專櫃眼霜 推薦好用產品

Kelvin好用推薦：Lancome發光眼霜主要嘅功能係撫平眼紋，佢個質地好似啲輕盈嘅gel咁，乳白色有啲水潤，勁易推開。搽少少就夠搽晒成個眼周，朝早起身用都唔會覺得油淋淋。氣味係淡淡嘅清香味，都幾好聞👀 平時搽眼霜，最怕都係過油，黏住對眼，但係lancome 呢隻完全冇呢個問題。我用咗兩三罐，眼肚啲細紋好似淡咗少少咁，主要係夠滋潤眼周。佢係俾我感覺上較為着重保濕，適合二十幾至三十中嘅人士。佢唔會誇張到可以去眼紋，但如果你淨係小小輕微眼紋黑眼圈純粹乾燥，就比較適合了。

Fish Tse好用推薦：眼周係好容易會暴露年齡既，所以要keep住睇落去後生d，重點保養眼周好重要，我都試過好多品牌既眼霜，效果都唔係太顯著，網上睇到哩款評論所以買黎試下 我本身係黑眼圈比較嚴重，只有一條淺淺地既紋，所以我係好關注減淡黑眼圈，當中有透明質酸、維他命CG等成分有助減淡黑眼圈、細紋、增加柔滑度，仲可以鎖水 佢地質感係類似mousse，我會攞一粒黃豆量去用無名指揉搓一下之後慢慢沿住成個眼周印，手指有溫度有助皮膚去吸收，慢慢印唔會令到皮膚有拉扯產生細紋，暫時我用到效果都ok，最緊要滋潤得黎眼周位冇生粒粒

Calvin好用推薦：黑繃帶眼霜同晚霜一樣有30%高濃度專利玻色因，因此用後皮膚潤滑，黑眼圈亦有所減淡。唯獨價錢太過進取，預算充足者可入。

Ching好用推薦：哇，這款真的是我最近的救星！之前在 @cosme 看到好多好評，終於忍不住買了一瓶（雖然價格有點貴，但值了）。 質地是透明的膠狀，感覺有點濃稠但不黏膩，推開後很快就吸收了，不會悶悶的。原本的細紋有點淡化，保濕效果超好，感覺像被修復了一夜。 總結來說，值得推薦給有抗老需求的朋友，尤其是 30 歲以上或皮膚容易疲勞的。雖然不是神奇藥，但持續用真的有差！下次會考慮回購大瓶的。 #EsteeLauder #小棕瓶 #夜間修復 #抗老精華

Karina Ko好用推薦：Estée Lauder advanced night repair 呢條line 一直都係呢個品牌嘅暢銷產品，但礙於價錢嘅關係一直都未試😂自從踏入30歲，眼尾位置就出現左啲細紋，嚇到即刻買返啲保濕抗老產品，如果衰老咗就好難將肌膚逆轉🙈尤其女仔真係水做嘅，要時時補水先可以達到抗老嘅效果🫶🏻 呢個冬天就買左 Estée Lauder advanced night repair ge eye cream呢款眼箱係gel狀，好易推開，搽嘅時候唔會拉到眼周嘅皮膚，減低再出細紋嘅機會！同埋佢係好水潤，搽完眼同好似飲飽水咁。好適合冬天、或者長期處於冷氣嘅地方，時時都幫皮膚補水，咁就可以減低埋出乾紋嘅機會！佢只有少量香味，感覺上好天然，用落好舒服，亦唔會出油脂粒，難怪一直係呢個品牌嘅王牌產品！ 雖然價錢唔平，但佢嘅效果係值回票價嘅👍🏻

