2026香港「唇彩」推薦好用排行榜Top20

Youpi 好用推薦：今次揀咗 D206 Soul Brown，想秋天用啡調唇膏，自己亦覺得 brown lip 好 trendy，幾有秋日 feel。 DRAMA 好易搽，滑順唔拉扯，上嘴唔乾，持色度都唔錯，不過食完飯仍然要補搽。 薄搽 食完m記，冇晒 同我最愛嘅 ROUGE STAR VIBRANT 持色水嫩活力唇膏 比，DRAMA 冇咁 creamy，妝效亦比較實色；VIBRANT 就更滋潤、更 glowy。其實 VIBRANT 咁滋潤都仲有好好嘅顯色度，呢點真係好加分！我有嘅 V16 Rose Chai 唔會太紫、亦唔會太 pink，對我嚟講就係 perfect nude mauve，超鍾意。 DRAMA 嘅幼身設計就贏一點：更容易控制，搽唇邊、勾畫唇形都更 precise，比 VIBRANT 粗身嘅膏體更好掌握。 不過 VIBRANT 有 3.7g，DRAMA 只有 2.5g，容量少咗。 一直都好鍾意 KANEBO 彩妝嘅黑色外殼，同嗰種 off-centre、不對稱設計，簡約得嚟好型。 整體係好用嘅唇膏，但以我偏愛滋潤、光澤感嘅口味，始終更鍾意 VIBRANT。

katiimky好用推薦：本身唇色比較深 加上唇邊帶有暗沉 我化妝習慣一定要先用唇線筆遮瑕 再疊加唇膏～為咗令成個人嘅氣息唔好咁差 唇膏對我嚟講絕對係must-have item! KANEBO新出長管唇膏ROUGE STAR DRAMA #203 直接成為我嘅近期最愛!!❤️一抹上嘴質地絲滑 薄薄地有舒適感 感覺滋潤又唔會有厚重黏苙感～最重要係佢嘅遮蓋力 上完第一層就已經可以遮蓋到原本嘅烏唇邊☺️我鐘意再疊塗多一層 成個唇妝瞬間變得超精緻立體 佢帶有少少光澤感感覺做到好似 plumping 效果 成個唇嘅輪廓出咗嚟✨ 唇膏顏色顯色度高得嚟 完全唔會覺得誇張突兀 反而非常自然、有光澤 成個人氣息同精緻度up!!吃完 lunch 抹嘴後，雖然光澤感會減退，但底色仲留咗喺嘴唇上，而且嘴唇完全唔會乾，睇落反而似天生唇色，感覺唔錯！呢隻色我有上手試 不過感覺同上嘴效果有分別 唇膏都係要上試上自己個嘴先知顏色效果係點～

winsomes711好用推薦：這次的05和06色都是土色系，很顯好氣色。塗在手上是有點光澤感，但若輕塗在唇上則是比較matte 有柔霧感的妝效，如網頁寫呈現朦朧氛圍的高顯色霧面妝效一樣。 而且算輕盈不乾，SA說有添加橄欖果油、荷荷巴籽油、乳木果油等，霧而不乾。 最後選了06 Rosy Taupe，是低調灰粉玫瑰色，比起普通甜美的玫瑰色，這款更顯知性和日常。 而且蠻持久，飲水都不會掉太多色，仍然保持到妝效，相反地卸妝就要俾多啲時間了。 #火熱新品

Fng好用推薦：用咗 ADDICTION 自我印記啞光唇釉 #006 Rosy Taupe 幾日，對我呢種混合偏乾、黃皮一白嘅熟齡肌嚟講，真係好難得嘅「霧而不乾」唇釉。質地絲滑易推，薄塗已經好貼服，乾透後係柔焦啞光，唔會死白、亦唔會放大唇紋，唇部感覺輕盈舒服。 006 Rosy Taupe 係煙燻玫瑰色，帶灰調嘅玫瑰粉棕，唔係嗰種甜美粉紅，而係低調、知性又帶少少酷感。黃皮一白用落顯白之餘，仲可以修飾唇色唔均勻；薄塗似自然好氣色，厚塗就即刻有摩登感，好襯秋天嘅大地色、啡調同灰調妝容。 最驚喜係持色力，飲水後唇色仍然完整，唔易沾杯；配方含橄欖果油、荷荷巴籽油、乳木果油等，所以啞光得嚟唔拔乾。唯一要注意係卸妝要認真啲，同埋疊唇釉或潤唇膏會令邊緣較易走色。整體係一支日常、約會甚至上班都啱用嘅知性系霧面唇釉。 #ADDICTIONTOKYO #自我印記啞光唇釉 #ConfidentMatteLip #006RosyTaupe #RosyTaupe #煙燻玫瑰色 #霧面唇釉 #啞光唇釉 #熟齡肌化妝 #混合偏乾肌 #黃皮一白 #香港秋天妝容 #知性唇色 #香港美妝 #BeautyLover #火熱新品

