2026香港「卸妝液」推薦好用排行榜Top20

missp好用推薦：好開心可以試用賦活塑顏精華卸淨水✨ 本身我係乾肌，成日對住電腦皮膚好容易乾燥，真係好需要溫和又保濕嘅卸妝產品🥰 第一次用已經好驚喜！ 質地超清爽完全唔黏笠💧 利用Micellar微米潔淨技術輕輕一抹 就徹底卸走晒日常污垢同頑固彩妝防曬 感覺好乾淨清新✨ 用完一d都唔繃緊，皮膚即時飲飽水 連續認真用咗7日，肌膚真係煥然一新💖 保濕力都好持久，成日處於冷氣環境都keep到個水潤 配方溫和低敏冇香料，用得超安心🌿 持續用落去仲發現膚質細緻咗 光澤感同彈性都提升咗 素顏望落更年輕健康✨，真心大推👍🏻！

popocarcar好用推薦：我濕疹皮膚，面間中會痕。間中都會用敏感皮膚護膚品，呢支卸妝水好幫到手 雖然價錢唔便宜。 #火熱新品

我的骨盤最端正好用推薦：皮膚混合偏油 皮膚唔算極度敏感 但係較容易敏感 以前用過某落妝產品抹多幾次眼、面會有刺痛感，以為正常，機緣巧合買嘢送咗支Bioderma試用裝，用完之後覺得超級舒服，之後不停回購，咁我一用就用咗起碼十年，無再換過其他落妝水，同埋重點係佢一支可以用好耐XD 呢支嘢真係我幾乎每日都用到，鍾意佢完完全全冇香味，夠溫和，唔會有陣化學香料味。無論係平時落妝定係素顏只想抹走面上啲塵同油脂，用佢抹完都覺得好清爽，啲污糟嘢一抹即淨。最重要係佢一啲都唔「揦」眼、唔刺激皮膚，每次用完都感覺好安心，唔會驚敏感或者令皮膚變乾。 平時化妝都幾濃，全妝上陣，佢落妝力強，連頑固嘅彩妝都可以抹得好乾淨。 同埋唔一定化咗妝先可以用！我自己就會冇化妝時都可以當日常清潔用，抹走塵同油脂，點樣用都無負擔。適合追求簡單、驚刺激、或者本身皮膚比較敏感嘅人。 我用咗咁多年，皮膚一直好穩定，完全冇出現過刺痛或過敏，清潔能力亦無可挑剔。如果你想搵支用得安心嘅落妝水，Bioderma 真心好用推薦大家用。 (如果有泵頭裝，記得買泵頭裝！超方便！！)

Emma好用推薦：呢款係我由開始化妝就用既第一支卸妝水，一直到而家都用咗起碼有5年啦 ✨質地清爽如水，零油膩感： 倒出嚟同水一樣，上臉完全冇負擔，唔會好似用卸妝油咁驚起油脂粒或者笠痴痴，用完塊面係清爽舒服既。 ✨性質溫和，敏感肌恩物： 配方簡單、不含香料同酒精。就算有時皮膚敏感、或者做完果酸之後皮膚脆弱，用佢黎抹面都唔會刺痛或者紅腫。 ✨性價比高： 佢成日有大容量裝買一送一優惠，價錢非常親民，日日用都唔肉赤。 ✨零殘留、唔洗過水： 官方標榜用完唔洗過水直接訓覺都得，但對於我黎講，試過lam到未過水既嘴係苦苦澀澀既味，同埋慢慢塊面會好乾，唔過水第二朝會出好多油，所以習慣用清水過一過。佢嘅優點係唔會留下一層膜感喺皮膚表面。同埋真係超級攰既時候都可以偷下懶 🥲卸頑固彩妝比較吃力： 佢用嚟卸日常防曬、淡妝或者粉底係一流既，但如果今日畫左防水睫毛液、持久型唇膏或者眼線，就一定要配合專用既眼唇卸妝液，或者要用化妝棉敷耐啲先得 🥲依賴化妝棉，容易拉扯皮膚： 因為係水狀，一定要配合化妝棉一齊用。為咗唔好同肌膚咁多磨擦拉扯，我通常會濕敷先再抺 🥲乾肌冬天用唔夠保濕： 對於乾性皮膚或者冬

