安瓶 推薦好用產品

Ceccinmydin好用推薦：L'Oréal呢款面膜，用落有驚喜，真心大推！係保濕神器✨ - 面膜紙超薄又貼面，面膜含33g高濃度精華液 ，精華多到可以抹手腳，仲有獨特安瓶注入設計，用嘅時候將精華壓爆注入乾嘅面膜紙，好有新鮮感💯 - 精華液水潤唔笠，敷完唔洗過水 - 保濕效果好，即時補水，敷15分鐘之後皮膚乾紋即時隱形，毛孔睇落細緻咗，推介一星期定期敷2-3次🙌 - 試過忙完一日之後敷，塊面即刻褪晒灰黃感，後續護膚品都吸收得好快👍 我絕對會回購！平價但效果拍得住專櫃，CP值超高😆

Wkk好用推薦：我認為保濕效果非常好，在化妝之前敷上一塊，基本上不會卡粉或者妝面斑駁

Kitty 好用推薦：最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！ ✨ 第一印象 ✨ 一打開盒，見到佢係錫紙包裝，感覺幾高級同衛生。 💦 精華液多到瀉 💦 拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。 🧖‍♀️ 上臉感受 🧖‍♀️ 塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！ 敷咗大概15-20分鐘，其間塊面都係保持住水潤感，唔會話好快乾。 🥰 效果檢討 🥰 到最緊張嘅環節——除下面膜！ 真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！ 👍 優點總結 👍 1. 保濕力超強：玻尿酸真係名不虛傳，深層補水，抵禦乾燥一流。 2.

Fng好用推薦：AHC 安瓶精華纖維面膜急救補水夠力💯 ✨ 面膜質地與精華量 AHC呢款面膜採用纖維面膜紙，厚度適中，剪裁貼面，尤其鼻翼同下巴位都好伏貼！精華量多到可以擠出嚟搽頸同手腳，質地清爽唔黏笠，敷15分鐘後面膜紙依然濕潤，適合香港夏天怕黏膩嘅混合肌～ 🌟 即時補水與修復效果 主打高濃度B5同玻尿酸，試過曬後敷一片，面頰泛紅同繃緊感即時舒緩，毛孔睇落細緻咗！補水力足夠維持到第二朝上妝零卡粉，但緊緻或美白效果唔明顯，主要針對基礎補水同維穩～ ⚠️ 局限性 價格中上（約$40/片），日日敷會肉痛。香味略重，敏感肌要先試耳背。纖維布承載力不及生物纖維面膜，精華容易滴落～ 🆚 同品牌產品比較 · VS AHC B5安瓶面膜（經典版）：經典版面膜紙較厚，精華更濃稠，保濕力更強但夏天用稍潤；纖維版則更輕薄透氣～ · VS AHC黃金錫紙面膜：黃金版主打抗老同提拉，適合輕熟肌；纖維版專注補水，適合年輕肌或基礎護理～ · VS AHC膠原蛋白面膜：膠原版針對彈性同光澤；纖維版則純補水，功能較單一～ 💡 使用心得 混合乾肌可以放雪櫃冷藏5分鐘後敷，即時降溫又收毛孔！一星期用1-2次做集中保濕已足

Tiffany好用推薦：好水，好易吸收。用完同用之前無明顯分別的精華。 但本人覺得性價比不高，一盒只有7枝賣$139，比許多專櫃精華都貴多了。

橘子貓好用推薦：Rejuvenate Deep Hydration Ampoule 朋友贈送的。 第一次見安瓶非玻璃材質，而是塑膠的，挺不錯，不怕打破瓶子。 精華無色無味，質地如水，補水效果還可以。用來敷面膜時作打底還是可以的。暫時未有感覺與普通精華有何分別。

