2026香港「粉底」推薦好用排行榜Top20

Chloeincosme好用推薦：Suqqu 粉底液出名做到日系透薄，微奶油肌既效果，用慣咗韓式粉底嘅我終於試到！ #火熱新品 1) 輕薄透亮 上妝已經feel到日系粉底果隻透薄感，用慣了修飾度較高的韓式粉底，一上臉就能明顯感覺到 SUQQU 的「輕盈」。遮瑕度大約只有中低水平，瑕疵需要另外遮，但平滑毛孔、均勻膚色既效果非常細緻，完全沒有面具感。 2) 奶油肌妝感 妝效名不虛傳！上妝後會帶有一層微微的、高級的「微奶油肌」光澤，顯得皮膚底子很好，有種低調閃耀的日系雜誌風。 3) 控油力實測：混合肌/油肌要留意 呢款粉底的控油效果不算特別強。實測大約 5 至 6 小時後，T字位和面頰的油光就會開始明顯，可能更適合在秋冬季節、或者長期在冷氣房工作時使用，夏天用可能要加強控油底霜。 4) 上妝小撇步 上完唔可以即刻定妝： 我既做法係粉底液上臉後，先用小風扇仔吹一吹，讓底妝稍微成膜、乾透。 如果一上完粉底液就上粉，底妝很容易會打架，導致結塊。 總結： 對於混乾肌黎講，我會夏天收埋佢先得，秋天會好中意🥰

Look ca好用推薦：質地薄貼, 如想遮多少少斑點，就於局部地方上蓋多一點, 可省卻使用遮瑕膏, 不過最好補上碎粉, 令妝容更持久！

syrupthingy好用推薦：多謝@cosme 及CLARINS 選了我試用今次的CLARINS賦活雙萃精華粉底液 (Double Serum Foundation)🙏🏻 - 測試膚質： 混合肌（T位容易出油，兩頰偏乾，偶爾有點局部泛紅） - 日常化妝習慣： 幾乎不化全妝，但每天都會擦一層輕薄foundation淡妝才出門 🌟試用真實心得🌟 邁入 30+之後，挑底妝最怕遇到兩大雷區：太厚重像戴面具🎭，或是太乾顯粉痕乾紋。加上我自己其實很少化全妝，每天早上趕出門手忙腳亂，只求能快速擦個薄底妝、讓氣色看起來健康透亮就好🥹 CLARINS 這支把自家皇牌 Double Serum 精華概念放進底妝的粉底液，擠出來就能看到粉底跟保濕精華融合在一起（據說護膚成分高達 87%💦），我試用的顏色是L1C。這 7 天用下來，最讓我驚喜的是它真的就像在擦保養品一樣順手，而且貼膚度跟光澤感如奶油肌，非常高級🤩 1. 質地與上手難易度 💧 擠出來的質地非常水潤，流動性很高。我平時趕時間都是直接用手抹開，它完全不需要什麼厲害的上妝技巧或美妝蛋，順順推勻就已經跟皮膚融為一體了！觸感很清爽滑順，擦完臉上完全沒有黏膩或悶悶的粉感，對天天擦淡

莓莓好用推薦：#火熱新品 Clarins新品！乾皮人嘅奶油肌底妝 呢個新品會爆紅！！ 滿足晒我對乾皮粉底液嘅所有幻想 超潤！超貼面！超養膚！仲唔容易變暗同脫妝 無論你有幾乾，皮膚狀態幾差 都可以穩定幫你畫出一個透光奶油肌！ 我係一個超級難揀粉底液嘅敏感乾皮 特別係呢排天氣！塊面啲水份感覺被抽乾晒 好多潤嘅粉底對我嚟講都容易氧化同埋一撻撻 持久少少嘅又唔夠潤，個妝唔靚 但係！呢支就解決咗我嘅困擾！ 將雙萃嘅原理用喺底妝 上塊面每寸皮膚都感覺被潤透晒！仲可以養膚！ 精華吸收之後好似滲透到皮膚入面，根本冇機會起皮！ 咁潤之餘遮瑕力竟然都唔錯 一層已經可以將我嘅小瑕疵遮得好好 疊加兩層唔會厚，仲顯得個妝面好平滑 底妝真係好靚，係顯貴又潤貼嘅透光奶油肌！ 如果想保持光澤感，加個定妝噴霧就得 帶妝一整日都唔會氧化變暗 顏色都係可以keep喺啱啱化完妝嘅鮮亮 我真係會愛死呢支粉底液！ 順帶一提我用嘅係L1C，我屬於黃一白 用呢個色非常靚，白得好自然！ 如果有乾皮姊妹未用過呢支我真係會傷心 有機會一定要去感受下呢種透光奶油肌底妝！