Fng好用推薦：Maybelline 維C潔淨亮肌卸妝液 質地同卸妝力💚💚💚💚 呢支維C卸妝液係水油雙層配方，用前要搖勻。質地比純卸妝水滋潤少少，但又冇卸妝油咁厚重，好適合香港夏天混合肌使用。卸妝力相當唔錯，日常防曬、底妝、眉妝同普通唇彩，基本上用化妝棉抹兩次就已經好乾淨，唔需要用力捽。用後感幾清爽，沖水後皮膚冇油膩膜感，但同時唔會即刻覺得好乾繃。 膚感同溫和度🩵🩵🩵🩵 對我哋混合偏乾肌來講，最怕用完卸妝產品後，T字位唔乾淨，但兩頰又乾到扯住。呢支卸妝液嘅平衡度處理得幾好，因為有油份，清潔時夠順滑，減低摩擦感；而維C成分則帶來少許亮澤感。不過，如果眼妝用緊防水產品，就可能要額外敷多幾秒先卸得徹底，否則有少許殘留。 同價位品牌比較💛💛💛💛 同樣開價位（約HKD$70-$90），常見對手有Biore嘅卸妝水同L'Oréal嘅三合一卸妝水。Biore質地更清爽，但保濕度稍遜，偏乾部位可能覺得「拮」；L'Oréal就溫和，但卸妝力對夏天嘅強效防曬可能勉強少少。Maybelline呢支嘅優勢在於水油平衡，卸完膚感舒服，兼顧咗清潔力同保濕，性價比高。 整體評價💥💥💥💥 總結嚟講，係一支幾可靠嘅日常卸妝選擇，

Verna好用推薦：我讀書時已經接觸這品牌，對我來說，它的產品都是平靚正 我通常都是化淡妝，所以我一向是用開卸妝液，這支卸妝液是有油有水分開兩層的，所以用之前要充分搖勻才用，可能因為有油的關係，所以用它卸妝完全不乾，但又不會太油淋淋，它的卸妝力也不錯，我用它來卸防水眼線也卸得乾淨 它還添加了維他命C成份，所以有亮肌效果，用完了一支，我就覺得顴骨位多了光澤感和白淨了少許，這也算是意外收穫

楊一二好用推薦：呢支卸妝水性價比好高，有時候特價30幾蚊就有一支，容量400ml大大支，日日用都唔肉赤 ！ 我買黎係卸防曬同埋淡妝，卸得好乾淨，用完亦唔會繃緊同敏感～

FishFish好用推薦：呢支潔膚水，我當作卸妝、清潔、化妝水三合一咁用，好啱懶人。我混合偏油，用咗兩支，同你分享下真實感覺： 優點（會回購） · 卸妝力中上：日常防曬、粉底、眼影一抹就甩，但防油睫毛液要敷耐少少（20秒）先抹得乾淨。 · 用完勁爽膚：佢有薄荷精油，抹完塊面係涼浸浸，夏天用一流，仲有醒神提神嘅感覺。 · 唔乾唔蹦緊：用完唔使過水，直接上精華都夠保濕，無酒精感，敏感肌都用得。 缺點（要注意） · 「爆痘過渡期」：頭一個星期塊面出咗幾粒暗粒，似係排毒反應，捱過兩星期就平滑返，但如果你易生暗瘡就要諗諗。 · 香草味好濃：係好重嘅葡萄籽+薄荷味，聞落似藥油，唔係人人頂得順。 · 眼周有刺刺地：如果捽到近眼邊，會有點攻鼻同刺眼，要避開。 慳錢貼士 跟足官方「先抹後噴」：先當卸妝水抹一次，再噴多兩下當爽膚水，咁先發揮到三合一功效。記住乾手乾面用，濕咗手會溝淡清潔力。 總結 如果你係油肌/混合肌、懶得過水、接受到草藥味，呢支係夏天恩物。但乾性皮膚或對薄荷敏感就唔好試，會太刺激。我俾8/10分，扣分位係頭一個星期嘅暗粒同埋個味。

