防脫髮洗頭水 推薦好用產品

Sarah好用推薦：RYO 的洗頭水好用，清潔力好，用的時候頭皮會有清涼薄荷感。雖然人蔘味濃咗啲，但用咗一排又神奇地真係少咗啲掉髮。

Kpl6be6好用推薦：呢款防脫洗髮露香味怡人～用後髮絲有順滑感～頭髪少咗打kick及折斷情況～有足夠修護感覺～梳頭時明顯覺得髮絲無咁脆弱～質地清爽連 #夏天 都啱用！！(Be有配合埋同系列嘅頭皮精華使用～有感效果更顯注😃)

Jenny Fu好用推薦：冇特別亦冇效果。 本身頭髮偏細軟，中性髮質。 習慣每日洗頭。有脫髮嘅問題。 見到好多廣告，聲稱有效改善脫髮。 睇咗好多評價最後決定試吓。 先講第一感覺，洗完啲頭髮超級撠！ 雖然洗完唔乾，但洗嘅時候濕咗水非常撠。 洗頭已經甩咗好多頭髮。 但洗完吹乾又唔會特別墘，都幾順滑。 值得一讚嘅係控油力幾好，亦比到足夠嘅蓬鬆感。第二日keep到全日個頭都係好蓬鬆。 至於防脫髮效果就唔係好睇到，洗頭甩多咗頭髮就有。價錢都唔平，冇明顯效果，唔會再回購。

cat chu好用推薦：真的後悔不早點買GROWUS 洗髮護髮產品來用 用完頭髮脫少了，每次洗完頭都很清爽，我的乾燥粗糙掃把頭竟然有柔軟感呢！太喜歡喇 適合油性，脫髮嚴重的人士 用完個頭唔會乾，又唔會快出油👍，好爽嘅感覺

Chloeincosme好用推薦：因為頭髮經常燙染變得乾旱似草😑😑見到做特價忍唔住入手 Pantene爆水精華洗髮露！用咗真係驚艷～沖水時已經感受到頭髮好滑！吹乾後依然保持水潤光澤，仲有陣陣清新花果香！ 用前，頭髮睇落好乾 用後：順滑左🥺 🤍 水潤順滑：5/5 真係做到「爆水」感覺！沖水時手指可以輕鬆梳開發絲，吹乾後零打結，毛躁秒速消失～ 🤍 保濕度：4.5/5 頭髮充滿水分感，又唔會令頭皮黏膩，第二日醒來依然保持柔軟順滑～ 🤍 溫和潔淨：4/5 洗得乾淨又唔會過度清潔，頭皮零緊繃感，持續使用都冇出現頭痕或脫髮問題～ 🤍 性價比：5/5 萬寧特價買二送一超級抵用！一支可以用好耐，已經推薦畀成班同事～ 總結： Pantene呢支爆水洗髮露絕對係乾燥髮救星😍用完頭髮重拾健康光澤～會繼續囤貨，推薦俾所有受毛躁打結困擾嘅你！

Maggieyt好用推薦：之前用過保濕髮膜覺得都幾滋潤同順滑 見到洗頭水買一送一，就買黎試下，呢支洗頭水都真係好襟用，用左差唔多半年多先用左差唔多一支 個人用左差唔多一支，感覺唔到有做到強韌防斷功效，係做到綿密泡沫，洗完頭之後感覺係有水潤，但淨澈頭皮我覺得還可以，秋天冬天用會比較適合

