2026香港「護髮精華」推薦好用排行榜Top20

莓莓好用推薦：#火熱新品 潘婷三秒奇蹟髮油（山茶茉莉味） 真實用家測評 「急救稻草，真係快靚正！但唔好當佢萬能。」 1. 香味（好多人揀嘅原因！） · 官方話係「山茶茉莉」：聞落唔係單一花香，係帶少少甜味同清新感嘅混合花香味。 · 濃淡度：頗為濃郁，一搽上手就已經聞到。用完之後，頭髮會留香大半天，瞓覺個枕頭都會有陣味。如果你唔鍾意太香，或者對香味敏感，可能要考慮下。 · 似唔似高級香水？唔算，比較似大眾接受度高嘅洗護髮品香味，好聞但未到「獨特」級數。 2. 質地同使用感 · 質地：比起傳統髮油（例如金樽），佢係偏向精華乳狀，冇咁「油立立」，推開時感覺幾輕薄。 · 用法：「三秒」係重點！沖涼後，將頭髮擰到半乾（唔滴水狀態），擠一泵（中長髮大概2-3泵），從髮中搽到髮尾，唔使等，即刻可以沖水。 · 沖水時感覺：頭髮即刻會變得好順滑，好似已經做咗護理咁。呢個過程好治癒，係傳統髮油做唔到嘅體驗。 3. 即時效果（急救一流！） · 順滑度：⭐️⭐️⭐️⭐️⭐️ （滿分！） 即時撫平毛躁、打結嘅效果非常明顯。手指可以一梳到底，吹頭都會快咗順咗。 · 光澤感：⭐️⭐️⭐️⭐️ 吹乾後頭髮有自然光澤，唔

Sakura醬好用推薦：#火熱新品 潘婷三秒奇蹟髮油（茉莉山茶款）使用心得 產品全名： 潘婷三秒奇蹟護髮精油（茉莉山茶香） 點解揀呢款： 本身頭髮漂染多，髮尾好乾燥，見好多網上推薦話呢支「3秒吸收」唔黏手，加上鍾意花香味，所以試吓茉莉山茶味。 點樣用： 洗完頭，用毛巾印乾頭髮水分（唔滴水狀態），按一泵（中長髮兩泵）搓勻手心，由頭髮中段搽到髮尾，唔會直接搽頭皮，然後如常吹乾。 用後感： 1. 吸收真係快 真係幾秒就滲入頭髮，手掌冇油立立，可以即刻拎風筒吹，好方便。 2. 柔順同光澤度 吹乾後頭髮即刻變軟滑，冇咁打結，尤其係髮尾冇之前咁「旱」。燈光下睇到微微光澤，唔會似「油頭」。 3. 香味加分 茉莉山茶味好清香，唔會俗氣，吹完頭髮仲有陣淡淡花香，第二日都聞到少少。 4. 改善毛躁 我天生髮質偏粗，容易毛躁，用咗之後飛起嘅毛毛順咗好多，夏天濕氣重時都keep到整齊。 小缺點： 如果頭髮好厚、好長，可能要按多一泵先夠。另外，如果本身頭髮好油，建議只搽髮尾，避免中段太貼。 整體評價： 價錢親民，效果對得起「急救」兩個字，特別適合懶人同趕時間出門。會回購，推薦俾受損髮質、或者想快速打理

