2026香港「防曬」推薦好用排行榜Top20

Lindabb好用推薦：夏日暴曬都靠佢！Anessa極防水美肌UV防曬乳，真係「曬極都唔黑」？ 又到夏天，香港呢個天氣真係唔係人咁品，又濕又焗，仲要個太陽毒到呢……出街行多兩步都覺得自己就嚟溶。夏天護膚最頭痕就係防曬，搽得厚又怕悶痘，搽得薄又怕曬黑，真係兩難。見呢支Anessa金樽人人都讚係「防曬大佬」，今年仲話升級咗「極防水」同「美肌」功能，我二話不說買嚟實測，用咗成個盛夏，今日同大家講真話！ 先講我嘅夏日防曬要求： 我係混合偏油肌，夏天最怕防曬「立黐黐」同「擦紙膠碎」。之前用過某啲開架牌，一出汗就流白汗，勁尷尬。所以我要嘅係：夠爽身、唔泛白、同埋最重要——真係唔好畀我曬出斑！ 質地同用感（第一關合格！）： 唧出嚟係好流質嘅乳液狀，奶白色，好易推開。最驚喜係佢「秒速成膜」！你手慢啲都驚推唔切，但推開之後塊面係完全啞致，好似搽咗層碎粉咁乾爽。夏天用呢種質地真係救星，唔會黐住啲頭髮絲，戴完口罩都冇話焗到成面油。 實測重點（戶外暴曬日！）： 我特登揀咗個星期日，由朝早十點曬到落午四點，去咗赤柱海邊同戶外市集，全程冇補過防曬（唔好學我，理論上要補㗎！）。 結果呢？ 返到屋企照鏡，雙手同塊面完全冇兩截色！平

Sakura醬好用推薦：Anessa 極防水美肌 UV 防曬乳用後感 講真，Anessa 呢支防曬我一路都有聽人講好正，但價錢唔算平，所以拖到最近先買嚟試。用咗成個星期，戶外活動又多，真係有啲嘢想講。 質地方面： 佢唔係嗰種好厚身嘅防曬，推開之後幾清爽，唔會話黐立立。搽上面有少少提亮效果，但唔會死白，呢點幾加分。不過如果你本身皮膚好乾，搽之前真係要做好保濕，如果唔係會覺得有啲扯住扯住。 防水防汗： 呢個真係佢嘅招牌，亦都係最令我滿意嘅地方。我試過行山成日流晒汗，塊面都冇話變到一撻撻或者流白汗，游水之後都仲頂得住。官方話「極防水」真係冇吹水，最勁係用普通洗面奶係洗唔乾淨，一定要用卸妝產品或者佢隻專用潔膚油，如果唔係好易塞毛孔。 防曬效果： 我搽咗之後喺戶外曝曬咗幾個鐘，完全冇曬紅或者曬傷，膚色亦都冇明顯變黑。當然，我都有補搽，但以佢嘅持久度嚟講，真係算好襟。 缺點： 1. 酒精味：一搽上面就聞到好明顯嘅酒精味，敏感肌或者對酒精唔友好嘅人要留意。 2. 要卸妝：唔可以求其用洗面奶洗，如果唔係好易生粒粒。 3. 價錢：唔算平，尤其係成日要補搽嘅話，消耗得幾快。 總結： 如果你係經常戶外活動、游水、行山，

