開架洗面乳 推薦好用產品

Yuki Chow好用推薦：b.glen 礦泥潔面乳是一款非起泡型潔面產品，主要利用天然礦泥（蒙脫石 Montmorillonite）的吸附力來清潔毛孔，而非傳統表面活性劑的泡沫。 一般礦物濾嚟俾人感覺用完之後會比較繃緊同乾， 這款潔面乳使用後既能吸除污垢，同時保留肌膚必要的油脂與水分。 使用一段時間之後會發覺酒米同黑頭會減少咗，特別下巴位，係一款靜悄悄幫你去除黑頭粉刺嘅產品，一般深層清潔用完之後會覺得好繃緊好乾，有時仲有機會出現敏感嘅狀況，而呢款潔面產品可以去除黑頭粉刺，亦都可以保留肌膚嘅水潤度，性價比高。

雪雪好用推薦：B.glen呢支礦泥洗面乳非常出名，我用咗一大半，有以下心得。 首先佢係一支唔會起泡嘅洗面乳，如果鍾意泡沫嘅朋友就唔好揀呢支。 另外佢主打用磁鐵去吸付面部嘅黑頭粉刺，深層清潔，同時保留肌膚水份，用咗一大支，我唔係好覺得黑頭粉刺有減少，不過洗完之後，肌膚唔會繃緊，保濕方面做得幾好，清潔方面尚可，呢支洗面價錢都唔平，三百幾蚊，雖然可以用好耐，但係對我就麻麻地。

Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

Chloeincosme好用推薦：之前某店88折，為返$28 購入左呢支Bifesta既保濕型洗面泡泡（買埋藍色果支，都用晒了！） ☁️ 質地係忌廉感濃厚泡泡，上臉超治癒： 最正嘅地方係一泵出嚟，就已經係好大份量、好似忌廉咁綿密嘅泡泡！唔會見到泡泡既「孔」🥺🤣 搓揉喺面上嗰陣真係好舒服，有種「用泡泡擁抱緊面部皮膚」嘅感覺，而且仲帶有少少清香嘅柚子氣味，洗面過程好治癒。 🚿 使用方便： 唔使自己慢慢用起泡網摔，超級方便！ 🩸 用完好乾淨： 產品主打用碳酸成分嚟促進面部血液循環。洗完乾淨得嚟，皮膚摸落好柔滑，最神奇嘅係摸落去好似搽咗碎粉咁，帶有一種滑溜溜、好舒服嘅乾爽感，唔會覺得繃緊。 【小總結 📝】 整體嚟講，呢支洗面奶$30有找.. 一杯珍奶既價錢，但做到嘅清潔力同使用感都完全超出預期。洗得乾淨、泡泡膚感好，而且性價比極高，會想繼續回購！ #日系品牌

Emily Leung好用推薦：終於用得啱！bifesta碳酸泡沫潔面真實評價 之前冇洗面乳，喺藥房順手拎咗呢支，心諗平平哋試吓。點知一用⋯⋯嘩，做乜咁難用？！擠出嚟一pat水狀泡沫，又漏到周圍都係，仲以為中伏😅 原來我一直用錯方法！ 有日終於睇真個樽身說明，發現用前必須搖勻！一搖再擠，泡沫即刻變到超綿密Q彈，上臉蓬鬆舒服，先發現之前完全浪費咗支嘢⋯⋯ ✨ 正確用法： 1. 搖勻5-6下 2. 直接按壓（唔好倒轉支裝） 3. 泡沫放掌心，溫柔按摩全臉後沖水 💦 保濕表現： · 標榜「保濕款」，但佢嘅保濕主要係指「洗臉時唔會扯乾皮膚」，而唔係「補水型潔面」。 · 洗完即刻摸塊面係爽身嘅，唔會有「洗極都滑潺潺」嘅假滑感，感覺乾淨。 ✅ 真實優點： · 一按即出泡沫，超適合懶人同趕時間嘅朝早 · 碳酸泡泡有微微「刺刺感」，洗完個面好清爽 · 清潔力足夠卸防曬同淡妝 · 性價比高，一支用到好耐 ⚠️ 要注意： · 乾肌用完可能會覺得有少少緊繃，要即時保濕 · 香味偏淡，追求濃味嘅可能覺得普通 · 一定一定要搖勻！ 唔搖真係難用到喊 💡 個人建議： 適合油性/混合肌，尤其夏天用爽到震～如果你同我一樣怕麻煩、