Kpl6be6好用推薦：#火熱新品 蘊含胺基酸精華水及 PTD 胜肽成分～係一支高保濕力透明安瓶～可以為肌膚注入彈力保濕感～有助抗皺&整頓肌膚紋理🫶🏻😚😚質感水潤唔黏笠～吸收得好快！！

amyng888好用推薦：質地水感快滲透，一次過幫皮膚保濕、緊緻、撫平皺紋，可以好好呵護乾燥、敏感肌😊

貓餅好用推薦：呢支安平瓶有11%嘅高濃度透明質酸配方，可以幫肌膚強力補水，保濕，抗氧化同緊致，安瓶質地清爽不黏，佢係透明色嘅，用完之後好滋潤，唔會阻塞毛孔

choichoi好用推薦：質感很清爽，這款安瓶屬日間與夜間都適合使用，我會在妝前打底，粉底更加貼服皮膚；而皮膚敏感的時候用它有穩定功效，蠻驚喜；基本上是一款挺適合任何時間都使用的👑 #火熱新品

iliya 好用推薦：呢款安瓶精華蘊含品牌靈魂成份白松露萃取，主打抗衰逆齡，可惜價錢真係比較貴🫠

choichoi好用推薦：隨着年紀漸大、開始需要增加肌膚的健康感及光澤度，這款安瓶可以滋潤肌膚同時讓肌齡整體看上去更年輕！

Jasmine Yuen好用推薦：冬天皮膚乾燥用，或者打斑後用，會覺得好吸收好滋潤。呢啲時候一用就會用哂1支吸收哂 但係夏天用嘅時候，會覺得有啲笠痴痴嘅感覺，夜晚搽完半支已經吸收完，我會留嗰半支翌日早上用。 有啲笠既關係，用完唔可以搽防曬／化妝，會起屑。

HYL好用推薦： 因為玻尿酸是補水 鎖水 所以塗完安瓶後應後續補水 這樣皮膚才會更好的補進水 第二天起床 感覺皮膚水水的

hellolulu好用推薦：專櫃購物獲贈試用裝，超迷你瓶身配搭滴管非常可愛，使用起來取量亦方便👍 安瓶精華透明無色，帶微微belif一貫草本氣息，初時略感杰身但容易推開和吸收。現在夏天悶熱天氣下，早上潔面爽膚後取三至四滴即可塗滿全臉作基礎保濕，後續面霜和防曬。 暫時使用了約兩星期感覺不錯，但論保濕度和舒緩感，個人還是最愛品牌的匈牙利女皇保濕鎖水精華👍

zetalhc好用推薦：個人幾鍾意呢一個牌子嘅護膚品，成份很天然很適合敏感肌。精華用咗一排感覺毛孔細緻咗，而且好保濕，之後使用嘅護膚品都很容易吸收，會一直購入！

choichoi好用推薦：有穩定膚況跟改善乾細紋的效果，質地容易吸收不會黏笠，加上四季都適宜使用，會再回購

mandy好用推薦：Su:m37 Water-full Intense Enriched Ampoule 水漾補濕深層潤澤安瓶 $1180/ 15ml x4pcs 功效: 深層補濕、提升肌膚彈力 及 抗皺 質地水潤如濃縮精華， 延展性佳，可在全面均勻推開。 保濕力極強的一款安瓶， 比水漾補濕免疫力精華還要水潤保濕， 塗抹在面上後極速滲入肌底被肌膚吸收， 完全不油不笠，沒有黏笠感。 使用後，肌膚更水潤補濕幼滑透亮及富彈性。 水漾補濕深層潤澤安瓶一套4枝， 每星期(早、晚)用1枝，是為期4星期的密集補濕療程。 大家如果覺得面部變得乾燥， 可以即時使用水漾補濕深層潤澤安瓶急救肌膚， 比用精華更能直達肌底，加強補濕。 除了擊退乾燥，肌膚保持水潤保濕也可以減少 在秋冬季因太乾燥而敏感泛紅或膚況不穩。 水漾補濕深層潤澤安瓶價位走貴婦路線，而且 較少做優惠，但使用感及品質非常好，真想去韓國入貨。

Milo101好用推薦：➡️小安瓶很適合去旅行時攜帶，特別是到氣候很乾燥的地方 ➡️在瓶底倒著按一下就可以得到剛好的份量，瓶身設計不易污染 ➡️ 質地是啫喱流質，塗在面上輕掃吸收，有很好的保濕作用 ➡️雖然小貴，但每支可以用到一至兩星期，想追求美容院級溫和潤澤感、又沒時間到美容院或敷面膜的，可以考慮

