2026香港「BB霜」推薦好用排行榜Top20

natanatalie好用推薦：適合油肌的BB霜❤️ 一開始推開的時候，質地真係好輕盈，延展性好，唔會有厚重感。對我這種容易出油的肌膚來講，最驚喜係佢真係有一定控油力，至少頭幾個鐘唔需要補妝，T字位都算乾爽。妝效係自然偏啞緻，唔會太光澤，但又唔至於死板，係一種「素顏但乾淨」的感覺。👍🏻 防水防汗效果我覺得係佢最大賣點，夏天行街或者坐戶外都唔容易溶妝，仲有SPF防曬，方便懶得多塗一層防曬的日子。不過，遮瑕力就真係中等，痘印或者紅印要靠遮瑕膏幫手。長時間用落去，雖然唔會暗沉，但油肌始終會有少少焗促感，特別係天氣濕熱的時候。🥰

Meoww好用推薦：1支結合防曬、底霜及粉底及遮瑕效果，持久保濕、均勻膚色、修飾瑕疵的高機能BB霜。 延展性好好，性格比高👍🏼夏天用有點焗身，冬天用剛剛好

Jasmine L好用推薦：SHISEIDO MAQuillAGE Dramatic Nude Jelly 質地似果凍水感，輕薄易推，吸收後有自然水光透亮感，遮毛孔同輕微瑕疵OK，妝效自然唔厚重，但記得要少量薄塗。 SPF50+防曬力夠強，持妝幾耐都唔易暗沉。敏感冇刺激，但偏乾肌要先做好保濕，否則長時間會有啲乾。適合想快捷出街用/日常用都唔錯！

bbbcls好用推薦：膚質：混合性（T字位出油，面頰偏乾） 控油 ★★★★☆☆：有控油效果，不過都建議搭配控油散粉定妝。 質地 ★★★☆☆☆：我明白佢既特色係唔易脫妝，但偏乾，推開稍難，影響使用感。 調色 ★★★★★☆：自然透薄，中度遮瑕，適合輕妝感。 香味 ★★★☆☆☆：香味普通，無特別印象。 方便度 ★★★★★☆：包裝細小，易攜帶，適合外出。 呢款BB Cream適合混合性膚質，調色同方便度出色，但質地偏乾需注意。推薦喜愛輕薄妝感嘅人試用。

Fng好用推薦：KATE 零瑕肌密BB霜｜ 混合偏乾肌嘅春季潮濕測試 香港春季又濕又笠，混合偏乾肌搵底妝真係好頭痕——太潤驚溶妝，太控油又驚兩頰乾到裂開。 KATE呢支BB霜質地與膚感： 質地偏奶潤奶潤，延展性唔錯，用手指上都好推得勻。建議用濕美妝蛋上妝，會更貼服自然。上臉係微霧妝感，唔會油淋淋但又唔會乾到繃緊。重點係——清爽唔悶，呢點喺潮濕天氣下真係大加分！ 遮瑕與持久表現： 毛孔同泛紅大概遮到七八成，日常返工絕對夠用。最驚喜係持久度，有用家分享出汗做完運動都冇乜點溶，戴口罩大半日都頂得住。但要注意，佢防曬得SPF24，出門前記得另外搽高防曬打底。 混合偏乾肌溫馨提示： 網上評價話呢支滋潤度幾高，秋冬用都夠力，所以春季用絕對足夠。但色號要留意，EX-1偏自然，如果膚色偏白可能要親身試試先。 總結： 一支性價比高、持久度有驚喜嘅開架BB霜！特別適合香港春季潮濕天氣，混合肌用啱啱好。記得用濕粉撲上妝+做好防曬打底，就可以靚足全日啦！

Sandy好用推薦：底妝心得 零瑕肌密高遮瑕BB 霜 5大獨特之處 滋潤不黏膩 – 並能夠迅速地被皮膚吸收，有效鎖住水分，使皮膚感覺清爽舒適。 亮澤肌妝效 – 含有能夠反射光線的微細光澤粒子，幫助隱藏皮膚暗沉，賦予皮膚亮澤的效果。 修飾毛孔、凹凸、膚色不均 – KATE零瑕肌密高遮瑕BB霜擅長於修飾皮膚表面的細小瑕疵、精準地覆蓋和平滑各種皮膚問題，同時提供透薄妝感。 妝效持久 – 即使在面對高溫、濕氣或是皮膚出油的情況下，妝效依然穩定，不易脫妝、暗沉或浮粉。 PA+++ – 有效抵禦UVA和UVB的損害，保護皮膚免受紫外線的侵害。