YYeman好用推薦：#火熱新品 潘婷「三秒奇蹟」護髮精油 - 玫瑰雪松味，真係三秒KO毛躁？ 頭髮又乾又燥，好似一堆草咁，出街真係冇晒心機！見到潘婷支「三秒奇蹟護髮精油」出咗隻新味——玫瑰雪松，粉紅色支裝好靚，仲話可以「三秒順滑」，即刻買支返嚟試吓！用咗一排，同大家分享下係咪真係咁神奇。 ✨ 香味第一印象： 一打開，唔係嗰種好假、好攻鼻嘅玫瑰香精味。佢係一種好 「高級感」嘅混合花香——初聞係淡淡嘅玫瑰甜香，但好快就滲出一陣清冷、沉穩嘅雪松木質調，中和返玫瑰嘅女人味，變得優雅又中性，男女都啱用。香味算持久，朝早用完，到夜晚郁動頭髮時，都仲會飄出陣陣幽香，好過噴咗淡香水！ 💧 質地同使用感： 精油質地比想像中輕薄，唔會好似食油咁「立」。我通常喺洗完頭，用毛巾印乾水份後，擠一泵（唔好太多，中長髮一泵夠啦）喺手心搓開，然後均勻搽喺髮尾同頭髮中段。 重點來啦——佢話「三秒」吸收，真係冇誇張！ 一搽上頭髮，啲精油好似即刻「咻」一聲滲入去咁，手摸落去完全唔會油淋淋，頭髮即刻有光澤同變軟，毛躁感真係肉眼可見咁平復咗！絕對唔會出現「油頭笠髻」嘅尷尬情況。 👍 效果點樣？ 1. KO毛躁，即時順滑：對抗風吹、静电造

Casscky好用推薦：多謝cosme 選中我可以試用Pantene3秒奇蹟護髮油🧡 香味：🧡🧡🧡🧡🤍 一收到係粉紅色既玫瑰味，就好驚好俗。好彩唔係，係好清新既雪松玫瑰香！一啲都唔俗！ 持香度：🧡🧡🤍🤍🤍 不過持香度就一般，唔知係咪我少喺全乾髮搽，只係喺濕髮搽2泵，然後吹完頭再搽1泵，基本上乾咗就無咩味 Before (未梳)☝🏻☝🏻☝🏻Before (梳咗)☝🏻☝🏻☝🏻 After ☝🏻☝🏻☝🏻 順滑度：🧡🧡🧡🧡🧡 一搽真係有奇蹟！即使落咗護髮素，吹完個頭都好kick，但一搽即刻順滑哂！完全唔kick!! 光澤度：🧡🧡🧡🧡🤍 用完真係好有光澤☺️☺️ 最後真係好推介!!!

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Poyobb好用推薦：剪咗頭髮之後，夏天嘅時候少咗用髮尾油，而家換季，吹頭後髮尾容易翹起毛燥，要每次洗頭後用返髮尾油。 呢款髮尾油，只要用返適當嘅份量，同埋只係用佢髮尾，就唔算超笠，可以接受。記得千祈唔好用喺頭髮根部。唧出嚟嘅時候，有甜甜地嘅香味，頭髮吸收之後香味就會消失。 Lucido-L輕柔補修精華護髮油含有蠶絲油同摩洛哥堅果油，以佢嘅售價，雖然摩洛哥份量未必太多，但以成份睇都算合格。裡面有矽靈同二甲矽油，能夠平滑髮尾，減少毛燥情況，效果合格。 雖然用完唔會話頭髮變得好靚，但性價比高，一支可以用到一年，值得💜

Chloeincosme好用推薦：（有冇人好似我咁會下意識不斷囤髮尾油但其實永遠用唔晒😂🤣） 最近試咗 Fino呢款髮尾修護油，佢嘅質地流動性高，用落比平時需要多唧少少先夠做（太好了可以用得快d😂）不過用完即時光澤感同順滑度都唔錯～ 🤍 即時柔順：4/5 吹乾後頭髮明顯順滑咗，毛躁即刻撫平，光澤感自然唔浮誇～ 🤍 持久度：3/5 秋冬天維持時間較短，半日左右就打回原形。 🤍 質地清爽：4/5 油質輕薄唔黏膩，吸收後唔會令頭髮扁塌，適合喜歡空氣感嘅人～ 🤍 香味體驗：4.5/5 喜歡！淡雅花香好舒服，用完成個人都有種優雅氣息～ 總結： Fino呢支髮油雖然持久度普通，但作為日常快速整理都不錯！因為質地唔厚，亦都可以吹頭/ 夾頭前打底用！推薦給髮質偏乾又怕厚重嘅你！