oy 好用推薦：轉季必用嘅Cetaphil溫和潔膚乳係經典之選😆質地係乳液狀 冇香料 清潔力好溫和 用完皮膚完全唔會乾燥緊繃 非常適合極度敏感、乾燥嘅肌膚日日用 不過正因為太溫和 我T字位容易出油 洗完有種洗唔乾淨嘅感覺

Conw好用推薦：全家老少一瓶就夠 家中老人家皮膚乾，我有濕疹，這瓶低刺激，洗臉洗身體都可以，一瓶取代👍 質感： 啫喱乳液，不起泡 延展性不錯，大約5到6泵可洗全身 清潔度： 以無泡沐浴露來說很不錯，洗完清爽不假滑 沒有滋潤感，但不乾，起碼家中老人洗完不癢也不起蛇皮 使用感受： 浴室有它，少了許多瓶瓶罐罐，清潔容易多了🤭 這瓶的確很溫和，就算發濕疹洗完不塗潤膚都不會掹掹緊👍 由於無泡，所以感覺需要多些用量和時間按摩，如果可以改善每泵的量多些就更好了。 #清潔好物推介

Chloeincosme好用推薦：岩岩分享完粉紅色樽身既保濕型洗面泡泡，依加分享埋粉藍樽身既Bifesta 洗面泡泡（亮白型）！ ☁️ 兩支既泡泡係忌廉厚實感： 一泵出嚟個泡泡同樣好厚實、好有彈性，上臉嗰種忌廉感一樣咁綿密治癒，洗面時好舒服！ 🤔 亮白效果？： 雖然佢名為「亮白型」，主打去角質同提亮，但老實講，用落同粉紅樽保濕型其實差唔多 🤣。洗完嗰下皮膚係乾淨通透咗，但未到會發光或者變白，大家當佢係普通保濕乾淨款咁用就得。 【小結論 📝】 兩支嘅泡泡質地都係滿分，如果你本身唔係大乾肌，其實買邊支都大同小異，邊支做特價就入邊支啦！ #日系品牌

Kelvin好用推薦：Bifesta係金屬樽身，感覺高級啲✨唧出嚟係慕絲狀，泡沬結實，似剃鬚膏嘅mousse。超級綿密泡沫，泡沫有彈性，不易消退。上面輕輕按摩就可以沖洗，容易沖洗乾淨，清潔力十足。 藍色呢款係亮白款，佢嘅亮白程度係因為洗完面去除晒所有油光，令到你啲皮膚睇落乾淨亮白，所以亮白嘅感覺好快就會消失。

Kelvin好用推薦：經典藍色款，添加咗保濕成份，任何皮膚都啱用。 佢比其他研肌，Biore 嘅泡泡洗面膏嘅泡泡更加濃密。而且只係需要好少洗面膏嘅份量，就可以出到好多白色濃厚嘅泡泡。清潔力度好強，做到深層清潔效果，但用後皮膚好乾，即時用返護膚品。如果係油性皮膚會鍾意依種感覺。 特價嘅時候好平，$24兩支，抵用。

TinaWongLK好用推薦：甘多款洗面膏入面， 呢款買得最多支💓 因為每次行donki個陣，都見佢做緊買一送一❤️‍🔥 $24@2 勁平💞💞💞 清潔力方面， 洗得好乾淨 多泡 洗完有少少繃緊嘅乾淨 需要後上多啲保濕cream❤️ 我自己係混合偏乾，皮膚狀態屬於好嗰隻， （無乜暗瘡） 用完覺得好好用😆❣️ 但油肌唔建議使用， 我有frd就係用左皮膚會生暗瘡🥹 #火熱新品

