溫和卸妝 推薦好用產品

Ronni好用推薦：經常性要化妝 卸妝產品一定唔少得！！ 一直以來都鍾意用卸妝油 因為個妝都幾厚下🤣🤣 第一次用呢支 感覺其實幾唔錯～ 洗完塊面唔會太乾，呢個天氣下幾舒服～ 最緊要係呢幾日打完laser 皮膚非常敏感，但係用完佢都覺得好舒服又冇不良反應～ 唯一嘅缺點可能係需要淡妝先適用啦～ 比較濃妝嘅話，可能要洗兩次 但係真係好唔錯㗎！！ 咁大粒已經夠晒全面🤭

auntiemuscle好用推薦：已經用左好多支，以前香港未有開架時都跟日本代購買過水貨 無色無味透明gel狀 乾手乾面捽上面 打圈捽 佢個gel有少少油潤感但唔算易推開 慢慢捽開再加手打圈捽 再用返自己洗面乳清潔 落完妝完全冇繃緊嘅感覺 而且我唔會敏感 如果粉底 唇妝同淡眼妝 用呢支絕對落得乾淨 但有防水眼線同睫毛液 就用返個別水油落完妝落完先用呢支

Enchante好用推薦：感謝cosme✨今次有機會試用Minon嘅輕柔卸妝潔面乳💕佢質地係柔滑嘅cream狀，好鐘意佢無添加酒精，香料同paraben防腐劑，連敏感皮膚嘅我都可以安心使用 👍雖然卸妝乳一般主要係用黎卸底妝，不過我都畫左一條眉筆，兩條眼線液，試下佢嘅卸妝效果✨卸妝乳一搽上去，眉筆同咖啡色眼線已經開始融開用手按摩幾下，上面2條已經差唔多唔見左，黑色眼線液開始淡色過埋水，效果仲明顯～ 相信卸底妝嘅話，卸妝效果應該都會好好❤️ 洗完面後皮膚都keep住水潤，而且唔使用化妝棉卸妝，唔會拉扯到皮膚，溫和得黎又有唔錯嘅卸妝力✨

Angie好用推薦：一到咗夏天就需要搵一支卸妝產品係卸得乾淨又清爽，唔會堵塞毛孔 之前一直都有聽過呢個牌子，但係未有機會試，咁啱行過見到特價就買來試吓🤭 粉紅色盒嘅包裝真係令人難以抗拒，粉色加白色嘅設計有滿滿嘅少女心，淨係個包裝都好鍾意🥰 呢款輕柔卸妝潔面乳，標榜滋潤保濕，仲可以提高肌膚光澤度，睇落好似好犀利咁！ 用咗大約兩星期，都真係卸得幾乾淨，完全冇生粒粒嘅問題，光澤度就暫時未見到有好大嘅改善 用落感覺都好溫和，唔會有緊繃感，保濕效果唔錯👍🏻

Woy好用推薦：【歲末】有咁多party同飯局, 返到屋企當然唔少得要好好落妝。 自從用咗呢一款卸妝膏之後， 真係返唔到轉頭。呢一隻除咗卸妝乾淨，清潔力強之外，卸妝之後唔會掹掹緊，成塊面都覺得好滋潤。 雖然過程繁複- 我用咗大概十分鐘左右, 見到有效果所以煩啲都可以接受。 後續搽護膚品都比以前吸收得好， 大力推薦！

Rin好用推薦：因為我是從海外網站購入，比香港便宜許多 我第一次用時覺得驚為天人 有一種原來這才是洗臉 我之前都沒有好好洗過臉的感覺 用法：十分麻煩（懶人表示 真的要很有愛才行） 我是先放臉上按摩 再用熱水泡瑪姿林布 敷臉 敷一會 印一下 重複3次 最後一次擦乾淨 然後再用常溫水印一下臉 摸上手很油但是洗完 完全不會油 就是保濕 乾淨（有一種清爽感）黑頭都感覺有變少 有個味道 我是覺得ok的 基本上就 節日有特價可入手

auntiemuscle好用推薦：之前買落既特別版set裝 依家先開黎用😂 勁香 聞落勁舒服既精油味 質地係清澈透明黃色既油 唔杰身 按上面聞落係好舒服 但！如果有眼妝 請你先用其他remover落左眼妝先 因為呢隻油 我捽埋眼妝時 係嗱眼都幾刺激既 因為我化妝都會化埋眼妝 而平時用其他落妝油捽埋眼都冇問題 所以依家呢支油主力用來落防曬就算🥹

