提亮碎粉 推薦好用產品

Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；

Hy好用推薦：這包裝也太可愛了 雖然是試用裝 但很耐用 保質期還是2年多 打開有鏡子 能看清臉上細緻位 用拇指粉撲按在眼角 鼻翼側 🫣 即便平常趕著出門 也能精緻的見面✨ 色號 1 柔彩白 偏亮的自然 不假白 能將臉脖交接的色調融合 是一般可選用 色號2 自然白 適合黃皮使用 不厚重但有修飾瑕疵效果 最新的0號 冷白皮可入 遠近都給人膚白貌美印象

Fanfanmorning好用推薦：首次使用具光澤感的養膚蜜粉！平時我不喜歡韓式油亮妝感，喜歡使用霧面蜜粉定妝，因為好怕定妝後全面立立令好似出晒油咁，而SHISEIDO養膚修護精華蜜粉（光感透亮）就給我非常好的體驗！ 精華蜜粉使用SHISEIDO經典七色蜜粉，利用光線折射原理來把細紋及毛孔柔焦化，以提升遮瑕效果，同時提亮膚色及通透感。 蜜粉隨送的粉樸用毛毛狀的，而盒內的輕易拿取的隔離膠蓋則非常貼心！我經常覺得粉樸使用後直接放回、緊貼隔離網很不衛生，畢竟粉樸會黏上皮膚油份和其它化妝品。而這輕易拿取的隔離膠蓋可分開粉樸和蜜粉，讓人感覺安心。 蜜粉用在手背後可看到細膩的光澤感，就像是皮膚天然的光澤，一點也不誇張明顯，十分適合像我這些怕令立立妝感的人。 全面拍上後效果非常輕盈自然，質感柔滑，技妝度比其它蜜粉更高，多拍幾層亦不會乾燥繃緊，同時霧化毛孔和細紋，而且整天都感覺保濕舒適。首次使用後直接愛上，喜歡它的妝感，更喜歡自然細膩的光澤。與之前使用的蜜粉相比，最明顯的優點必然是它的承焦及光澤感能同時並存。惟一的缺點是隔層網的細孔似乎太細，每次只能佔取很少的粉量，如果網孔可以大一點點點，取粉時更方便就更好啦。

tinahung好用推薦：作為混合油性肌膚，我一直在尋找一款既能控油、又不拔乾，同時能提升膚質通透感的蜜粉。SHISEIDO的這款養膚修護精華蜜粉徹底滿足了我的需求。 首先，它的質地極其輕盈柔滑，均勻貼合肌膚，完全沒有浮粉或結塊的困擾。上臉後，肌膚立刻呈現出柔焦效果，毛孔和細紋彷彿被溫柔地修飾，膚質看起來細膩平滑。最令我驚喜的是其中極其細膩的閃粉，幾乎看不到顆粒，只在光線下折射出非常自然的光澤，彷彿皮膚自身透出的健康光感，絲毫沒有誇張的妝感。 對於T區容易出油的我來說，它的持妝力相當出色。搭配底妝使用，帶妝一整天後，只有鼻翼有輕微油光，用紙巾輕壓後妝面依然完整，沒有出現斑駁或暗沉的情況。更難得的是，儘管控油效果好，臉頰卻不會感到乾燥緊繃，這應該歸功於其中添加的保濕精華成分，讓妝容同時兼具輕盈與潤澤。 蜜粉帶有淡淡的、高級的優雅香氣。不僅能持久定妝，更能提升膚質的光澤與透明感，非常適合追求自然光澤妝效的混合肌與油性肌膚使用。

