shu uemura 植村秀

unlimited 無限輕透定妝蜜粉

粉體好細緻 定妝效果亦都好好 有修飾毛孔嘅效果 效果中等 因為附送嗰個粉撲實在太陽春😿 所以我都係用掃嚟上碎粉😹 之後再噴定妝噴霧 夏天酷熱天氣下 個妝可以keep到六個鐘左右 秋天嘅話 個妝係keep到超過八個鐘💪 粉盒設計好靚😺 但打開有小小失望 附送嘅粉撲造功好差 粉盒仲未有濾網設計...... 控制唔到每次倒出嚟嘅量 （我用碎粉掃上粉 每次一定倒過多出嚟）🫠 如果有濾網設計/ 改善粉撲 呢個產品其實值7粒星

我會形容佢係蜜粉界中嘅控油黑馬 雖然係植村秀產品中 佢唔算最出名嘅產品 但依款蜜粉 我用完有再回購 因為佢真係好控油 以日韓牌唔嚟講 我覺得佢控油程度係我用過最好 而且佢上妝郁係好薄透自然 粉質都勁細緻 會遮毛孔效果 用完唔會影響妝感 或卡粉問題 不過建議用返蜜粉掃 效果會好啲 用佢本身粉撲會有啲「食粉底」 同埋冬天嚟講 保濕度唔夠 所以我會留返夏天用 但都勁力推薦油肌們比個機會佢

unlimited 無限輕霧定妝蜜粉, 一盒15g, 白色既蜜粉粉質幼細, 可吸走多餘油光, 但控油效果一般般, 日間會出面油的需要日中補粉。(我混乾同傾向自然妝容, 所以我滿意控油功能) 定妝效果係屬於啞緻透明 (無遮暇效果) 不挑膚色; 沒有任何閃粉。 在產品妝效以外的comment, 就係但我不太喜歡佢出粉洞洞不太暢順! 次次倒出來都要chok好幾下先出到份量既粉末, 使用感受(包裝設計上)略遜。

Shu uemura unlimited無限輕透定妝蜜粉，呢個碎粉粉質幼細，定妝功能強勁，全日妝容都keep得好好，推薦👍🏻

小黑磚蜜粉必定係油性皮膚既首選，粉質幼細，即使重複上粉，都冇厚重感，同埋佢係超級控油，持久度亦唔錯，保持膚質粉嫩。雖然冬天用會覺得有啲顯乾紋，但香港長期夏天，就冇咩問題啦

我皮膚係油性，尤其T字位，超級容易出油，揀碎粉見到控油就忍唔住入貨。我喺其他網站介紹同推薦，即刻買黎試，包裝係黑色系，連粉樸都係黑色設計，缺點係開唔到盒入面出碎粉嘅蓋，因為用完後想Refill；粉樸容易爛同難洗，忍唔住我換左。 呢隻見佢粉質咁幼細，即時效果係霧面同好快吸到油脂，不過持妝度完全唔得，唔夠半個鐘就出返油光同冇左霧面妝容，控油效果可以話冇。 總括黎講只係好普通嘅碎粉，同佢講嘅16小時控油完全不符。只能講佢唔啱我。

粉質都很細，定妝效不錯，唯一缺點是倒粉的出口太小經常倒過界或粉撲細而要重覆上妝很多次比較煩

BA通知新品到貨叫我去試一試🤔粉質是觸摸得到的細緻級別，由於碎粉產品配搭粉撲實在略為厚重，還是推薦碎粉刷，會更為自然！天氣開始炎熱，它的定妝能力可以維持過半天，合格！