莓莓好用推薦：Senka皇牌保濕洗顏泡泡（Perfect Whip）測評 包裝質感： 藍色管身配白色字體，簡潔乾淨，開口大小適中，好易唧出適當份量。 質地與氣味： 膏體厚實帶珍珠白，有淡淡花香（唔會俗氣）。加水後起泡度極高，用起泡網一捽就出大量豐厚、綿密、有彈性嘅泡沫，倒轉手掌都唔會跌。 使用感受： 泡沫上臉滑溜，大大減少手指同皮膚嘅磨擦。沖水後清爽唔繃緊，感覺洗得好乾淨，但同時有一層好薄嘅保濕膜，唔會乾到「猛猛緊」。毛孔望落更細緻，面油完全消失。 成分專業分析： · 主清潔：肉豆蔻酸、氫氧化鉀（皂基配方），去油力強，適合油肌、混合肌。 · 保濕舒緩：甘油、桑白皮萃取、水解絲蛋白，減少潔後乾燥。 · 注意：乾肌、敏感肌或角質薄嘅人，長期用可能過度清潔，建議一星期用2-3次，或只晚上用。 適合邊啲人？ · ✅ 中至油性、混合性肌膚 · ✅ 夏天易出油、想要清爽潔面感 · ✅ 追求高性價比（開架價錢，專櫃起泡能力） · ❌ 乾性、敏感、濕疹、玫瑰痤瘡皮膚（皂基太刺激） 總結評分（10分滿分）： · 起泡力：9/10 · 清潔力：8.5/10 · 保濕感：6.5/10（對油肌夠，對乾肌唔夠

Sakura醬好用推薦：SENKA專科呢支保濕洗面奶（藍色），可以話係香港開架護膚界嘅「老朋友」啦。由資生堂出嘅，主打平靚正，相信唔少人浴室都會有佢一席之地！ ⭐️質地 擠出嚟係好似乳酪嘅質地，加少少水就可以搓到超多幼細泡沫。我用咗起泡網，泡沫好豐盈！ ⭐️泡沫 啲泡好實淨，唔會搓兩下就冇晒。喺塊面度打圈按摩，完全冇摩擦感，好柔軟、好舒服，洗得仲好乾淨。 ⭐️清潔力 鼻翼同下巴呢啲容易有黑頭、暗粒嘅地方，洗完之後又滑又嫩，乾淨得嚟又有水潤感，完全唔會繃緊！平時出街返工嘅面油、汗水同少少防曬，佢都搞得掂，洗完塊面係會有「啜」一聲嗰種乾淨感覺。不過如果你化緊妝，就一定要落妝先好洗。 ⭐️保濕力 都做到基本保濕嘅，洗完唔會即刻覺得好「掹」。但係天氣好乾，或者你本身係乾性皮膚嘅話，沖完涼記住快啲搽返爽膚水同面霜鎖水，咁就穩陣啲。 邊個啱用？ 最啱中性、混合性、油性皮膚嘅人日常用。乾皮朋友可以夏天用，或者夜晚用。超級敏感肌就自己睇路啦。 ✨【溫和潔淨】+【水油平衡】✨ 呢支洗面奶真係打破咗我對平價潔面嘅想像——清潔力夠晒，但係洗完一啲都唔「掹」面！真係唔輸嗰啲幾百蚊嘅大牌子潔面，洗落個感覺甚至更加舒服！

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

Jasmine L好用推薦：MUJI溫和磨砂潔面乳帶細小顆粒，起泡容易，清潔力夠強，去油同老廢角質都OK，洗完皮膚平滑咗少少，暗粒減少咗啲。 磨砂溫和唔太刺激，但臉頰部位會覺得有啲緊繃，唔夠保濕，要即刻跟保濕產品。 CP值高，適合一週用2-3次。

Tszki好用推薦：肌研去角質洗面乳 質地是膏狀，加水起泡有很豐盈泡沫，而且加入了磨沙成份，可溫和去角質！依款洗面膏洗得好乾淨，而且唔會太 繃緊，用完皮膚好清爽，敏感肌都可以使用！

