2025香港「眼線」推薦好用排行榜Top20
[每兩週更新]2025-12-10 更新
1
ettusais極幼持色眼線液
5.9(期間評分：5.9)
心得 44 篇
natanatalie好用推薦：最愛的平價eyeliner！❤️ 油眼嘅我好難揾到一支真係持久又顯色嘅眼線筆，今次呢支係我嘅all time favourite！🥰 Cosme store同其他藥妝店都輕易買到，價錢算平，係小資女嘅首選！首先講下掃頭，非常容易控制，新手都好易上手，勾畫唔同眼線都好容易！而且佢好顯色，唔會好難畫！重要係妝效好持久，我對眼一向好易溶妝，但用左佢，十幾個鐘都keep到！👏🏻 最近中意試唔同眼妝嘅我更愛佢嘅原因係佢有好多色可以揀，可以因應嗰日想化咩就揀咩色！👍🏻
<看全文>Connor好用推薦：Ettusais出品一向都有保證，新買呢枝眼線筆都好好用👍🏻筆頭極幼，用嚟畫埋下眼睫毛都得，仲好細滑，本人油眼實測過防水防油同持妝👌🏻準備入手埋其他顏色
<看全文>2
KISSME纖細眼線液
5.7(期間評分：5.7)
心得 22 篇
Poyobb好用推薦：市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕
<看全文>Summer好用推薦：Kissme眼線液係我用過咁多個牌子最好用嘅一款，佢夠晒幼，畫上眼好易操控。我出親街都會化妝，畫眼線係絕不可少，Kissme呢一隻係唯一一款我試過嘅係唔甩色，維持到全日嘅眼線液，大推呢一隻，同埋佢好易上色，又好滑，畫上眼好易上手，完全唔會怕失手。 係可以畫到咁幼！
<看全文>3
CANMAKE TOKYO柔滑眼線筆
5.6(期間評分：5.3)
心得 16 篇
YiN好用推薦：因為太易用太百搭，所以已經回購過幾次03色，同埋買過其他顏色。依家有喺手就係呢幾枝。幼身扭出嚟扭唔返入去嘅包裝，每次都係扭少少出嚟畫。有試過唔小心跌落地但未試過斷芯。 ✅多顏色選擇 Canmake呢隻眼線筆時不時都會出新色迎合眼妝潮流。好似之前興色彩診斷，好多日本妹都會講邊個色號啱邊類人，正因為佢有冷色有暖色，好易會搵到啱自己嘅顏色。而最近多咗人畫下至線，佢又出咗15號cappuccino pink，相對淡而有血色感，我都考慮緊買唔買。✅線條流暢不暈染 當然最緊要係佢有一枝眼線筆必備嘅條件先咁受歡迎。本身筆芯偏柔軟，所以好易就畫到流暢線條，尤其畫內眼線唔會刮眼。等乾咗之後就唔會暈染，不過唔係完全唔會甩，而係就算甩佢都係一粒粒咁冇咗，而唔係溶到黑一撻救唔返。 整體我覺得佢係小資女開架品牌眼妝嘅好選擇，佢未必係好完美嘅產品，但一定係好高性價比嘅產品。未買過唔知揀咩色嘅，推介03 Dark brown，令眼妝更有神得黎唔會太銳利。
<看全文>Emily Leung好用推薦：canmake家最好用的眼線筆 很喜歡這個細筆頭，能精準畫眼尾！筆芯很順滑好上色，乾得也快，很適合新手。 02淺棕色和03深棕色都是我愛用的顏色，都很日常好看！ 最重要是這款眼線筆防水防汗，用清水沖洗然後用手搓都沒有搓掉。畫了內眼線，一整天下來也沒有暈妝！真心推介！
<看全文>4
ettusais極幼柔滑眼線筆
5.9(期間評分：4.9)
心得 7 篇
zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）
