Head & Shoulders 好用推薦產品

YYeman好用推薦：我本身頭皮偏油，朝早洗完頭，去到下晝三四點個瀏海就已經塌晒、癡住額頭。轉用 Head & Shoulders 呢支「水油平衡蓬鬆豐盈」之後，最明顯係頭皮冇咁快出油，以前一日一洗，而家可以捱到第二日朝早先洗。 泡泡算綿密，過水唔算難，洗完個頭有種「爽」嘅感覺，但唔會話好乾噉。吹頭嗰陣髮根真係有啲蓬鬆，唔使特登用風筒 reverse 吹都好過之前。香味方面，我覺幾清新，唔會太甜，男仔用都 OK。 不過要彈嘅位都有：如果嗰排天氣乾，或者我隔日先洗，頭皮會有少少痕；另外去屑力我覺得一般，如果頭屑好勁可能唔夠。同埋用耐咗，蓬鬆感好似冇第一星期咁驚喜，可能要同其他洗頭水輪住用。 總結： 油頭、扁塌髮質會幾鍾意；乾頭或者嚴重頭屑就未必啱。我會回購，但唔會長期日日用。

Ming好用推薦：#火熱新品# 呢期新品， Head and Shoulders水油平衡洗頭水，粉紅色玫瑰味。夏天一出汗就出好多頭油，頭髮味道又重，頭髮又好貼頭皮。用咗呢支之後，頭髮蓬鬆可以維持一整日，頭油味道減輕咗好多，推介大家喺夏天嘅時候使用。

貓餅好用推薦：之前試過Head & Shoulder 粉紅色洗髮水，覺得幾好用，今次再試吓同系列嘅藍色洗髮水，呢支洗頭水主打係控油蓬鬆型，好適合夏天使用。 香港夏天咁熱，容易出汗，出頭油，呢支洗頭水真係一流，唔單止香，仲真係可以做到控油嘅效果，以前朝早洗完頭，黃昏已經覺得頭髮笠笠地，開始barcode頭（特別係瀏海，前額頭髮），但係用咗呢支洗頭水之後，頭髮可以keep到成日都乾爽，唔會變油頭，唔使用乾洗噴霧，唔使用爽身粉去令頭髮變返乾爽，真心好用，我諗我成個夏天都會用佢，大力推介！