maylam好用推薦：優點係起泡力強，洗完個頭好舒服 唔會好油/乾 但係只用咗一次 感受唔到係咪真係可以防掉髮

DorDor好用推薦：Kerastase 洗頭水用完頭髮蓬鬆，又有潤澤又有清爽的感覺，不過以洗頭水價錢來說有點小貴。

ying好用推薦：🌿 YVES ROCHER ANTI-CHUTE 防脫髮洗頭水 白羽扇豆強韌洗髮露 無硫酸鹽・94%天然成分 ✅ 甩少咗頭髮 配合安瓶一齊用， 甩頭髮嘅情況明顯減少。 洗頭嗰陣唔會再一堆一堆咁甩， 吹頭、梳頭都少咗好多。 ✅ 白羽扇豆成分 同安瓶一樣嘅核心成分， 可以激活毛囊、強韌髮絲。 由洗頭開始就護理頭皮。 ✅ 無硫酸鹽，溫和 Sulphate-free配方， 唔會過度清潔， 唔會刺激頭皮。 敏感頭皮都用得。 ✅ 94%天然成分 用落安心， 唔怕化學嘢傷頭皮。 ✅ 洗完唔乾唔笠 好多防脫髮洗頭水用完會好乾， 呢支唔會。 洗完頭髮仲係順嘅， 唔會打結， 又唔會笠。 #YVESROCHER #ANTICHUTE #防脫髮洗頭水 #白羽扇豆 #無硫酸鹽 #天然成分 #甩少咗頭髮

Tszki好用推薦：YVES ROCHER [皇牌] 防脫髮洗髮露 300ml 皇牌銷量No.1防脫髮洗髮露，蘊含水解天然白羽扇豆種籽精華、有機龍舌蘭精萃及維他命E，配方不含硫酸鹽，溫和清潔頭髮，同時鞏固髮根。使用後即時推動頭皮微循環，增加頭髮細胞養分供給、有效減少及防止頭髮脫落，頭髮及頭皮狀態慢慢回復至健康水平，頭髮更健康更亮澤。頭髮稀薄或脫髮問題髮質適用 我的頭皮比較容易出油，使用了防脫髮洗髮露，頭油分泌量減少了，質地啫哩狀加水起泡，有清新香葉味道，洗2次頭髮洗完頭髮後很清爽很舒服，改善了脫髮的情況。

Candy Ng好用推薦：長期見Mannings 做優惠時，它都被人一掃而空。而本人有脫髮問題，就買來一試。 老實講，佢價錢唔平，但係好用。它同其他脫髮洗髮水唔同，唔會令你的頭髮愈洗愈乾，而且護髮效果都不俗👍 買它來用，最重要係防脫髮效果，我係覺得再生出來的毛毛，沒有一梳就脫的情況。不過，在開始用時，會明顯見到脫髮情況多了，在購買它時，那位sales 姐姐都講了有呢個情況，所以我見到有呢個情況，都唔係好緊張🤣

Noel好用推薦：由2019年起，每次洗頭都會發現很多掉髮，實在非常擔心。後來請教護髮有道的姊妹，先知道 Return 這個日本品牌，結果就一直使用至今👍 洗髮露呈透明，流動性很高，亦容易起泡。我的頭髮及腰，需要使用兩泵左右。洗髮後，我比較喜歡將頭髮盤起，大約2️⃣分鐘，讓泡泡多留在頭皮上一點時間，之後才沖洗。 雖然，沒有發現長出更多頭髮或 bb毛，不過，洗頭時的掉髮問題大大改善‼️只有原來掉髮的 1/3，實在太值得了❤

choichoi好用推薦：沒有普遍日系洗髮產品容易使髮絲因「滋潤」而太油膩的感覺，本來髮量出不多但用後肉眼看上去有比較豐盈

Kelvin好用推薦：平時用最意用Hair recipe無花果，見到呢款個樽幾靚。Diane香水洗頭水👉🏻貴油夜間修復洗髮露，應該係賣得最好嘅款式🧖 如果有gel頭就用2泵，冇gel頭就1泵。洗頭水質地好稀，一泵都已經聞到好大浸香味，洗完頭開門全屋都聞到。 近排換季適宜用一啲水潤咁重啲洗頭水，頭髮就冇咁易出頭皮。頭髮用完冇咁乾燥，亦都冇咁嚡。頭皮都冇乜特別痕，而令睇落頭髮好健康有光澤，幾唔錯。不過佢就容量只係得450ml少過hair recipe，但味道就好香，交替使用都唔錯👦🏻

killkew.b好用推薦：繼試完Moist Diane既香水味沐浴露後， 今次試埋佢哋既洗頭水🙂 呢款洗頭水聲稱可以護養頭皮，強韌髮根及髮絲， 刺激頭髮生長，養育強韌髮絲❣️ 用既第一下好香，而且搓到好多泡， 洗完之後第一感覺係覺得成個頭好輕身好清爽🥰 而且成把頭髮係勁滑，居然有少少焗完油既感覺🙈 真心推介～～～～～