<看全文>Kitty 好用推薦：本身見佢呢隻係日本開架人氣款，話防汗防油仲要超持久，我咁易溶妝嘅油眼皮當然要試吓啦！ ✨筆芯軟硬度： 一畫上手覺得超順滑！筆芯偏軟但唔會易斷，輕輕一畫已經好顯色，唔使用力壓眼皮～對於新手來講好友好，畫內眼線都唔會拮眼！ 🔥持久度測試： 我朝早9點化妝出街，到夜晚7點返屋企～期間冇補過妝，眼線竟然冇溶到！只係眼尾微微淡咗少少（我仲眼皮易出油添！）。超防水，測試過，就算用洗手液都洗唔甩。真心佩服佢嘅防水抗油能力～💪 🐼防暈染表現： 完全冇熊猫眼！之前用過唔少開架眼線筆，到下午就暈到落眼袋，但呢支真係乖乖哋留喺原位～就算戴住口罩焗住塊面都頂得住！ 💦卸妝難度： 雖然佢持久，但用眼部卸妝液敷10秒左右就抹得走～唔使捽到眼皮紅晒，呢點我好滿意～！ 缺點都要講吓： 個設計系用幾多轉幾多，一次轉太多出來收不返去容易斷，同埋如果筆頭可以再幼細少少就更完美，畫極細眼尾線會更精準～ 總結： 百零蚊支嘅開架眼線筆來講，性價比超高！油眼皮姊妹絕對可以入手～建議畫眼線前先撲少少碎粉打底，效果更無敵！💖
<看全文>5
LOVE LINER纖密流暢防水眼線液
5.8(期間評分：4.7)
心得 7 篇
Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇
<看全文>Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！
<看全文>6
ettusais稜鏡光感柔滑眼線液
5.4(期間評分：4.6)
心得 5 篇
Emily Leung好用推薦：稜鏡光感柔滑眼線液 一直用ettusais家的睫毛打底膏，沒想到他們家眼線液也那麼好用！自從用了他們的眼線液筆 ，就愛上了！這款眼線液筆對於新手真的很友好。 比自動鉛筆芯還細的極細頭！！輕輕一畫就是 0.1mm 空氣感線條，出墨順滑，適合眼尾描畫，輕鬆做到日系透明感眼線，平日市面上買的較實色，這款就可減低眼神銳利感。 相比起眼線膠筆，眼線液筆更細更精準，而且防水防暈染，帶妝一整天不拔乾不刺激！速乾成膜後蹭眼皮都不掉，無論健身吃火鍋蹦迪過後，都能保持精緻的妝容！ 恰到好處的3色，清透淡顏妝容拿捏 ❥01透明黑：放大雙眼，自然百搭 ❥02淺栗棕：溫柔清澈，淡顏天菜 ❥03亞麻褐：靈動隨性，自帶神秘
<看全文>南西瓜好用推薦：ෆ 使用中 ෆ 因為看到在排行榜上&在日本也很有名，筆尖非常細，可以打造精緻又日系的妝容，因此去日本旅遊時購入～～～ 選擇了02號色，是偏淺的咖啡色🍪 實際上妝真的帶有日系感，但對我來說有一點點過淺（上圖是重複畫了3次的效果！）因此若下次要買，會考慮更深的顏色！ 筆尖是真的非常細，筆毛也偏柔軟，或許對新手來說會需要一點時間上手！（上圖是重複畫了2次的效果！） 但持妝效果在混合偏油性肌膚&非常容易流汗的我身上似乎沒有非常好～ 大概過了半天就有一點點暈開，尤其夏日很快就有些斑駁💦 因此如果下次外出可能不會使用，但冷氣房內就是ok的！
<看全文>7
D-UP絲滑特濃防水眼線液
5.5(期間評分：4.2)
心得 4 篇
wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post
<看全文>3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！
<看全文>8
MAYBELLINE超銳目極限持久眼線筆
5.0(期間評分：4.0)
心得 4 篇
Kura好用推薦：平價好用嘅眼線筆，筆頭夠細，我係新手畫眼線都容易掌握，可以好精準咁畫到我想要嘅效果，我鍾意用黑色，但唔係黑到非常惡個種黑色眼線筆，畫完成條眼線都好柔和，夏天用出街全日都唔會溶，返到屋企用普通眼唇卸妝就可以清潔得到非常乾淨，同埋價錢非常親民，cp值非常高，我個人覺得適合新手值得一試嘅眼線筆 @cosme #眼線筆 #眼線液
