找產品
韓國粉底 推薦好用產品
28 件
Emma好用推薦：我好鍾意佢既高光澤水潤妝感，我乾肌冬天上臉後會有一種好通透、好飽滿嘅韓式玻璃肌效果，望落皮膚好有彈性同滑 佢個氣墊質地好密同彈，每次取粉可以更平均，上臉唔會有普通海棉既氣孔，粉底既粉質亦好細緻 呢款保濕度高，唔會易卡粉，入面加入咗好多保濕精華水，好適合乾肌或者冬天使用，唔會容易喺眼下或者鼻翼拉扯出乾紋，就算唔打底都會好貼 粉紅色透明嘅立體水滴外殼，好少女心，拎出街補妝都特別開心。 注意：一般水潤既cushion粉底都係會遮瑕力普通，因為主打透薄水光，如果臉上真係有深色暗瘡印或者勁深嘅黑眼圈，單靠呢盒遮唔完全，一定要另外配搭遮瑕膏。 大油田一定唔可以買，因為保濕度同光澤感實在太強！好容易會有黏笠感，甚至好快就會變成豬油面 佢唔係屬於成膜好快或者好乾爽嘅類型，上完之後如果唔用碎粉輕輕定妝，好容易會印到口罩或者隨便掂到就甩妝 韓國底妝嘅通病，色號唔算多，而且韓系白皙色調對部分人嚟講可能偏白或者偏灰，買之前最好親身試色。 真係好白，我冬天買都覺ok,但夏天唔小心曬黑咗少少已經變咗日本藝伎咁...
<看全文>Emily Siu好用推薦：當下正是入秋的季節，皮膚亦因用酸而變得更為乾燥、起皮。clio此款氣墊能為我的紅棕色痘印提供中度遮瑕，更提供了奶油肌的光澤感，帶妝8小時仍能保持不錯的妝感。
<看全文>
Tszki好用推薦：妝感與質地,質地偏水狀且延展性極佳，推開後呈現迷人的「半霧光」緞面妝效，具備提亮效果且不顯死白。 遮瑕力,屬於中上程度。單擦一層即可遮蓋約 8 成瑕疵與泛紅，若有嚴重痘印則需搭配遮瑕膏。 高服貼度,抗摩擦力強，即使戴口罩也不易脫妝。 持妝穩定,控油力中等，約可維持 3-5 小時不泛油光，且後續出油後會轉化為更漂亮的亮面妝感。 對於皮膚紋理（如毛孔、小粉刺）的修飾力相對一般，肌膚狀況不佳時可能出現輕微浮粉。
<看全文>Kitty 好用推薦：呢款粉底嘅遮瑕度ok，薄薄上一層已經可以遮到六七成瑕疵同毛孔，痘印同泛紅都修飾得唔錯。質地好滋潤保濕，就算係秋冬用都唔會覺得乾，唔會卡粉或者顯乾紋，妝感自然貼服。 上完妝之後係一種天然光澤感，好似天生好皮膚咁，有啲似奶油肌🥛。而且佢有SPF35防晒值，返工用都算安心。 至於持妝度，可以Keep到大半日都幾完好，如果放工之後有約會，係T位補一補妝就OK啦。 不過要留意番，夏天或者油性肌膚用就可能會覺得有啲潤，建議去專櫃試真d先決定🛍️。
<看全文>
Rin好用推薦：皮膚狀況如下： 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 色號：黃一白 Lancôme用PO 01 太乾的時候，不要用黑色這盒，我本身屬於混油肌，但是用他會卡粉 他用很多妝前都不太融合，有時要等天氣或者皮膚比較好才適合 *一款比較挑皮膚狀況 如果不用定妝的話，在香港這個天氣比較容易融 但用了又很易斑駁，只能適量 大概4-5小時 其次是我覺得他沾粉很容易在周邊溢出 不太平均 妝感可以，但是我覺得有更加好的選擇
<看全文>Fng好用推薦：Jung Saem Mool 持久遮瑕裸膚氣墊係水光妝效，我 係混合偏乾皮膚，以輕拍按壓上妝，妝效貼服持久。 在戶外活動4-6小時後，T字位輕微出油但無明顯溶妝，面頰光澤感維持良好；冇需用吸油紙輕壓或補蜜粉控油。 它不易暗沉，即使午後膚色仍保持透亮，冇灰黃面問題。而且遮瑕與透氣平衡做得幾好，具高遮瑕力（泛紅、痘印、毛孔隱形）且質地輕薄，疊加2層仍無厚重感，符合香港夏天悶熱天氣對「透氣底妝」的需求。 如果偏油肌，應該要set碎粉，加定妝噴霧。
<看全文>jhope0725好用推薦：優點: 佢嘅遮瑕度的確不錯，正如佢產品名稱，主打係可以做到貼服而且遮瑕度高嘅妝容。細細支，拎出街，旅行都好方便 缺點: 但係佢嘅妝感同時好厚重，遮瑕度高得來網絡唔係太自然，而且顏色同樣偏白，普通香港人應該難啲運用得好 建議: 如果真係有需要購買，可以買多一兩隻色， Max and match返自己啱嘅顏色
<看全文>choichoi好用推薦：滋潤且帶保濕感的質地，有一定遮瑕度，簡單配搭碎粉效果已經很好
<看全文>
Cole Cole 好用推薦：呢支Missha底霜已用多支，可做調色底霜，都可以做調色面霜。擦完之後皮膚好似水光亮色，毛孔遮瑕度都唔錯，痘印暗瘡印都可以遮蓋到。防曬指數夠高，底霜都好濕潤，容易推亦都好保濕。唯一不足之處就是持久力並不太高，所以需要再加多層粉底。