wintonggg好用推薦：OK嘅，唔會卸唔乾淨，同埋caudalie本身都幾天然溫和，所以都唔會對皮膚敏感

Also melon好用推薦：呢款卸妝水我用咗好多年，真係唔記得買咗幾多次啦。佢真係一款又平又好用嘅卸妝水，唔單止可以將妝卸得乾淨，仲有保濕同滋潤嘅效果👍🏻 之前買過保濕款，粉紅色覺得有啲黏黏地，今次試吓轉另一款，橙色，質地冇咁稠，抗敏型添加咗蘆薈成份，可以鎮靜皮膚，用完係冇咁易令皮膚敏感。之前試過用好出名嘅紅水，用咗之後會敏感粒粒，呢支用完之後真係冇咁容易起敏感粒粒，效果仲好！ 卸完妝之後，完全冇唔舒服或者乾燥嘅感覺。因為卸妝水個清潔力其實都好強，建議用返洗面膏作二次清潔。

TsuenMa好用推薦：Bifesta卸妝水 我稱佢為日本國民級卸妝產品，因為除咗佢嘅清潔力好出色，價錢方面亦都好親民，一支大大支，都只不過係講緊$100以內嘅事；我諗如果係日本藥妝度買仲會更加抵😆 為咗符合唔同寶寶嘅需要，佢嘅卸妝產品，都分咗好多唔同嘅類型，譬如係呢一支，清爽型，就啱晒一啲比較油性皮膚，鍾意保持乾爽嘅寶貝。 不過就老實講，佢係咩類型，就算可能抹完出嚟偏立少少，我都覺得冇咩所謂，因為理論上你之後都要繼續再洗面㗎嘛🤣 基本上只要用兩張濕透嘅卸妝棉，就可以充分卸晒成塊面嘅妝，一次過可以卸埋眼妝，無論係Mascara、眼線、染眉膏等比較頑固嘅product，都可以輕鬆帶走🤩 佢呢款卸妝水嘅設計係樽裝泵頭，使用上亦都好方便，單手其實都可以操作到。 品牌其實仲有出其他潔面產品，會想試吓佢嘅泡泡洗面，好評都相當多😙

Sarah好用推薦：購買就係因為產品溫和零刺激 因為無酒精、無香料、無礦物油，用落面完全唔刺眼睛，都唔會有「辣眼」感覺，皮膚敏感期用都零壓力 卸妝力超夠 用卸妝棉片一抹就可以將防曬、粉底，唔需要用力捽，皮膚唔會變紅，而且標榜可以抹走PM2.5同環境污染物，對住電腦成日、出街戴口罩都安心好多 而且用完唔乾唔笠 好多卸妝水用完會有種「乾到緊繃」嘅感覺，但呢支有B5同保濕成分，用完面仲係軟軟潤潤嘅，唔會有假滑同殘留感，懶人有時直接用佢卸完妝就瞓都唔會爛面（不過都建議跟住洗多次面啦！） 便宜大支抵用 大大支用落超爽，用嚟卸妝、抹防曬、甚至做二次清潔都唔肉痛，辦公室放一支，落班卸妝、出街補卸都超方便！ 但對於唇膏、睫毛液都要用卸妝油才可以！最好不要用卸妝水。

Paris merci 好用推薦：Clarins除了眼唇卸妝出名之外，卸妝水也用過。 卸妝水係桃嘅味道🍑香香甜甜，味道同眼唇卸妝一樣好聞。平時早上外出淨係搽防曬，回家後如果淨係想輕輕卸妝，我會用Clarins 卸妝水。倒足夠嘅份量喺化妝棉，輕輕抹就可以卸底妝防曬。不會對皮膚有刺激。 即使卸妝後冇過水都冇問題，Clarins卸妝水完全冇繃緊黏立嘅感覺，非常清爽。好似用完化妝水之後嘅感覺一樣。用後不傷害皮膚，卸妝水冇油不會堵塞毛孔。個人習慣我都會用洗面膏二次清潔💕 防曬+粉底液