Kelvin好用推薦：冬天嘅時候用過石榴嗰支，感覺唔錯。今次買咗新出嘅試埋新出嘅生薑清茶洗髮露。 呢支出嚟有少少淡黃色，質地較稠身嘅洗髮露，並唔似石榴嗰支嘅啫喱狀，起泡係比較綿密厚身嗰種，都容易清洗。洗頭時會有一浸薑味，幾好聞。 呢支主打強靭豐盈，我既頭髮偏油性，出街半日就有點笠，而家夏天容易出油，不會回購。 #火熱新品

poonpoon好用推薦：本身自己頭髮稀疏較扁塌，頭髮屬於細軟，容易脫髮。 質地較稠身，容易起泡及沖洗，容易過水幾乾淨。洗頭水有好強烈嘅生薑味道，感覺可以去頭風，舒緩放鬆頭皮，媲美中藥牌子嘅生薑洗頭水。 洗完頭肉眼見去水位無成地頭髮，吹頭都冇咁易甩頭髮。暫時夏天天氣都冇話好容易出油頭髮，頭髮全日屬於正常狀態。 #火熱新品

hatty好用推薦：💛法之羽有機防脫髮洗髮露💛 蘊含有機認證迷迭香葉萃取，可以促進頭皮血液循環🩸強韌髮根，天然抑菌抗炎溫和不刺激😛洗髮露以低刺激嘅植物性洗淨劑為主要成分，透過綿密嘅泡沫將污垢洗淨，能使髮絲洗完後柔順不糾結且受損髮絲適用😏

Kura好用推薦：呢款洗頭水係無香味，用完之後真係幫助到頭髮生返d bb毛毛，洗頭水嘅質地係比較厚身嘅gel，加水容易起泡，容易過水清洗，產地係日本

Shirlin Ho好用推薦：呢支Dove嘅洗頭水係第一次買，諗住都係普普通通，唔會對佢有太大期望，點知用咗之後就有驚喜。 1.佢起泡力對我嚟講係滿意嘅，用少少就起到好多泡。🫧🫧 2.佢香味係持久，吹完頭到瞓覺個陣都仲有香味。 3.吹頭個陣好順，唔會撠住，攪到會甩好多頭髮😣😣 最重要係佢CP價真係好高，價錢一啲都唔貴，用多啲都唔肉痛呀👍🏻👍🏻

Kpl6be6好用推薦：呢支新配方有驚喜呀～真係幫手改善到我嘅"頭皮油+髮尾乾"狀況～使用後有感油頭情況減緩咗～但又唔會強力清潔到令頭髮變乾～反而更柔順易打理～另外香味都幾得人鍾意且留香到一整晚～

choichoi好用推薦：味道有韓牌一貫作風，明確的香味；容易起泡洗淨，但是對於防脫效果沒有很大感覺 #火熱新品

LorraineTsung好用推薦：勁香櫻花味，同埋係咖啡因洗頭水，有效防脫髮。 用完覺得個頭一啲都唔立笠，香味亦都keep到好耐，脫髮都明顯有改善到👍🏻

candykandy好用推薦：用完個頭冇咁容易出油，執陰可以保持到唔太油，氣味都唔錯，不過如果有多啲味簡會更好

Katrina好用推薦：用左3個幾月，頭皮出油量有明顯減少到。以往訓醒個頭就開始油，尤其後腦位置開始變笠。依家出左一日街都仲保持到乾爽感覺。配合埋同系列既護髮素頭髮有變得比較柔順，而且味道唔刺鼻，應該係原料味，聞落幾舒服。 但個人認為佢做唔到防脫髮效果，表示無感。

A&R好用推薦：Dove強韌防斷洗髮乳，乳白色洗髮乳，起泡力適中，泡沫柔滑易沖洗。清新花果香，洗完頭後有淡淡香氣，唔會太濃烈。洗頭髮洗得好乾淨。 洗完頭髮感覺乾淨但唔乾澀，髮絲柔順易梳。針對容易斷裂、脆弱嘅髮絲，提供滋養同強韌保護。價錢親民，性價比高。