GinGin好用推薦：依款洗面膏洗得好乾淨，而且唔會乾，用完皮膚好滑，少少份量已經起到好多泡，好抵用，一定會回購

Chloeincosme好用推薦：🤍 泡沫質地：5/5！Bifesta呢支碳酸泡沫潔面真係一按即出超綿密泡沫～啲泡沫細緻到好似忌廉咁，可以輕鬆深入毛孔，按摩嗰陣感覺好舒服，仲有淡淡清新香味！ 🤍 清潔力：4.5/5！清潔力真係冇得輸～可以有效溶解多餘油脂同污垢，洗完面個感覺好清爽，我諗應該好適合油性同混合肌 🤍 保濕度：3/5！對於乾肌來講，用完之後唔會即時有繃緊感，但保濕效果就真係一般，建議洗完之後要即刻做保濕步驟☺️ 🤍 對抗黑頭/暗瘡：4/5！持續使用覺得毛孔有變乾淨，黑頭問題有輕微改善，而且因為清得徹底，暗瘡都生少咗～不過要徹底解決黑頭可能都要加返深層清潔產品！ 總結： 如果你係油肌/混合肌，或者追求強力清潔同豐盈泡沫感，Bifesta呢支碳酸潔面絕對係平價好選擇！佢嘅細緻泡沫同清潔力真係冇得彈，不過乾肌朋友就要注意保濕跟進～整體來講性價比高，用來做日常深層清潔唔會令你失望！

Fng好用推薦：Bifesta 碳酸潔面泡沫 清爽型 膚感同清潔力 作為混合偏乾肌，香港夏天成日面油出汗，但兩頰同眼底偏乾，揀潔面產品好頭痛。Bifesta呢支碳酸泡沫一按就出到超綿密嘅泡沫，好似忌廉質地，上臉好舒服，完全唔需要再打泡。用佢做晚間清潔，輕輕按摩已經可以帶走多餘油垢同防曬，沖水後感覺清爽，但唔會有乾燥感，對於T字位油、面頰乾嘅人來講，平衡度做得幾好。 同價位品牌比較 同樣開架價位，唔少人會揀Biore或者Cow Style嘅泡沫潔面。Biore泡沫相對冇咁實淨，消泡快，清潔力對偏油肌可能唔夠持久；Cow Style就溫和但去油力稍弱。Bifesta碳酸泡沫嘅優勢在於泡沫密度高，吸附力強，清洗毛孔油脂效果更明顯，同時保濕感比一般清爽型產品好少少，適合香港又濕又焗嘅天氣。 整體評價 總結嚟講，呢支潔面係夏天混合肌嘅穩陣之選——方便、爽快但唔過度抽乾。如果兩頰極乾的話，建議只重點清洗T字位，或者轉用滋潤型。至於性價比，佢同其他開架品牌價格相近，但碳酸泡沫嘅使用感同清潔效率略勝一籌！

dor.r好用推薦：無印嘅護膚品性價比一直都好高，呢支for敏感肌嘅洗泡唔止價錢平仲大大支👍🏻用天然水製成，冇香料色素酒精等至敏成分，低刺激性，唧出來啲泡沫都算細緻🫧兩泵已經夠用全面，洗完面幾清爽乾淨，但保濕度差少少塊面有啲繃緊，個人覺得夏天用會適合啲😉

mandy好用推薦：Muji Sensitive Skin Face Soap Foam 敏感肌潔面泡沫 $68/ 200ml 成分簡單，不含酒精、香料及色素，適合敏感肌使用。 敏感肌潔面泡沫是可以一按即出泡沫的設計， 非常適合早上趕時間的都市人及不喜歡自己起泡的用家使用。 敏感肌潔面泡沫可以起出豐盈泡沫，不過泡沫比較軟身， 而不是一般較企身的泡沫。 主要添加了保濕成分，潔面時感到很溫和舒適， 潔面後肌膚很乾淨，也不會感到乾燥。 敏感肌潔面泡沫價位便宜，一按即出泡沫的設計，方便省時， 而且敏感肌及不同膚質都可以使用，可說是沒有什麼缺點， 是一款性價比高的潔面產品。 含保濕成分: 雙丙甘醇, 醣基海藻糖, 聚季銨鹽-51, 丁二醇 及 甘油 抗衰老成分: 甘油 肌膚修復成分: 甘油

