2026香港「護髮素」推薦好用排行榜Top20
[每兩週更新]2026-08-10 更新
1
沙宣深層滋潤潤髮乳
5.5(期間評分：5.5)
心得 40 篇
Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺
<看全文>Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好
<看全文>2
3
YVES ROCHER木莓水漾亮澤護髮醋
5.9(期間評分：4.5)
心得 5 篇
Mabel好用推薦：YVES ROCHER 木莓水漾亮澤護髮醋 質地水狀，味道清新，用落都幾舒服。 我會先用洗頭水洗一次➡️ 滴幾滴喺頭皮+按摩一下➡️ 等1 分鐘左右用清水沖乾淨➡️ 再用護髮素 一星期用2-3次 我本身頭皮狀態比較易出油，掉髮量都多，有時仲會生頭瘡。 用髮醋已經大概2個幾月，用後最明顯嘅感覺係頭皮清爽咗，冇以前咁易出油。仲甩少咗頭髮，同冇再生過頭瘡👍🏻👍🏻會持續用落去✌🏻 用後感：（5💖為滿分） •功效 💖💖💖 •舒適度 💖💖💖💖 •性價比 💖💖💖 •回購率 💖💖💖💖💖
<看全文>Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️
<看全文>4
TSUBAKI山茶花極致滲透修復髮膜
5.5(期間評分：3.7)
心得 2 篇
Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！
<看全文>chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻
<看全文>5
6
PANTENE新升級 3分鐘奇蹟護髮精華素 - 輕盈修護
5.9(期間評分：3.2)
心得 1 篇
莓莓好用推薦：我用咗呢支護髮膜超過一年，漂過兩次髮尾都靠佢救返，以下係平民真實用後感（冇濾鏡）： 味道（第一印象）：一唧出嚟就係好強烈嘅花果甜香，鐘意嘅人會覺得好放鬆，但如果你係偏好「無香味」嘅人，呢個氣味會偏濃，留香都幾耐。 質地 vs 油頭：質地係好厚身嗰種忌廉狀，唔會滴到周圍都係。不過，如果你係油性頭皮，千祈唔好搽上頭皮，只可以搽「耳仔以下」嘅髮尾，否則第二日個頭會塌到好似冇洗頭咁。 最驚喜嘅「瞬間」效果：真係沖水嗰刻就知龍與鳳！平時用平價護髮素，沖水時頭髮會「啜」住，但呢隻你一沖水，手指可以直通到底，完全唔使梳。吹頭嗰陣明顯見到髮尾冇咁散開，啲毛躁收晒皮，就算唔用風罩就咁吹，都滑過之前好多。 最大缺點（誠實話你知）：佢係「即時急救」好勁，但持久力一般。如果下星期偷懶唔用，髮質會打回原形。另外，因為夠滋潤，乾旱受損髮用完會好順，但健康冇漂染過嘅幼細軟髮用，可能會覺得「太過腍」，冇晒彈性。 總結用法貼士： · 慳家秘訣：唔使成日敷到3分鐘，我平時沖涼搽完即沖（約1分鐘）已經夠順，真係爛頭髮先敷足3分鐘。 · CP值：80港幣有200ml，以效果嚟講，對得住「開架奇蹟」呢個名，會無限回購
<看全文>Fng好用推薦：潘婷3分鐘奇蹟輕盈修護護髮精華素係專為細軟髮質、油性頭皮同追求輕盈感嘅人而設。最大賣點係高效修護得嚟唔會令頭髮扁塌，好適合夏天用。 ✨ 產品核心重點 · 專為油頭/幼髮設計：清爽修護不黏膩，告別傳統護髮素嘅厚重感。 · 3倍PRO-V B5精華：深層修護髮絲損傷，即時柔順亮澤。 · 創新液態微分子技術：一抹即吸收，輕盈修護，清爽0油笠。 · 持久留香：清柚蒼蘭香氣或白桃烏龍香，可維持48小時。 💬 評價 · 有效改善毛躁乾旱，效果持久，非假潤。 · 質地清爽：膏體輕盈，極易沖洗唔會假滑。用完頭髮輕盈有空氣感，髮根唔會塌。 · 味道吸引：香味清淡舒服，隔天仲聞到。 · 適用提醒：輕度受損（日常吹整/輕度電染）效果理想。若嚴重漂染受損，修護力不及「多效損傷修護」版。 📝 使用小貼士 · 用法簡單：洗頭後將護髮素由耳下開始塗抹至髮尾，避開頭皮及髮根，停留3分鐘後沖洗乾淨。 · 分量參考：肩以上用約3-4個硬幣大小；肩以下用約5-6個硬幣。 · 進階用法：塗抹後用熱毛巾包住，修護效果會更好。 📌 總結 如果你正在尋找一款清爽、唔會令頭髮扁塌，又要有一定修護力嘅護髮素，呢款會係你嘅