莓莓好用推薦：Chacott For Professionals 碎粉 788 嘅使用心得分享來啦～✨ 作為一個日日同化妝打交道嘅愛美之人，我真係要同大家大力推薦呢盒「神仙碎粉」！👏🏻 ✨ 第一印象： 一打開盒，見到啲粉末超幼細、好似煙霧咁飄起嚟～😍 粉質真係細緻到冇得彈！摸上手嘅觸感好絲滑，完全冇厚重嘅粉感，即刻加分！ 💁🏻‍♀️ 上臉體驗： 我用化妝掃輕輕掃上臉，瞬間感受到啲粉「融化」喺皮膚上面～ 好似一層薄紗咁，零粉感但又能好好噁定妝！✨ 尤其係T字位同鼻翼，容易出油嘅地方，輕輕按壓多層都唔會結塊或厚重，依然保持通透感～ 真係好適合我哋香港濕熱天氣！☀️ 🌟 重點效果： · 控油力超讚：朝早上妝，到下午都只有微微光澤，冇油光滿面～ 好似自帶柔焦濾鏡！📸 · 持久度滿分：就算戴口罩，都唔會輕易蹭到粉底，妝容保持得好好！ · 自然透亮：唔會死白或者有面具感，皮膚睇起嚟自然有光澤，好似本身皮膚就咁好～💖 🥰 小貼士： 如果你係乾肌，可以局部用喺易出油位；油肌嘅朋友就可以大膽全臉掃上～ 記得用鬆粉掃輕力上妝，效果會更薄透自然哦！ 總括來講，Chacott 788 真係一款平價但高質嘅碎粉

zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好

poonpoon好用推薦：蜜粉偏細蜜，屬於保濕型蜜粉，我簡呢隻係膚色，有少少遮瑕，可以提亮面部膚色。 保濕效果好，濕潤一啲都唔乾身💧佢有一個濾網，可以阻隔多餘嘅蜜粉，取粉少少起霧，不會過於浪費。而且配搭一個黑色粉撲，黑色粉撲可以睇到取粉量，粉撲質地舒服柔軟。按上面冇粉感，妝感輕薄。 因為我係乾性皮膚，夏天對我嚟講係夠，保濕力比美貴婦牌子，唔會乾唔會起皮，水貨百幾蚊有交易🤝

Bendict好用推薦： 呢盒碎粉幾好 因為我試過其他顏色碎粉 始終透明碎粉比較啱男仔 控油效果唔錯 修飾毛孔能力都幾好 粉感唔會太重 同埋MAC呢個碎粉盒個設計非常好 有濾網嘅設計 取粉可以好均勻 另外粉盒分兩層 粉撲取粉之後 可以喺上層搓勻 咁樣比較衛生 因為粉撲同碎粉分層設計 粉撲用完之後唔會污染底層嘅碎粉 👍😸 呢個都推薦

Jasmine L好用推薦：SOFINA Primavista柔光美肌蜜粉我係買白色珠光，粉質細滑，帶柔和珠光，上臉後皮膚即時顯得柔焦透亮，有自然水光感，夜晚係餐廳燈既光下會閃閃地會超靚！✨ 控油力唔錯，T字位半日後都KEEP到唔算多油光，整體妝容持久度OK，唔易卡粉或暗沉。 敏感冇刺激，乾肌要先做好保濕先夠服貼。適合想日常自然提亮嘅女仔，輕薄自然，唔會粉樣！

Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。

Poyobb好用推薦：點解會買💕 開架出名有份量多又唔太貴嘅日本牌子，其實用過好多專櫃牌子嘅碎粉都冇乜特別突出感覺，反而想用返啲多人推薦嘅Chacott碎粉 質地💕 我揀嘅係761色號，屬於自然膚色，大部份香港女仔揀呢隻色都冇錯。冇添加閃粉，不含滑石粉 使用感💕 膚色嘅碎粉，粉質未去到最細，比Laura mercier粗身dd ，但上面有填補毛孔功能。最鐘意係皮膚差、即係爆暗粒嘅時候用，有遮蓋毛孔作用，好似開咗磨皮功能一樣😍 而且唔會反光，只有少許保留底妝既光澤感。上面之後有少許薄霧，粉感明顯🤭 掃碎粉上面後皮膚非常乾爽，即使30幾度嘅，夏天都好乾爽，碎粉吸油力強，香港天氣非常適合。即使全日，持妝度都保留得好好，只有鼻翼微微浮粉。我鍾意留返係當日長時間戶外活動用佢 建議💕 唔好全打開曬成塊貼紙，剪開少少岩岩好倒出嚟。雖然可以加錢配粉撲，我覺得無必要用粉撲，唔太好用。用撲粉粉感重，反而建議用平頭粉底掃，掃兩次全面定妝效果更佳🤭 建議妝前保濕及底霜用保濕款，全面就唔會太乾。761完妝感高級，比透明更優秀。面部有瑕疵一定鍾意🩷 推薦比適合嘅你💕 十分推薦比油性皮膚，或者炎熱又焗既夏天日子混合性皮膚都

bellahly好用推薦：之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰

Clara KY Chan好用推薦：我係第一次用貴價碎粉，完全出乎意料之外，效果好出色，非常鍾意！佢粉質未算最幼細但佢持妝度非常好。 一盒30g真係可以用勁耐，我自己T字位比較油，上左之後可以hold到大半日。喺冬天用佢會有少少乾同卡粉， 不過出左少少油之後成個底妝好好睇，定妝效果亦好好。