Akassoo好用推薦：用開藍色嗰隻，呢排轉試下粉紅色呢隻，主打比藍色更保濕。 藍色嗰隻本身用完之後塊面會好乾，粉紅色呢隻用完之後其實都會乾，但係比起藍色嗰隻會好啲，而粉紅色呢隻亦有膠原蛋白成份。 用開SENKA系列洗面嘅原因就係因為佢性價比高，唔貴但係洗得乾淨。

Shirlin Ho好用推薦： SENKA膠原彈潤洗顏泡泡真係好好用 CP非常高 咁嘅價錢有咁嘅效果非常好 只要份量少少 就可以有好豐富嘅泡泡🫧🫧洗完面之後塊面都唔會好繃緊 都已經唔止買過一支啦 我會推薦俾身邊嘅朋友用👍🏻👍🏻

Kathy Wai好用推薦： 「Hello大家好！今日同大家做個真心評測——Sana豆乳洗面奶！成日見人講平靚正，等我用廣東話同你哋拆解下！」 （Packaging & 質地） 「包裝簡約日系風，唧出嚟係白色乳霜狀，冇乜香味（好感度加分！）。加水輕輕搓幾下，泡沫算綿密，但唔算超厚身個隻，敏感肌用都安心。」 （清潔力測試） 「日常防曬、淡妝（粉底+碎粉）可以直接洗得走，但防水眼線同唇釉就建議先卸妝。洗完面塊面唔繃緊，摸落滑捋捋，仲有少少水潤感～」 （成分重點） 「主打豆乳發酵液+大豆蛋白，溫和保濕冇酒精、冇色素。油肌夏天用夠清爽，乾肌冬天可能要快啲上保養品。」 （性價比 & 適合膚質） 「百零蚊有150g，早晚用都用成3個月！中性/混合/輕度敏感肌最開心，大油田可能覺得清潔力偏柔，建議朝早用。」 綜合評分： · 溫和度：4.8 / 5 · 保濕度：4.5 / 5 · 清潔力：3.8 / 5 · 泡沫質感：4 / 5 · CP值（性價比）：4.5 / 5 （總結） 「總括嚟講：平價基礎清潔入門之選！想穩陣唔踩雷、追求洗完唔乾嘅朋友，呢支值得長備。但追求深層去黑頭/強效控油就唔好抱太大期望啦～」

楊一二好用推薦：呢支SANA豆乳洗面乳，成分天然冇人工香精，帶淡淡豆乳味。不過清潔力偏強，就算係我油性皮膚用完都覺得皮膚好乾，要即刻搽skincare 補濕 所以就算佢價錢好平都未必會回購，會去買返d溫和洗面乳。

Kura好用推薦：呢款洗臉膏嘅清潔力唔錯，無酒精無香味，加水可以起到好濃密嘅泡泡，夏天用去油唔錯，但用完皮膚會有d乾

Zoe好用推薦：價錢合理 正常洗面奶質地 但沒有想像中那麼好用 泡泡還不錯 洗完沒有什麼感覺 可以試一下 對我來說就是普通洗面奶 不要期待太高 不太有美白功效

auntiemuscle好用推薦：寫明係 無香料 paraben free 低敏配方 寫明係 可以幫助抵抗皮膚敏感嘅5種徵兆，其中係皮膚屏障比較弱，因為我有一排成日鼻敏感， 抹鼻捽到鼻 位置紅損 洗完面果啲位置又比較乾 但面其他位置唔用潔面乳洗又唔得 咁岩見到呢支就買左黎試  質地係似軟膏狀比cream狀杰身好多 要比啲力吱出黎（平時啲洗面膏細細力吱已經好多） 一粒黃豆份量已經好夠 加少少水起泡 唔係平時果種豐盈 泡沫 捽試面時會覺得好creamy好滑 過水會有啲困難 佢要慢慢洗 先過得乾淨 但洗完真係唔乾 柔軟好多 我都係用黎作早上洗面用 但亮白效果未見到