Cc2016好用推薦：已經係回購再回購，因為真係好好用，呢次喺sogo減價日買套裝，仲有特別版包裝 潔膚油用完感覺塊面好乾淨，而且唔會敏感 用晒會再回購

Lego好用推薦：皮膚超容易敏感 有時只搽防曬或淡妝時會用 好多卸妝水抹眼周時會「拿」 呢枝卸妝水完全冇問題 可以放心用 不是太厚妝/防水妝都可以抹得很乾淨

KDing好用推薦：低刺激度 卸普通淡妝都幾乾淨濃妝就未必啱用，但係佢幾乾爽 唔會有好重嘅殘留感

jaye好用推薦：avene既產品一向溫和，呢款cleanser都一樣，係好敏感泛紅個陣買黎用左，無咩香味，質地奶狀，無泡，用個陣係無再格外刺激臉，不過並唔覺有舒緩到，而且總係覺得潔淨力唔夠，就甘防曬都好似洗唔乾淨甘，個人覺得麻麻。

Circlecyy20好用推薦：不易起泡的洗面奶洗面，後面上嘅肌膚不乾，但是清潔度會有保留，不會回購

維他他好用推薦：超級好用的卸妝油，可能我本身只係用防曬就出街，冇眼妝，粉底嗰啲，所以覺得足夠乾淨，而且佢$128 ，就有400 mL，超級大支，可以用好耐，所以性價比好高。 卸妝油嘅用法係乾手乾面，然後泵三至五下喺手心度，然後搽喺面度打圈，按摩，我覺得好乾淨好舒服，淨係卸防曬的話已經足夠，已經多次回購

貓餅好用推薦：個人認為非常好用的卸妝油，用來卸防曬十分足夠，而且乾淨，用油卸的好處，是皮膚絕對不會感到繃緊，一 支好像$95左右，便宜又大支，擠多一點也不怕

kykyky好用推薦：雪花秀必用產品-順行潔顏油，輕輕既油容易係面上推開，隨後用小小水就可以乳化潔顏油，就可以將彩妝卸走，即使眼線液都可以卸得好乾淨，雖然卸妝力高，但用後唔會感覺繃緊，重點係長期使用皮膚都唔會出暗粒。

格仔餅公主好用推薦：味道清香又容易乳化，好容易就令到粉底卸到乾淨哂，重點係唔會乾，而家呢啲天氣用都唔會乾燥

Karman28好用推薦：初初以為係洗面乳，原來係卸妝乳，卸妝能力幾好，但佢對肌膚都幾溫和，又唔乾。唔錯。

inkitsung好用推薦：一隻非常溫和嘅卸妝乳，但出奇地清潔力亦都非常足夠～ 就算防水眼線，捽2捽都可以甩到～ 而且過完水亦都完全唔乾仲好舒服添～

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)

iliya 好用推薦：呢款卸妝水性質溫和，特別適合敏感肌，而且雖然係水劑，但係卸妝力高，眼線眼影等都能輕易徹底卸乾淨，搬起粉刺或暗瘡等等， 十分好用！

🌸好用推薦：因為我係敏感肌，如果用唔啱卸妝產品，因為好容易泛紅敏感或者出粒粒。曾經用過好多隻唔同牌子嘅卸妝油，但係使用效果都係麻麻地，唔係用完之後皮膚敏感，就係太油覺得洗極都唔甩。呢隻卸妝油我真係無限回購，佢使用方便簡單，上面之後再用清水乳化卸妝油，清洗之後唔單止冇油淋淋嘅感覺，仲覺得皮膚好滋潤，好似飲飽咗水咁。用咗咁耐從來都冇出現過乾、痕、敏感嘅問題，反而係因為卸妝寫得乾淨咗，而令到皮膚好咗。大力推薦俾各位姊妹們！

Giselle 好用推薦：Attenir Skin Clear Cleanse Oil 175ml （柑橘香） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 作為Fancl 嘅姐妹品牌，Attenir 真係承繼咗Fancl 卸妝用品嘅優點：卸妝能力極強( •̀∀︎•́ )✧︎ 持久力強or 防水眼唇妝係佢面前都可以卸得一乾二淨d(≧︎▽︎≦︎*d) 用完會覺得皮膚上無化妝品殘留但唔會太乾(pq*´꒳`*)♥︎♥︎*。適合所有需要會用持久力強化妝品化妝or 要卸塊面上stay咗好耐妝容嘅小夥伴♡︎(°´ ˘ `°)/ ❤︎ ❤︎ 呢款卸妝油嘅質地係偏水狀，所以一擠上手就要快啲搽上面/要卸妝嘅位哦⸜(๑⃙⃘'ᵕ'๑⃙⃘)⸝⋆︎*唔係佢就會流走( ᵒ̴̶̷̥́ _ᵒ̴̶̷̣̥̀ ) ❤︎ ❤︎ 柑橘香係比較似天然嘅柑橘味，帶有好似檸檬皮嘅少少苦味( ˘͈ ᵕ ˘͈ )聞落去比較舒服亦都唔會好似人工香精咁假*ˊᵕˋ)੭而且成分天然，同fancl嘅卸妝用品無添加其他防腐劑or添加物( ˶ˆ꒳ˆ˵ )用完塊面亦無生暗瘡or 紅腫敏感₍ᵔ·͈༝·͈ᵔ₎ 不過建議返敏感肌