莓莓好用推薦：【KATE怪獸級持色唇膏 05 乾燥無花果】詳細評測 今日要同大家分享呢支紅足幾年、被譽為「開架皇牌」嘅KATE 怪獸級持色唇膏，色號#05 乾燥無花果 。坊間成日講到佢「唔沾杯」、「鎖色力強」，仲有人搞笑話佢可以兼任「面霜」同「妝前乳」咁誇張？等我哋由質地開始，同你逐層拆解下！ 質地 大家冷靜啲先，佢只係唇膏嚟咋，真係唔建議你拎嚟捽面！呢個純粹係形容佢個質感好滑、好似乳霜咁軟糯 。 質地上唇極之順滑，佢唔係乾爭爭嘅霧面，亦唔係豬油膏嗰種假油光，而係一種好貼膚嘅「水光感」。佢個秘密在於「高持色凍膜技術」，一掂到嘴唇嘅體溫就會融化成薄膜，黐得好實 。感覺似搽緊一層好輕身嘅潤唇膏，冇咩異物感。 味道 味道呢方面……其實係無味嘅。佢冇添加任何水果味或人工香料，對於好驚濃烈化妝品味嘅朋友嚟講，呢個絕對係加分位。就算戴口罩成日，都唔會焗到一陣怪味出嚟。 滋潤度 呢點要分開兩個時段講。 · 剛上唇：滋潤度極高，好似有一層保護膜包住，唇紋即刻隱形 。 · 過咗幾個鐘：因為佢鎖色效果好強，相對地會抽乾少少水分。如果本身嘴唇係「乾旱地」，建議之前做定多啲護唇打底，否則後尾會覺得有啲乾，甚至顯

Yty好用推薦： 回購王！KATE 怪獸級持色唇膏 #01 Pink Banana ✨ 產品好處與用後感： 黃皮也顯白的初戀感粉調（01色）： 01 是一個帶有暖調的甜美微醺粉（類似熟透的粉紅香蕉色）。上嘴極度溫柔、襯膚色，日常素顏或淡妝擦它一秒提亮氣色，完全沒有老氣感，是標準的「偽素顏天菜」。 果凍般水潤，超狂持色力： 質地像護唇膏一樣滑順保濕，上嘴折射出很漂亮的水光感。最厲害的是它利用了嘴唇蒸發的水分轉化為凝膠層，喝水、吃飯過後竟然還能留下七八成的漂亮底色，極度不沾杯。 💡 注意： 【塗完靜置是持久關鍵】： 擦上嘴後，千萬不要立刻抿嘴！請耐心等待 3 至 5 分鐘讓它在雙唇上「成膜」。等凝膠保護膜定型之後，它的不沾杯、不掉色威力才會開到最大。 【多層疊加更顯色】： 因為它質地偏清透，薄擦一層是淡淡的自然血色感；如果想要更濃郁的粉嫩感，可以來回疊加兩三層，光澤感會更像日系琉璃。 💬 一句話總結： 保濕、水光、持久三合一，放一支在包包裡任何場合盲擦都不出錯。還沒入坑 KATE 怪獸唇膏的人，選 01 號絕對不踩雷！ #日系彩妝 #KATELipMonster #怪獸唇膏 #不沾杯唇膏 #日