Sana好用推薦：夏日炎炎，香港呢種濕熱天氣，搽防曬真係好似同自己皮膚打仗咁。以前一到夏天，我塊面就黐立立，用厚身防曬仲搞到出粒粒，但今年終於俾我遇到救星——Biore 水感智能防曬慕斯。 先講質地，佢一唧出嚟係輕盈嘅慕斯泡沫，好似忌廉咁軟綿綿，但一推開就「化」晒做水珠，完全冇傳統防曬嗰種「粉狀感」或者「油膜感」。對於我呢種混合肌，夏日護膚最忌就係疊加太多嘢，呢支慕斯可以當作日間護膚最後一步，爽膚水後直接用，連乳液都慳返，夠晒方便。 最驚喜係佢嘅「智能感應」技術，聽落好玄，但實測真係會跟住皮膚狀態調整貼合度。試過喺三十幾度高溫下喺街行咗半個鐘，塊面出晒汗，但防曬竟然冇流白汗，仲保持到清爽啞光。以前用其他防曬，一到中午T區就油到反光，但呢款用完，就算再上碎粉，都維持到一種「柔焦」感覺，絕對係適合夏日的護膚品必選。 防曬力方面，SPF50+ PA++++ 絕對夠應付香港嘅暴曬，最緊要係佢防水之餘，用普通洗面乳就卸得乾淨，唔使額外用卸妝油，減少對皮膚嘅負擔。夏日夏天最怕就係防曬「焗住」毛孔，但呢支慕斯用咗兩星期，完全冇生暗瘡或粉刺，反而覺得皮膚仲滑咗。 如果硬要講缺點，就係佢有少少酒精味，但揮發得好快，

雪雪好用推薦：最近入手左呢支Biore智能水感防曬慕絲，佢支出黎好似唧蛋糕唧花咁，幾靚幾特別。防曬慕絲係白色的，慕斯質地，順滑易推，有少少提亮膚色，不過只係少少only ，追求明顯提亮的美女們，呢支就唔啱喇。 呢支防曬有SPF50+，可以隔離UVB，防止曬紅曬傷，而佢嘅PA++++可以預防UVA引起的色斑，室內戶外都夠哂用。 佢賣點仲有防水耐汗，非常適合香港嘅夏天使用，不過如果留咗好多汗，都要注意要補搽防曬。 防曬質地方面，佢都有少少笠，可以用碎粉/爽身粉保持乾爽。 整體黎講，支防曬都幾好，質地輕盈，防水耐汗，價錢唔算貴，大約$120，都可以入手一試。 #防曬

Jeniel好用推薦：真心不得不誇，呢支 Nivea 防曬棒最近完全攻佔咗我嘅日常 Handbag！以前好怕棒狀防曬會刮落塊臉度、或者厚重到有層野，點知一用直接驚艷： 佢個質地真係做得好微妙！上臉順暢到好似滑過塊豆腐咁，一抹就開，完全唔會拉扯到眼周或者幼嫩嘅皮膚，延展力極高。搽完嗰下幾乎忘記自己擦咗防曬，完全係「無重力空氣感」。面上零黏笠、零負擔，仲幫你瞬間壓走油光，呈現出一種好高級嘅絲絨啞光質感，簡直好似自帶隱形濾鏡咁乾爽 棒狀設計真係懶人福音，出街補防曬完全唔使整污辣辣隻手，直接喺臉同頸上面嚕兩下就搞掂，方便又乾淨！ #火熱新品

Fng好用推薦：AHC呢支新出嘅「9重全護撫紋淡斑防曬乳」（小白傘防曬乳） 香港天氣熱到爆，我本身係混合偏乾肌，好怕防曬黐立立，呢支簡直係夏天嘅救星！ ✨ 產品體驗 · 質地同膚感：佢唧出嚟係乳白色，質地好水潤、好易推開，輕輕一抹就均勻晒全臉，完全唔會泛白或者有白痕。搽完之後有陣涼浸浸嘅降溫感，舒緩到夏天嗰種熱刺感，官方話可以降溫5.6°C，我親身試過都覺得有呢個效果！不過要提一提，有啲用家反映呢種涼感對佢哋嚟講有少少刺激，會有輕微刺痛，但好快就消失，我自己就覺得接受到。 · 清爽度同保濕力：佢吸收得幾快，雖然初初搽完會有一丁點油潤感，但比起其他高防曬度數嘅產品已經算係非常清爽。對我呢種混合偏乾肌嚟講，保濕度啱啱好，全日都keep住水潤唔乾，但乾肌用家可能要留意，秋冬用可能唔夠潤。 · 防曬力同持久度：防曬力真係冇得彈！前排喺戶外曬咗兩三個鐘，完全冇變黑，做到防曬應該要做嘅嘢。不過要留意，佢防水力一般，夏天勁出汗或者要長時間戶外活動的話，記得要勤力補塗。 📌 總結 總括嚟講，呢支防曬乳質地清爽、有降溫感、防曬力足，仲有少少養膚成分，好適合香港夏天同混合肌用。唯一要留意嘅係佢嘅涼感成分對某啲人可

