Hair Recipe

生薑清茶洗髮露

多謝@cosme 俾今次機會我，試用Hair receipt 嘅新產品 【生薑清茶洗髮露】

試用日期： 20 Feb - 28 Feb

之前都有買過枝細嘅生薑防斷營養洗髮露（蘋果生薑嗰隻）嚟試用，當時都覺得Hair receipt嘅產品幾好用，所以當知道今次有得試用呢隻生薑清茶洗髮露真係好開心

先講講自己嘅髮質，頭髮唔算軟，但又唔係好硬嗰種，唔係油性頭髮，所以就唔會好出油。
不過之前唔知係咪用唔啱洗頭水，所以有時洗完頭都會出頭皮。而且生完小朋友之後，髮量係明顯比之前少咗好多，暫時都未搵到一隻真係可以幫到生多啲頭髮嘅洗頭水🥲

講返隻洗頭水先，呢隻洗頭水，唧出嚟嘅質地唔算係水狀，但加咗水之後好快就可以起泡，搽咗上頭之後可以起到好多泡，基本上洗完第一次啲頭髮已經好滑冇打撠。因為我習慣洗頭係洗兩次洗頭水，咁洗完第二次過水之後，即使冇落護髮素頭髮都好順滑，吹完頭之後亦冇毛燥，第朝起身個頭髮都keep到，而且連續用咗幾日，都冇乾到出頭皮。不過因為只係用咗一個星期左右，所以暫時未感覺到頭髮數量有增加，但係洗頭嘅時候甩頭髮情況明顯係少咗。

氣味方面，味道淡淡嘅薑味，係天然唔係化學嗰種，但氣味就唔係keep到好耐，基本上第二日已經聞唔到，但呢個冇乜影響。
唧出嚟係咁

都算好易起泡

洗髮前

吹乾頭髮後