Connie好用推薦：透明色號，容量大性價比高，已經用左3盒。四季都啱用，上面後唔會乾但控油好。塊面出油後妝感更好。唯一小缺點係粉撲太硬，我自己係用掃上呢款散粉。

Bubu好用推薦：見平平地又係礦物碎粉所以買左嚟試試，用後性價比不錯！ 用完唔會生暗瘡，而且有修正皮膚泛紅，夏天出街都hold到大半日唔油，只係補一次就ok!

Tracy好用推薦：細細粒幾易攜帶，有防曬嘅作用，粉質唔係太幼細，上面感覺唔夠乾爽，用手直接摸感受下個粉質會覺得有啲黏黏。

Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。

YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉

mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。

Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！

bibikiu好用推薦：柔焦碎粉嘅upgrade版粉紅色可以輕微tone-up之餘加咗一點點（日本人好鍾意講的)「血色感」。用多咗都唔會感覺好厚粉。保濕程度亦非常出衆，全日保濕晤會吸乾面上水粉，但又做到控油功效。 我買的係迷你版，但都可以用好耐！當然買正貨size抵好多。

粉紅寶寶好用推薦：非非非常好用，調色、保濕，用完氣色好bright好粉嫩，唯一缺點係比較貴，應該用完一次，未必捨得再買🙈🙈 購自專門店，希望會出特大size可以抵用啲 另外Laura Mercier嘅磅粉盒都有個缺點，就係個stopper唔好拆，用到最尾好難倒出黎時，連拆stopper都拆唔出，點都會浪費咗個底少少🙈

chewyfruit好用推薦：Canmake絲滑潤澤碎粉用後感 ✨ 外觀同設計 佢個包裝真係夠晒「日系可愛」！個盒細細個，直徑同手掌心差唔多，扁身設計好易塞入化妝袋，帶出街補妝超方便。個粉撲係「重點好評」，好厚身軟熟，絨毛好密，摸落去好似摸緊兔仔耳仔咁舒服！ 🌸 粉質同妝效 粉質係「超級幼細」，打開個盒唔會飛到周圍都係粉（呢點好加分）。 上臉個下真係有驚喜——「即刻柔焦」！ 好似幫塊面開咗層薄薄嘅磨皮濾鏡咁，毛孔同細紋會變朦朧，但完全唔會厚粉或假面。 係一種啞緻絲絨感，光睇皮膚質感好似絨布咁細滑，唔會反光，適合追求自然霧面妝嘅朋友。 💦 保濕同控油表現 · 乾肌朋友注意： 因為入面加咗美容液成分，我自己（混合肌）用落真係唔會抽乾水分，帶妝幾個鐘面頰位都唔會乾到起屑。不過如果你係極乾皮，建議都係做好妝前保濕先。 · 控油力： 屬於「輕中度控油」。油鼻位大約頂到3個鐘開始會少少出油，但唔會溶妝，用紙巾印走油光後，妝面都仲係完整嘅。大油田就可能要補密啲。 ☀️ 防曬bonus 有個SPF23 PA++嘅防曬值，雖然唔可以代替防曬霜，但心理上會覺得安心啲，尤其係喺室內對電腦，或者落街買少少嘢嗰陣，算係多一

Chloeincosme好用推薦：乾性肌膚揀蜜粉真係要好小心，唔係好易會卡粉或者顯乾紋。行街見到呢盒Canmake好多好評嘅碎粉，價錢又唔貴所以就買咗嚟試吓。 **包裝** Canmake 嘅蜜粉包裝一如以往行可愛路線，而且細細盒方便攜帶。 **粉質** 粉質方面，摸上手都算幾細滑，但冇我既愛牌LM嗰種好驚艷嘅感覺。 **使用方法** 可以喺搽完防曬或者底妝之後用，用佢附送嘅粉撲輕輕印喺臉上。乾性肌膚既我會避免用太多，薄薄一層就夠，而易出油嘅地方譬如鼻翼兩側可以加強少少。 **使用效果** 佢嘅柔焦效果唔錯，可以修飾毛孔，令皮膚看起來平滑啲。而且佢喺紫紫地色，有輕微提亮去黃既效果。遮瑕力就比較弱，如果想遮瑕嘅話，就要另外用遮瑕膏！