lonia好用推薦：最近買咗呢款Fino高效滲透美髮油，真心大推！簡直可以稱為「魔髮油」！XD Fino髮膜口碑好可能好多人都知，但呢款髮油用起上嚟我覺得比髮膜更方便，而且效果真係幾驚豔。佢嘅質地係透明gel狀，比其他品牌嘅髮油可能較杰身，香味同Fino髮膜類近，香氣有種淡雅嘅感覺。 我習慣洗頭後稍為抹乾，喺吹頭前使用。及肩嘅中長髮，一泵份量就足夠。雙手搓搓髮尾部份，之後如常吹乾頭髮就可以。 使用完之後頭髮會變得好柔順同有光澤，但同時可以保持到蓬鬆感，唔需要擔心用完髮油頭髮就會變得扁塌，望上去好油膩咁，呢款髮油絕對冇呢個問題。秋冬季使用，仲可以減少梳頭時出現靜電嘅情況，梳完頭，頭髮依然貼服。而最力讚嘅位，就係我呢啲中長髮及肩，第二朝瞓醒髮尾依然可以keep到自然內彎，唔會亂翹。一支有70ml，以呢個價位嘅護髮產品嚟講，CP值十分高！

Flawless-skin好用推薦：Nuxe Huile Prodigieuse 使用心得 ✨ 作為一款經典的多功能護理油，Nuxe Huile Prodigieuse Florale 的表現讓人推介。以下是我的使用感受： 🌸 香氣 - 擁有淡淡的花香味，優雅而不濃烈。 - 使用時能帶來放鬆感，適合日常保養或睡前護理。 💧 吸收度 - 質地輕盈，推開後很快就被肌膚吸收。 - 不會留下油膩感。 🪷 滋潤度 - 保濕效果不錯，能讓肌膚維持柔軟與光澤。 總結 這款油兼具香氛享受與護膚功效，適合想要快速吸收、不油膩又有滋潤感的人。無論是單獨使用，或搭配乳液、護髮，都能展現它的多功能魅力。

Jasmine Yuen好用推薦：Nuxe 護理油係一款以植物油為基底的護膚產品，它含有豐富的天然成分，如植物精油、維生素和抗氧化劑等。這款護理油可以用於臉部、身體和頭髮，能夠提供深層保濕和滋養，改善肌膚和頭髮的質地，使其更加柔軟和有光澤。 用後感： 1. 深層滋潤：使用 Nuxe 護理油後，肌膚感覺非常滋潤和柔軟，尤其是冬季使用時，能夠有效地防止肌膚乾燥和甩皮。用作面部和身體護理十分適合。 2. 提亮膚色：Nuxe 護理油含有豐富的維生素和抗氧化劑，能夠淡化肌膚色斑和暗沉，使膚色更加明亮。 3. 頭髮護理：可以用於頭髮護理，洗頭後用毛巾印乾水分就用，能夠深層滋潤頭髮，修復分叉和毛躁，使頭髮更加柔軟和有光澤。

sscxy好用推薦：Dove這支護髮膜，相信非常多人用過，不只便宜大枝，而且還很好用。  Dove的這支護髮膜算是我經常回購的產品之一，如果我有時間的話會搽上頭髮1至2分鐘左右沖走，但沒有時間的話亦會用它來當護髮素使用。  佢嘅質地唔算杰身，非常容易推開，上頭髮輕輕按摩後我就會等一兩分鐘左右就沖水，沖完嗰陣仲會覺得頭髮有少少滑身同順服，但效果唔算好持久。 呢一支我通常會春天同夏天使用，秋冬嘅話可能唔夠力，但大多數我都會當做護髮素使用，可以有修護效果亦唔會太立。最重要係佢價錢非常平，而且份量足夠多，所以我已經多次回購了。 對我來說，佢係介乎護髮素同髮膜中間。我就睇自己時間多少決定點樣用。由於佢使用時間比較短，所以好適合繁忙嘅都市人，推薦想短時間護髮嘅人。👍🏻