mandy好用推薦：Clarins Total Eye Lift 提拉撫紋修護眼霜 $670 / 15ml 功效：抗皺+緊緻+提亮 提拉撫紋修護眼霜的質地是乳霜狀，延展性不錯，非常好推開。成分方面，添加了眾多美肌成分，包括：保濕、抗衰老、鎮靜消炎及抗氧化等成分。 配合在眼周輕輕按摩，可以有緊緻拉提的效果。 由於本人患有鼻敏感，長年有黑眼圈，使用提拉撫紋修護眼霜後，黑眼圈有稍為提亮，但未能完全消失。笑的時候容易有少少眼紋，用了提拉撫紋修護眼霜後，眼紋變淡了很多。 含保濕成分：乳木果, 氫化椰油甘油混合酯, 戊二醇, 維生素原B5, 甘油, 鯨蠟硬脂基葡糖苷, 對羥基苯乙酮, 矽靈, 乙基己基甘油, 醋酸鹽維他命E, 丁二醇, 聚二甲基矽氧烷醇, 蠕蟲狀叉紅藻萃取 及 葡聚糖 抗氧化成分：乳木果, 咖啡因, 對羥基苯乙酮, 燕麥仁萃取, 醋酸鹽維他命E, 七葉皂素, 馬達加斯加哈倫加那萃取, 蠕蟲狀叉紅藻萃取 及 叉珊藻萃取 抗衰老成分：乳木果, 甘油, 咖啡因, 對羥基苯乙酮, 醋酸鹽維他命E, 七葉皂素, 馬達加斯加哈倫加那萃取, 蠕蟲狀叉紅藻萃取, 叉珊藻萃取 及 乙醯基四肽

Water好用推薦：超容易推開，小小份量已經足夠揸哂兩隻眼，滋潤得黎唔笠唔會生粒粒，但改善細紋效果唔算明顯。小貴，有其他更好選擇。

Yuki好用推薦：官網買野送嘅贈品質地厚重豐盈 帶淡淡花香延展性非常好 輕易就可以推開瞬間轉化為油狀 滋潤感十足帶有油膜感 十分適合乾肌同熟齡肌 但鍾意清爽產品嘅 就未必合適喇 同埋化妝前用會浮粉 感覺夜晚用會比較好

Fng好用推薦：cle de peau 眼霜質地比較潤，秋冬天氣用perfect ，它有淡淡清香，質感絲滑。 升級版用起來更清爽，滋潤感同樣足夠，用少少份量，用手指腹部輕輕拍上眼底週圍，輕輕按摩，一段日子後，感覺眼部細紋和黑眼圈明顯有改善 ，又不會起油脂粒。 內帶咗一個小按摩棒，非常方便，能充分促進眼霜吸收。我用了幾年，它仍然係我嘅至愛眼霜，崇光一做promotion 必買產品之一。 #我的崇光感謝祭必買眼部護理

Kmggigi好用推薦：呢款眼部精華配備咗特別設計嘅按摩棒， 唔需要用手指就可以輕鬆將精華塗抹喺眼周， 而且按摩棒能夠順便輕輕按壓眼周， 幫助促進吸收同舒緩疲勞，使用體驗非常貼心！ 質地係白色乳霜狀，輕盈而水潤， 塗抹之後快速吸收，完全唔會有油膩感， 用喺眼周皮膚上特別舒服， 適合日夜使用為眼部肌膚補充水分。 用後感覺眼周肌膚有保濕效果，變得更加滋潤柔軟， 但至於減淡黑眼圈方面，暫時未見到明顯效果， 需要更長時間觀察。

zzzhelen好用推薦：依款眼精華質地有少少凝膠狀，使用感清爽易吸收，一啲都唔笠，好適合香港濕熱天氣使用。妝前使用都唔會有擦膠碎。我有眼下細紋同乾紋問題，都見到有改善、減淡到。 不過以產品設計黎講，用到最後，按摩棒好難攞到合適既產品份量，一隻眼要攞3，4次先攞到足夠份量。但一開始既時候，又會攞得太多

Cole Cole 好用推薦：眼霜效果唔錯，一擦落去好快吸收，好絲滑。第二日已見到有效果，冇出油脂粒。會買正貨繼續用。

維他他好用推薦：成日覺得眼霜可有可無，因為搽面霜嗰陣我會搽埋，冇咁細分眼同面，而且之前試好多眼霜都覺得冇乜效，但今次Kiehls呢個有驚喜，用左一段時間眼紋真係少左，淡左，而且吸收好快唔會有油脂粒，唔錯

