MUJI

溫和磨砂潔面乳

呢支Muji溫和磨砂潔面乳，真心抵讚，性價比高到爛！ 首先講個質地，擠出嚟係一撻白色嘅膏狀，入面有啲細細粒嘅磨砂粒子，唔會好粗嚡，捽上面嘅時候感覺好溫柔，唔會刮到面痛。起泡量唔算好多，但係都夠均勻，洗完塊面唔會話好乾爭爭，有種清爽得嚟又保濕嘅感覺。 我本身係混合性偏油，T字位成日出油，鼻翼兩邊有啲黑頭同角質。用咗一個禮拜左右，覺得啲粒粒平滑咗，黑頭冇咁明顯，但唔會話完全消失，始終佢係溫和型，唔係嗰啲強力磨砂。朝早用完，塊面滑溜溜，之後搽護膚品都吸收得快啲。 味道方面，冇乜特別香精味，係好淡好淡嘅原料味，接受到。一支有成120g，我差唔多隔日先用，都用咗成兩個月先見底，真係好襟用。 缺點都有嘅，就係如果你係超級油性皮膚，可能會覺得清潔力唔夠勁；同埋磨砂粒子比較幼細，想深層去角質嘅話，可能要搵返啲顆粒大啲嘅產品。 總括嚟講，呢支嘢適合中性、乾性或者敏感少少嘅皮膚，用嚟日常溫和清潔同去角質一流。幾十蚊貨仔，仲想點？絕對會回購！

MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

MUJI 溫和磨砂潔面乳真係一款性價比極高嘅好物！價錢親民，卻能帶來令人滿意嘅潔淨效果。磨砂顆粒細緻溫和，用落唔會刺激皮膚，洗完之後感覺清爽乾淨又唔繃緊。 另外，佢仲有細支裝可以揀，無論係旅行定係想先試用，都非常方便。用落一段時間之後，覺得皮膚狀態更穩定，真心覺得係一支值得推薦嘅日常潔面產品。

MUJI溫和磨砂潔面乳帶細小顆粒，起泡容易，清潔力夠強，去油同老廢角質都OK，洗完皮膚平滑咗少少，暗粒減少咗啲。 磨砂溫和唔太刺激，但臉頰部位會覺得有啲緊繃，唔夠保濕，要即刻跟保濕產品。 CP值高，適合一週用2-3次。

Muji 磨砂洗面膏，平價超級大枝有排用。依款洗面膏入邊含有磨砂粒子，一物兩用。 磨砂粒子較細，係可以每天都用嘅洗面膏。而且唔會令到皮膚刮損。用完之後皮膚好滑，可以令之後用嘅護膚品更加吸收。 起泡力強，洗完面塊面好乾。去油力大，對我嚟講有啲過度清潔。過度清潔會破壞皮膚屏障，較適合青春皮膚👧🏻

洗面膏唧少少已經足夠全面用，起泡力強，入邊含有細小磨砂粒粒，容易沖洗乾淨。過水後令到皮膚滑咗，夏天想皮膚滑溜冇咁粗糙就啱用。感覺粒子唔會傷到皮膚角質層，T字位用完會乾淨咗。 因為我本身夏天出容易出油，洗乾淨都覺得皮膚乾，混合性皮膚至油性皮膚可以用，乾性皮膚可以有更好選擇。 如果想買磨砂膏，又諗唔到其他牌子可以買來試試，唔算貴，而且有出細支旅行裝方便試用。

買旅行裝試吓，因為而家磨砂產品好多牌子都冇出。 洗面乳份量好少都起到好多泡，磨砂粒粒都幾多，而且粒子細小唔會傷皮膚，洗面後皮膚乾淨✨ 一星期用一次就夠，一次過洗面連埋磨砂好方便，洗完有少少繃緊，會即刻查返護膚品，皮膚即刻滑咗🥚 記得用一定要起泡泡先至在按摩面部，咁就一定唔會傷皮膚🥰性價比高