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Jasmine L好用推薦：之前已經用過米白色，件出咗粉紅色所以買咗。 粉紅色相較買白色會顯得精神啲，因為令到整體妝容帶有血色感，好適合面色比較蒼白嘅女士使用。 乾爽到冇最新嗰隻粉體咁出色，不過相對上調色效果會比較好，適合冬天使用。

Becky CC好用推薦：這款蜜粉控油度算可以，冬天可以維持8至10小時，可以為臉部增添粉紅氣色，不過要注意用量，可以考慮局部上當作打亮，不然會容易顯白

CC好用推薦： 本人一直有用開呢款蜜粉，感覺輕盈質地，易於上妝，不會讓肌膚感覺厚重。 對於油性肌膚來說，這款蜜粉能有效控油，保持妝容持久。 透明的配方可以與大多數膚色完美融合，讓妝容看起來自然，不會有白色殘留。能夠柔化毛孔和細紋，讓肌膚看起來更加光滑。妝容不易脫妝，能夠持續一整天。 整體來說，Laura Mercier 透明蜜粉是一款非常優秀的定妝產品，適合各種膚質的人士。若你在尋找一款能夠長效控油並保持自然妝效的蜜粉，這款產品絕對值得一試！

mandy好用推薦：Laura Mercier Translucent Loose Setting Powder - Glow 亮采透明蜜粉 成分中添加了少許護膚成分，如：控油成分、保濕成分、抗氧化成分及抗衰老等成分。 由於亮采透明蜜粉不帶顏色，所以沒有調色效果，而是只有提亮效果。亮采透明蜜粉的粉質柔滑輕盈，非常薄貼自然，並帶微閃的閃粉，在面上掃開後，就能給面部帶來提亮效果。由於具控油效能，持妝度不錯，午後只少許出油，沒有溶妝。 如果不想整張臉都亮晶晶，可以在全面先使用普通的、不帶閃粉的蜜粉，然後在需要highlight的位置才使用亮采透明蜜粉，那就會更顯自然。 對於那些用膩了完妝效果為霧面肌的人來說，亮采透明蜜粉可以為整張臉自然提亮，不用只能單一選擇matte powder，完妝時展現出自然不浮誇的光澤肌也是另一個很不錯的選擇。 含控油成分：滑石粉 及 玉米澱粉 保濕成分：大豆油 及 辛乙二醇 抗氧化成分：大豆油 及 維他命E 抗衰老成分：大豆油 及 維他命E 油性滋潤成分：大豆油 鎮靜消炎成分：維他命E 美白成分：維他命E

Bendict好用推薦：粉體好細緻 定妝效果亦都好好 有修飾毛孔嘅效果 效果中等 因為附送嗰個粉撲實在太陽春😿 所以我都係用掃嚟上碎粉😹 之後再噴定妝噴霧 夏天酷熱天氣下 個妝可以keep到六個鐘左右 秋天嘅話 個妝係keep到超過八個鐘💪 粉盒設計好靚😺 但打開有小小失望 附送嘅粉撲造功好差 粉盒仲未有濾網設計...... 控制唔到每次倒出嚟嘅量 （我用碎粉掃上粉 每次一定倒過多出嚟）🫠 如果有濾網設計/ 改善粉撲 呢個產品其實值7粒星

Ressie14好用推薦：unlimited 無限輕霧定妝蜜粉, 一盒15g, 白色既蜜粉粉質幼細, 可吸走多餘油光, 但控油效果一般般, 日間會出面油的需要日中補粉。(我混乾同傾向自然妝容, 所以我滿意控油功能) 定妝效果係屬於啞緻透明 (無遮暇效果) 不挑膚色; 沒有任何閃粉。 在產品妝效以外的comment, 就係但我不太喜歡佢出粉洞洞不太暢順! 次次倒出來都要chok好幾下先出到份量既粉末, 使用感受(包裝設計上)略遜。

