ANESSA 好用推薦產品

Lindabb好用推薦：夏日暴曬都靠佢！Anessa極防水美肌UV防曬乳，真係「曬極都唔黑」？ 又到夏天，香港呢個天氣真係唔係人咁品，又濕又焗，仲要個太陽毒到呢……出街行多兩步都覺得自己就嚟溶。夏天護膚最頭痕就係防曬，搽得厚又怕悶痘，搽得薄又怕曬黑，真係兩難。見呢支Anessa金樽人人都讚係「防曬大佬」，今年仲話升級咗「極防水」同「美肌」功能，我二話不說買嚟實測，用咗成個盛夏，今日同大家講真話！ 先講我嘅夏日防曬要求： 我係混合偏油肌，夏天最怕防曬「立黐黐」同「擦紙膠碎」。之前用過某啲開架牌，一出汗就流白汗，勁尷尬。所以我要嘅係：夠爽身、唔泛白、同埋最重要——真係唔好畀我曬出斑！ 質地同用感（第一關合格！）： 唧出嚟係好流質嘅乳液狀，奶白色，好易推開。最驚喜係佢「秒速成膜」！你手慢啲都驚推唔切，但推開之後塊面係完全啞致，好似搽咗層碎粉咁乾爽。夏天用呢種質地真係救星，唔會黐住啲頭髮絲，戴完口罩都冇話焗到成面油。 實測重點（戶外暴曬日！）： 我特登揀咗個星期日，由朝早十點曬到落午四點，去咗赤柱海邊同戶外市集，全程冇補過防曬（唔好學我，理論上要補㗎！）。 結果呢？ 返到屋企照鏡，雙手同塊面完全冇兩截色！平

Tiffany Ng好用推薦：《ANESSA 極防水美肌UV乳液 SPF50+ PA++++ 用後感》 講真，夏天出街唔搽防曬，真係等於同自己塊面過唔去。今次試咗支 ANESSA 極防水美肌UV乳液，SPF50+ PA++++，聽落已經好勁，用落又真係有驚喜。 首先講質地，佢唔係嗰種厚到搽完塊面好似戴咗面具嘅防曬。擠出嚟係乳液狀，推開好順滑，有少少水潤感，唔會話一搽就乾爭爭。搽完之後塊面有種微微光澤，但唔係油光，係嗰種「我今日皮膚好似幾好」嘅自然亮感。如果你係偏乾肌，會覺得幾舒服；油肌嘅話，建議搽完等一陣，再輕輕印走多餘嘅，就唔會覺得黏。 最欣賞係佢真係極防水。試過搽完去游水，上水之後塊面仲有層保護膜咁，唔會話一掂水就溶晒。就算流汗流到成面都係，用紙巾印完，防曬都仲喺度，唔使成日補搽。對於成日出街、行山或者去海灘嘅人嚟講，呢點真係無得輸。 不過要提提大家，佢始終係防曬乳液，唔好當佢係護膚品咁慳住搽。份量要夠，塊面大約要搽兩泵左右，唔係嘅話防曬力會打折。同埋返到屋企記得落妝，唔好求其用洗面奶算數，因為佢防水力強，唔落妝好易塞毛孔。 總結嚟講，ANESSA 呢支防曬乳液，防水、防汗、防曬力都係頂級，質地又唔算厚

Yumi0149好用推薦：我這款是購買同牌子粉紅色那款時的贈品， 因為我一直用開比較水感液體狀的防曬，所以這款擠出來時相對比較結身， 怕會不會很難推或很黏，但發現有點驚喜，因為也挺好推而且塗上念後也不會很黏笠，感覺挺清爽。 美中不足的是這款只有SPF35 PA+++

Sally好用推薦：已購入乳霜和使用一段時間，不得不提它的大容量，性價比高。每天早上用作護膚最後一步，不泛白並有少許保濕效果，可用普通潔面產品洗淨，一年四季適用。

Kmggigi好用推薦：全效濾光護膚 UV 乳液 — 輕盈快成膜、防曬同打底一次過搞掂✨ 質地: 呢款 UV 乳液質地好似清爽乳液咁，完全唔厚重， 一開始推開非常容易，延展性好高。 不過佢成膜速度都算快， 上面時記得要快手啲推勻，咁效果會最靚。 效果: 上臉之後完全唔會泛白，反而會有少少霧面效果， 但同時塊面會變得亮白有光澤， 係果種乾淨、自然嘅好皮膚質感🤩 🔽下面係搽完推開後嘅效果，一啲都唔厚重🔽 用完之後唔會覺得黏笠，黏立感好低， 直接當妝前打底用都 OK。 之後上粉底都好貼服，唔會好易起擦子膠碎， 妝面乾淨又穩定😎 🔽搽上面嘅效果，好有光澤、🔽總結：清爽、防曬、妝前打底三合一的實用之選 想搵一支唔厚重、唔泛白、 又可以直接接住上底妝嘅防曬？ 呢支全效濾光護膚 UV 乳液真係幾方便又好用， 日常必備！✨