Paris merci 好用推薦：Ahc依款9重全護撫紋淡斑防曬好薄，添加咗淡斑效果多層護膚作用。我通常全面踩一陣再喺顴骨位搽多少少，一支40 mL一兩個月就要用晒，要搽足夠份量。 夏天實在太熱，唔想搽咁多層喺面上。白色乳液質地，搽上面唔會泛白，透明冇顏色，毫無厚重黏膩感。鍾意當佢做底霜去用，提一提冇焗控油功效。不過如果中性至乾性皮膚應該冇問題，用今季新出嘅Suqqu粉底液都可以夾到，不會起擦膠碎。呢啲夏天嘅天氣可能過五個鐘頭到就會得返七成，但我覺得都可以接受。 我買3支75折完再有得減20，萬寧網上首購我買埋其他野仲有得再減45，幾抵用💕 #火熱新品

Kathy Wai好用推薦：最近入手呢支「保濕輕盈高效防曬乳液SPF50+ PA++++」，依家同大家分享一下真實用後感。 質地及膚感（滿分！） 真係要讚一讚個質地，一擠出嚟係好流質嘅乳液，推開嗰下好似水珠咁化開，完全冇嗰種「搽白灰」嘅感覺。吸收超快，大概十秒就乾爽，皮膚表面係滑溜唔黐立立，仲帶少少自然光澤。我之後再上粉底都冇擦膠碎，清爽到以為自己冇搽防曬，呢點好加分。 防曬體驗（戶外實測） 我專登揀咗兩日去海灘同一次行山試防水防汗。喺海邊暴曬加玩水約兩個鐘，中途冇補塗，返到室內檢查，皮膚冇起紅印，亦冇明顯曬黑嘅色差。至於「預防肌膚變暗」方面，連續用咗三星期，對比冇搽嘅手背，真係Keep到原本膚色，冇嗰種日曬後嘅黃氣同暗沉，抗UVA效果有交代。防水防汗都合格，流汗後冇流白色痕，但游水後我會建議抹乾身就要補，始終冇一種防曬係完全「金剛不壞」。 保濕效果 平時日曬後皮膚好易乾到繃緊，但呢支用後全日都Keep到水潤感，唔使靠額外噴保濕噴霧。我估係因為入面有保濕成分，唔會抽乾皮膚水分，呢樣好重要。 海洋友善配方 見到包裝標明海洋友善，即刻加分！作為成日去海邊嘅人，以前成日掙扎要唔要搽防曬，怕有害成分破壞珊瑚

布吶吶好用推薦：今次想分享嘅係 Nivea 保濕輕盈高效防曬乳液（SPF50+ PA++++），真係用完覺得要同各位sis（姊妹）報告吓！ 先講質地（質感） 老實講，我本身好怕防曬嗰種「黐立立」同「嗱眼」嘅感覺，尤其夏天出汗成塊面油淋淋咁。但呢支真係有驚喜！佢係水感乳液狀，一推開好似水珠咁化開，完全唔厚重。吸收得幾快，等半分鐘左右就乾爽，仲有少少保濕嘅光澤感，但又唔會令到塊面反光反到好似「鏡面」咁。 用後感（膚感） 我係混合肌（T字位油、兩頰乾），搽完呢支直接上粉底，冇擦膠碎（起屑），仲令到個妝幾貼服。最正係佢聲稱「輕盈」，真係Feel到皮膚透到氣，全日落嚟唔會覺得「冚住」咗。至於保濕方面，佢入面有透明質酸，喺冷氣房呆足一日，塊面都冇繃緊，晏晝補搽多層都唔會覺得厚。 防曬力（功效） 香港呢排太陽咁毒，我試過戶外行山兩個鐘，全程冇補過（懶），返到嚟塊面冇話變「關公」或者出斑點，雖然都要補搽先叫穩陣，但佢SPF50+ PA++++真係有料到。而且佢唔「嗱」眼，流汗流到入眼都冇話刺痛，呢樣真係加分！ 缺點（要彈嘅位） · 佢有陣好強烈嘅「Nivea味」（即係經典雪花膏嗰種香），如果你鍾意無香味嘅護膚