Lumi Kwan好用推薦：有一排冇洗面膏用，就買咗支無印頂住先，佢優點一定係平！咁本身佢都話自己敏感肌用得，應係成份較簡單。都算多泡泡，但洗面產品好簡單，只要做到清潔清爽嘅效果就OK，洗完後又唔會話覺得太乾，但當然對比起一啲專做美妝嘅品牌，佢確係比唔上人哋，不過以呢個價錢嚟講真係好抵用。

Tiffany好用推薦：加了杏桃汁和桃葉精華成份，可以潤澤肌膚，所以卸妝力比較低，適合卸防曬。

mcosmetics好用推薦：之前喺英國boots 買，好平好抵用。唔會拎皮膚敏感，用完塊面唔會乾。但卸眼妝有少少乸，所以都係鐘意bioderma紅水多啲。

Aivlys好用推薦：今次分享呢支卸妝水相當冷門， 但絕對係我自己嘅真愛嚟， 每次lookfantastic有特價都會補貨咁滯， 愛用原因第一當然係好平好抵用， 第二係卸淨力對我嚟講恰到好處， 平時化全妝都可以輕鬆卸除曬， 不過我唔用睫毛膏所以唔知卸防水睫毛膏會唔會唔夠力， 但一般眼影+防水眼線液都卸得好好， 第三就係佢好水潤完全唔會刺激到皮膚或者太乾， 卸完就咁再用清水過一過已經覺得塊臉輕鬆曬冇曬負擔， 已經持續回購同囤貨好耐， 真係好好用！

Fng好用推薦：落妝水/油中, 我試過Covermark, Bobbi Brown, Fancl, Shu Uemura, Biore, Shiseido... 講真, 隻隻都ok, 但我最愛都係Bobbi Brown, 鍾意佢嘅質感, 對我而言, 落妝最徹底。

維他他好用推薦：卸妝比較慣用卸妝油，呢支幾好用，就算持久同防水的化妝品都可以輕鬆卸走，卸完皮膚感覺清爽潔淨，感覺良好 （乾手乾面用，泵幾下，喺面到打圈洗走化妝品，過水，完成） #火熱新品

zetalhc好用推薦：卸妝能力不錯，油性皮膚覺得用用完之後唔會好油。但係mascara同眼妝就清潔得唔係太好，需要用多次先可以全面清潔

Nicole 好用推薦：樽口是按壓出口設計，只需把化妝棉放在上面按壓 4-5下，然後輕柔擦拭皮膚就可以輕鬆卸妝，我通常用來卸防曬/淡妝沒問題，使用感也比較溫和～

mandy好用推薦：THREE Balancing Cleansing Oil N 平衡潔膚油N $320 / 185mL 平衡潔膚油一直是Three的名物 (差不多可說是Three=平衡潔膚油)， 現今已進化至平衡潔膚油N， 還是讓人很想使用，因為添加了精油， 令卸妝時感到十分放鬆及療癒， 心情也會跟著變好。 Three平衡潔膚油N同舊版一樣帶療癒放鬆又香味怡人的香氣， 使用感令人難忘，所以總是很受用家們歡迎。 要記得每次只需少量卸妝油已夠全面使用， 並徹底卸除彩妝污垢，因此不要造成浪費。 蘊含眾多美肌成分，尤其是抗氧化、抗衰老及鎮靜消炎成分。 注: 此外，我使用Three平衡潔膚油N時並未感到不適/敏感， 但Three的定位始終是香薰/精油類的美妝品牌， 產品當然都添加了精油，然而敏感肌有可能對精油類成分敏感， 敏感肌需要很小心使用。 含保濕成分: 橄欖油, 番紅花花萃取, 茶籽油, 玻璃苣籽油, 大豆油, 戊二醇 及 丁二醇 抗氧化成分: 橄欖油, 番紅花花萃取, 牛蒡根萃取, 茶籽油, 玻璃苣籽油, 大豆油, 人參根萃取, 地黃根萃取, 茯苓萃取, 胡蘿蔔根萃取 及維他命E 抗衰

格仔餅公主好用推薦：我覺得質地有啲厚，秋冬用會好啲同埋如果你化全妝濃、妝嘅時候佢真係落得好乾淨，普通日常防曬我就唔會用佢啦

Hazel好用推薦：之前花印卸妝水大熱又走去買番枝，大大支好抵用，用極都好似用唔完咁，卸眼妝又得卸面唔乾又落得乾淨，性價比極高，值得入手。

hsjvanessa好用推薦：500ml好抵用，清爽，卸得乾淨又唔刺激皮膚

仙地好用推薦：因為我先生喜歡這AHA系列，於是我也試吓潔膚水，可惜這潔膚水清潔力一般，而且好＂拿＂眼😳