Kelvin好用推薦：Anessa 全效濾光活膚UV乳液係早前cosme 送嘅禮物🙏🏻 依款叫day serum 睇返包裝加咗傳明酸、紅桑子精華、透明質酸和膠原蛋白，又是護膚品，又是防曬護膚品，所以先叫做Serum。成份喺皮膚表層可以反射紫外線，皮膚底層可以吸收護膚品成份。買嘅話佢比其他Anessa 防曬同貴少少。 防曬是SPF 50，質地係淡粉紅色乳液，水狀上面之後唔油膩，用起上嚟皮膚會白淨咗，即使男士用都唔會過白，用後好乾爽。日常上班使用OK，全日喺室內都唔需要再補防曬，就好似打底一樣少許調色。

Sana好用推薦：呢排轉咗用 ANESSA 隻極防水輕爽低敏 UV 乳液，真心覺得幾好用，忍唔住要寫篇用後感。 首先講質地，佢係嗰種好輕身嘅乳液狀，推開嗰陣好滑，唔似以前用過嗰啲防曬咁杰撻撻。搽上面之後好快就吸收，完全冇黐立立嘅感覺，就算香港呢啲又熱又濕嘅天氣，塊面都唔會話好快就油光滿面。最正係佢唔會泛白，搽完塊面仲係自然膚色，唔會話變咗個「白面書生」咁，呢點對於我哋呢啲唔化妝就咁出街嘅人嚟講，真係好重要。 跟住講防曬效果，佢標榜 SPF50+ PA++++，仲要極防水，我試過喺戶外行山成日，流晒汗都冇補搽，返到屋企塊面都冇話曬紅或者曬黑，真心覺得佢個防水防汗功能幾堅。而且佢話明係低敏配方，我本身皮膚都算敏感，用咗成個禮拜都冇話生粒粒或者痕癢，呢點真係要加分。 不過都有少少嘢要彈嘅，就係佢雖然話輕爽，但如果你搽得多，或者塊面本身比較乾，都可能覺得有少少繃緊。另外，佢始終係防水配方，返到屋企記得要用卸妝產品徹底清潔，唔係嘅話好容易塞毛孔。 總括嚟講，呢支 ANESSA 極防水輕爽低敏 UV 乳液，對於我呢啲又要戶外活動、又怕黐立立、皮膚仲要有少少敏感嘅人嚟講，真係幾啱用。價錢雖然唔算平，但質素對得住

CC好用推薦：這支安耐曬是在日本藥妝店買的，主打低敏感配方。但作為敏感混合油性肌的我，其實最愛的還是金色那支安耐曬☀️ 質地對比看圖就很清楚： 左上方是另一個敏感肌品牌的防曬，右下方白色液體就是這支低敏安耐曬（粉紅色包裝）。 這支低敏版流動性極強，超容易推開👍 但實際用落比金色版明顯更油！塗完滿面油光，夏天用真的很悶熱😓 完全不適合油性及混合油性肌膚，尤其香港的潮濕天氣。 雖然沒有起擦膠粒，延展性不錯，但作為防曬底妝，脫妝風險頗高。 開了又怕浪費，最後只能拿來搽手腳或身體😅 總結：敏感肌想低敏可以試，但油性肌強烈建議直接選金色版會舒服得多！

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

Chloeincosme好用推薦：本身想買黎搽臉美白，點知導致閉口（我同anessa d產品真係唔係好夾😂），為左唔好浪費，就用左係手肘同膝蓋位置，呢d位長期有色素沉澱，夏天著短袖時特別顯眼，估唔到都幾令人驚喜～ 🤍 柔滑效果：4/5 連續用一個月，手肘同膝頭嘅粗糙感明顯改善，摸落去滑溜咗，似浸完溫泉後嘅肌膚觸感～ 🤍 質地吸收：4/5 乳液狀質地輕薄易推，吸收後零黏膩，就算夏天用都唔會黐笠～ 🤍 修護持久度：4/5 即使唔係日日用，皮膚都能保持柔軟狀態，唔會好快打回原形～ 🤍 性價比：5/5 百幾蚊超大枝，每日搽手腳位都仲有大半枝😂用係臉會仲抵！ 總結： Anessa呢支修護露雖然唔岩我上面，但保持到手肘位/ 膝頭皮膚柔滑已經好足夠～

