激，好安心。 小缺點： 對我嚟講，夏天用可能會有啲潤，要減量。同埋如果你追求好香嘅護膚品，呢隻就冇咩味，係原料本身淡淡嘅氣味。 一支穩穩陣陣嘅保濕霜，唔會令你好驚艷，但皮膚唔妥當嘅時候你就會明佢嘅好。價錢合理，尤其轉季或者敏感時期，拎出嚟用就最放心！推薦俾鍾意簡簡單單護膚嘅你！

布吶吶好用推薦：Freeplus 保濕面霜深度測評：敏感肌嘅「定心丸」！ 一句總結： 呢罐絕對係「潤物細無聲」嘅高手！唔單止清爽咁簡單，係可以將水分牢牢鎖成日，第二朝起身塊面依然嘭潤唔出油。 真實用後感： 1. 質地與保濕力： 佢個質地真係一絕，推開好似水感咁吸收，零黏膩，但保濕力出奇地持久。唔係浮喺面個種潤，而係感覺水分真係食咗入角質層，由朝到晚（甚至到第二朝）塊面都保持住水潤飽滿感，每吋肌理都飲飽水。 2. 成分與功效： 裡面落足新6種和漢植物精華，再加埋煙酸B，唔係單單補水，係慢慢幫你調理返肌膚個底層，令皮膚狀態愈用愈穩定、愈健康，達到水油平衡。 3. 溫和度滿分： 真正做到無香料、無色素、無酒精，成分純粹到極。無論係敏感肌定係孕期媽媽，都可以放心用，係皮膚唔穩定時最可靠嘅後盾。 4. 適合邊個？ 基本上所有膚質都適用！油皮會愛佢清爽鎖水，乾皮會感受到佢長效滋潤，混合肌更能體驗到水油平衡嘅好處。 總評： 如果你一直在尋找一支成分安心、基本功紮實、保濕力持久又唔怕敏感的「本命面霜」，Freeplus 呢支絕對係盲入都唔會出錯嘅高分之選！用耐咗，你會發現皮膚嘅健康光澤係由內透出嚟嘅。

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Tobimak好用推薦：真係後悔識得呢個牌子咁遲！最近秋天轉季，皮膚開始變得乾又敏感，我用咗 Atorrege AD+ 呢支3C 美肌鎖濕啫喱（爽潤型）之後，覺得佢效果真係驚為天人！！ 一吱出嚟見到係啫喱狀，本身都有啲擔心會唔好吸收，點知推開之後唔使10秒就吸收晒，完全唔黐笠笠，仲好清爽。用完之後塊面即刻變得彈滑水潤，摸落去有種飲飽水嘅感覺，連鼻翼同面頰乾燥位都冇再甩皮。 最驚喜係佢溫和得嚟又夠保濕，敏感肌人士都用得安心，無香料無酒精，完全冇刺激感。即使係試用品都已經感受到佢嘅實力，用完之後必定會入手正貨！

Emily Leung好用推薦：日本Naturie薏仁保濕水凝霜，換季救星 最近天氣乾燥，相信同我一樣，好多人都覺得塊面繃緊、乾到痕，甚至會有啲甩皮。喺咁嘅天氣底下，搽乜嘢面霜都好似即刻俾塊面「食咗」，搞到需要不停補搽，想搵件清爽又夠力嘅保濕霜真係好頭痕。 Naturie呢款薏仁水凝霜，喺香港同台灣嘅美容網站上都幾有人氣。佢真係又平價好用！ 🫧質地與觸感：透明嘅啫喱（果凍）質地，非常Q彈。 🫧推開感受：一抹開就即刻化成水狀，延展性極高，上臉吸收速度快，感覺好輕盈。 🫧膚感：搽完後唔會黐立立，呈現啞光感，清爽唔厚重，好多油性同混合性肌膚嘅用家都好鍾意呢種觸感。 🫧氣味：產品本身無添加香料。所以係冇乜特別氣味，對於唔鍾意香味或者容易敏感嘅人嚟講，呢點係個優點。 👍使用感受與多用途 1.日常保濕：可以當作日霜或晚霜使用，質地清爽，夏天或潮濕天氣用尤其舒服。 2.妝前打底：化妝前薄搽一層，有助後續上妝更貼服。 3.睡眠面膜：夜晚可以厚敷一層當作晚安面膜，第二朝起身塊面會覺得好水潤同柔軟。 4全身保濕：因為係大碗裝（180g），平價大碗，用嚟搽身體都唔會肉赤。 🌸保濕力度評價 • 優點：瞬間補水效果出色，能為皮膚帶來