Miranda好用推薦：【質感】 質地方面，佢係好水感嘅乳液狀，流動性極高。一推開就化開，好容易推勻全面。上面嗰下感覺有少少油潤感，唔係即時清爽嗰種，需要等一陣先會吸收。吸收之後，皮膚表面會留低一層薄薄嘅保護膜，好似有層嘢包住咁。佢係米白色嘅液體，上面之後完全唔泛白，透明感做得好好。無香料、無酒精（雖然有啲版本含有變性酒精），對於追求成分簡單嘅人嚟講係加分嘅。 不過要留意，佢嘅質地唔係人人啱。如果你本身係油性皮膚，或者鍾意極致清爽嘅防曬，呢支可能會令你有啲卻步。 【使用感】 呢度要分兩個層面講：防曬效果同埋日常使用感。 防曬效果方面，呢個係佢最大嘅強項。佢有SPF50+ PA++++嘅超高防曬系數，用咗獨家專利可以有效抵禦市面上大部分防曬都擋唔到嘅 「極長波UVA」（380-400nm）。簡單嚟講，佢嘅防曬力係頂級嘅。 佢仲加入咗專利淡斑成分 同埋Niacinamide（煙酰胺）修護。用咗兩星期之後，覺得膚色望落均勻咗，冇以前咁暗沉。 日常使用感方面，就有好有唔好。好嘅方面，佢唔會同後續嘅粉底打交，唔會起擦膠碎，上妝之後都幾貼服。但另一方面，佢嘅膚感比較兩極。有人覺得佢清爽啞緻，但亦有好多人覺得佢

Fng好用推薦：La Roche-Posay 全效廣譜輕盈隔離乳液 UVMUNE 400 用後感 ☀️ 我係熟齡混合偏乾肌，成日都話防曬係護膚最後一步，但香港又濕又熱，想搵一支「防曬力強但又唔立」嘅防曬，真係好似大海撈針。見La Roche-Posay呢支防曬（約HK$129-265 / 50ml）升級到第2代，好多敏感肌都大推，就買嚟試咗一個月，以下係真實分享！ 🧴 質地：輕爽水感，一抹化水 從來冇諗過防曬可以做到流動性咁高既水狀乳液質地！擠出嚟係淡淡嘅奶黃色液態，一推開勁快就被皮膚食晒，半分鐘左右就成膜。佢同我煩開嗰啲「白痕」或「漿住塊面」完全唔同！用完即時清爽啞光，零油膜黏膩感，完全冇負擔，敏感肌都用得！ ✨ 效果：開掛級防護，敏感肌都啱用 · 防護力超班：佢有最高防曬規格 SPF50+ PA++++，防護力等同 SPF78。成份仲加入歐萊雅專利 「麥色濾400」 同 NETLOCK防護網狀科技，可以防止超長波 UVA 侵害，做到全波段防曬，防曬黑兼防光老化！仲要係防水防汗配方，敏感肌都啱用。 · 妝效自然不假白：搽完之後皮膚透亮有光澤，唔會死白！佢仲可以令後續底妝貼到暈，完全唔會起擦膠碎