<看全文>7
LUX髮の水亮瓶保水美容修護光澤潤髮乳
5.6(期間評分：3.1)
心得 1 篇
Emily Leung好用推薦：LUX 髮之水亮瓶保水美容修護光澤潤髮乳 試用心得 💇♀️ 質地：輕盈唔厚重，好推開 一唧出嚟係白色乳霜狀，但唔會杰撻撻，流動性適中。好易均勻推開喺髮尾，唔使吓吓用超多。過水後完全冇假滑或者沖唔乾淨嘅感覺，手同背脊都唔會滑潺潺，清爽度滿分！✨ 保水＆修護力：乾旱髮尾即時聽話 我本身染燙受損，髮尾乾到打結。第一次用完吹頭，已經明顯順滑咗，梳頭唔會卡住扯痛。持續用一星期，髮尾唔再啞色乾旱，摸落有返彈性，好似飲飽水咁「漲卜卜」。就算訓醒覺，頭髮都唔會塌或者毛燥，Keep到柔順狀態！💧 光澤感：自然透亮唔油膩 呢支最驚喜係俾到「水光感」而唔係油光。吹完頭望落髮絲有自然反光，尤其喺陽光或室內燈光下，好似幫頭髮打咗輕柔光澤。同平時用開嘅油性精華唔同，佢唔會令頭髮望落油淋淋或者一束束，清爽得嚟又有健康光澤！🌟 持續使用後：毛燥減少，手感升級 用咗兩星期，最大改變係頭髮整體順滑度上升。以前紮完馬尾放落嚟會有明顯痕跡同翹起，而家少咗好多。最開心係頭頂啲BB毛唔再亂飛，靜電都少咗。用手指穿過頭髮時，感覺到絲滑同輕盈，完全唔會卡住指尖！🌿 整體使用感：香味治癒，回購率高 佢嘅花香調好清雅，唔會濃
<看全文>Sakura醬好用推薦：日本LUX護髮素用後感 話說我試咗日本版LUX呢支護髮素真係要同大家分享！ 本身我啲頭髮又乾又毛躁，點知用完即刻順滑到識飛～✨ 質地同香味： 乳液狀一推就開，唔會黐立立！ 最正係個高級花香味，洗完第二日髮尾仲聞到淡淡清香， 同平時開架式嗰種濃烈化學香味完全兩回事！ 修復效果： 我漂過嘅稻草頭用咗三次， 髮尾啲開叉明顯少咗，摸落去軟熟咗好多， 吹頭時梳齒一梳到底完全冇扯住！ 小貼士： 千祈唔好慳！要由髮中搽到落髮尾敷3分鐘， 沖水時已經feel到滑溜感， 吹乾後頭髮仲有啲涼涼哋嘅清爽感，超適合夏天！ 缺點都要講： ▸ 香港比較難買要網購 ▸ 油頭姊妹可能要避開頭皮用 總結： 平價護髮素來講絕對收貨！ 下次去日本一定會囤貨， 以後終於可以同「獅子王」頭講拜拜啦～🦁
<看全文>8
10
11
12
YVES ROCHER防脫髮護髮素
3.6(期間評分：2.4)
心得 1 篇
Kelvin好用推薦：Yves rocher防脫髮洗頭水及護髮素都有試用。 護髮素質地比較較流質，用完之後雖然頭髮都順，不過修護效果就好一般般，滋潤度普通。草本嘅味道同洗頭水一模一樣。而且護髮素正常嚟講用於髮尾不會接觸頭皮，係修護頭髮多過防脫髮功效，如果真係想防脫髮，建議首先試用王牌洗頭水。 護髮素就冇再回購了。
<看全文>Kmggigi好用推薦：Yves Rocher 防脫髮護髮素 — 特別氣味，效果中規中矩 呢款護髮素嘅氣味同市面上大部分護髮素有所不同， 唔係嗰種令人印象深刻嘅香甜味道， 而係帶有一種比較特別嘅氣味， 所以如果你期待傳統嘅香味，可能會有啲失望。 用完之後會發現頭髮變得順滑咗， 梳理更容易，少咗打結嘅情況，同時頭髮亦有光澤咗， 但整體嘅修護能力並唔算特別出色， 對於髮質比較受損或者需要深層滋養嘅人， 可能效果未必達到預期。
<看全文>13
L'Occitane en Provence草本療法修護護髮素
3.9(期間評分：2.4)
心得 1 篇