Meowmeow 好用推薦：我要反映一下好衰㗎一定要人影相😂萬一人哋用曬冇咗個樽又想寫心得咁點算😂好彩有sample😂 言歸正傳先，佢係需要一個按摩嘅眼霜所以佢質感會厚重少少，眼皮本身比較乾嘅人可以唔使按摩都鍾意個質感。但係呢個眼霜自重新升級版之後，質地雖然差唔多，但去紋效果大大提升👍雖然出面話佢係一個全效眼霜，但真心用落，我覺得針對紋理係最大效果嘅。佢可以唔靜止揸眼，任何有紋理嘅位置都可以用得，例如法令紋，川字紋，抬頭紋，眉心紋。雖然唔會話一兩樽就有好大嘅效果，但係堅持使用會有驚喜。

Kitty 好用推薦：呢款眼霜嘅質地好似綿密嘅米黄色奶霜咁，推開好順滑～用完短期內已經覺得眼周有種充盈感，望落後生咗啲，疲倦感都減淡明顯，呢點真係好驚喜！最難得係朝早薄薄塗一層之後，同我隻眼部遮瑕都完全唔會搓泥打架，真係要加分😃 不過講到缺點呢，用到後期就覺得冇咩感覺喇……所以建議大家可以不需買太大容量，試吓先，用完之後轉其他眼霜，隔一排再翻用返呢隻。每次重新用都會再次愛上，但過一陣又會有啲厭棄。。。可能佢曾經係現象級產品，但而家好多平價眼霜配方都越嚟越好，效果同膚感都慢慢追上嚟喇～ 成分方面都幾豪華：B5、白池花籽油、牛油樹果脂、高純度玻色因、玫瑰精油，仲有溫和嘅水楊酸衍生物幫手剝脫老廢角質，整體都係偏向修復同滋潤～預算充足嘅姊妹，如果有興趣可以試吓！

zetalhc好用推薦：呢個眼霜夜晚搽唔會覺得黐立立，搽左一個星期左右覺得黑眼圈同埋眼部周圍嘅細紋都少咗。唯一係覺得質感有少少厚重，朝早搽可能會覺得有啲難推開。

劉肥貓好用推薦：只需用約一粒米嘅份量就足夠 㨲對眼 我會建議係秋冬天用 因為佢滋潤度比較高 比較 傑身

Kura好用推薦：呢款眼霜我第一次用就已經愛上，質地係偏厚實嘅cream，但搽上眼部肌膚係超快吸收，同埋我化妝前都會用嘅一款眼霜，呢款眼霜可以快速撫平我眼部周圍嘅細紋，可以令到我後續化妝眼周嘅細紋都冇咁明顯，用完呢款眼霜之後令到我嘅黑眼圈得到超好嘅修復，眼部浮腫問題都有改善，我一年四季都超鍾意用呢款眼霜，因為冬天用滋潤度非常夠，用完呢款眼霜我後續化妝眼妝卡粉現象都有所改善，令到我對眼都望落去更加精神，同埋呢款眼霜帶去旅行都係超級方便，我會繼續無限回購呢款眼霜，因為真係好好用，非常推薦俾所有有眼部問題嘅朋友 @cosme

maylam好用推薦：好少用Bobbi brown嘅護膚品系列 第一次用佢嘅眼霜 都幾好用幾滋潤 冬天比較啱

莓莓好用推薦：Hello姊妹～今日同大家傾下Kiehl's呢枝牛油果眼霜，我用咗一排，真心想同你哋分享下感受。唔好俾佢個綠色膏狀嚇親，其實用啱方法係幾好用的！等我一五一十同你講下啦～ 質地係點？ 佢係一pat綠色嘅膏狀，望落好似幾「笠」咁，但其實係fake！ 重點：一定要乳化！ 你記住，唔可以就咁一「pat」啪上眼！要用手指捽到佢變透明、變水狀先得。如果唔係，你會推到成眼都係，仲要起擦膠碎，最慘係生油脂粒，到時真係喊都無謂。 用完咩感覺？ 老實講，乳化咗之後係好滑好舒服，feel到眼周飲飽水，乾紋淡咗，上妝都順啲。但你要記住，佢淨係保濕咋，黑眼圈、皺紋呢啲，佢真係搞唔掂。 啱邊個用？ 如果你係年輕肌、眼周冇乜大問題、淨係想保下濕，咁呢樽幾適合你。但如果你係想抗衰老、去眼圈，咁就唔好揀佢喇。 評分（🌟=1分，滿分5分）： 保濕滋潤度：🌟🌟🌟🌟🌟 呢樣真係冇得輸，乳化後飲飽水，乾紋即時淡咗。 去黑眼圈：🌟 基本係0，唔好FF佢做到任何嘢。 去皺/抗衰老：🌟🌟🌟 對乾紋有少少幫助，但真皺紋、鬆弛就搞唔掂。 易用度：🌟🌟 要乳化好麻煩，趕時間或者懶起上嚟真係會 skip。 性價比：🌟🌟

