2026香港「口腔護理」推薦好用排行榜Top20

Julianna好用推薦：呢支Oro2正式無瑕牙膏真係幾好用，入口好清新，唔會有嗰啲好刺嘅薄荷味，但係刷完啲牙又好乾淨。用咗幾日之後，覺得牙齒表面滑咗，啲茶漬同咖啡漬好似冇咁易積，口氣都清爽咗成日。佢起泡量適中，唔會搞到成嘴都係泡咁唔舒服，而且沖水好快就乾淨。包裝簡潔大方，用落有少少高級感。每日朝早晚黑用，真係覺得口腔乾淨好多，成個人都精神啲。

mysecretgarden好用推薦：一直物色緊美白牙齒嘅產品，見呢隻牙膏都幾多人推介就買來試吓。揀咗呢隻好香嘅桃味，令我諗起細個用嘅兒童牙膏。牙膏主打潔白牙齒，不過唧出嚟冇任何嘅磨砂粒粒。用咗兩個月，我本身冇乜牙跡，測試唔到呢款產品可唔可以去除茶漬咖啡漬，但喺亮白牙齒色調方面，效果就暫時未見到。

Paris merci 好用推薦：好耐之前用過黃色柚子味，今次買返最經典款橙色蜂蜜味，但我感覺呢個味好似小朋友藥水味，唔係太鍾意。呢款日式漱口水係冇薄荷味，相對地冇咁刺激口腔，感覺上比較溫和，。雖然冇薄荷，但去除口氣效果唔錯。 另外佢會吐出嚟會有一啲啡色嘅污糟嘢，聲稱如果口述入邊嘅細菌越多，吐出嚟會更加多污糟嘢，但好似係蛋白質，結果原來係智商稅😱 就算要買，下次應該會用返黃色💕

葉子🍃好用推薦：啡色漱口水，味道唔算好聞，20-30秒可以吐出黎，會發現有啲凝固左既物體，話係害菌同雜質，個口用完有啲澀，都係要用水清一清，不過用完口氣清新，口腔都好乾淨，雖然唔會再買呢款，但會試其他味