Chloeincosme好用推薦：因為爆粒粒所以購入Cetaphill洗面奶，佢標榜溫和潔淨配方，用落零刺激，成個品牌本身已經令人好安心，實際用都完全冇問題！ 🤍 起泡能力：4.5/5 加少少水就好容易搓出綿密細緻嘅泡泡，用量少，唔貴。 🤍 清潔效果：4/5 用完即刻清除到面上多餘油脂，改善暗沉感，最重要係完全冇洗後嘅繃緊拉扯感覺！ 🤍 溫和度：5/5 真係做到溫和潔淨，敏感肌用完全冇出現泛紅或不適，用左一排塊面既粒粒有好返D 🤍 清爽感：4.5/5 沖洗得好乾淨，同時又保持到皮膚水分～ 總結： Cetaphill呢支洗面奶絕對係敏感肌恩物，會持續回購！推薦俾所有追求溫和潔淨同皮膚敏感嘅你！

Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！

zetalhc好用推薦：喺日本藥妝店購入，清潔能力同潔淨毛孔嘅能力都普普通通，但係就勝在性價比好高，長期用可能會覺得洗得唔夠乾淨會堆積角質

Kitty 好用推薦：我係混合肌，夏天用佢洗完清爽又唔乾，毛孔有種識呼吸嘅感覺。泡泡綿密，不過冬天用會乾，夏天就啱啱好。長期用黑頭有減少，油光都收斂咗。平價潔面嚟講無得輸，滿足到基本清潔需求！不過乾肌慎用。

呆呆的槑好用推薦：超平價的洗面奶～ 這款是系列中個人覺得最好用的一支，清潔力強但是不會太乾(起碼我洗完澡吹個頭再搽面也不會太緊繃🤣 味道是偏肥皂味，起泡能力佳，小小就可以洗整塊面，不過很奇怪，要分開加3次水才會搓出綿密的泡泡，不知道大家是不是也這樣🙈 下圖示範： #BA照

Verna好用推薦：這支潔面乳是我在逛個人護理店時買的，我見到它的價錢親民，而且這品牌的產品質素又不錯，就買來試試 我沒有用起泡網來幫助起泡，但它也很容易起泡，泡沫豐盈，用它來洗面很舒服，洗完面後，皮膚很乾淨，也沒有繃繃緊的感覺 整體感覺良好，但沒有很驚豔的感覺，差不多質素的潔面乳有很多選擇，所以用完之後，我未必會回購，反而想試試其他品牌的產品

Lalaleia 好用推薦：普通一支潔面乳，清潔力OK，用完冇話會特別乾，但亦無話皮膚會潤滑，勝在價錢親民。

Noelle S好用推薦：路過見到特價試試。正常的洗面膏，容易起泡，洗完面有潔淨感但唔算乾，名符其實做到moist的效果。價格便宜，家人齊齊用!

東區蘇牙琳好用推薦：Cp 值好高嘅洗臉乳，好起泡✔但洗完臉部會偶爾有啲乾，未見明顯亮白效果，洗完最好接住護膚會比較理想，呢個價錢唔要求太多，洗面係乾淨嘅！

Giselle 好用推薦：Bifesta 碳酸潔面泡沫暗瘡護理型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前貪佢夠方便所以入手嘅產品₍ᐢ⸝⸝› ̫ ‹⸝⸝ᐢ₎ 輕輕一襟就已經有好綿密嘅泡泡可以用*ˊᵕˋ)੭啱晒我呢啲懶得搓泡泡嘅人類"(⌯︎¤̴̶̷̀ω¤̴̶̷́)✧︎佢陣味係碳酸水嘅味，我自己覺得幾特別⸜( ´ ꒳ ` )⸝用完後feel到皮膚變得好乾淨同變滑咗( ˘͈ ᵕ ˘͈ )減少暗瘡效果就唔係好覺，起碼我用完都無覺得痘痘少咗or快咗消失₍ ᐢ. ̫ .ᐢ ₎真係用完後有啲失望₍ᐢ ›̥̥̥ ༝ ‹̥̥̥ ᐢ₎佢一般$50有找而且間唔中都會有特價( ˶ˆ꒳ˆ˵ )

Karman28好用推薦：呢個朋友推薦之後都一直用呢支洗面，已經用左四五支。之前有一排成日生暗粒同敏感，轉左呢隻之後，塊面穩定左好多。唯一唔好係，用剩少少既時候，會唧水出黎，搖一搖就可以唧多少少出黎。