Fng好用推薦：🌿 最近天氣時乾時濕，塊面有少少泛紅同唔穩定，即刻試下呢支國民修護精華beplain 積雪草修復安瓶 II係咪真係咁厲害！ ✨ 質地與成分：清爽如水，成分純粹 一泵出嚟係完全透明如水嘅精華液，流動性極高，質地真係非常輕薄！💧推上臉嘅感覺好似搽緊爽膚水咁，咻一聲就吸收晒，皮膚即刻有種補咗水嘅感覺，之後係零黏膩、零負擔嘅清爽感，夏天用或者怕黏笠嘅朋友一定會愛上！成分表非常乾淨，主打高濃度積雪草萃取，冇香料、酒精，睇落就令人好安心。 🌿 修復舒緩效果：鎮靜泛紅，即時降紅！ 呢支安瓶最出色嘅地方，真係佢嘅即時鎮靜效果！😌 我有幾日皮膚因為溫差有少少泛紅同微癢，一搽上呢支精華，嗰種「熱熱地」同唔舒服嘅感覺好快就舒緩咗落嚟，肉眼可見嘅泛紅都有減退。佢唔係藥膏咁「狠」，而係一種好溫和、慢慢將皮膚情緒安撫落嚟嘅感覺。對於唔係嚴重敏感，但容易因環境刺激而泛紅嘅肌膚，佢係一支好好嘅「日常舒緩鎮靜劑」。 💦 保濕與維穩：打好健康肌底 雖然質地清爽，但保濕力對我哋偏乾肌嚟講，單用喺秋天係唔夠㗎！🍂我嘅用法係：洗完面後即刻搽佢，趁皮膚還濕潤時鎖住水分，之後一定要再疊加保濕力更強嘅精華或面霜。持續使用咗兩星期

hmpanda好用推薦：質地很水很快吸收，用完沒太大感覺，就很普通，保濕還好，降紅功效沒有。

YolandaAuYeung好用推薦：聽說這支安瓶蘊含一整枝35年根的野山人蔘制成，所以成分更濃縮，氣味相當"人蔘" (笑)。 我是全面使用，化妝水後使用，有助增強肌膚防禦能力，暗瘡暗粒的確減少了，而且令肌膚看起來滿滿光澤感，效果十分明顯！

Kna好用推薦：佗BB嘅時候，因為荷爾蒙轉變令到我皮膚嘅變化好大。以前好日唔生暗瘡，依家成係額頭同下巴生瘡，仲要無”龍“頭嘅。依款瘡好難謝同埋好易有印，真係好慘。 擦好多野都搞唔掂（茶樹呀，暗瘡膏呀…） 於是倒晒屋企D sample出黎，搵到依枝野出黎。用左1，2日，d瘡開始謝，而一d啱啱想出黎嘅瘡就已經謝左。d瘡謝完之後仲要無印，而且爆瘡嘅情況改善左。大幾用左3個星期，我已經無再生瘡。（可能因為步入中期孕期）不過佢真係令到d瘡謝得快左，最重要係無印，同埋可以殺死萌芽階段嘅瘡。 不過如果要依個價就……

Heychauchau 好用推薦：用完後皮膚當下有水潤而且淨白感，面膜的精華很多也很濃稠，適合配上導入機使用幫助吸收，但效果不太持久，隔天皮膚的亮白度有差，不太覺得有明顯變白。

格仔餅公主好用推薦：用完塊面即時有亮白左，用左排唔覺淡到斑，但用黎改變膚色提亮感就好有幫助，絕對係值得試

Circlecyy20好用推薦：用到兩周後 皮明顯有白滑及透亮 但是價錢實在太貴 會在重要場個前數日才使用

Kna好用推薦：好勁，第1次用，唔洗用晒1set已經要買過d粉底。之後每年會買1或2次進行保持，佢係我用過效果最出嘅美白。今年已經第3年用佢。夏天用都幾保濕，冬天就必須要打好個保濕底。 佢連埋枝去角質，其實幾好用，但皮膚較簿嘅位用完會有少少泛紅。用佢嘅循環精華打底可以避免依個情況。 同埋我係感敏肌，係生理期用佢會有少少泛紅，但平時就無咩事。