Miranda好用推薦：質感 講到呢支唇膏嘅質感，真係好有驚喜。佢係「Hazy Matte」柔霧效果，同傳統嗰啲乾到裂開嘅霧面唇膏完全唔同。膏體摸落去好滑，好似絲絨布面咁，唔會一畫就卡住。上面之後，嘴唇表面會有一層好薄好薄嘅絨毛感，望落唔係死實實嗰種啞光，而係有少少空氣感、好似filter咁柔焦咗唇紋。最正係佢完全唔會拉扯嘴唇，就算來回塗幾層都仲係好順滑。我試過冇打底直接搽，嘴唇都唔會覺得乾或者繃緊，仲要唔顯死皮。對於成日覺得霧面唇膏好難handle嘅朋友，呢支絕對會令你改觀。 使用感 #908 呢個顏色叫 HAZY MATTE，實際係一隻帶少少棕調嘅玫瑰木色，或者可以話係「煙燻乾燥玫瑰」。呢類色對亞洲人膚色極之友好，黃皮用即刻顯白，白皮用更顯氣質。我自己係黃一白，搽上去成塊面即刻溫柔晒，唔會太紅太誇張，但又唔會似病。最鍾意佢素顏都carry到，返工趕時間輕輕印一層，已經有好自然嘅好氣息。上嘴嗰下好順滑，唔使照鏡都畫得靚。佢嘅氣味係淡淡嘅雲呢拿香，唔會太濃，搽嗰陣好舒服。包裝係磨砂管身，細細支放喺手袋唔阻掟，磁石吸蓋設計好有質感，啪一聲就閂實，唔怕喺袋入面鬆開。 持久度 持久度方面，以柔霧唇膏嚟講算係中上水

chewyfruit好用推薦：#火熱新品 【MAC 輕吻雲霧保濕唇膏實測】 講起 MAC唇膏，大家可能第一時間諗起子彈頭或者好乾。但今次呢條 「輕吻雲霧」 系列，真係同以前好唔同！佢個名話自己保濕，仲要係雲霧妝感，咁到底係咪咁堅？等我同大家試真啲！ 💄包裝 & 第一印象 一拎上手，同經典子彈頭唔同，係霧面軟管包裝，扭開個蓋，個咀係斜角平口設計，幾貼心，可以直接就咁搽，唔使用唇掃，好方便就手。 💄質地有幾「輕吻」？ 一搽上嘴，第一個感覺係：嘩，好滑！ 佢質地係好輕盈嘅乳霜狀，唔係傳統嗰種「揩唔郁」嘅霧面唇膏。搽嘅過程超順滑，完全唔會卡唇紋，好似有層好薄好薄嘅油包住咁，個觸感真係對得住個「輕吻」嘅名。 💄妝感：雲霧效果係點？ 完妝之後，佢唔係死實實嘅全啞緻，而係一個好柔和嘅柔焦效果。好似俾咗一層好薄嘅霧面濾鏡你塊嘴，但又隱約見到嘴唇本身嘅紋理，好自然。坊間有人叫佢做「屁屁唇」效果，就係嗰種好柔軟、好似俾 BB 咬過嘅 feel。 💄重點：保濕度得唔得？ 呢個係大家最關心嘅point！我可以話，喺霧面唇膏嚟講，佢嘅保濕度絕對係高分。 因為佢入面有滋潤精華，搽咗幾個鐘，嘴唇都唔會 feel 到乾爭爭或者

Rin好用推薦：豐唇唇蜜 當時看到他有豐唇及滋潤效果 塗抹的時候會有刺刺的感覺像是幫你豐唇中 我的用法有2: 1.直接當日常亮澤嘴唇用（下唇用了，上唇是原唇色） 2.將家中霧面的唇膏加上唇蜜，做出另一種感覺,變成有多幾款的選擇 注意刷頭容易沾上顏色，所以如用在霧面唇膏上記得再用紙巾清潔一下 液都比較黏，是會沾到杯子和頭髮 但持久力還不錯 另外是有色的豐唇蜜BR301,這個比較不會有刺刺的效果，適合日常出門用 撫紋，簡單，日常血氣色