Julianna好用推薦：夏天護膚唔想太厚重，呢款薏仁水凝霜真係幫到手。佢質地好似啫喱咁，一搽上面即刻變水感，吸收得快又唔黏。對於我呢啲混合偏油肌嚟講，夜晚搽厚少少可以當sleeping mask，朝早又可以當妝前保濕打底，性價比高得嚟又夠大罐，真係唔怕用。冇香料冇刺激，基本上敏感肌都可以試。不過佢保濕力唔算超強，如果你係乾肌或者轉天氣時用，可能就未必夠力～我自己會喺秋冬加返面霜先夠鎖水。不過炎夏用嚟降溫+補水，真係非常啱用，用完塊面有種透亮感。CP值極高，特價入手更加冇得輸！

Noel好用推薦：最近大愛的晚間保養品，超級推！本人對 medicube 產品非常有信心，到了韓國即時購入這枝保濕霜。面霜呈淡粉紅色，非常少女心，是厚厚的凝膠狀質地，沒流動性。塗到皮膚上，相當容易推開，延展性高。無論晚間在冷氣房厚厚地用，還是日間化妝前塗薄薄一層，都可以👍 面霜非常強調PDRN成份，在韓國大熱 (從三文魚精子中提取的DNA箤取) 由於它與人類DNA的高度相容，因此被廣泛應用於保養品及各種醫美療程。因此，無論日常使用，或者使用家用美容儀後，我都會塗上這枝保濕霜守尾門！ 個人已經使用了三星期，保濕效果非常理由，早上醒來皮膚很潤澤，即使睡覺吹了8小時冷氣，皮膚也不乾燥💙 有時不為意塗近了眼周，也沒有刺激👌打算冬季要試試它的進階PDRN膠囊面霜呢💕

Anna好用推薦：粉紅爆水啫喱呢個產品好好用，︀使用之後好滋潤、好清爽，︀原本肌膚乾燥嘅我，︀唔再乾燥，︀有種水嫩嫩嘅感覺，︀持續時間又好長，︀唔需要清洗，︀方便易用，︀用咗唔夠一星期，︀效果就超級明顯，可發揮長達100小時超長效的保濕功能。

Rose0627好用推薦：第一次用Clinique 嘅產品，抱住嘗試嘅心態買咗支返屋企用，幾好啵！我係混合膚質，gel狀質地好適合我，容易推去之餘又好快速俾皮膚吸收，以往冬天搽gel狀嘅保濕都會有啲拮拮哋嘅感覺，但呢款gel就完全冇呢個問題！十分推介！

Cole Cole 好用推薦：喺乾燥嘅秋冬天氣，呢款日系晚霜對皮膚滋潤好有用。肌研糀潤雪凝晚霜，打開嘅時候冇味道，搽上面就聞到淡淡日本酒清香。 質地有啲似雪花霜，滋潤都幾厚重，但推開容易吸收，夜晚用嚟做深層修護好啱。一搽上面會覺得有啲滋潤感，但好快就融入肌膚，覺得有少少笠，但唔油，所以只適合好乾燥嘅天氣。 厚塗當睡眠面膜效果更加好，不過要紮起啲頭髮同埋唔好貼落枕頭度，第二日皮膚都仲好滋潤。 產品無香料、無色素、無酒精，唔會刺激皮膚。 做特價的時候可以再回購🤓

A&R好用推薦：呢款白米面霜，質地有啲似雪花膏，不過再軟啲多水啲，好鬆軟，有少少清酒香。一擦上面好容易推開，好滋濶，保濕可以維持到一整日。 面霜話可以減少幼紋同減少黑色素，用咗一段時間之後皮膚狀態可以穩定到一點。 保濕功效比較大啲。 面霜無添加香料色素，就算敏感肌使用都冇問題。