Wongwong好用推薦：見到呢支防曬精華好大支，忍唔住買左。呢支精華好水潤好保濕，搽落臉有啲香味，美白效果暫時未見。

TsuenMa好用推薦：ANESSA 柔膚防曬蜜粉 小小劇場（我嘅心路歷程）： 品牌一向作為防曬嘅表表者，對於佢嘅防曬產品都好有信心，而入手嘅主要原因係因為被YouTuber燒到，好幾個YouTuber都介紹佢，話呢一款防曬蜜粉好好用，所以我都忍唔住係日本旅行嘅時候去唔同嘅藥妝店度搵（背景：五月嘅北海道），但係行咗咁多間，都冇一間有貨，令我感到好沮喪，內心亦都存有一個感覺係呢個產品真係好受歡迎！ 搵咗咁耐都搵唔到，本身都諗住放棄，但係竟然係返嚟香港之後，一間平民藥妝店度搵到！🤩內心嘅喜悅真係難以形容，即刻課金入手💸 但係竟然用唔夠兩日之後，就俾我隻petpet 咬爛咗😩😩真係喊出嚟！ 產品設計： 蜜粉連埋刷頭，方便補妝，唔需要用手直接掂塊面，呢一點真係有好大加分💖佢啲刷毛好鬆軟，但某程度上就令到佢好飛粉，有時候會覺得飛走晒嘅粉仲多過上左面嘅粉🤔 由於甘飛粉其實都會好容易吸咗入去，好多時都會變上邊咳🤫 如果想確保啲粉係真係上咗面，可能就要垂直枝蜜粉黎用先會好啲。不過咁樣就會比較難準確上到想要嘅位/部份，所以我覺得呢支嘢好難用🥹 但係講佢嘅粉感係真係都唔錯，上咗面會吸走啲油，令塊面變返霧感，佢啲粉

mandy好用推薦：ANESSA PERFECT UV BRUSH-ON POWDER 柔膚防曬蜜粉 SPF50+ PA++++ $239/ mannings (On sale price) $229/ 金英 功效：UV防護、美肌、控油、定妝及補妝 成分以控油成分、防曬成分及保濕等成分為主， 提供足夠防曬保護，即使戶外活動也足夠應付。 連化妝掃的設計方便攜帶易用，可以隨時補防曬及補妝， 非常有巧思及便利。 可調整膚色，隱藏毛孔及修飾面上的泛紅。 使用感輕盈清爽，比乳液狀的防曬更沒有黏笠感。 午後T字位有輕微出油脫妝，即時用柔膚防曬蜜粉補妝， 使用後，妝容即時變啞緻。 柔膚防曬蜜粉還設有補充裝，售價更便宜又環保。 含控油成分: 矽石 及 氫氧化鋁 防曬成分: 二氧化鈦 及 氧化鋅 保濕成分: 氫氧化鋁 及 二（月桂醯胺穀氨醯胺）賴氨酸鈉 抗氧化成分: 維他命E 抗衰老成分: 維他命E 鎮靜消炎成分: 維他命E 美白成分: 維他命E

Fng好用推薦：2026年新版 ANESSA 透明質酸水光日常防曬，係品牌首次將保濕護膚做到咁極致嘅日常型防曬。 ✨ 產品核心重點 · 智能水光平衡技術：根據環境濕度自動調節肌膚表面水分，濕熱天氣釋放多餘水分、乾燥時補水，做到唔黏笠又唔繃緊 · 資生堂研發超級透明質酸：親膚力極強，鎖住角質層水分，官方數據話保濕鎖水力提升約2倍、12小時長效保濕，4週肌膚水分 +73% · SPF50+ PA++++：最高防曬等級，加上極防水（通過80分鐘浸水測試） · 質地水感凝露：唔使搖，唧出嚟係Q彈水凝膠狀，延展性極好，唔泛白、唔起擦膠碎 · 可當妝前底霜：一支搞掂防曬＋保濕＋打底 💬 評價 · 質地清爽似搽護膚品，不油不笠 · 油肌都啱用，搽落臉係透明唔會泛白，防曬系數高，搽完都無曬黑，而且唔黏立 · 唔沾黑衫，沾到衣服也不容易變白，連脖子也能放心塗抹 要留意嘅位（⚠️）： · 含酒精：成分表第一位就係酒精（Alcohol），乾肌、敏感肌要慎用，有機會覺得抽乾或刺眼 · 防曬力定位：雖然 SPF50+ PA++++，但佢係「日常型」水感 gel，長時間戶外暴曬、游水建議揀返金瓶 milk 會穩陣啲 ·

Wongwong好用推薦：呢支防曬好水潤，搽落臉係透明唔會泛白，而且防曬系數高，搽完都無曬黑，而且唔黏立。 #防曬

Kimchi lau好用推薦：質地比較厚實、上左面需要等一會兒先可以成到膜、以我皮膚只可以冬天好乾燥個幾日先可以用到、夏天用就會覺得成塊包左個保鮮紙、皮膚完全呼吸不到

Milo101好用推薦：🌟相比起乳液（milk，右），其實我覺得這支乳霜（gel，左）更好用 🌟質地是水感gel狀，很好推很水潤 🌟當作base用時，可以提供足夠防曬力之餘，水嫩質地更是可以跟大部分的粉底/底妝產品相容

維他他好用推薦：一支有齊bb cream, base同粉底液勁效，仲持久防水，又有SPF50防曬，好適合夏天戶外活動使用，對我黎講支野幾好用

A&R好用推薦：BB cream的質地很貼膚，防曬指數很高，有滋潤效果，但是遮瑕度不高，用於平時素顏打底是相當不錯的