LANCÔME

煥活修護精華 (逆時小黑瓶)

首先多謝@cosme 俾今次機會我試用lancôme 嘅「逆時小黑瓶」精華
試用日期： 7 Aug - 20 Aug

當日一收到夜晚就立即試用
其實今次收到嘅試用除咗「逆時小黑瓶」精華外，仲有第二代極光水
我真係有好乖咁跟從指示
喺頭一個星期首先重點使用「逆時小黑瓶」精華
為咗睇到效果，我仲停埋平時自己用開嘅精華

我嘅護膚程序，其實好簡單
首先落妝洗面，爽膚水→眼霜→精華→面霜


精華質地係水狀，易推易吸收
基本上塗上面輕輕按摩就好快吸收晒
之後再搽面霜都無好黏立嘅感覺
呢點我係非常之欣賞
而且係完全無味
無好化學嘅香味，應該係完全無加任何味
試用呢排咁啱有幾晚好夜瞓
而且又period，所以皮膚狀態唔算好穩定
不過用完真係睇得出毛孔係細咗
同埋佢保濕度幾好
瞓咗成晚冷氣房起身塊面都唔會乾
細紋方面可能用嘅時間太短
暫時無見到好驚喜
但我相信持續用多排應該係可以改善

圖一 未開始使用前
圖二 使用一星期，鼻翼附近位置毛孔明顯收細咗