<看全文>CharleneLau好用推薦：### Maybelline 超銳目極限持久眼線筆心得 最近我試用咗 Maybelline 嘅超銳目極限持久眼線筆，整體感覺非常好，以下係我嘅一些心得分享。呢款眼線筆質地相當柔滑，容易上色，無論係畫細眼線定粗眼線，都好輕鬆，唔會有拉扯感，適合新手使用。顏色非常飽和，深色選擇可以令眼睛更加有神，特別適合想要打造深邃眼妝的人。持久性方面，這款眼線筆表現出色，經過一整日活動之後，眼線依然清晰，幾乎冇褪色或暈染的情況，非常適合長時間外出。此外，呢款眼線筆具備防水功能，無論係流汗定下雨都唔容易暈開，讓我更安心地使用，唔怕妝容走樣。雖然持久但卻唔難卸妝，使用一般卸妝產品就可以輕鬆清除，對眼周肌膚唔會造成太大負擔。總的來講，Maybelline 超銳目極限持久眼線筆係一款性價比高嘅產品，無論係質地、顯色、持久性方面都表現優秀。如果你需要一款可靠嘅眼線筆，絕對值得考慮！
<看全文>9
LOVE LINER柔滑貼服霜狀眼線筆
4.8(期間評分：4.0)
心得 2 篇
natanatalie好用推薦：Love Liner眼線筆好用又抵用，已經成為我的化妝櫃中必備的眼線筆！🩷 屬於油眼的我用很多眼線筆都會出油導致溶妝，很多時都會令我很尷尬和困擾，有時工作忙起上嚟未必能夠經常照鏡，便會不自覺地變成了熊貓眼，令我很尷尬。 Love Liner眼線筆卻能夠整天保持不暈染，不會很容易化掉，這一點令我很喜歡它！😘 而且顏色非常飽和，很容易出色，畫線非常流暢，不容易卡住，就算用它來畫內眼線也易於上色。因此我覺得也適合新手使用。🤪  雖然防水，但卸妝時不會太困難，使用普通卸妝產品即可輕鬆去除，不用二次清潔，節省了不少卸妝的時間！😍 Love Liner眼線筆性價比高，非常適合日常使用！🤤
<看全文>jovyjosie好用推薦：呢支眼線筆係我喺日本嘅時候買，見佢長居榜首，回購再回購！ 佢非常之順滑，最適合用嚟畫內眼線！佢嘅筆頭係扁平的，新手都容易畫到一條順滑嘅眼線！ 而佢防水嘅功力更加係超強，直接用落水喉，都唔驚會甩妝！
<看全文>
11
12
WAKEMAKE柔塑裸感極幼眼線筆
4.1(期間評分：3.6)
心得 2 篇
natanatalie好用推薦：劃內眼線的必備好物😝 用過同品牌的眼線液筆，這款眼線膠筆的效果我更滿意。👍🏻 我是一向會畫內眼線的人，感覺畫了內眼線看起來更精神更有神。這款眼線膠筆正正適合劃內眼線！質地非常順滑，很容易便劃到一條靚靚的完整眼線，劃內眼線也是非常適合。✨ 新手也很容易操作，非常容易使用。而且我是油眼的人，這款眼線膠筆感覺上持久度和防水防油度都比同品牌的眼線液筆效果更持久，所以我更推薦這款眼線膠筆給內雙眼皮的油眼女生！🩷
<看全文>Verna好用推薦：我都是第一次接觸這個品牌，我是在逛個人護理店時見到它的貨架，就買來試試 這支眼線膠筆的筆芯超纖幼，只有2mm，它的筆桿也很幼，拿上手會覺得很順手，畫眼線時也很順暢和顯色，所以不論化妝新手，還是手殘黨，都會很容易上手，可以穩定地畫出完美眼線，所以我覺得這支眼線膠筆比同品牌的眼線液，適合化妝新手使用 因為它的筆芯纖幼，所以畫內外眼線也沒有問題。也因為它的筆芯纖幼，所以如果化妝新手不懂得控制力度的話，畫眼線時最好不要扭太多的筆芯出來，否則會很容易折斷 它總共有5個顏色，我這支是01黑色，它很顯色實色，但我總是覺得它不夠黑，所以想買的妹子真的要去試試色才購買 它的持久力不錯，一整天也沒有怎樣暈染脫色，很讚👍🏻
<看全文>13
KATE TOKYO進化版持久液體眼線筆EX
4.7(期間評分：3.4)
心得 1 篇
natanatalie好用推薦：一支很適合新手使用的眼線筆！🤤 以一支開假的眼線筆來說，他算是非常好用。首先，價錢不貴，小資女也負擔得起。❤️ 它能夠勾劃出非常幼細的眼線，也非常容易控制和拿捏，而且很顯色，一般或在眼尾都十分容易勾劃！🫶🏻 而且它的持久度非常之高，以我這一種油眼的人來說，它的持妝度能維持到10小時，算是非常出色！🥰
