50惠 好用推薦產品

Emma W好用推薦：明年開始，就踏入30歲，不論肌膚、皮膚、定頭髮，都要更細緻地保養。而「50位養潤育髮精華素」就可以減少掉髮，避免成為女河童。 佢係噴噴裝，一噴出來，質地輕盈，容易被吸收，但嗅覺有少少強烈。我係直接噴落頭皮較稀疏，同髮根位置，用後又唔會出油多左，同平時一樣。反而能滋潤乾燥髮質，讓髮絲柔順光滑。使用一段時間後，梳頭、洗頭時掉髮情況有明顯改善。頭髮明顯變得更濃密，生長速度加快。 適合肌膚：任何 成效度：5/5 吸收度：5/5 質地：水狀

lonia好用推薦：近年可能因為工作壓力、年紀漸長新陳代謝減慢，洗完頭、吹完頭之後發現脫髮嘅問題嚴重咗。同時頭髮分界線亦變得愈嚟愈明顯。 朋友介紹用呢款50惠養瀾育髮精華素，每日早晚各使用一次（朋友仲建議盡量濕髮狀況使用，增加精華素俾頭皮吸收嘅機會）。精華素呈琥珀色水狀，有淡淡嘅柑橘味，無論乾濕髮使用都絕對冇黏笠感。按指示每次於頭皮不同位置總共噴6下，我自己重點喺分界線上噴兩下，然後配合用指腹按摩，精華素好快就俾頭皮吸收。用咗幾個星期，明顯感覺到頭髮狀況健康咗，帶返光澤感，覺得頭髮強韌咗，吹完頭脫髮問題得到改善。真心推介俾想改善頭髮健康嘅朋友。

Miaomiao好用推薦：頭髮屬於易出油，細軟易塌。次次洗頭吹頭都甩好多頭髮，中間既分間線明顯。 50惠既養潤豐盈洗髮露加埋都過10枝左右，用完之後沖涼去水位明顯見到掉髮少左，屋企吸塵都見到少左掉髮。缺點係用完既髮質會偏笠，特別係夏天，出全日街既下晝d頭髮會笠到撻埋一束束咁，髮根位置會有油味。 試過轉用各種防掉髮洗頭水，雖然控油好d但係防脫效果冇50惠咁好。亦有轉用過50惠藍色話清爽d個款，洗既時候多左薄荷感覺但係一樣咁笠。

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。

mavis好用推薦：我本身屬於細軟髮 頭髮比較貼同埋易出油 2022年7月到發現自己開始甩多左好多頭髮 係去到會有小小阻去水既程度 重要係日日都係咁既情況 見50惠多好評所以買黎用 希望可以改善情況 就番我既髮質我買左藍色既洗頭水同護髮素 其實我連育髮精華都有買 但個人太懶 用左兩次就無用了 所以比唔到comment 洗頭水第一次用個感覺好特別 係涼涼地的 唔係洗到好乾 除左涼之外 同其他無咩分別 而護髮素 佢係搽埋頭皮的 感覺都一樣係涼涼地 但出奇地 過左水後係唔會覺得好’立’ Lei個組合用完頭髮係乾爽舒服既 重點係 我用左5個月 (2 SET) 甩頭髮既情況係少左7成!!! 頭皮整體係健康左 大家見到萬寧/WATSON 做買一件第二件半價既時間可入貨(笑)

劉肥貓好用推薦：有小小香味 泡末豐富 濃宿度高 每次用少量便可以產生豐富泡沫 無矽 用後無敏感 頭皮同頭髮乾爽舒服

Hazel好用推薦：染髮膏做到好似護髮素咁超方便，唔使一次要用曬，啱晒補染用。佢冇一般染發劑嘅化學味，反而香氣🈵️滿，唔刺鼻唔傷頭皮，不過可能係天然成份造成，所以唔持久，一星期左右要補染一次，但我依然愛佢，會再回購！

unclecar好用推薦：標榜唔傷頭皮，不含十大致敏成份。用落無味攻鼻刺眼。上色比較適合白頭髮，唯獨不太持久，開始用嘅時候每兩星期補一補色會可以長久啲。用後頭髮唔會乾燥抗結，幾柔順。之前消委會好似有評價為五星天然染髮產品，想染髮又安全啲算不錯選擇。