<看全文>維他他好用推薦：Missha bb cream 係最早期興起嘅bb cream , 又唔似搽粉底咁，但又有粉底嘅效果，最鍾意佢遮暇度好高，毛孔修飾得好好，但用完會略嫌唔夠自然，唔夠偽素顏XD 但整體都好好嘅，防水防汗方面都唔錯
<看全文>
KDing好用推薦：覺得佢調色力太多，搽上面既輕透感唔夠，所以都係少量再溝乳液用最好
<看全文>jaye好用推薦：質地水潤，有埋防曬，可作打底用，有幫助提亮膚色，不過稍嫌毛孔遮瑕力太低，而且個人覺得顏色偏死白，唔太自然。
<看全文>
Circlecyy20好用推薦：質地厚重左少少 但遮夏度幾高 秋天用會好少少 太熱會好易溶妝 秋天唔算好乾都用到
<看全文>Hamiii好用推薦：有段時間好興bb cream就買左黎用， 但質地好重，顏色亦唔夠自然 好快俾我棄左😅
<看全文>monmon好用推薦：是比較滋潤及保濕，遮瑕度高，但粉感太厚，就算塗少少推開，都是比較偏厚感。特別是載口罩，用她後很易生粒粒。
<看全文>jhope0725好用推薦：缺點：佢嘅缺點比較明顯，顏色唔符合香港人普遍膚色，非常之白，而且上咗面之後延展性唔好，唔係好容易搽得均勻。保濕效果一般，以底霜來講，滋潤度不足，幫助唔到令到之後嘅妝容更加貼服。
<看全文>
Noel好用推薦：Missha 這枝BB Boomer 係我大學時代的 base 第一位，明亮膚色，潤澤皮膚，妝前打底，一枝可以做到多方面功效❗同品牌的BB Cream 包裝非常相似，軟管泵裝，方便又衞生👍 產品係偏粉的珠光色，乳霜狀，不用搖晃，支出product 即可用，質感同BB Cream完全相同。雖然叫做 BB 霜，但不能與慣常 BB Cream 並題，因為遮瑕力很低，只可以做打底 / 偽素肌妝容~ 喜歡它的提亮效果，亦令之後的底妝更加貼服，更加精緻💕 不過，現在已經很少再用，因為產品沒有SPF🤨 而且BB Boomer 再加 BB Cream 比較焗，感覺有點厚重~
<看全文>choichoi好用推薦：這款BB霜質感不是特別清爽，且帶點油油的感覺得花時間推勻，更重要是有點在日常無用武之地的感覺，霜如其名真的超多珠光，是你可以省卻打亮步驟的程度，閃爍感比較適合用在派對場合或是夜店(汗），整塊臉使用妝感有些許突兀，平常建議用作局部打亮就好～但身為一支BB霜你就立即認為它如此是有點雞肋
<看全文>
Minnie Tse好用推薦：Clio 的液體遮瑕膏 質地易推 高遮瑕度，可覆蓋面上斑點及瑕疵 粉質夠細緻，所以保持輕薄，不會有太厚重感 紫色有提亮膚色的作用，可以中和膚色中的黃調，讓皮膚看起來更光亮，適用於偏黃色調的肌膚。有時我會用作提亮，提亮眼角和T字部位，讓妝容更具立體感。 左: 3 號色 右：紫色
<看全文>KDing好用推薦：平價高性價比既遮瑕 好易推開 上係皮膚唔會令人覺得好厚重 氧化情況唔嚴重
<看全文>
YYeman好用推薦：Innisfree 櫻花亮肌素顏霜測評 平時出門唔想化妝，想搵啲輕薄、可以提亮面色但又唔使點化妝嘅嘢。見到呢個素顏霜包裝粉粉嫩嫩，仲話有櫻花成分，就忍唔住入手試吓啦！ 用後感分享： 質地同氣味： 一開樽就聞到好清新嘅櫻花香，唔會好濃，好舒服～ 質地係乳霜狀，推開好水潤，完全唔黏立立，吸收得幾快。 效果方面： · 提亮： 真係有即時提亮效果！唔係死白嗰種，係透出自然光澤感，好似皮膚自己咁好氣色。 · 修飾： 可以柔和一啲暗沉同泛紅，但遮瑕力唔算強（畢竟係素顏霜）。如果唔係好大瑕疵，單用已經夠精神。 · 保濕： 唔算好滋潤，但普通乾肌夏天用都OK。如果係極乾肌，可能之前要做好保濕打底。 適合咩人用： · 想快速出門、追求自然偽素顏嘅你 · 油性/混合肌（清爽唔黏） · 學生黨/上班族（平價、方便） · 需要提亮膚色、但唔想化全妝嘅日子 小缺點： · 大油皮可能到下午會少少出油，要印一印油。 · 如果皮膚狀態唔好（例如爆痘），修飾效果會比較有限。 溫馨提示： 1. 用量： 建議少少哋用，貪多反而會太白或者唔自然。 2. 用法： 可以當妝前打底，或者單用之後撲層碎粉定妝
<看全文>yanmmnn好用推薦：用普通通冇咩好講 只可以對得上呢個價錢 不會再回購 加多少少錢仲有啲更加好嘅 產品
<看全文>
chasiutung好用推薦：我用過好多款BB cream 感覺都吾太好 以前好流行用BB cream 但其實我覺得款款都差不多 妝容厚重 假面 又油又笠 持妝力差 會生好多暗粒 除了方便 可以節省妝前護膚同防曬妝前乳 
<看全文>shadow影子好用推薦：都幾油同幾白下，仲有少少閃，所以日常好難用佢，會令人以為係岀油分泌。
<看全文>