WinWin好用推薦：Shiseido 養膚柔霧修護精華粉底做到真正嘅美妝同時護膚嘅神奇功效，蘊含北海道的發酵米精萃及Niacinamide等高效護膚成分，採用獨創Serum First精華環鎖科技，有效鞏固肌膚屏障機能，24小時持久控油保濕及提升光澤感❤️ Shiseido 養膚柔霧修護精華粉底選用按壓頭設計，方便控制使用嘅份量，質地係偏流質嘅輕盈透薄粉底液，就好似混合咗輕身精華液咁，而且好容易推開，延展性高，搽上面之後唔會有假面或厚重嘅感覺，反而妝感自然貼服，感覺水潤而帶有柔霧透光嘅感覺～基本嘅遮瑕度都幾好，細紋、色斑及痘印都可以輕輕遮蓋，最開心嘅係明顯遮到毛孔，修飾柔焦霧化，令肌膚睇落細緻嬌嫩。妝效都幾持久，到夜晚都只係有少許脫妝嘅情況，而且顏色並沒有氧化變黃，睇落一樣自然🙈🙈🙈 而防曬度數SPF 30•PA+++ 已經足夠日常外出使用，所以就唔洗再另外塗防曬乳，避免因為同粉底液起化學作用起擦膠碎嘅風險，粉底液都無特別嘅香味，感覺自然～💕 #火熱新品

Kmggigi好用推薦：Shiseido 養膚柔霧修護精華粉底 — 日常夠用嘅柔霧遮瑕底妝✨ 呢款粉底用嚟日常出街其實好方便， 本身已經有 SPF30 防曬度， 平時簡單上妝、返工返學或者短時間外出都幾夠用。 妝感: 佢嘅遮瑕能力相對偏強， 可以修飾膚色不均、泛紅同細小瑕疵， 想要妝感比較完整乾淨嘅人會幾啱。 上面之後係比較柔霧感嘅妝效， 偏啞光，唔會太水光。 整體睇落乾淨利落， 適合鍾意霧面妝感或者想控油感多少少嘅人。 不過以我個人喜好嚟講， 我會更偏好光澤感嘅 Skin Glow 版本， 因為妝感會更透亮、更有水潤感。 呢款柔霧版就比較適合想要遮瑕力同霧面效果嘅日常底妝。 總結：遮瑕力高嘅柔霧養膚粉底 Shiseido 養膚柔霧修護精華粉底適合追求啞光霧面、遮瑕度較高，又想要日常帶防曬功能嘅人。如果你本身鍾意自然光澤肌，可能 Skin Glow 版會更合心意✨ #火熱新品