Emily Leung好用推薦：話說呢排天氣熱到黐線，又焗又濕，但太陽仲要兇狠到一個點。平時用開嘅防曬，一係就立到成塊面黐立立，一係就「擦白油」咁泛白，搞到成個紙紮公仔咁。前排終於的起心肝，入手咗雪肌精 BLUE 嗰支「水潤透亮防曬精華」（即係Aqua Rich嗰支透明感UP版），用咗差唔多一個月，同大家開心share吓真實用後感。 先講質地：真係「精華」嚟㗎！ 佢個質感完全顛覆我對防曬嗰種「好立」、「好厚」嘅印象。擠出嚟係好流質嘅水感乳液，推開嗰下「嘶」一聲就化開，好似化妝水溝咗少少精油咁，輕盈到一個點。最正係佢吸收超快，拍兩下就已經乾爽，但皮膚表面會留低一層好薄好薄嘅水光膜，望落係健康嘅透亮感，絕對唔係油光滿面嗰種。 最驚喜：控油但唔抽乾水份 作為混合肌 T字位勁出油嘅人，最怕防曬搞到下午變「油頭粉面」。呢支有驚喜，佢有輕微控油效果，平日中午鼻頭就會出曬油，用咗佢竟然可以挨到下午先開始少少泛光，用紙巾印一印就還原。但神奇在，佢控油之餘面頰又唔會覺得乾爭爭，全日keep住有水潤感，化妝前用佢做base，仲覺得粉底貼咗，冇咁易浮粉。 防曬力？絕對收貨！ SPF50+ PA++++ 呢個級數喺香港夏天橫行無忌都夠

Maggie Wong好用推薦：皮膚質地：本身皮膚會有乾紋，但T字位到下午又會容易出油。防曬精華： 又是精華又是防曬，質地潤而不黏，上面滋潤補水但又不會黏笠，易推易吸收，感覺舒服！ SPF40/PA+++ 在日常上班時使用，防曬力已足夠，且感覺非常溫和 使用10天後，皮膚的暗沉有所改善，變得較為亮白，而且補水力感覺亦提升，額頭的乾紋減少

Nicole 好用推薦：我是混合油痘肌，最近都在用它，是防曬裡少數不悶不黏的。質地是白色水乳液，易推開，完全不泛白，也不會留下粉感。我最在意的是會不會長痘，連續用了一週，沒長新粉刺，也沒悶出痘，這點很加分。控油效果以夏天來說算不錯，至少不會讓T區中午就油光滿面。防曬係數SPF50+ PA++++，日常出街很夠用。唯一比較在意的點是香味偏重，對香料敏感的人可能要試聞再決定。整體來講，90ml大容量價格很親民，用完會想繼續回購。#火熱新品

AnnaChan好用推薦：真係要同大家推介一枝我最近好鍾意既防曬——ALLIE 濾鏡調色防曬 平時趕出門口，真係勁懶得化全妝，大熱天時又唔想層層疊疊咁又防曬又粉底碎粉，但素顏出門又怕個樣好殘。朋友推介下試咗呢支調色防曬，用完根本就唔洗再上粉底。 首先試咗紫色果支，但本身cool tone皮膚既我用完有少少蒼白，所以最後決定入手杏桃色。佢最正嘅地方係完全唔係嗰種死白嘅防曬。本身帶有微微嘅杏桃粉色，一推開超級自然，修飾到黑眼圈同暗沉，膚色即刻均勻晒，望落去真係好似天生皮膚好咁，有種好健康嘅好氣色，好似幫皮膚開咗個filter咁 質地方面，水潤得嚟一啲都唔笠，推開好快就吸收。最緊要冇傳統高防曬系數咁厚重，戴口罩都唔會痴立立。用完有微霧光澤感，後續上粉底都唔會起擦紙膠碎。 而且佢仲有陣淡淡嘅杏桃清香，聞落幾舒服 留意到佢係海洋友善配方，呢樣值得欣賞，而且佢仲係抗汗、抗皮脂配方，夏天去海邊玩都可以安心使用。 原圖直出，毛孔修飾埋，仲有微微光澤，超自然

Miranda好用推薦：【質感】 首先講質地。佢係偏流質嘅乳液狀，唧出嚟係淡紫色，流動性算高，推開嗰下好順滑，延展性極好，一粒黃豆嘅份量已經夠搽全面。上面之後初初感覺好水潤，但等一陣之後會慢慢收乾，變成一種「緊緊貼住皮膚」嘅霧面感覺。摸落去係清爽嘅，唔會覺得油淋淋。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上粉底，會覺得有少少「漿住」。但如果等佢乾透先上妝，個感覺就會好貼服。 味道方面，佢有淡淡嘅花香味，類似紫陽花同鼠尾草嗰種清香，聞落都幾舒服，唔會太濃。 【使用感】 呢個位係我最鍾意嘅部分。我本身係典型亞洲黃皮膚，成日都俾暗沉同蠟黃困擾，尤其係捱夜之後，塊面望落又黃又冇精神。呢支防曬嘅紫色調，可以自然咁修飾我面嘅蠟黃感，用完之後膚色即時變得均勻透亮，好似開咗濾鏡咁。 佢嘅提亮效果係自然嗰種，唔會死白，搽完之後塊面有一種「由內而外」嘅光澤感。對於趕時間嘅日子，我搽完佢再撲個碎粉就已經可以出門，慳咗好多化妝時間。如果想化全妝，佢嘅貼服度都幾好，後續上粉底會乾淨細緻好多。 不過有兩個位要留意。第一，紫色調嘅用量要控制好，如果一次過搽太多，塊面會過白，所以我習慣逐少