格仔餅公主好用推薦：草本味幾好聞唔會好攻鼻，顧地偏向水潤唔會上面好笠或者勁難吸收，所以都岩痘痘肌，用黎改善到石頭瘡同退紅

keinice好用推薦：維他命C精華主打均勻膚色，這款精華更加有Niacinamide 的成分，可有效改善暗粒和色素沉澱。 我很喜歡這款精華的質感，不會太油膩，而且容易吸收，效果亦比我想像中快，使用一星期後皮膚已有明顯的提亮，暗瘡印也有加快的變淡，日夜我也有使用。 使用後要注意防曬，可加強效果。 #清痘大作戰

keinice好用推薦：【2024】 在今年夏天開始嘗試這面膜， 剪裁貼面而且有效的保濕效果。對於在室內經常有冷氣的乾燥皮膚有很大的幫助，於秋冬保養亦十分不錯。 用後皮膚十分水潤，而且有健康的光澤。

Kna好用推薦：質感好濃稠，好保濕。後面可以搽少d野。 試左大約2星期，睇唔到有美白效果，可能試嘅時間有d短。但係依2星期額頭同近鼻嘅面位多左粒粒。但只要唔用佢幾日就無左。可能同佢唔夾。

Candy好用推薦：感覺唔錯，好保水，不過價錢有d貴！

mandy好用推薦：Su:m37  Fleur Regenerative Serum 御蘭緊緻煥活安瓶精華 $1220/ 50ml 功效: 修復肌膚屏障(回復健康)+抗衰老+提亮 Sample 是購物贈品。 御蘭緊緻煥活安瓶精華來自具抗衰老功效的御蘭系列。 質地水潤幼滑，保濕力和延展性極好，可輕易在面部均勻推開。 使用感很舒適，塗抹在面部時有少少黏， 但推開後則很快被肌膚吸收並變得清爽。 市面上部分抗衰老護膚品的使用感頗為黏笠(有些潤到拉絲)， 御蘭緊緻煥活安瓶精華已是比較清爽的質感。 使用御蘭緊緻煥活安瓶精華後，肌膚即時水潤飽滿、 富自然光澤及透明感。即使在秋冬天氣乾燥時， 使用御蘭緊緻煥活安瓶精華後， 肌膚完全沒有因為乾燥而變得敏感，膚況亦更穩定。 蘊含眾多對肌膚有益的成分如保濕及抗衰老等成分 (甚至比不少大牌更多)，使用後肌膚更柔軟及富彈性。 價位方面比女神精華貴，所以性價比要差一些。 如果不太介意價位，可以以個人對質地的喜好來選擇， 例如:夏季用女神精華，冬季用御蘭緊緻煥活安瓶精華。 御蘭緊緻煥活安瓶精華比較適合在冬季使用， 因為很多時大家在夏天比較不

Ni好用推薦：購物獲得的贈品 乳白色的精華質地，淡淡的檸檬草香聞起來很舒服。 好推勻也好吸收，剛上臉有點黏，吸收之後很滑嫩像是形成一層保鮮膜。 妝前擦也沒有跟底妝打架，整體還不錯。 抗老緊緻的產品來說它偏貴，這品牌我可能會選擇回購女神精華，cp值比較高。

Noel好用推薦：購物時獲得的試用品，Missha 的贈品很大方，大多都給我 deluxe 小枝裝💕 這款面霜是 Time Revolution 系列，守尾門的護膚品，白色霜狀，有點防曬霜的味道🤨 沒有流動性，質感較厚，塗上面延展性算是 ok，建議在掌心 warm up 才上面。滋潤感不錯，但沒有超補濕的感覺，塗完後皮膚表面會有層膜，感覺小小怪。