LoveFN好用推薦：Nars自然霧光粉底液 #L0 用後感：唔係死白，係識發光嘅白！ 是咁的，本人膚質係混合偏乾，T字位少少油，面珠墩就偏乾。一直搵緊一隻唔卡粉、又有光澤嘅粉底，見到Nars呢支Natural Radiant Longwear Foundation出咗新色號L0，心諗：終於有啱亞洲白皮嘅色號？即刻衝去專櫃試！ 先講色號 #L0 呢隻色，真心係「白雪公主」恩物！唔係嗰種死白、面具白，而係帶微微中性調（唔偏粉唔偏黃），搽上面係同本身膚色融合，似你天生皮膚就咁白滑。好多歐美品牌嘅最白色號，上臉會灰咗或粉紅咗，但L0啱啱好，提亮得嚟好自然，仲有種「我本身就係咁透白」嘅錯覺。 質地與妝感（重點！） 質地好流暢，似輕盈嘅乳液，一推就開。用手指/化妝掃上都冇難度，但我最鍾意用濕粉撲啪開，薄薄一層已經有中度遮瑕。佢主打「自然霧光」，即係唔係全啞緻，而係帶低調光澤，望落似皮膚飲飽水嗰種健康透光感，唔會油淋淋。 遮瑕力 我面有少少泛紅同淺色痘印，薄上一層已經遮到7成，疊多一層喺暗瘡位，都唔會厚粉。黑眼圈就建議用返遮瑕膏，但整體均勻膚色效果一流。 持久度實測 朝早9點化好妝，冇用定妝噴霧，只係碎粉輕掃T

Sanna Cher好用推薦：#火熱新品使用色號L4，是參加活動時，化妝師挑選的色號，然後再購入而得。產品質地比忌廉稠密，習慣用化妝掃推開後，會見明顯的層次感，跟隔離霜或其他上妝品合而為一，沒有太明顯的上妝感，也絕不會有種分離的感覺，有輕薄感和空氣感，是令人驚喜底妝產品再提昇層次的產品。完妝的照片，其後的上妝產品令黃皮膚顯橘是完全沒有遺和感。在是次的自費活動中，有學習到提昇化妝技巧的知識，非常推薦👍

Jan好用推薦：#火熱新品 MAC卷王金氣墊打造原生好皮膚，我很不喜歡厚重面具感底妝，一直在找貼近原生皮膚的氣墊。試了全新卷王金氣墊，完全長在我的審美上。粉質很薄很細，上臉潤出水光，徬彿是自己天生的好皮膚。不會把毛孔完全糊死，保留肌膚紋理，妝感通透高級。中等遮瑕，瑕疵可以柔和修飾，追求高遮瑕可以疊加第二層，也不會厚重結塊。帶妝一整天，妝面維持光澤，不會快速氧化暗沈。金色外殼質感高級，顏值和實力雙雙在線。網上濾鏡試色會美化妝效，很容易期望值過高。

adadnileb好用推薦：試用程度：收到試用後用過四次，均以不同手法及上妝後去不同環境，惟實在太唔夾目前天氣最後打入冷宮。容器：●●○○○○○ 樣靚、墜手，擺喺檯面艷壓群芳，可惜中看不中用。 第一次開未用已經見到蓋底有圈粉跡，然後先見到佢個隔蓋係一個好薄似即棄嘅膠片，當中亦無空間放置附贈嘅膠挖棒，用嘅時候要另外再鋪紙巾放支挖棒，超不方便。 本身用罌裝衛生上已經構成較高風險，開口大概3-4cm大，粉底一次無需大量挖取時唔知點解要用罌包裝，霜狀未厚重到不能用Tube裝/泵裝吧？ 氣味及質地：●●●●●○○ 極淡的香味，雖然個人偏好無香料但因為實在極淡所以冇問題。 本身以為質地會似蛋白霜，實際摸上手覺得比較似軟化接近融化嘅牛油嘅乳霜狀，潤而不膩。 上臉後會有一層存在感，未至於焗皮膚。但可惜香港長期都濕熱，就算定咗妝心理上總會覺得唔夠清爽有種不安全感。 易推開但不易推勻，可能因為呢個texture點都會有個厚度喺到，變成有點考驗上妝技術。 成分：●●●○○○○ 試用說明提及加入咗13種日本產嘅美容提取物作長效保濕，睇番成分表的確有一堆對皮膚友善嘅成分。 可惜嘅係成分表當中見到凡士林同排得好前嘅桂皮酸鹽：凡士林應該係針對