Jasmanya好用推薦：一向都未用過防曬棒 其實都會好奇會唔會比一般防曬乳好用，好唔好有所不同 感謝@cosme ，今次抽中左試用 9重全護撫紋淡斑防曬棒 體型方面，其實都唔算太厚，放入手袋都算ok 打開蓋，有塊膠片甩左出黎 原本我仲以為係我粗魯，一開就整爛左包裝 原來係有塊膠片放喺防曬棒嘅頂端 可以好好保護住防曬棒之餘 in case 防曬棒愈用愈短都好， 有左呢個膠片都可以好secure 咁"cup"返好個蓋 🤣我真係大鄉里😅 而輕輕扭出防曬棒，係呈淡黃色嘅 今次AHC 嘅9重全護撫紋淡斑防曬系列 原來標榜係配合BlockFit 防曬突破科技，於肌膚表面形成超緻密保護膜，緊密貼合肌膚，舒適不悶黏，提供強力阻隔，全面抵禦9大外在刺激。除AHC超強的防曬科技外，更加入高效護膚成分。 睇完產品嘅描述，感覺係一件 除左防曬之外，都好注重護膚嘅產品 呢支9重全護撫紋淡斑防曬棒原來喺韓國9年防曬棒銷量No.1 而且喺香港係萬寧獨賣 添加咗極效舒緩複合植萃，迅速降熱修護肌膚 而且有藍色洋甘菊、積雪草、蘆薈、榆樹根萃取物: 可以立即舒緩熱刺激 又可以鎖水及修護肌膚，Plump Up水潤肌 含有仙人掌

syrupthingy好用推薦：感謝 @Cosme 同AHC 抽中使用今次AHC「 9重全護撫紋淡斑防曬系列」產品✨ 老實說，我對高系數防曬又愛又恨，怕曬黑，但更怕黏膩悶痘及泛白卡紋🥵。 直到遇見AHC這套「9重全護撫紋淡斑防曬系列」，才發現原來防曬可以同時做到降溫舒緩、淡斑撫紋、清爽如水。😳 防曬乳與防曬棒一套解決居家與外出補擦的所有需求。💖 防曬棒補防曬神器，清涼＋鎖水＋去黃一次滿足😌 質地與使用感： ⭐⭐⭐⭐⭐ 棒身滑過肌膚時極度順滑，輕柔保濕卻完全不油膩，重複塗抹依然清爽。最棒的是補防曬瞬間再次感受到冰涼舒緩，熱刺激立即被鎮定，戶外活動用過就回不去方便性： ⭐⭐⭐⭐⭐ 不沾手、不弄髒、不破壞妝容，隨時隨地優雅補搽 使用後： 🔹鎖水保濕： 仙人掌爆水精華讓肌膚補擦後依然水嫩，鎖水度明顯提升💦 🔹提亮去黃： 連續使用後膚色不再暗沉泛黃，變得乾淨透亮✨ 🔹防曬力： 與防曬乳同等紮實，補擦後安心感滿分 AHC這套防曬系列徹底改寫我對高係數防曬的定義～防曬乳適合晨間保養，水感降溫、淡斑撫紋、舒緩修護一次到位🙌🏻 防曬棒則是補防曬的王者，清涼鎖水、提亮去黃、不沾手不悶黏。 好的防曬應該讓肌膚在抵禦紫外線的過程中，變