莓莓好用推薦：Visee 精華唇蜜用後感：開架價錢，專櫃享受？真心有驚喜！ 老實講，我以前對開架唇蜜冇乜信心，覺得都係「痴淋淋」、「顯色度低」或者「一陣膠味」。但前排見Visee呢支精華唇蜜喺小紅書俾人推到爆，話係「Chanel 105平替」，我忍唔住買咗支返屋企試。用咗兩個禮拜，真係有啲說話想講。 先講顏色，我買咗最 hit 嘅 #BE320 奶茶杏色。 如果你鍾意Chanel 105嗰種自然好感度，呢隻色你會一試愛上！佢係帶少少棕調嘅奶茶色，但因為夠透，上嘴之後唔會顯老，反而好似自己嘴唇天生就係呢種「微粉微杏」嘅血色感。對於黃皮嚟講，呢隻色絕對係「安全牌」，就算素顏就咁搽，都唔會突兀，仲有種「我本身唇色就咁靚」嘅錯覺。如果你鍾意更粉嫩，可以揀 #RD401 櫻桃紅，薄搽已經好提氣色。 重點嚟喇，質地係成支嘢嘅靈魂！ 佢個質地好特別，唔似傳統唇蜜咁「漿糊式」痴住個嘴，反而似稀身少少嘅精華油，一掂到嘴唇就溶化，好輕盈。最驚喜係佢一啲都唔黐頭髮！平時搽唇蜜最驚風一吹成嘴都係頭髮，呢支完全冇呢個問題，搽完之後嘴唇係水潤，但唔會「漿住」，呢點絕對加分。 講到「精華」兩個字，佢真係做到養唇效果。 我本

Emma好用推薦：【唇彩部門】 呢支唇膏係我乾唇人大愛！ ✨水感透亮高保濕：配方加入角鯊烷護唇油，質地極致順滑，好似搽緊潤唇膏咁滑，即使不額外使用護唇膏打底，都可以直接塗抹出水潤不黏膩的玻璃光澤感。而且顏色清透自然，打造出彷彿天生好氣色既偽素顏效果。完全唔會顯唇紋，佢甚至比我買既潤唇膏更加保濕同水潤😂 ✨具備輕微的染唇效果，即使飲水或進食後表面光澤稍退，嘴唇依然會保留一層自然紅潤感，唔會斑駁 ✨日常百搭、性價比高，顏色清透自然，返工返學或素顏單擦都能提升好氣色；而且價格親民、包裝簡約有質感。 🥲太水潤都一定會有既問題就係會沾杯，但好在顏色依然喺到 唇膏顏色睇落好深，但搽上嘴有種清透水潤自然既素顏感🤩🤩🤩仲要我嘴唇極乾既狀態下用，都可以冇唇紋，嘟嘟唇咁樣，大家快啲買支試下啦

Beanbean好用推薦：呢支 #05 日本好似叫「花嫁唇膏」 上次去好姊妹個婚禮都係用佢，😆😆隻珊瑚粉紅色超級溫柔，帶有一種滿滿嘅幸福感。佢質地好似潤唇膏咁滑，直接搽就修飾到乾燥唇紋，仲散發光澤。最驚喜係佢有溫感染色技術，去完飲、食完嘢之後，個嘴唇都仲保持到好自然嘅紅潤血色，可以唔使係咁補 😗😗成個人望落好大方、好有氣色，絕對係約會必備！🥰🥰

Yeonjung好用推薦：#火熱新品 Givenchy高定緞光唇膏P20——為咗趙麗穎，呢條數我畀！ 話說前排碌手機，碌到趙麗穎個Givenchy新廣告，嘩，佢嘴上面嗰抹顏色靚到好似識發光咁！成個高級感出晒嚟。本身已經係佢嘅小粉絲，見到佢代言，即刻心心眼，個腦仲要同我講：「買啦買啦，唔買對唔住自己。」於是，我就乖乖課金，入手咗呢支Givenchy G方管，仲要係揀咗P20呢個色號。 點解揀P20？一個字：正！ 其實之前已經有佢哋細管嘅G05，嗰支都好靚，但今次見P20個色，好似帶啲「邪烏木玫瑰」調？即係唔會太嬌，又唔會太淡，帶少少型格嘅暗紅，但又唔會似食咗細路仔咁恐怖。最緊要係，見好多姊妹話素顏都carry到，我呢啲懶人，最需要就係一支可以「是但搽、是旦靚」嘅唇膏。 實測！純素顏無filter，豁出去！ 為咗測試佢係咪真係咁堅，我特登乜底妝都冇搽，純素顏就咁上嘴。一搽上去，個感覺係——「柔滑到呢」！佢係絲緞質地，唔係啞光嗰種乾爭爭，又唔係豬油膏嗰種反晒光。介乎中間，有一種好高級嘅低調光澤。顏色方面，佢真係好特別，薄搽會偏玫瑰豆沙，好溫柔，素顏絕對HOLD得住，仲顯得個人有精神咗；厚搽嗰下，烏木玫瑰嘅感

