CEZANNE

礦物遮瑕BB霜

呢支 Cezanne Mineral Cover BB Cream真心麻麻地，用落有啲伏。雖然見日本評價唔錯先買嚟試，但實際用喺香港天氣真係唔多掂。首先佢質地偏厚身，推開嗰陣唔算好順滑，如果皮膚狀態唔係極好，鼻翼同眼底好容易卡粉兼顯乾紋。 最扣分係佢嘅控油同持妝力，朝早化完妝頭一兩個鐘仲算正常，但一到中午出少少油，成塊面就會開始暗沉，氧化嚴重，而且戴口罩好易甩到一撻撻，完全唔貼服。遮瑕度雖然算中等，但因為妝感比較重，一唔小心搽多咗就會好假面。雖然話幾十蚊唔算貴，但用落唔舒服又易暗沉，真係唔會再回購。