ADDICTION

潔顏油

買product時送，缷面部ok但mascara一定要分開，佢需要乳化，所以沖涼時同步用ok，用後都算清爽

之前參加會員禮@cosme送嘅，多謝@cosme😍😍! 作為卸妝油嘅佢清潔度出色，圖中我用嘅眼線液係出名比較long lasting嘅，但圖二可以見到用Addiction加水乳化後已經卸咗大部分眼線，圖三再沖水係已經將眼線完全卸乾淨，除非係煙燻眼妝等較濃嘅眼妝要用眼唇卸妝液，如果唔係無論咩彩妝都可以一支卸妝油搞掂曬！好方便！ 聽到佢清潔度高都唔洗驚乾肌唔用得，因為卸完唔會覺得緊繃，係有種乾淨清爽嘅感覺，仲有陣淡淡好似玫瑰咁嘅香味🥰🥰仲有佢呢個簡約包裝真係好靚，就算擺係浴室都好有高級感🥰🥰 用法：乾手乾面將一至兩泵嘅卸妝油揤係手上，係面上按摩15秒左右，加水乳化20秒就可以沖水啦！

其實面同手都試曬，面仲試左幾日?，不過面因爲都係粉底為主，前後效果係相唔係好睇到，所以係手畫左眼線比大家睇。其實只係用左一滴，然後輕輕打圈，唔洗用水乳化，已經甩左8-9成，可見其潔淨能力非常高。之後最重要係緊係試上面，因為敏感皮膚嘅我，最怕用完敏感，主打天然嘅佢，除左冇敏感之餘，保濕力亦絕不遜色，平時洗完面，好快乾同出油，但我用佢洗完，因為要掛住晾衫，未得閒搽其他嘢，但完全冇繃緊同出油，下次旅行都打算帶佢同朋友share!

卸妝效果很棒，能輕易而溫和地溶解彩妝、防水睫毛膏和附著在肌膚上的污垢，潔淨毛孔，去除深層的髒污，使肌膚恢復潔淨和明亮。

ADDICTION 潔顏卸妝油嘅清潔力真心幾強，眼唇部分都能輕易卸去防水妝容，而且用完之後出奇地無油膩嘅感覺，輕輕洗面後又回覆清爽，讚！

個人比較鍾意用卸妝油卸妝，之前用過某些品牌會岀暗粒，影響皮膚穩定性。但Addiction 這支可說是整體效果十分岀色，遇水後乳化得很好，卸妝能力亦很徹底，用後又不會岀暗粒，亦沒有過敏，效果十分滿意！

ADDICTION 潔顏卸妝油 好用！氣味好香，然後好易就融化到彩妝，眼影、眼線、唇妝都好易卸除（睫毛膏就比較難啲喇，要另外用卸妝水），卸妝力我已經好滿意。 洗後會有種清爽感，但不會覺得繃緊～～使用感好好！

品牌的名物之一，可以溫和不殘留帶走彩妝，有一些卸妝油會悶痘但它是其中一款不會的

最近多了接觸這牌子，會越來越喜歡。呢一枝卸妝係乳化過程已經明顯見到清潔到，卸得幾乾淨，而且不會有油膩感，亦沒有繃緊感。雖然未去到好抵用得感覺但是不錯，又不會敏感。

第一次收到＠cosme 的贈品，原來係勁大支嘅卸妝油，多謝先。佢包裝純白，望落好高貴簡潔。用起上黎唔油，卸妝力強，有少少似shu uemura 果啲功能。不過我唔係成日化妝，用多一排先.

收到了Cosme送的卸妝油產品，先說謝謝！❤️ 回家後馬上試用一下😍 包裝寫住用完呢支油之後唔使再另外洗面 呢點令我好Suprise😂 我好小用搽均全面再等佢乳化沖水既卸妝產品 卸妝力都唔差，粉底都卸得幾乾淨 但我習慣左用卸妝水，應該唔會回購

清潔力不錯，防水眼妝也可撤底卸下，也沒有刺眼感覺，用後皮膚沒有崩緊感覺。

朋友送的禮物❤️ 個人是不太喜歡用卸妝油的， 因為不太中意塊面好笠，而且卸眼妝好怕會入眼好痛 但addiction 卸妝油意外地好快卸到， 同埋唔算超級笠 而且大大枝可以用好耐

買野嘅時候送咗試用裝，用咗兩次，卸妝力唔錯，卸得都幾快幾乾淨，用落質地有啲似bobbi brown嗰枝，雖然係卸妝油但用完唔會油淋淋，亦唔會好乾，整體感覺好好，有機會會買貨裝。

收到試用裝已有好一陣子，直到今天才知道它是卸妝潔面二合一的潔顏油，於是立刻拿出來試用。 因為使用天然配方嗎？它組合出來的氣味對我來說不太討好。不過我對它的乳化速度與潔淨度十分欣賞！ 也許我是乾性肌膚的緣故，使用後一段時間後沒做護理的話會感覺有一點繃緊，但黃金琥珀潔顏油則不會，似乎這瓶在春夏季才適合我使用了。 至於它的售價比 Shu Uemura 潔顏油低，或許待夏天時再入手用用看。