Vivian好用推薦：感謝 @cosme 邀請我試用SUQQU全新「THE FOUNDATION e 絕緻艷澤粉霜 e」。收到這款試用產品的時候正值炎熱潮濕的9月夏季，我的膚質是混合性偏少油，我收到試用的色號是210。 使用粉霜前，可見皮膚有暗沉、色素沉澱、斑點等問題。妝前只用了保濕及防曬，以試測最佳效果。 粉霜質地屬於偏輕盈、很好推開的類型，上臉後很貼服，延展性頗高的，用少量就可以全面上妝，推開後也不會有卡粉或粉感顆粒感，膚觸比較柔滑貼膚。 剛上妝時的微微光澤感，比較自然細緻的水潤感，帶妝一段時間後，輕微出油後光澤會變得更融合更亮，仍然保持自然清透。 遮瑕力表現中度，能夠很好修飾毛孔，柔和淡化粗糙感，以及不需太多份量即可均勻膚色，遮蓋暗沉及泛紅位置，整體看起來更乾淨無瑕。但比較深深的痘疤還是需要局部遮瑕，日常使用遮瑕度十分足夠。 帶妝一段時間後，底妝沒有出現明顯斑駁或脫妝的狀況。最有感的是它的穩定度，妝容不會到變得乾燥起皮及浮粉，亦沒有嚴重的氧化問題，整體膚色維持得不錯，對於混合性皮膚即使在夏天也能夠保持完整妝容。 我的膚況屬於只有T字部位比較容易出油，控油表現不錯，能夠微微減少油脂，即使出油後

布吶吶好用推薦：MAC 專業無暇霧鏡氣墊粉底 (Studio Fix Everywear Cushion) 色號 N12 嘅用後感 包裝 & 第一印象 經典黑色漆面盒，不過依然係指紋收集器。呢個係「補充裝連盒」嘅設計，用完可以就咁買補充裝替換，都算幾環保同慳錢。佢塊粉撲係黑色嘅，厚薄適中，彈性唔錯，上臉唔會「食」咗太多粉底。 N12 喺 MAC 嘅色號嚟講，屬於 N (Neutral) 中性色調，偏粉調嘅最淺色之一。 · 適合咩人？ 如果你係 白皙肌膚，或者你平時用開 MAC 嘅 Studio Fix 粉底係用 NC15 (或者更白)，呢個 N12 會好啱你。佢唔會過分偏黃，上臉係好自然嘅提亮，白得嚟有氣色，唔會面具灰。 · 暗沉度？ 佢聲稱有抗污染同抗氧化成分，實測全日落嚟，暗沉情況唔算明顯，大約只係暗沉半度左右，屬於可接受範圍。 妝效：真係「霧鏡」？ 佢個名好矛盾，又「霧」又「鏡」。實際上佢係 柔霧妝效，但帶有 低調光澤感。 · 遮瑕度： 中高。輕輕拍一層，毛孔即刻隱形，黑眼圈同紅印大概遮到 7-8 成。佢好適合 「疊加」，喺泛紅位置再拍多層，都唔會顯得厚粉或者卡粉。 · 質地：

Sejeong好用推薦：MAC專業無瑕霧鏡氣墊粉底 NW11 用後感 終於搵到返工好拍檔，由朝早八點頂到夜晚八點！ 最近轉咗工，通勤時間長到喊，索性喺車上面化好個全日妝，咁嘅時候最需要一個靠得住嘅氣墊——拍兩下搞掂，唔使另外帶掃具同收納盒，超方便。 入手咗MAC呢個「卷王」氣墊，色號揀咗NW11。 老實講，呢隻色真係偏黃，黃一白用最白色號上塊面都唔算好白，都係自然均勻膚色咁款。不過咁都好，返工邊得閒慢慢擦頸，自然啲仲慳功夫。 最驚喜係佢嘅持妝力，混油皮表示真係幾鍾意！ 忙起上嚟成日都唔記得拎粉餅出嚟補妝，但到收工個底妝都冇甩，就算戴眼鏡，返到屋企照鏡，鏡框下面都冇卡粉或者一撻撻，真係感動。 一般持久型粉底成膜快，手慢少少都好難推得勻，但呢款氣墊疊加幾層都冇問題，唔挑剔皮膚狀態，好適合朝早趕返工，skip晒所有妝前步驟都得。 不過遮瑕力偏弱，呢個都係氣墊嘅通病，瑕疵皮就要另外加遮瑕產品。 好在佢個尖角粉撲可以直接當遮瑕粉撲用，又慳返一件工具！ 喺車上面用遮瑕液點完瑕疵，就搵呢個粉撲拍開，眼頭、鼻翼呢啲細位都處理到，好就手。 唯一缺點係量好似唔多，好快就用完，有啲肉赤。 #氣墊 #底妝分享 #返工早八