Emma W好用推薦：Dove 髮源強韌防斷髮專注於修復和強化頭髮。用後感覺頭髮不再乾燥毛躁。對髮質感覺強韌左，但唔用護髮素後，有少少潤，又有點棘。 產品質地輕盈，香香的，少少水就有好多泡，容易沖洗。 適合肌膚：任何 成效度：3.5/5 持香度：4/5 易起泡程度：5/5 值得推薦度：4/5

Kura好用推薦：我本身有脫髮問題，用咗呢款洗頭水有十日左右，每日都用，味道好好聞，好有中草藥味，洗頭水嘅質地好清爽，用完頭髮自帶蓬鬆感，用完一段時間會發現頭髮會生多咗好多bb毛；脫髮問題都有所改善，本身稀疏嘅髮線都會開始變多，我亦都發現頭髮開始變到冇咁油，同埋呢款洗頭水價錢唔貴，值得繼續回購，推薦俾有脫髮問題嘅朋友，產地係韓國 @cosme

Giselle 好用推薦：呂 韓蔘滋養防脫髮洗髮液 (油性頭皮適用) *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列係呂最近呢幾年推出嘅防脫髮系列*ˊᵕˋ)੭佢一共出咗幾款洗頭水比唔同體質嘅頭皮使用"(⌯︎¤̴̶̷̀ω¤̴̶̷́)✧︎呢款係專門設計比油性髮質嘅人士使用(✿︎´ ꒳ ` )♡︎我油性髮質嘅屋企人話用完之後脫髮嘅情況係少咗少少(◍︎˃̶ᗜ˂̶◍︎)✩︎而且洗完頭髮之後頭髮亦都唔會變得太笠❤︎(｡☌︎ᴗ☌︎｡)不過佢嗰陣中藥材嘅氣味實在太突出(꒦ິ⌑︎꒦ີ)佢有少少唔太習慣一整日都聞陣中藥材味( ･᷄-･᷅ )

葉子🍃好用推薦：漢方藥味幾香，加水搓洗之後要停留5分鐘先洗頭，等佢可以吸收，本身間中頭皮會癢，用完之後無左呢個問題，頭髮甩少左、有蓬鬆感、摸落好柔軟、梳頭唔會卡住，下次可以試下貨裝

lingbb好用推薦：係好香嘅藥草味，係呢個品牌獨有香味，加水易起泡，洗完頭吹乾後頭皮好乾爽蓬鬆，可惜愈用甩髮愈多，所以唔係好適合我

葉子🍃好用推薦：微黃色，人蔘味唔算濃，可能加左綠茶關係，有清新感覺，泡泡唔多，但幾綿密，鐘意佢頭髮、頭皮都洗得好乾淨，頭髮又強韌左，梳頭同吹頭係有減少甩髮，無甘打結，易打理左，本身自己有染髮，都有返光澤感無甘旱，會繼續回購

Candy Ng好用推薦：我是因為用完該牌子的防脫髮精華，覺得好用才買埋它的洗髮水用。 用完之後，我沒有甚麼特別之感覺，只是覺得即使日日用，都不會覺得髮質變得比較乾旱，或者好油立立冒感覺。其他的，我就沒有甚麼感覺了🤷‍♀️

choichoi好用推薦：用後的確有脫髮稍稍減少的情況，而滋潤度對於身為乾罕髮質的本人來說在夏天則有點「厚重」

choichoi好用推薦：在萬X進行優惠時購入，大約六字頭左右，價格屬於相宜；太滋潤的洗頭水會令到當晚使用後不久就直接於頭皮長頭瘡，這款沒有這個情況且滋潤度適中，更重要是改善了我頭皮中央經常痕癢的情況

iliya 好用推薦：呂 Ryo 係韓國出名嘅洗髮護髮品牌，起泡量適中，洗完嘅頭髮十分乾淨，非常好用！ 用呢款洗頭水洗完頭之後完全唔見有頭皮屑，又有止癢嘅作用，最適合秋冬乾燥嘅時候用。