Emily Leung好用推薦：我會無限回購🥑科顏氏牛油果眼霜 像我們經常玩手機的姐妹們，眼周肌膚出現暗沈乾燥的！！！眼周長細紋的，給我閉眼衝這一款眼霜就可以了！本人用空好幾罐了，無限回購中！ 牛油果的顏色真的很特別，而且質地真的跟雪糕一樣絲滑！🥑打開來的話是一股濃濃的牛油果香味，裡面主要富含牛油果精華➕乳木果精華。 用之前記得用指腹乳化一下再在眼周推開，這款眼霜真的很好吸收，而且吸收完之後皮膚超級潤滑不油膩，可以適當得按摩放鬆眼部，別提多舒服了！ 女孩子要要對自己好一點，因為眼周這一塊比較脆弱也是最暴露年齡的一塊！眼霜選對，事半功倍哦！

Fng好用推薦：GUERLAIN 御庭蘭花微精粹眼霜 ORCHIDÉE IMPÉRIALE THE MOLECULAR CONCENTRATE EYE CREAM 20ML $2760 適合乾皮的我，用咗感覺夠滋潤保濕，沒有起油脂粒，雙眼皮膚緊緻咗，輪廓提升，撫平一些眼睛表情紋。唯一缺點。。。。。貴!💳💰

格仔餅公主好用推薦：滋潤度非常夠，年紀大或者想開始抗衰老都岩用，細細罐但每次只需要用少量，所以都用到好耐，有陣淡清香，聞落舒服，我覺得去紋唇效果唔錯

Josephine Lau好用推薦：質地清爽，不會太過黏笠，不會導致生油脂粒。 考慮可能會回購。

Kelvin好用推薦：半透明啫喱霜狀質地，推開後感覺到有好多水份，保濕度高，眼睛周圍得以舒緩。依種啫喱狀嘅質地，用無名指去按壓眼周可以減輕浮腫，但可能真係比較夜瞓，退黑眼圈感覺弱小。眼霜可以令到眼部周圍的皮膚增加彈性。即使眼霜入眼都冇刺痛感👀

橘子貓好用推薦：Plantscription Anti-aging Eye Treatment 有點失望的產品⋯⋯因為是看到素人推介，最有效去眼紋的眼霜，又自己買前做過功課，本着很大期望去使用。 眼霜是啫喱狀，有點草本香氣，水潤易吸收，推開是帶一點點稠度的眼霜。膚感絕對過關。 可惜用了近2/3瓶，無論我嘗試厚敷、或者每天加密塗抹次數，亦未見任可去眼紋或黑眼圈的效果。 不過不失的眼霜。可能期望越大，失望越大。

Noel好用推薦：因為好友推介而入坑，這個 eye cream 感覺很不錯，薑黃色，比較厚及稠的凝霜質感，帶點 Origins 草本香🌱 這個眼霜非常滋潤皮膚，只要塗少許就能令眼周皮膚水潤，很舒適的感覺👍 難怪大家也大推❗喜歡這個眼霜，上眼感覺不厚，眼皮沒有出油脂粉，好比高價位及專櫃品牌的 eye care 產品❣這個必須要回購，my ride or die💚

JuneL好用推薦：眼霜質地乳白色的凝乳狀, 質感輕盈, 不黏膩, 延展性很好! 配合眼霜全新採用的按摩塗抹器, 打圈按摩數回, 已經被肌膚完成吸收, 而且使用時更會感到冰涼感覺, 令按摩同時更能有效舒緩眼部浮腫, 十分方便! 