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就乾，但完全唔會覺得「漿住」或者厚重，感覺就好似第二層皮膚咁薄。 我最驚喜嘅係佢嘅 「粉感極低」 。之前用過好多粉底，就算標榜輕薄，用完之後都仲係會見到粉粒。但呢支小方瓶2.0，我化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉痕，呢點真係好高質。 佢仲加入咗日本大米精華同山茶花籽油，用完之後塊面有種自然嘅光澤，但又唔係油光嗰種，而係好似皮膚本身好健康嗰種透亮感。 【使用感】 呢個位係我最滿意嘅部分。我本身係混合偏油肌，T字位易出油，兩頰有時會乾。呢支粉底液嘅 「控油效果」 做得幾好，但又唔會令到兩頰覺得乾。搽完之後，T字位唔會話好快就出油，就算出咗油，佢都係融合得幾靚，而唔係浮粉或者溶妝。 佢嘅 「遮瑕度」 屬於中度，可以修飾到泛紅同毛孔，黑眼圈同痘印就遮到五六成左右。我本身唔係追求完美無瑕妝感嘅人，所以呢個遮瑕度對我嚟講啱啱好，自然得嚟又有修飾。如果當日有明顯嘅暗瘡印，我會額外用遮瑕膏補一補。 我最鍾意佢嘅 「不氧化

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅保濕精華而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算我用手上妝，都一樣可以推得好均勻，完全冇粉痕。 我最驚喜嘅係佢嘅 「粉體極細」 。化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉粒，好似第二層皮膚咁自然。佢嘅光澤感好靚，唔係油光嗰種，而係好似皮膚本身由內而外散發出嚟嘅自然光澤，望落好健康好飽滿。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明

Luna好用推薦：姐妹們，最近試咗Nars呢支「原生光亮肌粉底液」，真心覺得要同你哋分享下～ ✨ 第一印象： 支裝好有質感，泵頭設計好方便，一泵就夠全面用。質地好水潤，推開好似cream咁滑，有陣好清淡嘅花香，好舒服。 😌 上臉感覺： 我本身係混合肌，T位易出油，兩邊面頰有時會乾。呢支粉底一搽上去，哇～真係好貼服，唔會黐立立或者好厚。好似自己皮膚咁，但係靚咗、光澤咗！完全冇面具感，透氣度唔錯。 🌟 妝效： 個名無改錯——「原生光亮肌」真係做到！光澤係好自然嗰種，好似皮膚底層透光咁，唔係油光滿面。遮瑕度中等，普通毛孔、暗啞位都修飾到，但如果好深色嘅痘印就要再加遮瑕膏。薄薄一層已經有好精神嘅效果，鍾意偽素顏feel嘅你一定鍾意！ ⏰ 持久度： 我朝早出門到晏晝（大約6個鐘），T位有少少出油，但唔會溶到一撻撻，用紙巾印一印再薄補少少碎粉就ok。到放工個光澤感都仲keep到，冇乜點暗沉。如果係大油皮，可能就要加強定妝啦。 👎 要留意： · 遮瑕度唔算高，大瑕疵要另外遮 · 出油位要定妝，否則光澤變油光 💁‍♀️ 小總結： 如果你皮膚唔算極油，又唔喜歡厚重粉感，呢支真係唔錯！似第二層皮膚咁，提升光澤