Kathy Wai好用推薦：#火熱新品 Givenchy 高訂緞光唇膏 N05 喺網上都幾紅，終於入手，同大家分享下使用心得： 顏色（絕美灰調玫瑰） 呢隻色喺亞洲人嘴上好特別，係帶灰紫調嘅乾燥玫瑰。唔似一般豆沙色咁偏粉或偏棕，佢多咗陣「高級冷淡感」。黃皮搽顯白，橄欖皮搽直頭係天菜，厚塗有氣場，薄塗暈開做咬唇妝就變返溫柔MLBB色。 質地（輕盈又保濕） 顧名思義「緞光」，質地好滑好似奶油，上嘴零負擔。唔顯唇紋之餘，仲有種含蓄嘅光澤感，唔似霧面咁乾，又冇鏡面唇釉咁痴脷。不過持久度中等，飲水會印少少色，食飯後要補，但甩色後遺留嘅底色都自然，唔會甩到核突。 缺點（要留意） 一定要打底！ 如果嘴唇狀態差（有死皮），呢枝會「填」唔勻，起晒粒粒。建議前一晚厚敷潤唇膏，或者上妝前先搽潤唇膏，最後先上呢枝。另外佢帶灰調，如果本身唇色好深，建議先遮瑕，否則會變紫灰到似病樣。 總結 如果你鍾意知性、有距離感嘅氣質妝容，呢枝好值得入手。佢唔係活潑少女色，而係「著西裝都壓得住陣」嘅知性美。想試灰調玫瑰又怕顯老，呢枝絕對係入門首選。

Kitty 好用推薦：終於搵到夢寐以求嘅日常提氣色血色感唇膏💄✨上次同閨蜜聚會，見到佢支唇膏超水潤，顏色又靚，於是忍唔住入咗同款~ 一打開嗰陣仲諗：咦，咁深紅嘅？會唔會揀錯色㗎？🤔 但一搽上嘴就知瀨嘢——唔係，係驚喜先啱！😆 超級潤，仲要好易推開！顏色真係好正，帶少少水透感嘅紅，再疊加埋車厘子嘅深紅調，層次感滿分🍒 特別係暈開之後嘅效果，靚到忍唔住想錫自己兩啖！😘 呢支車厘子色唇膏真係提氣色之餘，仲令皮膚望落好透亮，薄薄一層已經做到清透自然嘅妝感，日常搽真係清純到爆啊～☀️大愛！❤️‍🔥

Kathy Wai好用推薦：黛珂輕柔潤澤修護唇膏 21G 用後感 講真，買呢支唇膏之前我猶豫咗好耐，因為價錢唔平，但係用完之後真心覺得——值得。 先講包裝，黛珂一貫嘅簡約高級感，深紫色外殼，拎上手有份量，唔會似玩具。支唇膏擰出嚟個膏體偏軟，所以每次唔好擰太多，大概1mm就夠，唔係好易斷。 顏色方面，21G係嗰種好溫柔嘅玫瑰豆沙色，帶少少裸調。我本身唇色偏深，搽上去唔會話完全遮蓋原本唇色，但係會令成個唇色均勻返，睇落好自然。素顏搽都完全冇問題，返工搽就更加穩陣，唔會太搶眼但又精神咗。如果鍾意歐美嗰種超高顯色度嘅話，呢支可能唔啱你，因為佢行嘅係日系清透路線。 質地先係呢支唇膏嘅重點。佢叫「輕柔潤澤修護唇膏」，個名真係冇改錯。搽上嘴嗰下係滑嘅，但唔會油淋淋，感覺似搽咗一層好薄嘅護唇膏上面再加少少顏色。最正嘅係，我本身嘴唇容易甩皮，尤其轉天氣嘅時候，用咗呢支之後，就算唔搽護唇膏打底都唔會卡紋或者起死皮。佢個修護力係真係有料到，唔似得有啲有色潤唇膏，搽完過一陣就乾返。 持久度就一般般啦，始終係潤澤型唇膏，飲水食嘢一定會甩。我通常食完飯補一次，其餘時間都OK。佢唔會染唇，所以甩咗都唔會話好尷尬咁留低一撻色。 味道方