<看全文>mandy好用推薦：KATE TOKYO SUPER SHARP LINER EX4.0 進化版持色眼線液筆 EX4.0 #BR-3 暖棕 $90（Sasa 再打88折） 第一次用KATE家的眼線液筆，覺得非常驚人地好用，完全不輸其他開架品牌的名品眼線液耶。即使初學者只要手夠定就能描繪出理想的眼線。進化版持色眼線液筆EX4.0的筆頭不會太硬，所以畫眼線時較易掌握，眼睛也完全不會感到不舒服。有了好用的眼線液筆，初學者多練習自然會愈畫愈順手。眼線的持久度不錯，午後也沒有溶妝或暈染。 使用色為#BR-3 暖棕 由於我已有黑色的眼線筆，所以選購了顯色較自然的BR-3 暖棕色。像這樣不浮誇、非常自然的眼線跟淡妝很搭，亦能自然的放大雙眼。
<看全文>14
Visée棕色柔滑眼線膠筆
3.6(期間評分：3.4)
心得 1 篇
natanatalie好用推薦：畫內眼線必買！❤️ 唔知由幾時開始，我見到人畫完內眼線對眼好有精神，我就每次化妝都會畫內眼線，而油眼嘅我真係好易會溶左條內眼線，但呢支眼線筆嘅高持久度就幫我解決左呢個惱人問題！🥰 價錢只係68蚊，平到喊嘅一支眼線筆有成六隻色化你揀，配合唔同眼妝髮色話咁易！眼線膠筆質地好順滑，劃上眼絕對無步卡住卡住嘅難劃感覺，所以好快手就可以劃完一條好顯色嘅內眼線。🫶🏻 而且我好中意呢隻色，呢隻啡上到眼會有一種神秘感覺，為眼妝帶嚟一點不同！通常我朝早化完，去到夜晚條內眼線都仲大致完好無缺，持久度都幾不錢，推薦！👏🏻
<看全文>iliya 好用推薦：呢枝眼線膠筆真係防水防油，唔易暈化，而且容易控制，簡單就畫到一條完美嘅眼線，加上隻色好特別，係玫瑰紅混合棕色，所以睇落隻啡色好soft好溫柔咁😍
<看全文>15
16
17
UZU BY FLOWFUSHIUZU EYE OPENING LINER
5.9(期間評分：3.3)
心得 1 篇
Shirlin Ho好用推薦：UZU呢支眼線筆己經用過好多支,而我用緊嘅係啡色,佢嘅8角形設計,令到畫眼線嘅時候更易拎實支筆,而且佢都順暢,好好畫。 而家係香港都好少地方有得買,所以去日本就要買多幾支,同埋價錢都平好多,所以會去日本嘅朋友不妨買一支試吓。😬😬
<看全文>yuyikyi好用推薦：已經試過不同品牌的啡色和啡黑色眼線液，這枝uzu品牌的眼線液簡直係世一，大推！！！已用過超過五支！ uzu 眼線液顏色的選擇很豐富，單單是啡色的眼線液已經有多種不同色調色調，它們畫的效果有比較自然的，讓眼神看起來更柔和，如果喜歡有明顯眼線，除了黑色，uzu的黑啡色都係好自然又有化妝感的好選擇，不像被一條黑線框實。大地色的選擇全部都很百搭，適合日常妝容同時也能輕鬆駕馭各種色調的眼妝。 我的眼皮屬於偏油性的，這款眼線筆用起來順滑好畫，很容易畫出幼幼尖尖的眼線，防油的同時也持久，一整天下來也沒有脫妝的情況，油眼友好的產品。此外，卸掉眼線時簡單用眼唇卸妝液或是溫水，便能輕鬆卸掉。
<看全文>18
19
KISSME柔滑纖細眼線膠筆
4.6(期間評分：3.1)
心得 1 篇
Kmggigi好用推薦：KISS ME-Heroine Make Long Stay Sharp Gel Liner係一款超易上手嘅眼線筆， 無論新手定化妝高手都啱用！✨ 眼線筆筆尖設計非常順滑好畫， 輕輕一畫就能畫出流暢嘅線條， 對於化妝新手嚟講，使用起嚟特別容易掌握，畫眼線再唔怕手殘！ 雖然呢款眼線筆用落非常好， 但要特別小心蓋筆蓋嘅時候要確保冇壓到筆尖， 避免筆毛出現分叉嘅情況，否則可能會影響之後嘅使用體驗。 上一支用到一半出現分叉嘅情況，確實有啲麻煩， 所以保存時務必要注意。 除咗好畫易用之外， 呢款眼線筆嘅持久度亦非常出色， 畫出嘅線條唔易暈染， 可以輕鬆保持一整日嘅妝容完整， 對於眼妝要求高嘅人嚟講係非常可靠嘅選擇。
<看全文>羅小白好用推薦：呢個牌子防水防汗嘅效果從來都冇令我失望過，同埋用落都幾好，好上色，同埋好容易上手，不過佢嘅筆芯實在太幼，稍為用力都會壓斷咗支筆芯，亦都有可能係因為我唔識用啦，我畫一條眼線都可以壓斷兩次，反而同牌子另一個系列就冇呢個問題，建議可以將支筆芯整得硬啲，新手會容易啲上手。
<看全文>20