Fng好用推薦：belif 紫芹48小時潤澤炸彈霜｜ 🌿 香味評價： 清新草本淡香帶微涼藥草氣息，無人工香精感，氣味自然舒緩但接受度因人而異。 ✨ 優點： · 續航保濕力驚人：紫芹萃取+羽衣甘藍複合配方，實測香港乾燥秋冬季節真可維持24小時以上飽水感，兩頰脫皮現象三日內改善 · 質地智慧變革：看似厚重乳霜，掌心乳化後瞬間化成絲絨質地，T區不悶痘、兩頰不繃緊 · 抗環境刺激：漢方成分強化屏障，秋風轉季或冷氣抽濕時特別能穩定膚況 ⚠️ 缺點： · 夏季局限明顯：濕熱盛夏使用仍嫌潤膩，只適合晚間冷氣房短暫使用 · 瓶身設計缺陷：廣口瓶取衛生度低，手指反覆接觸易污染 · 功能單一：主打極致保濕，抗老美白需搭配其他精華 🍁 香港季節使用： ✅ 秋冬季：早晚使用，妝前薄塗可抵禦乾燥 ✅ 轉季過敏期：可作鎮靜面膜厚敷10分鐘急救 💡 總結：乾冷季節的「保濕守門員」！特別適合香港秋冬季的熟齡混合肌，但油肌盛夏請繞道～❄️ #belif炸彈霜 #轉季保濕 #香港護膚

Nicole 好用推薦：新升級為48小時持續保濕效果，白色的乳霜質地，非常好塗開並且好吸收，本人油皮覺得膚感很好，清爽而不油膩。平時拿它當日霜用，可以保濕一整天，並且後續跟防曬或者上妝都不搓泥，而且讓妝容也更服帖。 #火熱新品

JZ好用推薦： NARS SKIN Light Reflecting Moisturizer使用心得： 一款出色的面霜，無明顯氣味，補水、保濕效果顯著，但gel狀質地的霜體並不會油膩厚重，而是令皮膚仿佛飲足水一般水潤飽滿。 我最滿意的一點是它可以給予原本黯淡乾燥的皮膚一種自然光澤感，甚至不需要使用highlighter，也可光亮照人。 於妝前使用，可以令後續底妝粉底更加貼服持久，改善浮粉、卡粉等情況。 使用前後對比相片：可以見到，使用該面霜後，面頰上highlighter的位置可以自然反射光線，適合打造韓式妝容的水光感/glass skin妝效，的確如其產品名所言，做得到light reflecting的效果👍 成分表：#補水 #水潤

natanatalie好用推薦：必回購的輕盈面霜🫶🏻 呢個品牌嘅功能性都好強，每次用都不會失望，唯一可惜嘅係價錢比較貴，亦不會常做折扣！ 呢款面霜係類似啫喱乳霜狀，感覺無咁厚重，推開亦好易吸收，滲透力唔錯。我喺天氣開始乾燥時用左兩三次，鎖水能力好好，同時最討喜嘅係佢真係好light，完全唔會令我出多左油，用完佢個妝都靚啲！🥰

Emily Leung好用推薦：混油皮本人在這個夏天遇到的新寶藏面霜 偶然發現了肌研極潤的這個寶藏面霜！價格也很友好，便宜大碗怎麼用也不心疼！ 🌟打開之後，有一個小勺，我對這種設計特別愛，不用擔心指甲縫里吃面霜的情況 🌟再來看面霜，質地就真的像是雪葩、冰沙一樣，有種肌膚吃冰淇淋的趕腳！很像綿綿冰那種，不愧是叫雪葩霜 🌟然後聞起來是那種淡淡的清香，不是那種低劣香精味，聞起來就很安心 🌟試用了一下，使用感受也是相當驚艷，首先它是那種一抹化水的，抹上很快就吸收了！把水都喝進了皮膚里啦～補水保濕效果是很顯著的，對於混油皮來說，也很清爽，如果晚上用第二天完全不會變成大油田，也不會滋潤度不夠～ 而且用完是那種啞光肌，上妝前用也不會搓泥，夏天能擁有啞光肌！整體來說還是很推薦油皮混油皮夏天來用的，推薦肌研雪葩霜，真的不錯！

KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。