HUDA BEAUTY 好用推薦產品

mcosmetics好用推薦：呢個Huda Beauty嘅碎粉喺歐美彩妝一直好出名，我睇好多化妝師都有推介，例如Nikki La Rose. 我買左peach pie 呢個顏色，可以幫我係定妝嘅同事均勻少少膚色，提亮眼底同嘴角呢啲比較暗沉嘅地方。呢個碎粉係matte finish. 我本身皮膚偏乾所以我唔會跟佢官方教學咁用黎bake, 我會用碎粉掃上，妝感自然啲薄啲。呢個mini size 入面都有附送細粉撲方便出街補妝。夏天用佢覺得個妝會持久啲！推薦比中性肌/混合偏油肌。我偏乾肌應該淨係夏天用到。佢粉質好幼細，上左嘅地方會稍為提亮左。

iliya 好用推薦： #火熱新品 Huda Beauty嘅 Easy Bake Duo 調色碎粉組合真係好百搭，一共有2 款色調組合(CHERRY PEACH同PINK PUMPKIN)。個人覺得CHERRY PEACH會啱香港人用多啲，比較淺色自然🙈 一盒碎粉有齊粉紅色同蜜桃色，粉紅色係用嚟提亮和拉提，而蜜桃色係用嚟校正及中和黑眼圈，最百搭嘅係可以自己混合兩色粉末，Tailor made最適合自己嘅色調😍 另一個selling point係長效達18小時嘅持妝，吸附多餘油脂，不致粉刺，呈現柔焦霧面妝感，實測控油能力的確唔錯，一整日都唔會油光滿面💕 #火熱新品

Karman28好用推薦：之前出去上化妝班時，化妝師推薦呢隻corrector。我買既色號係pink pomelo，我覺得一般黑眼圈唔洗買到mango 咁深，呢隻已經夠。我配合呢種掃頭既化妝掃上眼底，首先我會係手背或者調色板上印開佢，然後先再上眼，就可以上到非常薄。係調色板上其實都睇到佢印開之後薄得黎又可以印得好平均，唔會一撻撻。眼底遮暇其實都幾複雜，要揀顏色揀質地，盡量上到最薄又遮到本身黑眼圈既顏色，texture 要揀番岩自己膚質。而我本身係有眼紋，所以愈潤既遮暇/調色霜係會愈容易攝眼紋，因為潤既反而可能抓唔住皮膚。用左咁多款既遮暇後，我覺得液係比膏容易上得薄d，又唔容易移位。huda beauty 呢款調色霜都幾顯色，所以比較容易上得薄，用係眼底係十分適合。

Vera Violet好用推薦：終於開左前陣子俾 Threads 燒到體無完膚嘅 Huda Beauty Corrector 黎用😂 BA 幫我選咗 Cherry Blossom ，比起大路嘅 Peach/Mango 佢會 pinky 啲，顏色好包和，一下就蓋到黑眼圈色素~ 質地幾水潤，對乾眼友善，唔會乾到卡粉，注意要慢慢疊加，少量多次，否則都會有少少厚. 不過有一點扣分位，就係佢用係我度好似會氧化🥲 朝早化完，下晝唔知點解眼底好似變返深色左，黑眼圈重現，又或者可能係我手法有問題，要慢慢再同佢磨合下~

曦La好用推薦：勁中意huda beauty既眼影，有rose gold & lude。lude更日常，所以亦更常用。超顯色、high coverage 、閃粉貼妝、啞色粉幼、易blending。會keep住回購。

iliya 好用推薦：#火熱新品 我一向都比較少用唇線筆，但係今次就特登試吓Huda beauty Lip Contour Stain 持色液體唇線筆，呢款唇線筆同傳統好似鉛筆嘅唇線筆完全唔同，係結合唇線筆與唇釉嘅混合型產品，特別在於筆頭嘅設計係類似唇釉嘅海綿頭，好容易控制勾勒唇形💕 而且唇釉嘅霧面質感顯色度高 ，簡單描繪一兩下就好顯色，妝效持久維持長達 12 小時，我試過都keep到一個daytime唔洗補色，就算飲水都唔會甩色甩得好勁，加上都幾百搭有8 款色調，可以配合唔同膚色或唔同style嘅妝容😍 大推❤️ #火熱新品

Kura好用推薦：我用嘅顏色係watermelon pop，顏色非常顯白搽上臉好靚，份量用好少就已經好出色，就算係夏天都可以keep到全日 #火熱新品 #火熱新品

Kura好用推薦：呢隻唇釉真係做到豐唇效果，質地偏油，但搽上嘴有幾時豐唇效果，係非常性感個種歐美厚唇妝效果，搽完就算食嘢都冇咁易甩，同埋搽完唔顯唇紋，係值得一試嘅唇釉，包色試曬都好靚 @cosme #火熱新品 #火熱新品