Kpl6be6好用推薦：質地輕柔～一粒豆份量已夠易推開～咁就唔會推出眼紋～同埋唔油膩～用完一排都冇出油脂粒～

Carol好用推薦：用咗咁多罐眼霜都唔覺有邊罐眼霜特別出名好用或者有感，不過呢罐眼霜暫時係我用過最有感嘅🥰🥰🥰其實佢幾潤身，好保濕，我自己冇去乾紋呢個需求但我覺得佢或者對乾眼會幫到手🥳🥳佢潤得嚟係吸收快仲要唔會起油脂粒嗰隻😍仲有佢去腫效果幾work，以前嘅我臨瞓前飲下嘢有時第二朝會眼腫，搽咗佢無論訓得多定少，臨瞓前有冇飲嘢眼腫方面都好咗好多😍😍起碼雙眼皮明顯番 我見佢成份仲有常見美白成分Nicotinamide，雖然我test唔出但照成份睇可以去黑眼圈或者提亮眼周☺️好似$6xx一罐，除咗貴冇缺點😘😘

Luvty好用推薦：​這款眼霜我已經回購兩次 它的設計自帶陶瓷按摩頭，搽完眼霜再用按摩頭幫助吸收得更好 早上起床用來按摩眼周，消水腫效果顯著 它的質地清爽好吸收，不用擔心會長脂肪粒 持續使用一段時間後，黑眼圈都有微微減輕 鍾意佢溫和唔刺激嘅配方，即使是敏感肌用起來也非常舒服

LenaC好用推薦：呢排沉迷煲劇 返工已經成日要睇電腦 又夜瞓 黑眼圈眼袋出晒嚟 為咗急救一下 決定揼本試試Caudalie 新出嘅抗黑眼圈眼霜 希望可以改善浮腫同埋黑眼圈 佢嘅主要成分係 : 葡萄蔓萃取液, 維他命B3, 咖啡因 都係純素成分 而且97%係天然成分 不含合成香料 所以都可以安心使用☺️ 佢質地係乳霜狀嘅 超級輕盈‼️ 好易推開‼️‼️ 最鍾意嘅係佢特製嘅陶瓷按摩頭 有種冰感嘅按摩效果 幫助擊退浮腫 我成日都鍾意用佢喺眼袋度推 用咗一個禮拜 好似有啲啲好咗？🫣🤣🤣🤣（心理作用？） 唔緊要啦好似冇咁紅腫？ （可能燈光問題 影得唔係咁好啫？😅🤣🤣） 再堅持用多陣🥹🥹‼️ #火熱新品 #BA照

Katrina好用推薦：質地有少少厚身，不過唔算難推。有淡淡嘅味。用咗一段時間，滋潤度適中，冇起油脂粒。但一樣有細紋同黑眼圈。另外唔知係咪同我其他護膚品唔夾，好易起擦膠碎。對我嚟講唔會回購。

Kim Chan好用推薦：Guerlain殿級蜂皇祛紋眼霜: 質地厚身的cream 狀，用後眼部即刻感覺滋潤，有緊緻的效果，淡化眼紋同收眼袋方面唔錯啊，有明顯的改善，用過好幾款牌子的眼霜，呢隻會回購☺️

takemyokane好用推薦：聲稱有排毒去水腫配方，但不太明白排毒在哪裡？透明啫喱狀非常清爽易推不厚重，一般保濕夠用，除此以外沒有什麼特別之處。

km好用推薦：之前買佢產品嗰陣有送眼霜嘅試用裝 用完之後覺得佢嘅質地好清爽 啫喱狀 唔係乳霜嗰隻質地 我眼附近嘅皮膚都比較敏感 如果用咗啲好油嘅眼霜 好容易會生油脂 但係用佢完全唔會 好快就吸收 所以用完 送嘅試用裝之後 就決定買佢嘅眼霜

zetalhc好用推薦：呢個係主打保濕嘅眼霜，有手手去黑眼圈同去眼紋嘅效果，質感都幾水潤唔油膩

Noelle S好用推薦：如其他粉紅line產品一様，質地介乎啫喱與乳霜之間，十分保濕。滋潤得黎又唔笠，春夏特別啱用，秋冬就可能要再rich啲既眼霜。正常一般保養用，有效保水，持續用細紋望上去就好似淺咗啲，黑眼圈就冇乜減淡效果。