lena好用推薦：我的命定BB cream，色號合適不泛白，很貼妝，持久度好。已經用緊第二支，一支可以用大半年。

Chloeincosme好用推薦：呢排用緊 雪肌精BB精華霜，入面加咗護膚精華，用落真係透薄貼服，不過冇咩遮瑕度，適合皮膚好嘅日子用！ 🤍 貼薄度：4/5 質地水潤輕薄，推開似護膚品多過化妝品，完全冇厚重粉感，偽素顏必備～ 🤍 妝效/ 遮瑕度：2/5 真係近乎零遮瑕，只能均勻膚色同提亮，痘印同泛紅完全遮唔到～ 唔好期望有粉底液嘅效果😂 🤍 護膚感：4.5/5 加入咗雪肌精招牌美白成分，用完塊面有水潤感😝 🤍 持妝度：3/5 因為太薄身，出汗多容易脫妝，建議乾肌同混合肌用，油肌要加強定妝～ 總結： 雪肌精呢支BB霜似有色乳液多過傳統bb cream，適合追求自然光澤同皮膚狀態好嘅日子用～會回購做日常快速出門妝！ #轉季 岩用

poonpoon好用推薦：添加了itowa 成份，有養膚功效。 擁有最高的防曬度SPF50/PA++++！ 質地似稀身base ，好輕身，不是bb cream咁厚身，上臉感覺好舒服，似一層薄膜搽上面，輕微泛紅可以遮到。 直接代替base同foundation 用，好方便！ 保濕度都可以，而且本身有身有養膚功效，妝前護膚淨係搽返乳液就足夠啦👱🏻‍♀️ #火熱新品

Tszki好用推薦：妝感透薄自然,質地較輕盈，上妝後呈現自然的透亮感，不會有厚重的面具感。 適合穩定膚況,在皮膚狀態穩定或僅有輕微泛紅時，修飾效果良好。 溫和不致敏,使用後不會亂長東西或引起過敏。  防水耐汗力強,在夏季使用，即使大量流汗也能維持底妝完整，不輕易脫妝。 質地偏乾,對於乾性或混合偏乾肌膚，可能會感到保濕力不足，甚至出現卡粉現象。 遮瑕力有限,對於明顯的痘疤、深色紅印遮蓋力較弱，建議搭配遮瑕膏使用。 選色建議,部分色號可能呈現偏黃或偏粉的色調，且流動性較高，建議少量多次疊加。 卸妝需徹底,因其防水性能極佳，一般洗面乳可能難以完全卸除，建議使用卸妝油或強效卸妝產品。

AngelC好用推薦：以為平無好野、 但係又忍唔住想試下、 點知有驚喜、 物超所值 35度防曬BB cream 質地好潤 無卡粉 易推 可以再回購 👍

Ceccinmydin好用推薦：Media呢支BB霜價錢好平，所以買黎試吓🤔 佢質地算係輕薄，幾滑順易推開，用嚟修飾下膚色不均同毛孔都ok，妝感好自然，幾適合化妝新手。 不過呢，佢嘅持妝力真係麻麻哋，一到下晝或者天氣一熱就開始有啲浮粉同暗沉，唔啱夏天用。 如果你只係想化個淡妝出街一陣，佢係一個OK嘅選擇，但撐足全日就開始會有瑕疵出現👀

Ice好用推薦：朋友推介所以買。用完覺得佢好輕薄，好易推開，少少霧面，可以當佢係粉底用。 用完覺得佢都唔容易脫妝，抹完鼻涕都唔會話鼻翼甩晒。而且佢都幾平對於學生嚟講十分友好，亦都好容易買到，屈臣氏松本清都有。唯一可能唔係幾好嘅就係佢啲有啲黃，要試過先知隻色啱唔啱。

Tobimak好用推薦：呢支BB精華，我平時會當BB cream用。佢優勝之處係較其他BB cream水潤，而且顏色沒有偏白並適合亞洲人自然膚色，而且有輕微遮瑕。但是在春夏天使用的話可能太過滋潤，有機會生油脂粒。建議在秋冬時分使用。

annielittlecake好用推薦：#一支粉底液滿足三個需要 修容、防曬、去紋...... 只需1 支ZINO魔幻亮肌BB精華就滿足三個需要係咪好吸引呢？ 最近疫情影響都唔想化妝，最岩搽呢支ZINO魔幻亮肌BB精華，粉底液加入精華，化妝同時修護肌膚，仲有防曬系數SPF 50 PA+++，就算新手都可輕易打造每日簡單、輕薄的妝容！ 而且遮瑕效果都幾好，搽左成日都好貼服自然，完美口罩裸妝無難度👍🏻