Chloeincosme好用推薦：特價$30/2 枝😍每次吱勁多都唔心痛dove 護髮精華！ 佢嘅質地輕盈易推，我通常洗頭後搽勻髮尾，輕輕按摩等一分鐘就沖水，超級適合趕時間嘅日常～ 🤍 柔順效果：4/5 沖水即刻感受到頭髮變滑，梳開時冇咁打結，毛躁有明顯改善～ 🤍 持久度：3/5 柔順感唔算好持久，大概維持到半日 🤍 使用感：4.5/5 用完頭髮唔會黏笠或厚重，亦唔會影響造型 🤍 性價比：5/5 真係平靚正之選！一支可以用好耐，已經回購咗好幾次～ 總結： Dove呢支護髮精華係懶人恩物～介乎護髮素同髮膜之間，方便快速又有效。推薦俾經常趕時間、又想保持頭髮柔順嘅你！

葉子🍃好用推薦：清新香味，白色乳膠狀，洗完頭可以搽係頭皮同頭髮上，質地比較厚身，按完2-3分鐘差不多吸收曬，無殘留係表面，沖完水摸到好順滑，頭髮少左打結，無甘易開叉，無用護髮油吹頭都唔乾 #火熱新品

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

PorscheB好用推薦：第一次接觸呢個牌子就係買左呢枝油 官網介紹 KÉRASTASE 巴黎卡詩No.1美髮油*，蘊含維他命E、摩洛哥堅果油、茉莉花精油及沒藥粹取精華，為秀髮增添滋養光澤及讓髮間全日持久散發高貴醉人的玫瑰木調芳香，適合所有髮質使用。可用於日常護理，秀髮瞬間恢復絲般柔滑 平時我會吹到頭髮半乾 ，搽係頭髮近尾2/3位置。 因為呢枝護髮油可以防止毛鱗片受損而變得毛躁。 用過好多款hair spray hair oil hair serum 呢枝一定係number 1 好香 效果好好 而且唔會油lup lup 吸收好快 同埋會回購！ ！

Emily Leung好用推薦：💁‍♀️花王Essential CC護髮油💁‍♀️ 終於俾我搵到唔油膩唔黐立立的護髮油🤩 我而家只要出街就一定要用捲髮棒，對頭髮傷害其實好大，但已經唔用唔得😭 用過好多隻牌子護髮油，都超油，而且我髮質比較幼細軟身，容易出油就更唔鍾意用護髮油！ 但呢隻真係唔同，而家每晚吹頭前用2-3滴，朝早用捲髮棒前又用2-3滴，感覺頭髮光澤度完全唔同晒🤗以後都唔使擔心捲髮棒、直髮夾、風筒、頭髮乾燥帶來的傷害啦！ 真係用完即刻變到柔軟順滑！花香型嘅味道亦特別鍾意😘搽完頭髮之後對手都唔使洗，因為完全吸收晒入每根頭髮，完全唔會黐手！呢個Size亦都好適合帶去旅行出街㗎🥳 最緊要價錢好貼地😘

Circlecyy20好用推薦：開架護髮油中CP頗高的產品 一泵已夠用髮尾 用後感覺頭髮有所吸收

Ceccinmydin好用推薦：作為頭髮毛躁，日日用直髮夾嘅人，髮尾油係日常必備 呢支髮油係輕盈唔厚重嘅油，推開唔會黏笠，好快吸收，用量算慳，一支可以用3個月左右😍 平時我係洗完頭，頭髮半乾就用硬幣份量搽髮尾，聞落有啲淡香，香味天然舒服，唔會太油膩 用咗之後，頭髮滑咗好多，減少打結、毛躁，同吹頭嘅熱傷害，吹完頭會更有光澤感，髮尾冇咁易開叉，第二朝起身髮尾都keep到唔會乾

Kitty 好用推薦：摩洛哥髮油真係堅好用！我本身頭髮好毛躁，尤其係染燙後成日打結。用左呢支油，濕髮時搽，吹頭後即刻順滑咗好多，光澤感提升，摸落去軟淋淋！ 最驚喜係佢吸收得好快，唔會黐立立，仲有陣陣香味，好舒服。修復力唔錯，堅持使用，髮尾開叉都有改善。雖然價錢唔算平，但每次用量少，一支都用好耐。真心推薦俾頭髮受損嘅朋友！