Miaomiao好用推薦：頭髮屬於易出油，細軟易塌。次次洗頭吹頭都甩好多頭髮，中間既分間線明顯。 50惠既養潤豐盈護髮素，配合同系列既洗頭水，加埋都過10 set左右。用完之後沖涼去水位明顯見到掉髮少左，屋企吸塵都見到少左掉髮。缺點係用完既髮質會偏笠，特別係夏天，出全日街既下晝d頭髮會笠到撻埋一束束咁，髮根位置會有油味。通常我會冬天就用曬護髮素+洗頭水，滋潤d都接受到，夏天就比較適合轉用d清爽型既護髮素。 有轉用過50惠藍色話清爽d個款，洗既時候多左薄荷感覺但係一樣咁笠，分別唔算大😂

格仔餅公主好用推薦：秋冬用啱啱好，感覺冇咁易甩頭髮同埋就算係啲頭髮甩少咗，冇以前咁多，同埋少少潤嘅感覺啱啱好

Noel好用推薦：這枝清爽型護髮素很適合夏天使用，塗到頭髮會帶了柑橘香味，味道好聞又舒緩。護髮素呈白色，乳狀，如果塗近頭皮，會有點涼快感覺，很舒服啊！使用後頭髮順滑，不會覺得笠，但髮尾的修護效果就一般了。 #清潔好物推介

Angie好用推薦：夏天用嚟按摩頭皮非常舒服，用嘅時候頭皮涼浸浸，雖然係護髮素，不過唔會難洗。

Chloeincosme好用推薦：因為朋友極推50惠既育髮精草，見有特價就買左同系列洗頭水試下。 用咗一個月左右，感受到佢標榜嘅養髮效果，但未見生髮效果。 🤍 頭皮護理：4.5/5 用完覺得頭皮涼涼地好清爽，冇導致頭痕痕既敏感情況 🤍 強韌髮絲：4/5 持續使用後發現甩髮量有改善，尤其係洗頭時堵塞去水位嘅情況冇咁嚴重～ 🤍 蓬鬆感：3.5/5 清潔力足夠但唔會過度，吹乾後頭髮有自然空氣感，可惜維持時間唔算長～ 🤍 性價比：4/5 價格親民，一支唔算大枝都用到兩個月～ 總結： 50惠呢支洗頭水雖然唔會立即生髮，但維持到頭皮健康同減少斷髮，會繼續使用觀察長期效果！

Emma W好用推薦：50惠的養潤豐盈洗髮露（鎖色型）是一款專為染髮髮質設計的產品，旨在保護髮色並增加髮絲的光澤感。 首先，這款洗髮露的香氣清新怡人，使用時能讓人感到放鬆。Pump 一下，就出左好多泡沫，能輕鬆清潔頭皮和髮絲，清洗後不會感到緊繃，反而有種滋潤、清爽的感覺。 其次，我注意到在使用這款洗髮露後，髮色的保持效果非常好，沒有因為洗髮而迅速褪色。它的鎖色技術確實有效，讓我的染髮效果持久如新。平時6個月就會變色，依家keep 到1.5 年。另外，在陽光下，髮色依然鮮豔，沒有出現明顯的褪色現象。 此外，這款洗髮露還能有效改善髮質，使髮絲更加柔順光滑。使用後，我的頭髮不僅容易梳理，也不再有毛躁的情況出現，整體質感明顯提升。 總體而言，50惠的養潤豐盈洗髮露（鎖色型）是一款性價比高的優秀產品，無論是從清潔力、保護髮色還是改善髮質方面，都表現得相當出色。非常推薦給經常染髮的人士使用！

劉肥貓好用推薦：使用時頭皮有涼浸浸嘅感覺 適合春夏天使用 能為灼熱的頭皮降溫 泡沫豐富 過水即爽 用完頭皮唔會敏感

iliya 好用推薦：因為之前成日吹拉染燙，令到啲頭髮好傷，髮尾開叉同埋變黃之餘，仲有脫髮問題，所以轉用咗50惠洗頭水同護髮素，結果好驚喜地啲頭髮真係健康咗，同埋減少咗脫髮嘅問題😍😍😍 不過呢款鎖色型我覺得無特別，又無keep住頭髮甩色甩得慢咗嘅感覺😛