MUJI溫和磨砂洗面乳｜面部清潔+去角質二合一 呢支MUJI嘅「溫和磨砂洗面乳」，初頭其實冇乜期望，但用咗幾次之後，我真係想講：佢好低調，但好有用。 🌿 膏體係白色帶幼細微粒，磨砂感幾乎唔拮塊面，溫和到我呢種偏敏感肌都可以安心用。佢唔係嗰種用完即刻「皮膚變白」嘅強力去角質類型，但清潔得啱啱好，特別適合每星期幫塊面做次溫柔大掃除。 💧 泡沫唔多，但洗得乾淨；洗完面皮膚唔乾，又唔會有「假滑」感，就係嗰種「乾淨但唔繃緊」嘅舒服感覺。 ✨ 【我覺得佢適合】 ✔️ 每星期需要1-2次溫和去角質嘅人 ✔️ 混合肌/油性肌，容易卡粉嘅人 ✔️ 鍾意成分簡單、唔香、唔刺激嘅護膚黨 ❌ 乾性肌/爆痘發炎期間要避免（所有磨砂產品都係咁） 如果你鍾意功能夠強又溫柔嘅洗面奶，呢支可以成為你浴室裏面嘅「低調寶藏」；佢唔會令你好驚艷，但會靜靜雞成為你願意翻兜嘅那一支。

含有啡色磨砂粒子的膚色膏狀，易起泡，份量好少已可以好多泡，使用時好舒服，因為d泡多到唔會洗到又乾又痛，不用不停磨擦塊面，輕輕打圈就可以，去角質變得好簡單，唔算好強力，比較溫和，但日日用都可以，乾淨清爽，有時會羅黎做手部磨砂

Muji嘅護膚品一向性價比極高👍🏻呢款含磨砂粒子嘅潔面乳勁抵用！擠出嚟係膏狀～當中嘅粒子粗幼度剛好～我通常會加少少水於臉上輕輕打圈按摩～一過水即刻感覺皮膚嫩滑哂～溫和去除哂老廢角質～無刺激感之餘～亦有感後續搽嘅護膚品更吸收！！ #護膚

網上最近大推呢支磨砂，我就係日本搵，但大支裝已經賣曬。圍起黎一支磨砂都唔使35蚊，超平。而且用落都唔差，我一個星期會用2次，發現可以好有效去除角質。

磨砂粒比較幼細，不會對皮膚造成損傷，個人感覺去角質的作用還是可以的，用完臉上不緊綳。

洗面嘅時候有顆粒可以做到溫和磨砂嘅效果，洗完面之後會覺得真係滑咗少少，但同時有少少乾

清潔力同muji face soap一樣勁，去油力超強。同樣用完會乾。磨砂粒粒令你覺得乾淨左

不過不失既磨砂洗面～磨砂粒都算細所以唔會好痛 但係效果感覺不大～不過好似有用好過無用既感覺

呢枝無印嘅磨砂膏整體唔錯嘅。磨砂粒子唔算好幼細，都唔會話覺得過份地粗糙，清洗時輕輕力就冇咩問題。洗完肌膚有變得嫩滑感。不過有少少繃緊，又未至於好乾，需要好好保濕。耐唔耐用都唔錯嘅一款，而且便宜係抵用嘅。

非常抵用的磨砂潔面產品,內含的磨砂粒子不算很粗粒,所以不怕弄損皮膚,沖水後亦不覺得繃緊,具一定的保濕力

算係幾好用，自己間中有用開酵素洗面粉，佢都帶有一點酵素洗面粉既味道，所以我覺得有點酵素成分，磨砂粒粒唔係膠粒，係天然顆粒，洗完面後塊面滑了但唔會太乾

磨砂粒子比較粗 洗面會有少少摩擦感 洗面後感覺乾淨 唔乾 而且皮膚滑咗啲 可以去除角質 價錢平 一支都用到好耐

清潔力太強，磨砂顆粒大，我用後會乾及泛紅，我認為並不適合敏感性皮膚使用