Skintific 好用推薦產品

Lindabb好用推薦：#火熱新品 Skintific再生膠原光感精華用後感 開頭見佢話「再生膠原」又話「光感」，心諗又係啲誇張宣傳？但見佢個價錢唔算離地，又有好多人大推，就膽粗粗買嚟試吓，而家用咗差唔多一個月，可以同大家分享吓真實感受。 質地（★★★★☆） 佢係偏水狀嘅精華，流動性好高，一揼落手背會跣走嗰種。一推開就化水，完全唔笠，吸收速度快過我諗嘢。對於香港呢種濕熱天氣，呢個質地真係贏在起跑線，油肌、混合肌夏天用都冇負擔。 味道（★★★☆☆） 淡淡嘅原料味，冇乜人工香料，似係少少發酵味加草本味。唔係難聞，但如果鍾意香噴噴護膚品嘅人可能會覺得太樸素。 用後感（重點！） 頭一個星期：老實講，未見乜嘢「光感」，但皮膚明顯滑咗，毛孔好似整齊咗少少，上粉底嗰陣貼服咗，冇再卡粉卡到一撻撻。 用到第三個星期：開始見到佢講嘅「光感」——唔係韓國妹嗰種水光誇張，而係由底層透出嚟嘅自然光澤，好似瞓飽覺嗰種健康氣色。尤其我捱夜之後搽，第二朝塊面冇咁暗黃，黃氣退咗一半。 膠原感方面：塊面係有啲脹卜卜嘅感覺，尤其蘋果肌位，摸落有彈性，唔會話「冧咗」。佢話有助再生膠原，我信一半，因為明顯係飽滿咗，但當然唔好FF會變咗第二塊

Nicole 好用推薦：質地是輕盈的水感精華，流動性很好，推開就吸收了，完全不黏不悶，用完皮膚清爽，夏天用很舒服。 我連續用兩週，臉頰兩側毛孔看起來有變細，膚色也變均勻一些。最重要的是沒長痘也沒塞毛孔，對油痘肌來說這點比什麼都重要。 整體來說，質地輕盈、不悶痘、有提亮效果，價格也不貴，用完會想回購。 #火熱新品

葉子🍃好用推薦：我選左珊瑚玫瑰色，但上手覺得顏色似蕃茄醬，唇膏頭有個位按壓出唇膏，份量可以自己控制住，佢係一支淡色修護潤唇膏，搽上嘴有飽滿同偽素唇效果，鐘意自然妝效可以一試，用後有少黏殘留感，唔會卡紋，用完嘴唇更柔軟，當追求更深色可以自行疊加其他唇膏，缺點係唇膏頭太過大，我唔係櫻桃小嘴都搽到出晒界，如果改細啲會好啲 #火熱新品

Aries 好用推薦：我個人覺得質地都水潤唔會亁，可以在自己的唇膏上疊加一層令到有光澤，缺點就係唧出嚟嘅位置好容易堆積唇膏好唔衛生。但如果要有光澤性價比高。