Emily Leung好用推薦：fwee GN02 玫瑰心動鎖色唇露 🌹 無花果烤奶色，黃皮必收！ 前排見 IG 洗版嘅 fwee 唇露，終於忍唔到手入咗支 GN02，同大家講吓真心用後感 💄 色調： GN02 係「乾燥玫瑰 + 無花果奶皮」嗰種 tone，唔會太紅又唔會太紫，帶少少棕調，好襯亞洲人膚色。 素顏薄搽似天生唇色好氣息，厚搽就溫柔又有氣質，返工、見家長都用得。 質地： 一搽落去係水狀，推開之後變 絲絨霧面，完全唔黏笠，仲薄過空氣～ 但記得！！！嘴唇乾嘅話一定要打底，否則顯唇紋會現形 😂 鎖色／持久度： 呢支主打「鎖色」，的確比一般霧面唇釉企理： · 飲水、戴住口罩講嘢，4-5 個鐘都仲見到 7 成色 · 食飯內圈會甩，但外層留到色，唔會一撻撻 （小缺點：難卸，要用眼唇卸妝液敷一陣） 用後感總結： ✅ 優點：色調高級、黃皮顯白、唔沾杯唔沾口罩、補妝輕便 ❌ 缺點：偏乾、唇紋深嘅人要打底、持久度高所以有染唇 邊個適合買？ · 想試 MLBB 霧面玫瑰色嘅人 · 成日戴口罩又想 keep 到唇妝 · 唔 mind 補唇妝（因為始終會甩內圈） 邊個唔太啱？ · 極乾唇／成日爆皮（除非肯勤力打底）

Fng好用推薦：fwee 玫瑰心動鎖色唇露 GC01 Bunny Rose用後感 ——冷調玫瑰嘅「顯白魔法」，唇紋瞬間隱形！ 🌹✨ 我本身係熟齡混合偏乾肌，平時搽唇釉最怕顯唇紋同黐頭髮，但fwee呢支新系列真係令我完全改觀！用咗大約兩星期，分享吓～ 關於 fwee 新系列 今次港台地區搶先韓國推出「玫瑰心動鎖色唇露」(Rose Obsession Stay-Fit Lip Tint)，一共多達 18 款玫瑰色調，分成 Glow（水光感）同 Matte（柔霧感）兩種質地，實測唇掃亦因應質地而重新設計。我買咗GC01 Bunny Rose 係 Glow 水光質地，主打輕盈透亮水光感，唔會好似傳統唇蜜咁黏笠。 GC01 Bunny Rose 顏色分析 GC01 係 偏冷嘅玫瑰色，唔係好粉嫩嘅少女粉紅，亦唔會太紫太暗，好有氣質但唔老氣。低飽和偏冷調，幫黃皮即時去黃提亮，我覺得係一年四季都咁百搭，係溫柔又有個性嘅感覺。 質地與妝效：玻璃水光感，3D立體豐唇 質地係輕盈嘅啫喱水光質感，上面順滑易推，唔會拉扯嘴唇。裡面有隱藏油膠囊，持久閃亮得嚟唔會黐口。上嘴之後好似有一層晶瑩嘅露珠停留喺唇上，望落 3D 立體

Sanna Cher好用推薦：使用產品色號16，是其中一件美妝套裝內容，上圖左為塗抹一層，中間塗抹兩層，右為塗抹三層的效果。質地較為軟糯，管條造型輕塗就有所改變。使用前後效果，見妝感是有的，顯唇紋，有潤澤感，顏色上可單配素顏或當作有色潤唇膏使用。完妝的照片，是脫離夏日冬日感覺配色，應覺很非一般canmake 的產品，可以一試👍

Yty好用推薦：Canmake 豐潤染唇膏 #01 Butterscotch ✨ 產品好處 日系多汁嘟嘟唇： 融化巧克力質地，微涼豐唇效果瞬間隱形唇紋，打造飽滿奶凍感。 高質感焦糖裸棕： 暖調肉桂奶茶色，薄擦偽素顏、厚塗知性溫柔，黃皮友善極顯氣質。 持久滋潤微染唇： 極度保濕，水光磨損後仍保有自然底色，不怕氣色一秒變蒼白。 💡 注意事項 【只出不進，用多少轉多少】： 膏體極軟，轉出就無法收回！每次使用只需轉出 1mm，上嘴輕輕滑過即可。 【嚴禁高溫】： 質地像固體唇蜜，夏天千萬別放在暴曬車內或口袋，以免融化。 💬 一句話總結 佛心價卻有專櫃級的飽滿水光感。想要日系軟糯嘟嘟唇，這支 01 號閉眼入！ #日系彩妝 #Canmake唇膏 #嘟嘟唇 #開架好物