LANCÔME

淨澈亮肌精華水 (第二代極光水)

首先多謝@cosme 俾今次機會我，除咗試用lancôme 嘅「逆時小黑瓶」精華外，仲有第二代極光水
試用日期： 14 Aug - 20 Aug

喺第一個星期用完「逆時小黑瓶」精華之後
第二個星期開始喺搽精華之前先用極光水
睇圖片都睇得出，極光水未搖勻之前係水油分離狀態
類似咁嘅精華我之前都有用過其他牌子
佢哋嘅作用都係想令之後再搽嘅護膚品更易吸收

我一向嘅護膚程序係
首先落妝洗面，爽膚水→眼霜→精華→面霜
咁今次就喺爽膚水之後就再用極光水
我會搖勻直接倒落掌心
然後雙手輕拍上面，再慢慢按摩直至完全吸收
極光水都係水狀，雖然未搖勻前見到有層油喺面
但倒上手係一啲油嘅感覺都無
氣味方面都係無好化學嘅味道
同精華一樣都係無乜味嘅

極光水都係非常之易吸收
感覺按摩完之後塊面變得好軟綿綿（唔知點形容比較好）
喺第二個星期同步配合用極光水+ 「逆時小黑瓶」精華
我感覺到皮膚狀態係比之前好
因為試用前一個星期係period到
通常都會爆瘡或出好多粒粒
但用完一個星期毛孔細緻咗
膚色好似明亮咗少少，比之前有光澤
（如果無影before after相可能就唔會睇得出）
皮膚狀態都穩定咗
呢期我仲要無用過面膜
每日都係最基本嘅潔面+護膚
咁都做到呢個效果我覺得好不錯不錯