Sccan好用推薦：用開依隻763號透明霧面碎粉，試下另一個色號788紫色光澤，效果非常好！ 效果： 透明感，提亮，光澤感，平衡膚色 質地：細緻幼滑，薄透 用後感：一向鐘意霧面，但估唔到依款光澤有少少閃粉，但唔會突顯毛孔粗，反而睇落皮膚更滑更有立體感，紫色又能夠提亮同增加透明感，唔會死白，整個妝感又透又薄又亮又持久！

Sarah好用推薦：用過透明色碎粉，不會有假白，帶光澤感，粉質幼細又滑，一盒可以用好耐。

Fng好用推薦：Visee 三色亮膚光感蜜粉😙平價光澤之選 ✨ 粉質與妝效 Visee呢盒三色蜜粉融合咗 粉藍色、粉紫色、粉青色 ，掃上臉後自然融合膚色，粉質細膩唔飛粉，帶有低調光澤感，唔會好似「十八銅人」咁誇張。適合追求自然提亮嘅混合肌，夏天用都唔會厚重～盒內有跟粉撲，唔需要自備掃具使用～ 🌟 持妝與保濕度 控油力屬中等水平，T區大概3小時開始微出油，但唔會斑駁溶妝。兩頰位置保持水潤，冇一般控油蜜粉嘅繃緊感，適合混合乾肌追求水油平衡～ ⚠️ 局限性 遮瑕度接近零，主要係提亮同定妝功效。 🆚 開架產品比較 · VS Canmake蜜粉餅：Canmake更啞光控油，適合油肌；Visee光澤感更自然，適合乾肌同混合肌～ · VS Cezanne光感蜜粉：兩者價位相若，Cezanne更透明；Visee三色調色效果更明顯～ 💡 使用心得 混合乾肌可以掃喺蘋果肌、額頭同下巴位做重點提亮，避開易出油嘅鼻翼位置。補妝時先用吸油紙印走油光，再薄薄補一層，即時恢復清爽妝感～ 推薦度：★★★★☆（4/5，平價光澤蜜粉之選！） 適合：追求自然光澤、預算有限、混合性肌膚使用～ #Visee蜜粉 #三色蜜

bellahly好用推薦：有人話呢隻Visee定妝粉係Givenchy嘅平價替代版，佢都真係算係性價比高。 我呢一款係01號色，有紫色綠色藍色混合，上面比較顯白，亦都幾透薄自然，但唔會有特別遮瑕效果，反而透明感都幾重。 粉盒連同一個粉撲，上妝同補妝都非常方便，適合學生/小資女入手。

Jcxjessie好用推薦：Paul and Joe 嘅碎粉一直都好出名，呢個係由我以前打第一份工第一次出糧一直都用到而家嘅一個牌子。 除咗包裝靚之外，入面嘅蜜粉都好好用，吸油力強而且唔會覺得乾。夏天嘅時候我會喺額頭拍多幾下，咁樣啲瀏海就唔會變得黐立 一盒可以用好耐，其實都幾抵！ 個粉撲嘅質地好舒服，不過洗完之後啲毛會黐實咗，唔能夠重複用。

Circlecyy20好用推薦：呢個牌子除咗包裝靚之外，使用起嚟其實都相當有質感，呢個蜜粉用起嚟都輕薄，令到粉底既持久力加強

TsuenMa好用推薦：#MAKEUPFOREVER 三色定妝蜜粉，先總括一句：有點蝦人用。（我仲未100%拿捏到點樣好好用佢） 01號色Claire / Light 三色蜜粉有粉藍、粉紅同淺肉色： 🩵藍色可以有提亮作用，更顯白，改善蠟黃 🩷粉紅可以均勻膚色，令皮膚有白裡透紅嘅初戀感覺（誇張左） 💛肉色可以再為肌膚做綜合提亮 特別嘅盒裝設計，一扭三色一齊出，本身以為會係可以淨係出其中一色（想太多🤣） 我的用法： 扭出黎後搖平均晒佢地先再用碎粉掃上面，多藍色嘅粉要避開毛孔粗大位置（試過無理到就甘全面上，令到毛孔highlight左，放大左好多🥲，不過如果本身皮膚白滑，應該就不成問題。） 同埋我可能岩用02號色多啲，01號色略嫌有點太白😖

Minnie Tse好用推薦：我買2.0 medium 提升氣色 如果想要白d 就1.0 light 配方含極幼細珍珠粉末 做到霧化柔焦底同時帶自然透肌光感效果 可以上T 字位 有啲highlight 的感覺 一扭一掃， 用的時候先扭出來