MUJI

敏感肌卸妝潔面油

🤍 溫和度：5/5！Muji呢支敏感肌卸妝油真係名不虛傳～配方超級溫和，完全冇香料同酒精，就算係敏感肌或者皮膚狀態唔穩定嘅時候用，都完全唔會刺激或者泛紅，用完皮膚零負擔！ 🤍 質地同乳化力：4/5！質地算輕薄，唔會好似一般卸妝油咁厚重，推開按摩好順滑～乳化速度中等，沾水後可以徹底乳化，沖洗後冇油膩感，亦唔會黐笠笠！ 🤍 卸妝力：3.5/5！日常防曬、底妝同眉毛都可以輕鬆卸除～但對於防水眼線同睫毛膏就比較吃力，建議眼唇部位還是要用返專用卸妝產品，以免拉扯到皮膚！ 🤍 保濕度：4/5！用完之後皮膚完全唔會緊繃或者乾燥，反而有種潤潤嘅感覺～成分溫和同時保留到肌肤水分，乾肌同敏感肌都可以放心使用！ 總結： 如果你係敏感肌或者喜歡簡約護膚，Muji呢支敏感肌卸妝油絕對係穩陣之選！佢溫和又足夠卸除日常底妝，而且價格親民，性價比超高～雖然對付唔到強力眼妝，但作為一支日常卸妝產品已經足夠，特別推薦比追求溫和同基本清潔嘅你！

平時都有唔少人推介muji好物，今日就要推介muji溫和潔面卸妝油😍 🔸呢款卸妝油加入咗具有高保濕功效💧，並配合天然潤澤成分杏桃汁、桃葉精華及透明質酸製成。而且最重要嘅係無香料、無礦物油、無色素、無酒精等，對皮膚或氣味敏感嘅人都比較友好😌 🔸使用方法：我平時會按壓3至4次於掌心，然後搽面並打圈按摩，對於眼部彩妝，會將手指放係眼部（合上雙眼）多停留幾秒以充分溶解，之後再用水徹底沖洗💦 🔸用後感：用卸妝油個時，感覺到質地輕盈又唔笠，唔需要用力搓揉，好易乳化。清水洗乾淨後，塊面覺得幾滋潤，無繃緊，面部無殘留感覺。 總而言之，我非常滿意muji呢款溫和潔面卸妝油，可以輕鬆卸完妝，連卸妝棉唔洗用。佢能夠起到溫和清潔又滋濕皮膚嘅作用，而且喺muji卸妝眾多產品當中係清潔力強同滋潤。佢宜家400mL只賣七十幾蚊，物超所值，用多啲都唔心痛👍🏻👍🏻

去到日本旅行，當然唔少得行muji。網上見到其卸妝油效果唔錯，所以想買來試試。 其CP值高著稱，質地輕盈，易乳化，清潔力佳。一搽上面上，係一種輕薄的油質感，唔會語感覺好heavy ，所以能有效卸除輕妝及日常防曬，洗後清爽不油膩、不崩緊。但對於濃妝卸妝力稍弱。

卸妝油質地 容易推開 喜歡佢嘅原因是卸妝效果非常理想， 眼影,眼線,睫毛液都好容易分解, 唔會咁容易甩眼睫毛😃😃重點 本人係 成熟年齡乾燥肌膚, 用呢隻油卸妝皮膚唔會慢慢緊, 容易卸妝唔會卸妝太用力而引起皺紋😀 曾經試過用其他牌子 卸妝油， 兜兜轉轉後都係用返MUJI Jojoba oil 卸妝油

質地:我第一次用嘅時候，就覺得佢質地輕盈，唔會覺得油膩。用起來好滑，卸妝過程好順暢，唔需要用力搓揉。 卸妝效果:我通常都用防水睫毛膏同厚底妝，呢款卸妝油真係好有效。只需輕輕按摩幾秒，妝就溶晒，然後用水沖走，完全冇殘留。有時候我都會擔心卸妝唔乾淨，但用完之後，肌膚感覺好清爽，冇任何妝感。 肌膚感受:用完之後，我覺得肌膚好舒服，唔會緊繃或油膩。特別係我有時候會因為其他產品而敏感，但用呢款卸妝油完全冇問題，反而感覺肌膚更加水潤。

超級好用的卸妝油，可能我本身只係用防曬就出街，冇眼妝，粉底嗰啲，所以覺得足夠乾淨，而且佢$128 ，就有400 mL，超級大支，可以用好耐，所以性價比好高。 卸妝油嘅用法係乾手乾面，然後泵三至五下喺手心度，然後搽喺面度打圈，按摩，我覺得好乾淨好舒服，淨係卸防曬的話已經足夠，已經多次回購

個人認為非常好用的卸妝油，用來卸防曬十分足夠，而且乾淨，用油卸的好處，是皮膚絕對不會感到繃緊，一 支好像$95左右，便宜又大支，擠多一點也不怕

Muji 呢支卸妝油用咗至少超過三支，第一佢卸妝真係卸得好乾淨，乳化化妝品。第二，卸妝之後都仲有保濕，唔會令到皮膚好乾燥，皮膚唔會起粒粒。第三，佢適合敏感肌，唔會敏感，第四，價錢好實惠，容量大。

性價比好過既一支卸妝油， 一大支用到好耐好耐 卸面妝卸得好淨 睫毛膏就一般般 但呢個價錢，都無咩好挑剔😂

Muji卸妝油曾經一段時間用咗好耐，至少用咗三四支，卸妝能力強，有保濕效果，一卒即刻乳化啲化妝品，卸完妝之後塊面唔會好乾，可能一直用開同一個牌子同一種卸妝油覺得沒有什麼特別，所以轉用了其他卸妝產品，沒有影相留底

水狀質地，沒什麼味道，不油膩，乳化速度正常，洗完也不乾，使用感真的很舒服，平常的淡妝輕鬆就卸掉了。

呢支卸妝油真係又大支又好用 秘訣係用乾手乾面 然後捽落去啲皮膚 就好容易溶解曬啲彩妝出嚟㗎喇

一支平平地幾好用，上手個感覺唔笠薄但都屬於容易乳化既，但要過水過幾次先感覺塊面乾淨啲

本身皮膚好易敏感，平時都只係用下調色防曬、碎粉、畫眉等基本底妝。 呢枝落妝油主要成份為橄欖油，不含鑛物油、無色無香料無酒精，成分溫和，敏感肌都可以安心使用，用後唔會有繃緊感。濕手濕面用，好容易乳化，不過如果落全妝嘅時候，就要落 2 至 3 次先落得清。

我係用嚟洗防曬㗎因為我就唔化妝 咁搽上面嘅質感唔會好似其他卸妝油咁好油 質感 覺 容易推開 乳化過程都快趣 過水 後都清爽