Fng好用推薦：Loccitane 5合1草本菁純修護護髮素係一款主打修護受損髮絲嘅無矽護髮素，特別適合經常吹整、染燙而導致毛躁打結嘅髮質。 ✨ 產品特點 · 無矽配方：唔會令頭皮同髮絲有負擔，用後輕盈唔扁塌。 · 5合1草本修護：揉合多種草本精華油，針對受損髮絲提供滋養、修護、柔順、光澤、強韌五大功效。 · 升級修護配方：新配方加入天使草萃取，有助減少斷髮；配合葵花籽油及燕麥氨基酸，重建髮絲纖維結構。 💬 評價 · 即時順滑：用完吹頭明顯覺得柔順貼服、唔再打結，梳頭一梳到底。 · 清爽輕盈：質地唔會厚重黏笠，用完髮絲有自然嘅柔韌感同光澤，唔會假滑。 · 草本香氣：淡淡嘅草本清香（薄荷、迷迭香等），聞落清新舒服，唔會太濃。 · 持久度：隔日起身髮尾依然順滑，毛躁感減少。 📝 使用方法 洗頭後將護髮素均勻搽喺髮中至髮尾，避開頭皮，輕輕按摩停留數分鐘後再沖洗乾淨就得。 📌 總結 Loccitane 5合1護髮素定位清晰，係一款修護得嚟夠輕盈嘅護髮素。如果你追求清爽、唔笠、有光澤嘅順滑效果，又成日出入冷氣房搞到頭髮乾旱毛躁，呢款會係一個好選擇。 #歐舒丹 #Loccitane #5合1草
<看全文>TsuenMa好用推薦：L’Occitane 頭髮護理草本系列 💇🏾♀️髮質：本身有染開頭髮嘅習慣，所以頭髮髮質都係偏乾少少，髮尾會比較毛燥；而對上年就更加漂染咗，所以對頭髮嘅負荷就更加多，要好好保護返把頭髮。 🍏產品功效：主要係為頭髮正常至油皮頭髮為對象，可以為頭髮帶嚟清爽、輕盈嘅感覺，可長時間保持乾淨。換句話說，佢應該能夠幫你減少頭髮上面嘅油脂，同埋抑制生成，從而減輕頭髮嘅油膩感。 🌿成份：用咗五種天然嘅精油，包括薄荷、薰衣草等。其中佢注重薄荷能夠為頭髮帶嚟想要嘅去油效果，保持髮質嘅美麗同埋乾淨。 🌵質地：唧出嚟係偏新嘅乳白色cream狀，推開上頭髮唔係滋潤嘅感，偏向Gel狀洗面嘅感覺，推開就會唔見咗啲product。 🌱香味：因為佢係草本成份，其實有一種偏向中藥嘅味道，有一絲輕微會聞到薄荷，唔係傳統上我哋追求清新花香嘅香味，但係如果要追求成份天然，草本嘅修護，呢一個氣味就係合乎情理。 🍃用後感：本身產品應該係好好嘅，但我就應該要買返適合髮質偏乾、滋潤啲嘅嗰一種產品；不過佢都可以好好咁保護到頭髮，keep住頭髮順滑，我都已經好滿意喇🫶🏾
<看全文>14
anillORosy Night 熱感修護精華素
2.7(期間評分：2.4)
心得 1 篇
CLS24好用推薦：同洗頭水一樣，同屬玫瑰深層修護保濕系列。 佢呢支野應該真係有油既成份（官方話加入玫瑰果油等8種不同天然精油）因為我發現如果皮膚水油不平衡、敏感轉季個陣，好易起我髮線/額頭位生油脂粒，建議敏感人士考慮清楚先好入手！ 佢質地幾得意，本身係液態，吱出來就熱熱地，濕髮一上，遇水就會變成溶左既cream咁，官方話想利用熱感原理迅速滲入每一根髮絲。唔知有冇滲透好左，但過水後係feel到修護左，頭髮變順滑d，但係屬於清爽型既修護。10分柔順來計只有5分，所以只適合輕微受損/健康髮質！ 唯一好有感仍然係香味，玫瑰味非常好聞非常高級既感覺😎並十分持久！！🩵持久程度我比滿分！！
<看全文>olitong好用推薦：配合同款洗頭水使用的確可以讓嚴重受損髮質變順滑，急救用確實有其效果和作用，但因為是酸性類洗頭水，個人並不建議長期使用，長期使用容易局部皮膚敏感或生頭瘡，或者每隔一段時間才用會比較好，有興趣使用者建議自行小心研究其化學成份喔
<看全文>15
Essential水漾防毛燥護髮素
3.6(期間評分：2.2)
心得 1 篇
葉子🍃好用推薦：套裝買的洗護系列，有香味，護膚素呈乳白色，主打改善乾旱毛燥，即時連同洗髮露日日使用，改善受損髮質效果亦不明顯，感覺普通
<看全文>Giselle 好用推薦：Essential 水漾防毛燥護髮素 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係滋潤防毛燥( ˶ˆ꒳ˆ˵ ) 作為一個有漂染頭髮+每日set頭嘅人，我會覺得呢支嘅防毛躁效果唔係太明顯₍ᐢ ›̥̥̥ ༝ ‹̥̥̥ ᐢ₎搽咗佢之後唔會覺得啲頭髮有變得滋潤咗or毛燥少咗(´._.｀)就好似搽咗等於無搽咁₍ᐢ ›̥̥̥ ༝ ‹̥̥̥ ᐢ₎唔太建議同我一樣頭髮比較乾旱嘅小夥伴入手(⌯︎˃̶᷄ᗝ˂̶̥᷅⌯︎)
<看全文>